27-08-2024, 14:14
Xamenei yeni nazirlərə tapşırıq verdi: Bu sahəni təcili inkişaf etdirin!
İran İslam Respublikasının ali rəhbəri Ayətullah Seyid Əli Xamenei bu gün prezident Məsud Pezeşkian və 14-cü hökumət üzvləri ilə görüşüb.
Xameneinin sözlərinə görə, president hökumət üzvlərini seçərkən ona gənc, imanlı, inqilabçı, məsuliyyətli və motivasiyalı insanlardan daha çox istifadəni tövsiyə edib.
"Məsələn, hökumət 100 imanlı, motivasiyalı, inqilabçı və məsuliyyətli gənc yetişdirə bilsə, hesab edirəm ki, çox böyük işlər görmüş olar”, - o deyib.
Hökumətin prezidentin səyləri və parlamentin töhfəsi ilə formalaşdığını bildirən Xamenei deyib:
"Bu, böyük uğurdur. Keçmiş dönəmlərdə bəzən hökumət təxminən bir aya və ya daha çox müddətə qurula bilmirdi. Amma bu dəfə bütün nazirlər parlamentdən etimad səsi ala bildi”.
“Cənab prezident nazirləri seçmək üçün mənimlə məsləhətləşdi. Bəzilərini təsdiqlədim, bəzilərini vurğuladım. Çoxunu heç tanımırdım və onlar barədə fikrim belə yox idi.
Allaha şükürlər olsun ki, prezident öz seçimini edə bildi”, - deyə ali rəhbər əlavə edib.
O bildirib ki, parlamenti inandırmaq, böyük işdir.
Xameneinin sözlərinə görə, ən təcili prioritetlərdən biri inflyasiya və yüksək qiymət probleminin həllidir.
"Hörmətli nazirlər, prezidentin və parlamentin etimadını qazanmış əziz qardaşlarım, siz hamınız bu ölkənin yüksək rütbəli məmurlarısınız. Sizə dəstək olmaq bizim borcumuzdur. Ümid edirəm ki, işinizdə uğur qazanacaqsınız”.
Xamaneinin sözlərinə görə, İranın təbii resurslar baxımından böyük potensialı var.
“Bir vaxtlar İranı xalçalarına, neftinə görə tanıyırdılar. Bu gün İranı elmi, hərbi nailiyyətləri, regional gücü və strateji dərinliyi ilə tanıyırlar. Bu, əlimizdə olan bir fürsətdir. Bizim dünya ölkələrinə və regiona təsir imkanlarımız kiçik bir şey deyil, çox vacib məsələdir. Bu bizim imkanlarımızdan biridir".
İslam İnqilabının rəhbəri deyib ki, hazırda süni intellekt o qədər sürətlə inkişaf edir ki, bu texnologiyanın dünyada qazandığı sürət insanı heyrətə gətirir.
“Hazırda hərbi və mülki qurumlarımız süni intellektdən istifadə edir və ondan bəhrələnir, lakin bu bizi aldatmamalıdır, süni intellektə gəlincə, sadəcə istifadəçi olmaq üstünlük deyil, bu texnologiyanın dərin təbəqələri var və bu təbəqələrə hakim olmaq lazımdır. O təbəqələr başqalarının əlindədir”.
Xamenei hökumət üzvlərinə bildirib ki, əgər İran süni intellektin dərin və müxtəlif təbəqələrini inkişaf etdirə bilməsə, geri qalacaq:
“Bu sahəni keçməyə icazə verməyəcəksiniz, bu mövzunun dərin və əhatəli texnologiyalarına və infrastruktur qatlarına çatmalısınız. Siz ölkədə süni intellektin infrastruktur təbəqələrini inkişaf etdirməlisiniz".
27-08-2024, 13:01
Pavel Durov daha 48 saat həbsdə qalacaq
Fransada saxlanılan "Telegram"ın yaradıcısı Pavel Durovun saxlanma müddəti uzadılıb.
O, kibercinayətlə bağlı istintaq çərçivəsində daha 48 saata qədər polis nəzarətində qalacaq.
Qeyd edək ki, Durov şənbə günü həbs edilib və ittihamlara terrorçuluq, narkotik alveri, dələduzluq, pedofiliya məzmununu yaymaq daxildir.
27-08-2024, 12:39
Ukrayna Rusiyadakı hədəflərini ABŞ-a təqdim edəcək
"Ukrayna icazə verildiyi təqdirdə Rusiyada vura biləcəyi hədəfləri Bayden administrasiyasına təqdim edəcək". Bu barədə "Politico" yazıb.
Nəşr yazır ki, Ukrayna hakimiyyəti ABŞ-ın yüksək rütbəli milli təhlükəsizlik rəsmilərinə Vaşinqtonun Amerika silahlarının tədarükünə qoyulan məhdudiyyətləri aradan qaldıracağı təqdirdə Ukrayna Silahlı Qüvvələrinin vura biləcəyi Rusiya Federasiyasındakı uzaqmənzilli hədəflərin siyahısını təqdim etməyə hazırlaşır.
“Kiyev bu siyahıdan Vaşinqtonu Rusiyada Amerika silahlarının istifadəsinə qoyulan məhdudiyyətləri aradan qaldırmağa inandırmaq üçün son cəhd kimi istifadə edir”, - materialda deyilir.
Qeyd olunub ki, Ukrayna daha əvvəl ABŞ-a Rusiyadakı bəzi potensial hədəflərini təqdim etsə də, bu siyahı artıq daha konkret olmalıdır. Nəşrin 3 anonim mənbəsi bildirib ki, Umerov və Yermak bu həftə Vaşinqtona gələcək və orada müzakirə zamanı Bayden administrasiyasına hədəflərin siyahısını təqdim edəcəklər.
26-08-2024, 23:26
"Qərbin köməyi olmasaydı, Ukrayna ilk həftədə məğlub olardı"
Prezident Cozef Baydenin administrasiyası ABŞ ordusunu Ukraynaya görə sursatsız qoyub.
Bunu Respublikaçılar Partiyasından prezidentliyə namizəd Donald Tramp deyib.
“Bizim sursatımız yoxdur, çünki hazırkı hakimiyyət onu Ukraynaya verib. Çoxlu miqdarda raket, mərmi və hər şey göndəriblər”, - deyə o qeyd edib.
Tramp əlavə edib ki, Qərbin köməyi olmasaydı, Ukrayna ilk həftədə məğlub olardı.
26-08-2024, 20:25
Durov 12 cinayət əməlində ittiham olunur
“Telegram”ın yardıcısı Pavel Durov 12 cinayət əməlini törətməkdə ittiham olunur.
Bu barədə Paris prokurorlu məlumat yayıb.
Məlumat görə, ona qarşı cinayət işi iyulun 8-də açılıb.
Onun Fransada uzadılmış həbs müddəti avqustun 28-də başa çatır.
“Onun həbsdə saxlanma müddəti avqustun 25-də istintaq tərəfindən uzadılıb və mütəşəkkil cinayətlərlə bağlı tətbiq edilən prosedur nəzərə alınmaqla, 96 saata qədər (yəni avqustun 28-dək) davam edə bilər”, - deyə prokurorluğun məlumatında qeyd olunub.
26-08-2024, 19:53
Türkiyə XİN-dən Pakistandakı terrora reaksiya
Bu gün Pakistanın Bəlucistan əyalətində törədilmiş terror aktını şiddətlə qınayır, həyatını itirənlərə Allahdan rəhmət, yaxınlarına isə başsağlığı diləyirik.
Bu ifadələr Türkiyənin Xarici İşlər Nazirliyinin (XİN) Pakistanda törədilən terror aktı ilə bağlı bəyanatında yer alıb.
Bəyanatda bildirib ki, Türkiyə terrorla mübarizədə dost və qardaş Pakistan hökuməti və xalqı ilə tam həmrəydir.
26-08-2024, 18:36
Moldova Prezidenti koronavirusa yoluxdu
Moldova Prezidenti Maya Sandu koronavirusa yoluxub.
Bu barədə o, özünün sosial media hesabında paylaşım edib.
"Təəssüf ki, bu gün və sabah keçiriləcək tədbirlərdə (Moldovanın Müstəqillik Gününə həsr olunan) iştirak edə bilməyəcəyəm. Məndə başqa əlamətlər yoxdur, amma özümü həmişəkindən daha çox yorğun hiss edirəm", - deyə Sandu videomüraciətində bildirib.
O, bir neçə gün təcriddə qalacağını əlavə edib.
26-08-2024, 17:47
Zelenskidən gürcüstanlı həmkarına təşəkkür
"Əziz dostum, xoş sözlərinizə və dəstəyinizə görə təşəkkür edirəm!".
Ukrayna prezidenti Volodimir Zelenski Gürcüstan prezidenti Salome Zurabişviliyə Müstəqillik Günü münasibətilə təbrikinə görə təşəkkür edib.
“Dost gürcü xalqı ukraynalılar kimi, azadlıq və müstəqilliyin uğrunda mübarizə aparmağa dəyər olduğunu dərk edir... Xalqımızın əlaqələri həmişə xalqlarımızın azadlığına, müstəqilliyinə və firavanlığına xidmət edir”, - deyə Zelenski X-də yazıb.
Zurabişvili Ukraynanın Müstəqillik Günü münasibətilə təbrikində ölkə ərazilərinin işğaldan azad olunmasını və sülh arzulayıb.
26-08-2024, 17:27
Ramzan Kadırovun oğluna Çeçenistanın ən yüksək fəxri ordeni verildi
Çeçenistan rəhbəri Ramzan Kadırovun oğlu, respublika liderinin təhlükəsizlik idarəsinin rəhbəri Adam Kadırov Çeçenistanın ən yüksək fəxri ordeni olan “Kadırov ordeni” ilə təltif edilib.
Çeçenistanın milli siyasət, xarici əlaqələr, mətbuat və informasiya naziri Ahmad Dudayev Adam Kadırovu əsl vətənpərvər, müsəlman və çeçen adlandırıb.
Keçən ilin oktyabrında Adam Kadırov Çeçenistan Respublikasının Qəhrəmanı oldu, noyabrda isə İslam dininin möhkəmlənməsi və onun qorunmasında mühüm şəxsi töhfəsinə görə 1-ci dərəcəli “İslam dininə xidmətə görə” adına layiq görüldü.
26-08-2024, 14:35
İranın yeni xarici işlər naziri İsraili hədələdi
İran mütləq İsrailə cavab verəcək.
Bunu İranın xarici işlər naziri Abbas Arakçı X sosial şəbəkəsində yazıb.
"İran İsrailin Tehrandakı terror hərəkətlərinə mütləq cavab verəcək, bu cavab ölçülüb-biçilmiş olacaq və yaxşı hesablanacaq", - XİN rəhbəri vurğulayıb.
İranlı nazir əlavə edib ki, Tehran regionda vəziyyəti gərginləşdirməyə çalışmır.
Xatırladaq ki, iyulun sonunda Fələstinin HƏMAS hərəkatının siyasi bürosunun rəhbəri İsmayıl Haniya Tehranda öldürülüb. O, ölkənin yeni prezidentinin andiçmə mərasimində iştirak etmək üçün İranın paytaxtına gəlmişdi. Hərəkat Haniyənin ölümündə İsrail və ABŞ-ı günahlandırıb və hücumun cavabsız qalmayacağını bildirib.
İsrail rəsmiləri Haniyanın qətli ilə bağlı açıqlama verməyəcəklərini bildiriblər. ABŞ-ın BMT-dəki daimi nümayəndəsinin müavini Robert Vud HƏMAS-ın siyasi büro rəhbərinin ölümü ilə ABŞ-ın heç bir əlaqəsinin olmadığını açıqlayıb.
İyulun 31-də axşam Amerikanın “New York Times” qəzeti öz mənbələrinə istinadən iddia edib ki, İranın ali lideri Əli Xamenei Haniyənin qətlinə cavab olaraq İsrailə birbaşa zərbə endirmək əmri verib. Daha sonra İranın BMT-dəki daimi nümayəndəsi Əmir Səid İrvani Təhlükəsizlik Şurasının iclasında bəyan edib ki, Tehran beynəlxalq hüquqa riayət edərək, lazım bildiyi zaman Haniyənin qətlinə cavab vermək hüququnu özündə saxlayır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!