Dünya » Səhifə 423

1-05-2023, 12:00

İrana qarşı mübarizə aparmaq hamının borcudur - İsrail

İsrailin Baş naziri Benyamin Netanyahu hesab edir ki, İranın nüvə dövlətinə çevrilməsinin qarşısını almağın yeganə yolu real hərbi əməliyyatlardır. Hökumət başçısı bu barədə "CNN" telekanalına müsahibəsində danışıb. Baş nazir İsraili, ABŞ-ı və qonşu ərəb ölkələrini nəzərdə tutaraq, İrana qarşı mübarizə aparmağın hamının borcu olduğunu söyləyib: “Bu, bizim hamımızın borcudur”. “Müşahidələrimiz göstərir ki, bizim iqtisadi və siyasi səylərimiz İranın ilkin planlarını alt-üst edib",- deyə Netanyahu vurğulayıb.

İrana qarşı mübarizə aparmaq hamının borcudur - İsrail

1-05-2023, 11:30

Rusiyadan Ermənistana qazın nəqli dayandırıldı

Rusiyadan Ermənistana təbii qazın nəqli müvəqqəti olaraq dayandırılıb. Bu barədə “Gazprom Armenia” ASC-nin mətbuat xidməti məlumat yayıb. Şirkətdən verilən məlumata görə, bu, mayın 1-dən 4-dək “Şimali Qafqaz-Zaqafqaziya” magistral qaz kəmərində nəzərdə tutulan təmir işləri ilə əlaqədardır. Bildirilib ki, Ermənistanda istehlakçıların qaz təchizatı hazırda daxili ehtiyatlar hesabına həyata keçirilir.

Rusiyadan Ermənistana qazın nəqli dayandırıldı

1-05-2023, 11:00

Afrika hakimiyyətindən Rusiyaya xəbərdarlıq

Cənubi Afrika Respublikasının hakimiyyət orqanları Rusiya Federasiyasına qeyri-rəsmi xəbərdarlıq edib ki, prezident Vladimir Putin BRİKS sammiti üçün ölkəyə səfər edərsə, Beynəlxalq Cinayət Məhkəməsinin qərarı əsasında onu həbs edəcəklər. Bu barədə "The Sunday Times" nəşri məlumat yayıb. Nəşrin yazdığına görə, CAR hakimiyyəti Kremli səfər ideyasından imtina etməyə razı salmağa çalışır. Adları açıqlanmayan yüksək vəzifəli məmurlar qeyd ediblər ki, Pretoriya Moskva ilə danışıqlar aparır və Putinə videobağlantı vasitəsilə BRİKS sammitində iştirak etməyi təklif edib. "Bizim Putini həbs etməmək variantımız yoxdur. O, bura gələrsə, həbs etməli olacağıq", - CAR hakimiyyət nümayəndəsi bildirib.

Afrika hakimiyyətindən Rusiyaya xəbərdarlıq

1-05-2023, 10:30

İngiltərənin sabiq baş naziri dövlətə 15 min dollar ödəməlidir

Böyük Britaniyanın sabiq baş naziri Liz Trass dövlətə 15 min dollar ödəməlidir. Bu vəsait Trass vəzifədə olarkən "Chevening House"dan yoxa çıxan başmaq, qida, içkilər və digər şeylərə görə hesablanıb. Qanun layihəsinə əsasən, xərclərin onun siyasi fəaliyyəti ilə bağlı xərclər olmadığı təqdirdə Trass pulu ödəməli olacaq. Nəşr yazır ki, sabiq baş nazir yaxın çevrəsi ilə görüşlər üçün "Chevening House"dan istifadə edirdi və bu, tez-tez axşam əyləncələrinə çevrilirdi. Hələlik Trass xərcləri əsaslandırmağa müvəffəq olmayıb.

İngiltərənin sabiq baş naziri dövlətə 15 min dollar ödəməlidir

30-04-2023, 16:45

Çexiya prezidentindən ukraynalı həmkarına tərif dolu ifadələr

"O, daha az gülür, amma milləti necə xilas edəcəyini dəqiq bilir". Bunu Çexiya prezidenti Petr Pavel ukraynalı həmkarı Volodimir Zelenski haqqında deyib. "Zelenski balaca, amma böyük adamdır. O, çaşqın görünəndə belə, nə vaxt və necə edəcəyini dəqiq bilir. Zelenskinin əvvəlkindən qat-qat az güldüyünü fərq etdim. Onun gülümsəmək üçün çox səbəbi yoxdur. Həmkarıma və bütün ukraynalılara arzu edirəm ki, onlar yenidən gülümsəsinlər”, - Çexiya lideri bildirib. Peter Pavel Kiyev və Dneprdə olub, burada hərbçilərin və raket zərbələri qurbanlarının xatirəsini ehtiramla yad edib. O, Ukrayna ordusuna məxsus hərbi texnikanın üzərinə "Rusiya, evinə get!" ifadəsini yazıb.

Çexiya prezidentindən ukraynalı həmkarına tərif dolu ifadələr

30-04-2023, 15:00

Ukrayna “Baykar” ilə 3 illik müqavilə imzaladı

Ukrayna Türkiyənin pilotsuz uçuş aparatı istehsalçısı "Baykar" ilə 3 müqavilə imzalayıb. Bunu Ukraynanın strateji sənaye naziri Aleksandr Kamışin açıqlayıb. Onun sözlərinə görə, İstanbulda keçirilən Teknofest 2023 beynəlxalq aviasiya texnikası sərgisi çərçivəsində razılıq əldə olunub.

Ukrayna “Baykar” ilə 3 illik müqavilə imzaladı

30-04-2023, 14:30

Rusiya Federasiyası ilə müharibə torta bənzəyir - Zelenski

Ukrayna prezidenti Volodimir Zelenski Rusiyaya ilə müharibəni bir dəfəyə yeyilə bilməyən böyük tortla müqayisə edib. O, belə bir müqayisəni ukraynalı jurnalist Dmitri Komarovla xüsusi layihə üçün müsahibəsində aparıb. "Rusiya Federasiyası ilə müharibə torta bənzəyir. Siz bütöv tortu bir dəfəyə yeyə bilməyəcəksiniz - ağzınızı cıracaqsınız, həcm baxımından. Rusiyada həcminə görə böyük bir ölkədir", - Zelenski deyib. "Ona görə də müharibə parçalara bölünməlidir. Və bunlar bir-birinin ardınca qələbələrdir. Bəzən paralel olur, lakin əksər hallarda ardıcıldır", - Ukrayna prezidenti bildirib.

Rusiya Federasiyası ilə müharibə torta bənzəyir - Zelenski

30-04-2023, 13:30

Türkiyədə hərbiçi daşıyan avtobus aşdı - 45 nəfər xəsarət aldı

Türkiyədə ağır yol-nəqliyyat hadisəsi baş verib. Qəza Şırnak vilayətində baş verib. Belə ki, hərbçiləri daşıyan avtobus aşıb. Hadisə nəticəsində 2 əsgər həlak olub, daha 45 sərnişin isə xəsarət alıb. Yaralılar xəstəxanaya aparılıb. Hadisənin səbəbləri araşdırılır.

Türkiyədə hərbiçi daşıyan avtobus aşdı - 45 nəfər xəsarət aldı

30-04-2023, 12:30

Zelenski: “Mənim özümün də silahım var, mən atəş edə bilirəm”

Ukrayna prezidenti Volodimir Zelenski hər zaman yanında tapança gəzdirdiyini açıqlayıb. Bunu “The World Inside Out” kanalına müsahibəsində deyib. Zelenski bildirib ki, o, silahdan istifadə etməyi bacarır. “Bankovada (Ukrayna Prezidentinin və digər dövlət qurumlarının yerləşdiyi küçə - red.) müxtəlif nöqtələrdə silah, patron olan qutularımız var. Mənim özümün də silahım var, mən atəş edə bilirəm”, - Ukrayna lideri qeyd edib.

Zelenski: “Mənim özümün də silahım var, mən atəş edə bilirəm”

30-04-2023, 11:00

Paşinyan Blinkenlə telefonda bir sıra məsələləri müzakirə etdi

Ermənistanın baş naziri Nikol Paşinyan ABŞ dövlət katibi Entoni Blinkenlə telefon danışığı aparıb. Bu barədə Ermənistan hökuməti məlumat yayıb. Telefon danışığı zamanı regionda yaranmış hərbi-siyasi və humanitar vəziyyət müzakirə olunub. Bundan əlavə, Ermənistan-Azərbaycan danışıqlar prosesi, o cümlədən Vaşinqtonda keçiriləcək müzakirələr ətrafında da fikir mübadiləsi aparılıb.

Paşinyan Blinkenlə telefonda bir sıra məsələləri müzakirə etdi