11-02-2026, 00:13
Paşinyan Azərbaycanla sülh sazişini seçkilərədək imzalamağı planlaşdırır
Ermənistanın Baş naziri Nikol Paşinyan parlament seçkilərindən əvvəl Azərbaycanla sülh müqaviləsinin imzalanmasının hökumətin əsas gündəm məsələlərindən biri olduğunu bildirib.
Paşinyan bu barədə Ermənistanın İctimai Televiziyasına verdiyi müsahibədə danışıb.
O qeyd edib ki, bu məsələ onun gündəliyində artıq uzun müddətdir yer alır: “Müqavilənin ötən ilin dekabrında, yanvarında, oktyabrında və aprelində imzalanması da gündəlikdə olub. Çünki sülh sazişi layihəsi üzrə danışıqlar ötən ilin mart ayında yekunlaşıb. Buna görə də işi davam etdirəcəyik”.
Xatırladaq ki, Ermənistanda parlament seçkilərinin 2026-cı il iyunun 7-də keçirilməsi nəzərdə tutulur.
10-02-2026, 23:36
Tramp: "Razılıq olmazsa, ABŞ İrana sərt tədbirlər tətbiq edəcək"
ABŞ, İranın nüvə proqramı ilə bağlı razılıq əldə olunmasa, Tehrana qarşı sərt addımlar atacağını açıqlayıb.
Bu barədə ABŞ Prezidenti Donald Tramp "Axios" portalına verdiyi müsahibədə danışıb.
O bildirib: "Biz ya razılığa gələcəyik, ya da əvvəlki kimi sərt tədbirlər görməli olacağıq".
Tramp bu sözləri 2025-ci ilin iyununda İranın nüvə obyektlərinə endirilən zərbələri nəzərə alaraq söyləyib.
10-02-2026, 23:17
İzmirdə FETÖ-ya qarşı əməliyyat: 12 nəfər saxlanılıb
Türkiyənin İzmir vilayətində FETÖ-ya qarşı əməliyyat keçirilib, nəticədə 12 şübhəli saxlanılıb.
Əməliyyatı İzmir Baş Prokurorluğu, Təhlükəsizlik və Terrorla Mübarizə idarələri birgə həyata keçirib.
Saxlanılan şəxslərin təhlükəsizlik idarəsində dindirilməsinin davam etdiyi bildirilib.
10-02-2026, 23:07
Paşinyan alternativ marşurutların olmasından narahatdır
Dəmir yolları məsələsi üzrə Ermənistan tərəfi həm siyasi, həm də texniki müstəvidə Rusiyadakı tərəfdaşlara müraciət edib və ilkin mərhələdə müsbət siqnallar alınıb.
Bunu Ermənistanın Baş naziri Nikol Paşinyan yerli kanallara müsahibəsində deyib.
O açıq şəkildə vurğulayıb ki, hazırda prinsipial bir məqam var və bu, gizlədilmədən müzakirə olunmalıdır.
Paşinyanın fikrincə, Zəngilan istiqamətindən çəkiləcək dəmir yolunun Meğri ərazisinə daxil olması və oradan yenidən Azərbaycana çıxması texniki baxımdan mümkündür. Lakin bu layihənin hansı beynəlxalq formatda və hansı şərtlərlə reallaşdırılacağı əsas sual olaraq qalır.
Paşinyan bildirib ki, Azərbaycan və Türkiyə tərəfindən Qars – Dilucu dəmir yolu layihəsi fəal şəkildə irəli aparılır. Bu fonda Ermənistan üçün Axurik – Yerasx xəttinin logistika prosesinə cəlb edilməsi həyati əhəmiyyət daşıyır. Sözügedən xətt hazırda Rusiya idarəçiliyindədir və əgər bu istiqamət nəqliyyat zəncirinə daxil edilməzsə, Ermənistan faktiki olaraq rəqabət üstünlüyünü itirə bilər.
Baş nazirin sözlərinə görə, alternativ marşrutların digər tərəf üçün daha cəlbedici hala gəlməsi Ermənistan üçün strateji itkilər deməkdir. Buna görə də, maraqlar balansını qoruyan, tərəfdaşlıq və real dostluq prinsiplərinə əsaslanan bir həll yolu tapılmalıdır.
10-02-2026, 17:19
Pezeşkianla dövlət televiziyası arasında gərginlik - DETALLAR
Tehranda keçirilən rəsmi tədbir zamanı İran prezidenti Məsud Pezeşkyanla dövlətə məxsus IRIB televiziya və radio şirkəti arasında insident baş verib.
Kanal müxbiri prezidentə çıxışının canlı olduğunu xatırladaraq ondan təyin olunmuş vaxta uyğun danışmasını istəməsindən sonra gərginlik yaranıb. Jurnalistə cavab olaraq Pezeşkyan çıxışını qəfil kəsib və televiziyadan yayımını dayandırmasını tələb edib.
İran dövlət televiziyası insidentdən dərhal sonra tədbirin canlı yayımını dayandırıb.
10-02-2026, 01:21
Türkiyədə ailə faciəsi: Azadlığa çıxan şəxs dörd nəfəri öldürüb
Türkiyənin paytaxtı Ankara şəhərində dəhşətli ailə faciəsi baş verib.
Hadisə Keçiören rayonunda qeydə alınıb.
Məlumata görə, 35 yaşlı Recep Cengiz odlu silahla 57 yaşlı anasını və 8 yaşlı qızını qətlə yetirib. Daha sonra onların cəsədlərini avtomobilinin baqajına yerləşdirərək boşanma mərhələsində olduğu həyat yoldaşının yaşadığı ünvana gedib və onu da öldürüb. Ardınca isə özünə qəsd edib.
Yerli “X” platformasında yayılan məlumatlara əsasən, R. Cengiz hadisədən əvvəl həbsxanadan müvəqqəti icazə ilə azadlığa buraxılıb.
Faktla bağlı hüquq-mühafizə orqanları tərəfindən araşdırma aparılır.
10-02-2026, 00:57
Zelenski: "Təhlükəsizliklə bağlı vacib beynəlxalq görüşlər planlaşdırılır"
"Ukrayna üçün təhlükəsizlik zəmanətləri real və təsirli olmalı, eyni zamanda uzunmüddətli sülhün əsasını formalaşdırmalıdır".
Bunu Ukrayna Prezidenti Volodimir Zelenski “Telegram” kanalında paylaşımında bildirib.
O qeyd edib ki, yaxın günlərdə müdafiə və təhlükəsizlik mövzularında mühüm beynəlxalq tədbirlərin keçirilməsi nəzərdə tutulur. Zelenskinin sözlərinə görə, Ukrayna mövqeyi Avropa ölkələri və ABŞ-yə ətraflı şəkildə təqdim olunacaq, danışıqlar qrupu isə qarşıdakı görüşlərdə nəticə verə biləcək sənəd və təkliflər üzərində gündəlik əsasda işləyir.
Prezident vurğulayıb ki, prosesin uğuru Ukrayna və onun tərəfdaşlarının koordinasiyalı fəaliyyətindən asılıdır.
“Bizə sülh lazımdır. Etibarlı təhlükəsizlik təminatları sülhün davamlı olması üçün yeganə real əsasdır ki, Rusiya əldə olunan razılaşmaları hücumlar və ya hibrid üsullarla poza bilməsin. Bu təminatlar real olmalı və uzunmüddətli sülh üçün möhkəm zəmin yaratmalıdır”, – deyə Zelenski bildirib.
O əlavə edib ki, təhlükəsizlik zəmanətləri və Ukraynanın müharibədən sonrakı bərpasına dair sənədlər artıq hazırlanıb.
10-02-2026, 00:16
Fidan Azərbaycan-ABŞ əlaqələrindən danışdı
Türkiyənin xarici işlər naziri Hakan Fidan Cənubi Qafqazda sülhün dəstəklənməsi və Azərbaycan-ABŞ əlaqələri barədə fikirlərini bölüşüb.
Fidan bu barədə “CNN Türk” telekanalının canlı efirində danışıb.
O, sülh prosesində Türkiyə Prezidenti Rəcəb Tayyib Ərdoğan və amerikalı həmkarı Donald Trampın münasibətlərinin rol oynadığını vurğulayıb.
H. Fidan bildirib ki, Türkiyə-ABŞ münasibətlərindəki müsbət dinamika Rusiya-Ukrayna müharibəsinin həllində aparılan danışıqlarda, Qəzzada atəşkəsin əldə olunmasında və Suriyaya dair bölgə üçün faydalı qərarların verilməsində də özünü göstərir.
9-02-2026, 23:50
Pezeşkianla dövlət televiziyası arasında gərginlik: canlı yayım kəsildi
Tehranda keçirilən tədbir zamanı İran Prezidenti Məsud Pezeşkianla IRIB dövlət televiziyası arasında canlı yayım zamanı gərginlik yaranıb.
Mühüm layihələrin təqdimatı məqsədilə kürsüyə çıxan Pezeşkian çıxışı zamanı dövlət televiziyasının müxbirinin müdaxiləsi ilə üzləşib.
Müxbirin “canlı yayımdayıq, vaxtı düzgün idarə etsəniz, yaxşı olar” məzmunlu xəbərdarlığı zaldakı ab-havanı daha da gərginləşdirib. Bu müdaxiləyə sərt reaksiya verən Pezeşkian çıxışını yarımçıq saxlayaraq “yayımlamayın, vacib deyil, biz işimizi görərik” deyib.
Bundan sonra İran dövlət televiziyası açılış mərasiminin canlı yayımını dayandırıb və efir qaraldılıb.
9-02-2026, 23:07
İsraildə İran agentləri ilə əlaqədə şübhəli bilinən şəxs saxlanılıb
İsrailin Ümumi Təhlükəsizlik Xidməti və polis əməkdaşları İran agentləri ilə əlaqədə olmaqda şübhəli bilinən bir jurnalisti saxlayıblar.
Şübhəli şəxs yanvar ayının sonunda naməlum şəxslərin onunla əlaqə saxlaması barədə polisin kiberşöbəsinə müraciət etdikdən bir neçə gün sonra həbs olunub.
Bildirilib ki, jurnalistlə sosial şəbəkələr üzərindən əlaqə yaradılıb və ondan pul qarşılığında etiraz aksiyalarında iştirak etmək, həmçinin Qüdsün mərkəzi küçələrinin fotolarını çəkmək xahiş edilib. O, əvvəlcə bu təkliflərə şübhə ilə yanaşmayıb, çünki peşə fəaliyyəti çərçivəsində oxşar müraciətlər aldığını bildirib. Daha sonra isə kibertəhlükəsizlik şöbəsi ilə əlaqə saxlayaraq məsələ barədə məlumat verib.
Hüquq-mühafizə orqanları onun həbs müddətinin uzadılmasını istəsələr də, apellyasiya məhkəməsi bu müraciəti təmin etməyib. Bildirilib ki, hazırda şübhəli şəxs ev dustaqlığına buraxılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!