14-02-2026, 15:03
Bu ölkələr öz sakinlərinə vətəndaşlıq vermir
Dünyada milyonlarla insan hələ də heç bir dövlətin vətəndaşı hesab olunmur.
2026-cı ilin məlumatına əsasən, dünyada təxminən 14 milyon nəfər vətəndaşlığı olmayan şəxs kimi yaşayır.
Məlumata görə, onların böyük əksəriyyəti miqrantlar və qaçqınlardır. Lakin təxminən 25 faizi öz doğma ölkəsində yaşasa da, müxtəlif səbəblərdən dövlət tərəfindən vətəndaş kimi tanınmır.
2026-cü ilin yanvar ayına olan statistikaya əsasən, vətəndaşlığı olmayan şəxslərin sayına görə ilk 10 ölkə aşağıdakılardır:
Banqladeş — 900 mindən çox
Kot-d’İvuar — 692 min nəfər
Tayland — 479 min nəfər
Latviya — 225 min nəfər
Suriya — təxminən 160 min nəfər (müharibə səbəbindən dəqiq statistika aparmaq çətindir)
Dominikan Respublikası — 134 min nəfər
Küveyt — 92 min nəfər
Estoniya — 78 min nəfər
İraq — 47 min nəfər
Kolumbiya — 25 minədək
Ekspertlərin fikrincə, vətəndaşlığın olmaması şəxslərin təhsil, səhiyyə, məşğulluq və sosial təminat hüquqlarına çıxışını ciddi şəkildə məhdudlaşdırır və bu problem qlobal miqyasda insan hüquqları məsələsi kimi aktuallığını qoruyur.
14-02-2026, 14:50
ABŞ İranla razılaşma üzərində işləyir – Rubio
ABŞ İranla razılaşma üzərində işləyir.
Bu barədə dövlət katibi Marko Rubio Bloomberg-ə verdiyi müsahibədə bildirib.
O qeyib ki, xüsusi elçi Uitkoff və prezidentin kürəkəni Kuşnerin yaxın gələcəkdə bir neçə görüş keçirməsi planlaşdırılır.
"Hər hansı bir irəliləyiş əldə edə biləcəyimizi görəcəyik", - o deyib.
14-02-2026, 12:50
ABŞ Cənubi Qafqaz və Mərkəzi Asiyada Rusiyanı ƏVƏZLƏYİR
ABŞ Cənubi Qafqaz və Mərkəzi Asiyada iştirakını artırır.
Bu barədə "Townhall" Xarici Siyasət Tədqiqatları İnstitutunun (FPRI) baş elmi işçisi Stiven Blankın məqalə dərc edib.
Müəllif vurğulayır ki, ABŞ vitse-prezidenti Vensin Cənubi Qafqaza səfəri və Vaşinqtonda keçirilən C5+1 sammiti ABŞ-ın Rusiya və Çinlə uzunmüddətli mövcudluq və rəqabətə doğru strateji kursunu təsdiqləyir.
Bakıda Vens və Azərbaycan Prezidenti İlham Əliyev Strateji Tərəfdaşlıq Xartiyası imzalayıblar. Sənəd Orta Dəhlizin və TRIPP-nin inkişafı, enerji, rəqəmsal texnologiyalar, süni intellekt, kibertəhlükəsizlik və müdafiə sahələrində əməkdaşlığı əhatə edir. ABŞ həmçinin Xəzər dənizinin təhlükəsizliyi üçün Azərbaycana katerlər köçürəcək.
Ermənistan mülki nüvə enerjisi ilə bağlı 9 milyard dollarlıq müqavilə, kəşfiyyat dronlarının alınmasına dair 11 milyon dollarlıq müqavilə imzalanıb və genişləndirilmiş texnoloji əməkdaşlıq elan edilib. ABŞ-ın vasitəçiliyi ilə Bakı ilə Yerevan arasında əldə edilən sülh müqavilələrində irəliləyişlər əldə edilir.
Blank Konqresi Azərbaycana yardımı məhdudlaşdıran Azadlığa Dəstək Aktının 907-ci maddəsini, eləcə də Orta Asiya ölkələri ilə ticarətə mane olan 1974-cü il Cekson-Venik Düzəlişini ləğv etməyə çağırır. O, bunun ABŞ-ın Avrasiyada mövqeyinin möhkəmlənməsinə yol açacağına inanır.
14-02-2026, 10:15
Venesuela nefti 5 Qərb şirkətinin nəzarətinə keçdi
Venesuelanın neft iqtisadiyyatını dəstəkləmək üçün 5 Qərb neft və qaz şirkətinə ölkədə işləmək üçün lisenziyalar verilib.
Bu barədə Tramp administrasiyası qərar verib. BP, Chevron, Eni, Repsol və Shell Venesuelada çalışacaq.
Əməliyyatlar və ödənişlər ABŞ tərəfindən nəzarət ediləcək və müqavilələr ABŞ agentlikləri tərəfindən müntəzəm olaraq nəzərdən keçiriləcək.
13-02-2026, 19:34
Paşinyan: Karapetyan Baş nazirliyə namizəd ola bilməz
Ermənistanın Baş naziri Nikol Paşinyan Samvel Karapetyanın “Güclü Ermənistan” partiyasından Baş nazirliyə namizədliyinə münasibət bildirib.
Paşinyan brifinqdə qeyd edib ki, Ermənistan Respublikasının qanun və Konstitusiyasına əsasən, ikinci və ya üçüncü ölkədə vətəndaşlığı olan şəxslər nə parlamentə, nə də Baş nazirliyə namizəd ola bilməzlər.
“Sizin danışdığınız məsələ nə de-yure, nə də de-fakto mövcuddur. Mövcud olmayan bir şey barədə şərh vermək lazımsızdır”, – Paşinyan əlavə edib.
13-02-2026, 19:00
Hava limanında həyəcan: Uçuşa hazırlaşan təyyarə təcili boşaldıldı
Antalyadan Qaziantepə uçuşa hazırlaşan “SunExpress” aviaşirkətinə məxsus “Boeing 737” tipli təyyarə hava limanında hərəkət edərkən şassi nasazlığı ilə üzləşib.
Hadisədən dərhal sonra sərnişinlər və ekipaj üzvləri təhlükəsiz şəkildə təxliyə olunublar. Xoşbəxtlikdən insident nəticəsində xəsarət alan olmayıb.
Məlumata əsasən, sərnişinlər sonradan alternativ təyyarə ilə Qaziantepə yola salınıblar. Nasazlıq aşkarlanan hava gəmisi isə ətraflı texniki baxışdan keçirilir və təmir prosesi başa çatdıqdan sonra yenidən istismara buraxılacaq.
13-02-2026, 18:50
Luvr muzeyində su sızması - Əsərlər zədələndi
Fevralın 13-nə keçən gecə Louvre Museumda yerləşən otaqlardan birində su basması qeydə alınıb.
Muzeyin texniki heyəti insidenti “fövqəladə vəziyyət” kimi qiymətləndirib. Subasma 707 nömrəli, “Duchâtel” adı ilə tanınan və XV–XVI əsrlərə aid eksponatların sərgiləndiyi zalda baş verib. Bildirilir ki, bəzi sənət əsərlərinə ciddi zərər dəyib və faktla bağlı araşdırma aparılır.
İlkin ehtimala görə, yuxarı mərtəbələrdən birində yaranan güclü su sızmasına boru xəttindəki nasazlıq səbəb olub. 706–708 nömrəli zalların isə müvəqqəti olaraq ziyarətçilər üçün bağlandığı qeyd edilir.
Xatırladaq ki, ötən il oktyabrın 19-da naməlum şəxslər Luvra daxil olaraq cəmi yeddi dəqiqə ərzində imperator Napoleon Bonaparteın kolleksiyasına aid 9 əşyanı oğurlamışdılar. Həmin eksponatların ümumi dəyəri 88 milyon avro olaraq qiymətləndirilir.
13-02-2026, 18:36
Ermənistan Avropa müşahidəçilərinin sərhəddə qalmasını istəyir
Ermənistan Avropa İttifaqının müşahidə missiyasının ölkədə fəaliyyətini davam etdirməsini istəyir.
Bu barədə jurnalistlərə açıqlamasında Ermənistan Təhlükəsizlik Şurasının katibi Armen Qriqoryan bildirib.
Onun sözlərinə görə, rəsmi İrəvan həm açıq bəyanatlarda, həm də Avropa İttifaqındakı tərəfdaşlarla qapalı görüşlərdə Brüssellə əməkdaşlığın yüksək səviyyədə olduğunu vurğulayıb və Ermənistandakı Aİ missiyasının fəaliyyətini müsbət qiymətləndirib.
Qriqoryan qeyd edib ki, müşahidə missiyası sabitlik amili baxımından müsbət təsir göstərib, regionda sabitliyin möhkəmlənməsinə töhfə verib və sərhədyanı icmalar arasında təhlükəsizlik və dayanıqlılığa inamı artırıb. Onun sözlərinə görə, missiya Ermənistan–Azərbaycan münasibətlərində sülhün bərqərar olması prosesində də mühüm rol oynayıb.
Təhlükəsizlik Şurasının katibi, həmçinin ABŞ Prezidenti Donald Trump-ın Ermənistan–Azərbaycan münaqişəsinin nizamlanmasında mühüm rol oynadığını bildirib.
Missiyanın gələcək fəaliyyəti ilə bağlı suala cavabında Qriqoryan deyib ki, Ermənistan istənilən halda Aİ-nin mülki müşahidə missiyasının ölkədə qalmasını arzulayır. Onun sözlərinə görə, hazırda imzalanmalı və ratifikasiya olunmalı olan sülh sazişi çərçivəsində müəyyən razılaşmalar mövcuddur və sənəd qüvvəyə mindikdən sonra bu istiqamətdə növbəti addımlar müəyyənləşdiriləcək.
Qriqoryan əlavə edib ki, Avropa İttifaqı ilə gələcək əməkdaşlığın formaları hazırda müzakirə mərhələsindədir və bu məsələdə də sülh müqaviləsinin ratifikasiyası həlledici rol oynayacaq.
13-02-2026, 18:13
Rusiyanın “kölgə donanması”na zərbə: 91 gəmiyə sanksiya
Ukrayna Prezidenti Volodimir Zelenski Rusiyanın “kölgə donanması”na aid olduğu iddia edilən dəniz gəmilərinə qarşı sanksiyaların tətbiqini nəzərdə tutan fərman imzalayıb.
Sənəd dövlət başçısının rəsmi internet səhifəsində yayımlanıb.
Sanksiya siyahısına Liberiya, Palau, İndoneziya, Syerra-Leone, Panama, Komor Adaları İttifaqı və digər ölkələrin bayrağı altında üzən ümumilikdə 91 gəmi daxil edilib. Qeyd olunub ki, həmin gəmilərdən yalnız biri rəsmi şəkildə Rusiya Federasiyasına məxsusdur.
Zelenski indiyədək Rusiyanın fiziki və hüquqi şəxslərinə, eləcə də Ukraynanın Moskva ilə əməkdaşlıqda ittiham etdiyi digər ölkələrin vətəndaşlarına və şirkətlərinə qarşı mütəmadi olaraq sanksiyalar tətbiq edib.
Müvafiq siyahılar aidiyyəti nazirlik və qurumlar tərəfindən hazırlanır, təkliflər təqdim olunur və yekun qərarlar Ukrayna Təhlükəsizlik Şurası tərəfindən qəbul edilir.
12-02-2026, 22:45
Netanyahu: İranla razılaşmada İsrailin maraqları nəzərə alınmalıdır
İsrailin Baş naziri Benyamin Netanyahu İranın nüvə proqramı ilə bağlı mümkün razılaşmada İsrailin maraqlarının qorunmasının vacibliyini vurğulayıb.
Netanyahu bu barədə ABŞ Prezidenti Donald Trampla Vaşinqtonda keçirdiyi görüşdən sonra İsrailə qayıdarkən jurnalistlərə açıqlamasında danışıb.
Onun sözlərinə görə, Tramp İran məsələsində fikirlərini öyrənmək istəyib: “O, mənim mövqeyimi eşitmək istəyirdi. İranla hər hansı razılaşmanın mahiyyəti ilə bağlı ümumi skeptik yanaşmamı ifadə etdim”.
Baş nazir qeyd edib ki, mümkün razılaşmada yalnız nüvə proqramı deyil, həmçinin İranın ballistik raketləri və proksi qüvvələri ilə bağlı məsələlər də İsrail üçün önəm daşıyır və bunlar nəzərə alınmalıdır.
Netanyahu əlavə edib ki, görüşdə Qəzza zolağı ilə bağlı sülh planı da müzakirə mövzusu olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!