16-11-2022, 16:44
“Rusiyanın sülh danışıqlarına cavabı budur” - Nazir
Ukraynanın Rusiya raketləri ilə kütləvi şəkildə atəşə tutulmasının qarşısı ancaq Ukrayna silahlarının və prinsiplərinin gücü ilə alına bilər. Bunu Ukraynanın xarici işlər naziri Dmitri Kuleba deyib. “Hazırda Rusiya raketləri bütün Ukraynada insanları öldürür və infrastrukturu məhv edir. Budur Rusiyanın sülh danışıqlarına cavabı”, - deyə XİN başçısı bildirib. O, həmçinin deyib: “Terroru ancaq silahlarımızın və prinsiplərimizin gücü ilə dayandırmaq olar”. Xatırladaq ki, noyabrın 15-də irimiqyaslı raket hücumu zamanı Ukraynaya onlarla raket atılıb. Rusiya ordusu bu gün Ukraynaya 100-ə yaxın raket atıb. Raketlərdən ikisi Polşanın Ukrayna ilə sərhəddə yerləşən Prjevoduv şəhərinə düşüb. Hadisə nəticəsində iki nəfərin öldüyü bildirilir.
16-11-2022, 16:41
Rusiya Polşaya raket atılması barədə açıqlama yaydı
Rusiya tərəfi Polşa ərazisinə raket düşməsi ilə bağlı xəbərlərə münasibət bildirib. Məlumatı Rusiya Müdafiə Nazirliyi yayıb. "Polşa KİV-lərinin və rəsmilərinin Rusiya raketlərinin Prjevoduv ərazisinə düşməsi ilə bağlı açıqlamaları məqsədli təxribatdır”, - açıqlamada deyilir. Bildirilib ki, Rusiya tərəfindən Polşa-Ukrayna sərhədindəki hədəflərə hücum həyata keçirilməyib. Xatırladaq ki, Rusiya ordusu bu gün Ukraynaya 100-ə yaxın raket atıb. Raketlərdən ikisi Polşanın Ukrayna ilə sərhəddə yerləşən Prjevoduv şəhərinə düşüb. Hadisə nəticəsində iki nəfərin öldüyü bildirilir.
16-11-2022, 16:37
Estoniyadan Polşaya dəstək: Müdafiəyə hazırıq!
Estoniya Xarici İşlər Nazirliyi (XİN) Polşaya dəstək nümayiş etdirib. Bu barədə Estoniya XİN "Twitter" hesabında məlumat paylaşıb. “Polşadan gələn son xəbərlər narahatlıq doğurur. Polşa və digər müttəfiqlərlə sıx məsləhətləşmələr aparırıq. Estoniya NATO ərazisinin hər qarışını müdafiə etməyə hazırdır. Biz yaxın müttəfiqimiz Polşa ilə tam həmrəyik”, - paylaşımda deyilir. Xatırladaq ki, Rusiya ordusu bu gün Ukraynaya 100-ə yaxın raket atıb. Raketlərdən ikisi Polşanın Ukrayna ilə sərhəddə yerləşən şəhərinə düşüb. Hadisə nəticəsində iki nəfərin öldüyü bildirilir.
16-11-2022, 16:29
Polşa Ukrayna ilə sərhəddə qırıcıları havaya qaldırdı
Polşa Hərbi Hava Qüvvələrinə məxsus təyyarələr havaya qaldırılıb. Bu barədə Polşa mətbuatı məlumat yayıb. Təyyarələr Polşa-Ukrayna sərhədində patrol uçuşları həyata keçirir. Bundan əlavə, NATO-ya məxsus pilotsuz uçuş aparatları da Polşa-Ukrayna sərhədində uçuşlar edir. Qeyd edək ki, Rusiya bu gün Ukraynaya 100-ə yaxın raket atıb. Raketlərdən ikisi Polşa ərazisinə düşüb. Hadisə nəticəsində mülki şəxslərin həlak olduğu bildirilir. Polşa hökuməti hadisədən sonra təcili iclas çağırıb.
16-11-2022, 16:28
Qətnaməyə etiraz edən senator Azərbaycanı dəstəklədi
Fransa Senatında Azərbaycan əleyhinə qətnaməyə qarşı çıxan yeganə senator Natali Qule olub. Natali Qule Azərbaycanı hədəfə alan qətnamənin əleyhinə səs verib və ölkəmizin haqlı mövqeyini dəstəkləyib. Qeyd edək ki, bu gün Fransa Senatı Azərbaycana qarşı sanksiyaların tətbiqi ilə bağlı qətnamə qəbul edib. Sənədin lehinə 295, əleyhinə 1 senator səs verib. Qətnamənin müəllifləri Bruno Retaio, Patrick Canneri, Herve Marsey və Elian Asasidir. Daha sonra Kristian Kambo və Gilbert-Lyuk Devinaz da onlara qoşulub. Qətnamədə Azərbaycandan qaz və neft tədarükünə embarqonun tətbiqi imkanlarına baxılması təklifi yer alıb.
16-11-2022, 16:25
Rusiya 7 milyondan çox ukraynalını işıqsız qoydu
Ukraynada Rusiyanın raket zərbələri nəticəsində 15 energetika obyekti zədələnib. Bu barədə Ukrayna Prezident Ofisi rəhbərinin müavini Kirilo Timoşenko bildirib. Onun sözlərinə görə, Rusiyanın hücumları nəticəsində 7 milyondan çox abonent işıqsız qalıb. Timoşenko, həmçinin vurğulayıb ki, Ukraynaya 90-dan çox raket atılıb, ölkənin hava hücumundan müdafiə sistemləri 70 raketi vurub. Qeyd edək ki, Ukraynanın bütün regionlarında elektrik enerjisinin fövqəladə kəsilməsi başlayıb.
16-11-2022, 16:23
Ukraynada daha bir azərbaycanlı döyüşçü həlak oldu
Ukraynada daha bir azərbaycanlı döyüşçü həlak olub. Polkovnik-leytenant Samir Rüstəmov Xarkov istiqamətdə döyüşlərdə iştirak edib. O, hərbi əməliyyatlar zamanı dünyasını dəyişib. Məlumata görə, Samir Rüstəmovun atası əslən Zəngilan rayonundan, anası isə ukraynalıdır. O, subay olub. Mərhum bu gün Xarkov şəhərində dəfn olunub.
16-11-2022, 16:21
Rusiya Polşaya raket atdı - Ölənlər var
Polşanın Ukrayna ilə sərhəddə yerləşən Prjevodov şəhərinə iki raket düşüb. Bu barədə Polşanın Zet radiostansiyası məlumat yayıb. Bildirilir ki, hadisə zamanı iki Polşa vətəndaşı həlak olub. Yerli polis, prokurorluq və Polşa ordusunun bölmələri hadisə yerinə cəlb olunub. Qeyd edək ki, bu gün Rusiya ordusu Ukraynaya kütləvi şəkildə raket zərbələri endirib. Polşaya düşən raketlərin Rusiya tərəfindən atıldığı güman olunur.
16-11-2022, 16:19
Müvəkkil Hüquq Mərkəzi Fransa Senatının qətnaməsinə etiraz edib
Fransa Senatının Azərbaycan əleyhinə qəbul etdiyi Qətnamə Qafqazda sülhün və sabitliyin yaradılmasına qarşı qərəzli münasibətin təzahürüdür. Fransanın mövqeyi bir daha sübut edir ki, uzun müddət Qarabağ münaqişəsinin danışıqlar yolu ilə həll edilməsi üçün təsis edilmiş ATƏT-in Miniski qrupuna həmsədirlik etmiş Fransa höküməti məhz qərəzli mövqeyi ilə münaqişənin danışıqlar yolu ilə həllinə mane olmuşdur. Azərbaycan dövləti münaqişənin daimi BMT-nin qəbul etdiyi 30 aprel 1993-cü il tarixli, 822 saylı, 29 iyul 1993-cü il tarixli , 853 saylı, 14 oktyabr 1993-cü il tarixli, 874 saylı, 12 noyabr 1993-cü il tarixli Qətnamələri çərçivəsində həll olunması ilə bağlı sona qədər fəaliyyətini davam etdirdi. Lakin 26 sentaybr 2020-ci il tarixində Ermənistanın bütün cəbhə boyu irimiqyaslı təxribatının qarşısını alınması ilə bağlı hərbi əməliyyatları başlamaq məcburiyyətində qaldı. Münaqişənin həlli istiqamətində 10 noyabr 2020-ci il üçtərəfli bəyannaməyə sadiqliyini nümayiş etdirən Azərbaycan tərəfi Qafqazda sülhün və sabitliyin təmin olunması üçün bütün səylərini davam etdirir. Lakin Ermənistan tərəfi Fransa kimi hökümətlərin əlində siyasi alətə çevrilməklə yenidən sülh prosesinə zərbə vurur. Qəbul edilmiş Qətnamə sülh danışıqlarına və sülh müqaviləsinin bağlanması prosesinə böyük zərbədir. Qətnamə beynəlxalq hüququn prinsiplərinə ziddir. Əlcazairdə, Ruanda da 2 milyona yaxın insanı soyqırıma məruz qoyan Fransa dövlətinin prezidenti E.Makronun korporativ maraqlardan çıxış etməsini şiddətlə qınayır və hökuməti ermənilərin separatçı mövqeyini dəstəkləməklə Helsinki Yekun Aktında əks olunan beynəlxalq hüququn hamılıqla qəbul edilmiş suverenlik, ərazi bütövlüyü prinsiplərinə qarşı çıxdığını bəyan edirik.
Səməd Vəkilov - Müvəkkil Hüquq Mərkəzinin sədri
16-11-2022, 15:53
Müvəkkil Hüquq Mərkəzi Fransa Senatının qətnaməsinə etiraz edib
Fransa Senatının Azərbaycan əleyhinə qəbul etdiyi Qətnamə Qafqazda sülhün və sabitliyin yaradılmasına qarşı qərəzli münasibətin təzahürüdür. Fransanın mövqeyi bir daha sübut edir ki, uzun müddət Qarabağ münaqişəsinin danışıqlar yolu ilə həll edilməsi üçün təsis edilmiş ATƏT-in Miniski qrupuna həmsədirlik etmiş Fransa höküməti məhz qərəzli mövqeyi ilə münaqişənin danışıqlar yolu ilə həllinə mane olmuşdur. Azərbaycan dövləti münaqişənin daimi BMT-nin qəbul etdiyi 30 aprel 1993-cü il tarixli, 822 saylı, 29 iyul 1993-cü il tarixli , 853 saylı, 14 oktyabr 1993-cü il tarixli, 874 saylı, 12 noyabr 1993-cü il tarixli Qətnamələri çərçivəsində həll olunması ilə bağlı sona qədər fəaliyyətini davam etdirdi. Lakin 26 sentaybr 2020-ci il tarixində Ermənistanın bütün cəbhə boyu irimiqyaslı təxribatının qarşısını alınması ilə bağlı hərbi əməliyyatları başlamaq məcburiyyətində qaldı. Münaqişənin həlli istiqamətində 10 noyabr 2020-ci il üçtərəfli bəyannaməyə sadiqliyini nümayiş etdirən Azərbaycan tərəfi Qafqazda sülhün və sabitliyin təmin olunması üçün bütün səylərini davam etdirir. Lakin Ermənistan tərəfi Fransa kimi hökümətlərin əlində siyasi alətə çevrilməklə yenidən sülh prosesinə zərbə vurur. Qəbul edilmiş Qətnamə sülh danışıqlarına və sülh müqaviləsinin bağlanması prosesinə böyük zərbədir. Qətnamə beynəlxalq hüququn prinsiplərinə ziddir. Əlcazairdə, Ruanda da 2 milyona yaxın insanı soyqırıma məruz qoyan Fransa dövlətinin prezidenti E.Makronun korporativ maraqlardan çıxış etməsini şiddətlə qınayır və hökuməti ermənilərin separatçı mövqeyini dəstəkləməklə Helsinki Yekun Aktında əks olunan beynəlxalq hüququn hamılıqla qəbul edilmiş suverenlik, ərazi bütövlüyü prinsiplərinə qarşı çıxdığını bəyan edirik.
Səməd Vəkilov - Müvəkkil Hüquq Mərkəzinin sədri
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!