21-03-2026, 14:15
İsrailli generalın elektron poçtu sındırıldı
İsrail generalı Eran Ortalın elektron poçt hesabı "Hanzala" haker qrupu tərəfindən sındırılıb.
İran mediasının məlumatına görə, qrup 100.000 məxfi elektron poçtu ələ keçirib.
İddia edilir ki, bu məlumatlar soyqırımı siyasəti və hərbi strategiyaların təfərrüatlarını açıqlayır.
21-03-2026, 14:12
“Bəsic”in öldürülən rəhbərliyindəki adlar açıqlanıb - SİYAHI
İslam İnqilabı Keşikçiləri Korpusuna (SEPAH) bağlı “Bəsic” yarımhərbi qüvvələrinin həlak olan üzvlərinin adları açıqlanıb.
Bu barədə “Mehr” agentliyi məlumat yayıb.
“Bəsic”in komandiri general-leytenant Qulamrza Süleymani və komandir müavini Əzim Esmeili də daxil olmaqla, ümumilikdə 15 nəfər həlak olub.
Siyahıda həmçinin İsmayıl Əhmədi, Əmirhüseyn Pakdamen, Mahmud Reşno, Yusuf Dörvişi, Məhəmməd Hüseyn Abedini, Məhəmmədrza Talebi, Səccad Qənbəri, Məsud Sadeqi, Mehdi Həmzəpur, Məhəmmədrza Əbuditzadə, İman Çitsazan Moqaddam, İbrahim Kaşi və Mehdi Çenqani də var.
Bildirilir ki, bu şəxslər “Bəsic”də əsas funksiyaları yerinə yetirib və münaqişə zamanı döyüş əməliyyatlarında iştirak ediblər.
21-03-2026, 14:00
Tramp İranla müharibəni dayandırmaq istəyir
ABŞ İrana qarşı hərbi əməliyyatlara son qoymaq imkanını nəzərdən keçirir.
Bu haqda ABŞ prezidenti Donald Tramp özünün Truth Social platformasında bildirib. Onun sözlərinə görə, ABŞ məqsədlərinə çatmağa çox yaxındır.
“İranın raket potensialının, buraxılış qurğularının və onlarla bağlı hər şeyin tam məhv edilməsi, İranın müdafiə-sənaye bazasının sıradan çıxarılması, dəniz və hava qüvvələrinin, o cümlədən hava hücumundan müdafiə sistemlərinin ləğv edilməsi, İranın nüvə potensialına yaxınlaşmasının belə qarşısının alınması və bu cür hallar yaranarsa, sürətli və effektiv reaksiya verməyə hazır olmaq, Yaxın Şərqdəki müttəfiqlərimizin – o cümlədən İsrail, Səudiyyə Ərəbistanı, Qətər, Birləşmiş Ərəb Əmirlikləri, Bəhreyn, Küveyt və digərlərinin – ən yüksək səviyyədə müdafiəsini təmin etmək lazımdır”, - Tramp yazıb.
O, həmçinin bildirib ki, Hörmüz boğazından istifadə edən ölkələr onu ABŞ-ın köməyi olmadan da müdafiə etməli olacaqlar.
“Əgər xahiş etsələr, biz onlara kömək edərik, lakin İran tərəfindən olan təhlükə aradan qaldırıldıqdan sonra buna ehtiyac qalmayacaq”, – deyə ABŞ prezidenti bildirib.
ABŞ-İsrail kolasiyasının İrana qarşı hücumu fevralın 28-də başlayıb.
21-03-2026, 13:52
İsrail İran kəşfiyyatının axtarılan məmurunu öldürüb
İsrail ordusu İran kəşfiyyat nazirliyinin yüksək vəzifəli məmuru Mehdi Rostami Şamestaninin də Tehrana hava hücumunda öldürüldüyünü açıqlayıb.
Əməliyyat İsrail Hərbi Hava Qüvvələri tərəfindən “Mossad” və “Şin Bet” kəşfiyyat xidmətləri ilə sıx əməkdaşlıq şəraitində həyata keçirilib.
İsrail ordusu Mehdi Rostami Şamestanini kəşfiyyat nazirliyində "İsraildə və xaricdə İsrail vətəndaşlarına və yəhudilərinə qarşı əməliyyatların aparılmasında əsas rol oynayan fiqur" adlandırıb.
Bun görə də İsrail tərəfi çoxdan idi ki, Mehdi Rostami Şamestanini axtarırdı.
İran hakimiyyəti hələlik məlumatı təsdiqləməyib.
21-03-2026, 13:03
Ərdoğan Türk dünyasına mesaj verdi: Bu il...
Türkiyə Prezidenti Rəcəb Tayyib Ərdoğan Novruz bayramı ilə bağlı Qaziantepdə keçirilən tədbirə videomüraciət ünvanlayıb.
Türkiyə Prezidenti Novruz bayramı münasibəti ilə Türk Dövlətləri Təşkilatına (TDT) daxil olan ölkələri təbrik edib:
"Türk dünyasının dörd bir ucunda eyni duyğu ilə Novruz tonqalının ətrafına toplanırıq. Bu duyğudaşlığı daha da gücləndirəcək addım kimi Novruzu hamımız üçün ortaq gün halına gətirdik. 2026-cı ildə mövcud implusu artıracaq TDT ölkələrinin 13-cü Zirvə Toplantısına Türkiyədə ev sahibliyi edəcəyik. Bu vəsilə ilə Azərbaycandan Qazaxıstana, Qırğızıstandan Özbəkistana, Türkmənistandan Şimali Kipr Türk Respublikasına və Macarıstana qədər bütün dost və qardaşlaırmızın Novruz bayramını ürəkdən təbrik edirəm".
21-03-2026, 12:28
Sabahın hava proqnozu açıqlandı
Milli Hidrometeorologiya Xidməti sabahın hava proqnozunu açıqlayıb.
Milli Hidrometeorologiya Xidmətinin məlumatına görə, martın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. gecə və səhər bəzi yerlərdə zəif duman olacaq. Şimal-şərq küləyi əsəcək.
Havanın temperaturu gecə 6-9° isti, gündüz 11-16° isti olacaq. Atmosfer təzyiqi 758 mm civə sütunundan 761 mm civə sütununa yüksələcək. Nisbi rütubət 75-85 % təşkil edəcək.
Azərbaycanın rayonlarında bəzi yerlərdə arabir yağıntılı olacağı gözlənilir. Ayrı-ayrı yerlərdə qısa müddətə intensivləşəcəyi, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Bəzi yerlərdə arabir duman olacaq. Mülayim şərq küləyi əsəcək.
Havanın temperaturu gecə 6-10° isti, gündüz 14-19° isti, dağlarda gecə 2° şaxtadan 3°-dək isti, gündüz 5-10° isti olacaq.
21-03-2026, 12:23
ABŞ İran nefti ilə bağlı qadağanı ləğv etdi
Ağ Ev İran neftinin alışına qoyulan sanksiyaları 30 gün müddətinə ləğv edib.
Bu barədə "The Guardian" nəşri məlumat yayıb.
ABŞ maliyyə naziri Skott Bessentin sözlərinə görə, bu, təxminən 140 milyon barel neftin qlobal bazara daxil olmasına və qiymətlərin qismən aşağı düşməsinə imkan verəcək.
Qeyd edək ki, münaqişənin başlanğıcından bəri neftin qiyməti 50%-dən çox artaraq 1 barel üçün 100 dolları keçib - bu, 2022-ci ildən bəri ən yüksək səviyyədir. Bu fonda ABŞ administrasiyası qarşıdan gələn aralıq Konqres seçkilərini nəzərə alaraq, daxili bazar da daxil olmaqla, qiymətləri aşağı salmaqda maraqlıdır.
Son iki həftə ərzində bu, sanksiyaların üçüncü müvəqqəti yumşaldılmasıdır. Hazırkı tədbirlər 19 aprelə qədər qüvvədə qalacaq və yalnız artıq neftlə yüklənmiş tankerlərə şamil ediləcək.
Lakin yumşaldılma Kuba, Şimali Koreya, qondarma "Donetsk Xalq Respublikası" və "Luqansk Xalq Respublikası"na, Rusiya işğalı altındakı Krıma göndərilən neft daşınmalarına şamil edilmir.
21-03-2026, 12:13
Putin MDB ölkələrini təbrik etdi - Siyahıda Azərbaycan da var
Rusiya Prezidenti Vladimir Putin bir sıra ölkələrin liderlərini Novruz bayramı münasibi ilə təbrik edib.
Bu barədə rəsmi Kremlin saytında məlumat dərc olunub.
Rusiya Prezidenti Azərbaycan Respublikasının Prezidenti İlham Əliyevə, Qazaxıstan Respublikasının Prezidenti Qasım-Jomart Tokayevə, Qırğızıstan Respublikasının Prezidenti Sadır Japarova, Tacikistan Respublikasının Prezidenti Emoməli Rahmona, Türkmənistan Prezidenti Serdar Berdimuhammadova, Türkmənistan Xalq Məclisinin sədri Qurbanqulu Berdimuhammadova və Özbəkistan Respublikasının Prezidenti Şavkat Mirziyoyevə Novruz bayramı münasibətilə təbriklər göndərib.
Təbrik məktublarında MDB ölkələri ilə ikitərəfli münasibətlərin yüksək səviyyəsi qeyd olunub və onlarla qarşılıqlı faydalı, çoxşaxəli əlaqələrin bundan sonra da uğurla inkişaf edəcəyinə əminlik ifadə olunub.
21-03-2026, 12:12
Şahdağa qar yağıb - Faktiki hava şəraiti
Martın 21-i saat 11:00-a olan faktiki hava şəraiti açıqlanıb.
Martın 21-i saat 11:00-a olan məlumatına əsasən, ölkə ərazisinin bəzi yerlərində arabir yağıntılı hava şəraiti müşahidə olunub, Şahdağa isə qar yağıb.
Düşən yağıntının miqdarı Sarıbaşda (Qax) 9, Balakən və Oğuzda 5, Tərtərdə 4, Şahbuz, Şəki, Qəbələ, Zaqatala, Xaltan (Quba), Beyləqan və Ağdamda 3, Astara, Şərur, Sədərək, Naftalan, İsmayıllı, Şamaxı, Xızı, Bərdə, Zərdab, İmişli, Sabirabad və Biləsuvarda 2, Naxçıvan, Daşkəsən, Gədəbəy, Göygöl, Gəncə, Şəmkir, Tovuz, Qobustan, Mingəçevir, Yevlax, Göyçay, Kürdəmir, Neftçala, Yardımlı, Lerik, Lənkəran, Cəlilabad, Goranboy, Kəlbəcər, Laçın, Qubadlı, Şuşa, eləcə də Bakıda və Abşeron yarımadasında 1 mm-dək qeydə alınıb.
Martın 20-də bəzi yerlərdə qərb küləyi əsib, küləyin maksimal sürəti Qusarda (Şahdağ) 20, Şabranda 18, Kəlbəcərdə 17 m/s-dək güclənib.
21-03-2026, 12:09
Putin Pezeşkiana mesaj yolladı: İranın yanındayıq!
Rusiya Prezidenti Vladimir Putin Novruz bayramı münasibətilə İranın Ali Lideri Ayətullah Seyid Müctəba Xamenei və Prezident Məsud Pezeşkiana ayrı-ayrılıqda təbrik mesajları göndərib.
Məlumatı rəsmi Kreml açıqlayıb.
Bu mesajlarda Rusiya Prezidenti İran xalqına çətin təcrübələrin öhdəsindən gəlməkdə uğurlar arzulayıb və Moskvanın bu kritik şəraitdə etibarlı tərəfdaş kimi Tehranın yanında sadiq qalacağını vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!