5-09-2022, 00:48
Qonşu ölkənin meşələri yanır
Gürcüstanda bir neçə yerdə eyni anda meşə yanğınları başlayıb. Butov.az xəbər verir ki, qonşu ölkənin Tetricğaro, Kvareli, Mestia və Çoxatauri bələdiyyələrinin ərazisindəki meşə sahələrində yanğın baş verib. Fövqəladə Hallar İdarəsi hadisə yerinə yanğınsöndürmə qruplarının səfərbər olduğunu bildirib. Bundan əlavə, Çoxatauri bələdiyyəsinin Zemo Xeti ərazisində, Mestia bələdiyyəsinin Latali, Kvareli bələdiyyəsinin Şilda, Tetricğaronun isə Asureti kəndində yanğın ocaqlarının söndürüldüyü deyilir. Fövqəladə Hallar İdarəsi digər ərazilərdə yanğının lokallaşdırılması işlərinin davam etdirildiyini qeyd edib.
5-09-2022, 00:40
Çeçen döyüşçülər Donetskdə hücuma keçdi
Çeçenistan Respublikasının rəhbəri Ramzan Kadırov Donetsk ərazisində hücuma başlandığını elan edib. Bu barədə Kadırov Telegram kanalında məlumat yayıb. Onun sözlərinə görə, hücum "Axmat" xüsusi təyinatlıları və digər korpuslar tərəfindən təşkil edilib. Qeyd olunub ki, qırıcılar Soledar, Yakovlevka və Seversk istiqamətində aktiv şəkildə hərəkətə keçib.
5-09-2022, 00:37
Rusiyanın Çindəki səfiri istefa verdi
Rusiyanın Çindəki səfiri Andrey Denisov istefa verib. Butov.az xəbər verir ki, diplomat tezliklə vəzifəsini tərk etmək qərarına gəlib. “Bəli, həqiqətən də, Çin Xarici İşlər Nazirliyinin və digər ölkələrin Pekindəki diplomatik nümayəndəliklərinin artıq bildirdiyi kimi, vəzifəmi yaxın vaxtlarda tərk edirəm”, - rusiyalı diplomat açıqlamasında deyib.
4-09-2022, 23:29
ABŞ səfiri Rusiyanı tərk etdi
ABŞ-ın Rusiyadakı səfiri Con Sallivan bu gün diplomatik missiyasını başa vuraraq Moskvanı tərk edib. Bu barədə səfirlik rəsmi məlumat yayıb. Sallivanın səlahiyyətlərini müvəqqəti olaraq müavini Elizabet Rud icra edəcək. Qeyd edək ki, Con Sallivan 2019-cu ilin dekabr ayında ABŞ-ın Rusiyadakı səfiri təyin edilmişdi.
4-09-2022, 16:28
Qazaxıstanda fövqəladə vəziyyət elan olundu
Qazaxıstanın şimalındakı Kostanay vilayətinin hakimiyyət orqanları meşə yanğınları ilə əlaqədar bölgədə fövqəladə vəziyyət elan edib. Bu barədə vilayət administrasiyasının mətbuat xidməti məlumat yayıb. Səlahiyyətlilərin məlumatına görə, bölgədən 1800 nəfər təxliyə edilib. "Məktəblərdə 200-ə yaxın insan yaşayır. Bir çoxları təhlükəsiz olduqlarından əmin olaraq evlərinə qayıdıblar, qalanları qohumlarının yanına gedib. 108 binaya ziyan dəyib, onlardan 98-i tamamilə yanıb”, - mətbuat xidmətindən bildirilib. Fövqəladə Hallar Nazirliyinin son məlumatına görə, təbii fəlakət nəticəsində bir nəfər ölüb, on nəfər xəsarət alıb. Yanğının əhatə etdiyi ərazi 43 min hektardan çoxdur.
4-09-2022, 16:21
Fələstində İsrail casusları edam edildi
Qəzzada beş nəfər edam edilib, onlardan ikisi İsrailə casusluqda, üçü isə cinayətdə günahkar bilinib. Butov.az xəbər verir ki, Fələstin Daxili İşlər Nazirliyinin yaydığı məlumata görə, bir məhbusun 2001-ci ildə İsrail kəşfiyyatına informasiya ötürməsi və bunun nəticəsində bir çox fələstinlinin ölümünə səbəb olması faktı təsdiqlənib. Digər şəxsin də İsrail kəşfiyyatına çalışdığı, 1991-ci ildə İsrailə məlumat ötürdüyü, nəticədə bir fələstinlinin ölümünə, bir neçəsinin yaralanmasına səbəb olduğu qeyd edilib. Fələstin qanunlarına əsasən, 2 casusun və cinayət törətdiyi təsdiqlənmiş digər 3 nəfərin edam edilməsinə qərar verilib.
4-09-2022, 16:20
Helikopter binaların üzərinə düşdü - Ekipaj öldü
Suriyanın Həma şəhərində hərbi helikopter qəzaya uğrayaraq, yaşayış binalarının üzərinə düşüb. Butov.az xəbər verir ki, Suriyanın Müdafiə Nazirliyi helikopterin ekipajının həlak olduğunu açıqlayıb, lakin binaların sakinləri arasında itkilər barədə məlumat verilməyib. Helikopterin texniki nasazlıq səbəbindən qəzaya uğradığı deyilir.
4-09-2022, 16:17
Conson hakimiyyətdə qalmaq istəyir
Böyük Britaniyanın Baş naziri vəzifəsindən istefa verən Boris Conson hakimiyyətə geri qayıtmağa cəhd edə bilər. Bu barədə CNN məlumat yayıb. Bildirilir ki, Consonun siyasi ambisiyaları göz qabağındadır: "Consonun dostları və həmkarları əmindirlər ki, o, Böyük Britaniya baş nazirinin rəsmi iqamətgahı olan “Downing Street, 10” ünvanına qayıtmaq şansını əldən verməyəcək". Qeyd edək ki, bir neçə ay əvvəl Böyük Britaniyada siyasi böhran yaranıb. Hakim Mühafizəkarlar Partiyasının rəhbərliyi hökumət başçısı Boris Consonu siyasi təşkilatın fəlsəfəsi və dəyərlərini risk altında qoymaqda günahlandırıb. Britaniya hökumətinin üçdəbir hissəsi buna etiraz olaraq istefa verib. İyulun 7-də Conson vəzifəsindən getmək qərarına gəlib.
4-09-2022, 15:52
Gürcüstan Qara dənizdə süni yarımadalar yaradır
Gürcüstanın Batumi şəhərində, Qara dənizdə iki süni yarımada yaradılacaq. Bu gün sözügedən layihənin təqdimat mərasimi keçirilib. Təqdimat mərasimdə çıxış edən qonşu ölkənin baş naziri İrakli Qaribaşvili bildirib ki, layihənin həyata keçirilməsi üçün ən azı 100 milyon dollar xərclənəcək və 2000-dək sakin işlə təmin ediləcək: “Bu gün biz regionumuzda həqiqətən də unikal, dünya standartlarına uyğun layihənin həyata keçirilməsinə başlayırıq. Layihə iki süni yarımadadan ibarətdir. Həmçinin bir ada yaradılacaq ki, bu da özlüyündə əyləncə, sağlamlıq, idman, təhsil kommersiya, yaşayış və turizm sahələrini birləşdirəcək. Bölgədəki ən böyük investisiya layihəsi olan bu layihə bölgənin inkişafına, Batuminin onsuz da mövcud olan güclü beynəlxalq nüfuzuna və Acarıstanın iqtisadi tərəqqisinə zəmin yaradacaq. Mən layihənin təşəbbüskarını və investorumuzu, Ambassador Groupun rəhbəri cənab Keburiyanı və ailəsini salamlamaq və öz təşəkkürümü bildirmək istəyirəm. Bu şirkət artıq on milyonlarla dollar dəyərində sərmayələr qoyub. Əminliklə deyə bilərik ki, onlar Gürcüstanın müxtəlif regionlarında, o cümlədən Tbilisi, Kaxeti, Acarıstanda həqiqətən unikal layihələr həyata keçiriblər", - deyə baş nazir Qaribaşvili bildirib.
4-09-2022, 15:47
Yanğın qardaş ölkəni iflic etdi
Qazaxıstanın şimalında yanğınlar səbəbindən 6 sərnişin və 11 yük qatarı gecikib. Nəqliyyat vasitələri vaxtında mənzil başına çata bilməyiblər. Butov.az xəbər verir ki, yanğınlar nəticəsində 10-a yaxın insan müxtəlif dərəcəli yanıq xəsarətləri ilə xəstəxanaya yerləşdirilib. Onların vəziyyətiinin ağır olduğu bildirilir. Ümumilikdə yanğınlar 108 binaya ziyan vurub. Son məlumata görə, yanğın sahəsi 9400 hektarı əhatə edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!