26-08-2024, 18:36
Moldova Prezidenti koronavirusa yoluxdu
Moldova Prezidenti Maya Sandu koronavirusa yoluxub.
Bu barədə o, özünün sosial media hesabında paylaşım edib.
"Təəssüf ki, bu gün və sabah keçiriləcək tədbirlərdə (Moldovanın Müstəqillik Gününə həsr olunan) iştirak edə bilməyəcəyəm. Məndə başqa əlamətlər yoxdur, amma özümü həmişəkindən daha çox yorğun hiss edirəm", - deyə Sandu videomüraciətində bildirib.
O, bir neçə gün təcriddə qalacağını əlavə edib.
26-08-2024, 17:47
Zelenskidən gürcüstanlı həmkarına təşəkkür
"Əziz dostum, xoş sözlərinizə və dəstəyinizə görə təşəkkür edirəm!".
Ukrayna prezidenti Volodimir Zelenski Gürcüstan prezidenti Salome Zurabişviliyə Müstəqillik Günü münasibətilə təbrikinə görə təşəkkür edib.
“Dost gürcü xalqı ukraynalılar kimi, azadlıq və müstəqilliyin uğrunda mübarizə aparmağa dəyər olduğunu dərk edir... Xalqımızın əlaqələri həmişə xalqlarımızın azadlığına, müstəqilliyinə və firavanlığına xidmət edir”, - deyə Zelenski X-də yazıb.
Zurabişvili Ukraynanın Müstəqillik Günü münasibətilə təbrikində ölkə ərazilərinin işğaldan azad olunmasını və sülh arzulayıb.
26-08-2024, 17:27
Ramzan Kadırovun oğluna Çeçenistanın ən yüksək fəxri ordeni verildi
Çeçenistan rəhbəri Ramzan Kadırovun oğlu, respublika liderinin təhlükəsizlik idarəsinin rəhbəri Adam Kadırov Çeçenistanın ən yüksək fəxri ordeni olan “Kadırov ordeni” ilə təltif edilib.
Çeçenistanın milli siyasət, xarici əlaqələr, mətbuat və informasiya naziri Ahmad Dudayev Adam Kadırovu əsl vətənpərvər, müsəlman və çeçen adlandırıb.
Keçən ilin oktyabrında Adam Kadırov Çeçenistan Respublikasının Qəhrəmanı oldu, noyabrda isə İslam dininin möhkəmlənməsi və onun qorunmasında mühüm şəxsi töhfəsinə görə 1-ci dərəcəli “İslam dininə xidmətə görə” adına layiq görüldü.
26-08-2024, 14:35
İranın yeni xarici işlər naziri İsraili hədələdi
İran mütləq İsrailə cavab verəcək.
Bunu İranın xarici işlər naziri Abbas Arakçı X sosial şəbəkəsində yazıb.
"İran İsrailin Tehrandakı terror hərəkətlərinə mütləq cavab verəcək, bu cavab ölçülüb-biçilmiş olacaq və yaxşı hesablanacaq", - XİN rəhbəri vurğulayıb.
İranlı nazir əlavə edib ki, Tehran regionda vəziyyəti gərginləşdirməyə çalışmır.
Xatırladaq ki, iyulun sonunda Fələstinin HƏMAS hərəkatının siyasi bürosunun rəhbəri İsmayıl Haniya Tehranda öldürülüb. O, ölkənin yeni prezidentinin andiçmə mərasimində iştirak etmək üçün İranın paytaxtına gəlmişdi. Hərəkat Haniyənin ölümündə İsrail və ABŞ-ı günahlandırıb və hücumun cavabsız qalmayacağını bildirib.
İsrail rəsmiləri Haniyanın qətli ilə bağlı açıqlama verməyəcəklərini bildiriblər. ABŞ-ın BMT-dəki daimi nümayəndəsinin müavini Robert Vud HƏMAS-ın siyasi büro rəhbərinin ölümü ilə ABŞ-ın heç bir əlaqəsinin olmadığını açıqlayıb.
İyulun 31-də axşam Amerikanın “New York Times” qəzeti öz mənbələrinə istinadən iddia edib ki, İranın ali lideri Əli Xamenei Haniyənin qətlinə cavab olaraq İsrailə birbaşa zərbə endirmək əmri verib. Daha sonra İranın BMT-dəki daimi nümayəndəsi Əmir Səid İrvani Təhlükəsizlik Şurasının iclasında bəyan edib ki, Tehran beynəlxalq hüquqa riayət edərək, lazım bildiyi zaman Haniyənin qətlinə cavab vermək hüququnu özündə saxlayır.
26-08-2024, 14:06
Ərdoğan onu məhkəməyə verdi - 250 min...
Türkiyə Prezidenti Rəcəb Tayyib Ərdoğan Cümhuriyyət Xalq Partiyasının (CHP) İzmirdən seçilən deputatı Tuncay Özkanı məhkəməyə verib.
Bu barədə Ərdoğanın vəkili Hüseyn Aydın məlumat verib.
O bildirib ki, Ərdoğanı əsassız açıqlamalarla hədəf alan Tuncay Özkana 250 min lirə mənəvi zərər iddiası açılıb.
Məlumata görə, Özkana qarşı “prezidenti təhqir etmək” maddəsi ilə iddia qaldırıb. Vəkil deyib ki, təhqirlə bağlı Ankara Prokurorluğuna da şikayət veriblər.
26-08-2024, 13:44
Putin və Durov Bakıda görüşməyib - Kreml
"Moskva və Kiyev arasında Ukraynanın enerji infrastrukturuna hücumları dayandırmaq üçün heç bir məxfi danışıqlar aparılmayıb".
Bunu Kremlin sözçüsü Dmitri Peskov deyib.
Peskov Rusiya prezidenti Vladimir Putinin "Telegram"ın sahibi Pavel Durovla Bakıda görüşmədiyini deyib.
Onun sözlərinə görə, Rusiya-Ukrayna danışıqlarının mövzusu “demək olar ki, aktuallığını itirib”.
Peskov bildirib ki, Putin telefonla Tokayevlə enerji əməkdaşlığını müzakirə edib. O, Kursk AES-ə səfəri halında AEBA sədir Rafel Qrossi ilə əlaqələri planlaşdırmır.
26-08-2024, 13:30
Putin-Tokayev telefon danışığı aparıb
Rusiya prezidenti Vladimir Putin Qazaxıstan lideri Kasım-Jomart Tokayevlə telefon danışığı aparıb.
Bu barədə Kremlin mətbuat xidməti məlumat yayıb.
Müzakirə qarşılıqlı faydalı ikitərəfli əməkdaşlığın, o cümlədən enerji sektorunda inkişafının aktual məsələləri ətrafında davam etdirilib.
Qarşılıqlı maraq doğuran məsələlər müzakirə edilib.
26-08-2024, 12:44
Pezeşkian ilk xarici səfərini bu ölkəyə edəcək
İran prezidenti Məsud Pezeşkianın ilk xarici dövlət səfərinin təyinatı bu gün açıqlanıb.
İraq Pezeşkianın prezident kimi səfər edəcəyi ilk ölkə olacaq.
Xəbərdə deyilir ki, İran prezidenti seçildikdən sonra ilk xarici səfərinin hədəfi kimi İraqı seçib və bu, İranın İraqla əlaqələrinin əhəmiyyətindən xəbər verir.
Mənbələr bildiriblər ki, Pezeşkianın qonşu ölkəyə səfəri iraqlı həmkarı Əbdül Lətif Rəşidin dəvəti ilə olacaq.
İran prezidentinin İraqdan sonra ABŞ-ın Nyu-York şəhərinə - BMT-nin toplantısına səfərinin planlaşdırıldığı da bildirilir.
25-08-2024, 18:16
İsrail “strateji hədəfə” atılan Hizbullah PUA-larını vurdu
İsrail Müdafiə Qüvvələri Livandan olan şiə Hizbullah hərəkatının radikalları tərəfindən yəhudi dövlətinin mərkəzi hissəsindəki “strateji hədəfə” atılan bütün pilotsuz təyyarələri ələ keçirib.
Bu bəyanatla İsrailin Baş naziri Benyamin Netanyahu çıxış edib.
Məlumata görə, Hizbullah Təl-Əvivdəki hökumət binalarını hədəf alıbmış.
Baş nazir bildirib ki, bu gün səhər tezdən Hizbullah İsrail dövlətinə raket və pilotsuz təyyarələrlə hücum etməyə cəhd edib:
“Biz İsrail ordusuna təhlükəni aradan qaldırmaq üçün qabaqlayıcı güclü zərbə endirməyi tapşırmışıq”.
25-08-2024, 16:16
Rusiyadan Fransaya Durov NOTAsı - Təcili
Rusiyanın Parisdəki Səfirliyi Fransa Xarici İşlər Nazirliyinə nota göndərərək teleqram messencerinin saxlanılan həmtəsisçisi Pavel Durovla konsulluq əlaqəsi tələb edib.
Bunu "Rossiya-24" telekanalının efirində Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"Parisdəki səfirliyimiz bu məlumatı alan kimi dərhal yerli tərəflə əlaqə saxlayıb və Fransa Xarici İşlər Nazirliyinə giriş tələbi ilə nota göndərib", - o deyib.
“Problem ondadır ki, Pavel Durov Fransa vətəndaşlığına malikdir, - diplomat qeyd edib.
Qeyd edək ki, teleramın təsisçisi Pavel Durov Fransanın "Le Burje" hava limanında saxlanılıb. Durov bir sıra cinayətlərdə, o cümlədən terrorizm, narkotik qaçaqmalçılığı, fırıldaqçılıq, çirkli pulların yuyulması, oğurlanmış malların idarə edilməsində ittiham oluna bilər. Xatırladaq ki, 2021-ci ilin fevralında Durov Birləşmiş Ərəb Əmirlikləri vətəndaşlığını, avqustda isə Fransa vətəndaşlığını alıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!