26-02-2023, 23:34
İranda etiraz aksiyası keçirilib
Bu gün səhər saatlarında İranın Əhvaz şəhərində etiraz aksiyası keçirilib. Aksiya iştirakçıları polis qərargahına hücum edib. Bu barədə “Azad İran” teleqram kanalı məlumat yayıb. Hadisə nəticəsində polislər arasında ölənlərin olduğu bildirilir. İnsidentin detalları açıqlanmayıb.
26-02-2023, 23:30
Səudiyyə Ərəbistanından Ukraynaya 400 milyon dollarlıq dəstək
Səudiyyə Ərəbistanı Ukraynaya 400 milyon dollarlıq yardım göstərəcək. Səudiyyənin xarici işlər naziri Faysal bin Fərhan Əl Səudun Ukraynaya səfəri çərçivəsində iki sənəd imzalanıb. Sənədlərdən biri 100 milyon dollarlıq humanitar yardımı ehtiva edir. Digər müqavilə 300 milyon dollarlıq neft məhsullarına aiddir.
26-02-2023, 23:25
Çin Rusiyaya silah göndərməyi planlayır - ABŞ kəşfiyyatı
ABŞ əmindir ki, Çin Rusiyaya silah göndərməyi düşünür, lakin kəşfiyyat məlumatları Pekinin hələ yekun qərar vermədiyini göstərir. Bunu Mərkəzi Kəşfiyyat İdarəsinin direktoru Uilyam Börns "CBS News"a bildirib. "Biz öldürücü silahların faktiki çatdırılmasına dair sübut görmürük", - deyə Börns qeyd edib. Xatırladaq ki, bundan əvvəl CNN Çin hökumətinin Rusiyaya silah göndərmək istəməsi barədə məlumat yayıb.
26-02-2023, 23:21
Bolqarıstan Ukrayna üçün Sovet mərmiləri istehsal edəcək
Bolqarıstan Ukrayna Silahlı Qüvvələri üçün Sovet mərmilərinin istehsalını bərpa edəcək. Bu barədə "The New York Times" qəzeti məlumat yayıb. Bildirilir ki, 35 illik fasilədən sonra Bolqarıstanın Kostenets şəhərində mərmi istehsalı zavodu işə başlayacaq. Zavod sırf Ukrayna Silahlı Qüvvələri üçün 122 mm-lik mərmi istehsal edəcək.
26-02-2023, 23:19
Türkiyədə zəlzələ qurbanlarının sayı artıb
Türkiyədə zəlzələ nəticəsində həlak olanların sayı 44 374 nəfərə çatıb. Bu barədə ölkənin Fövqəladə Halların İdarə Olunması Agentliyinin (AFAD) rəhbəri Yunus Sezer bildirib. Xatırladaq ki, fevralın 6-da Türkiyənin Kahramanmaraş vilayətinin Pazarcık rayonunda 7,7 bal, Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Daha sonra Hatayda 6.4 ballıq növbəti zəlzələ qeydə alınıb.
26-02-2023, 16:34
Putin türkiyəli həmkarına zəng etdi
Rusiya prezidenti Vladimir Putin və türkiyəli həmkarı Rəcəb Tayyib Ərdoğan arasında telefon danışığı olub. Bu barədə Kreml məlumat yayıb. Bildirilib ki, Putin Ərdoğanı doğum günü münasibətilə təbrik edib. Həmçinin vurğulanıb ki, söhbət zamanı tərəflər qarşılıqlı maraq doğuran bir sıra məsələlər ətrafında fikir mübadiləsi aparıblar.
26-02-2023, 00:13
Almaniyada Ukraynayla yardımla bağlı etiraz aksiyası keçirilib
Almaniyada hökumətin Ukraynaya silah göndərməsinə qarşı etiraz akasiyası keçirilib. Bu barədə "Reuters" agentliyi məlumat yayıb. Aksiyada 10 minə yaxın insan iştirak edib. Etiraz aksiyası Almaniyanın solçu "Die Linke" partiyasının üzvü Sahra Vaqenknext tərəfindən təşkil edilib. İştirakçılar kansler Olaf Şoltsu Ukraynaya silah tədarükünü dayandırmağa çağırıb. Onlar silah yardımının ölkəni 3-cü dünya müharibəsinə yaxınlaşdırdığını bildiriblər.
26-02-2023, 00:08
Zelenski Rusiyanın ələ keçirdikləri məntəqələrlə bağlı məlumat verib
Fevralın 25-nə olan məlumata görə, Rusiya qoşunları Ukraynanın 1877 yaşayış məntəqəsini ələ keçirib. Bu barədə Ukrayna Prezidenti Volodimir Zelenski məlumat verib. Onun sözlərinə görə, ruslar hər dəqiqə Ukraynada işğal olunmuş şəhər və kəndlərin sayını artırmağa çalışırlar. "Biz Ukrayna torpağında sizin hamınızın təsəvvür edə bilməyəcəyi bir şey uğrunda döyüşürük, dostlar. Bu elementar təhlükəsizlikdir", - deyə Zelenski bildirib.
26-02-2023, 00:02
Çindən Rusiyaya silah vermək üçün böyük təşəbbüslər gözləmirəm - Bayden
Hazırda Çinin Rusiyaya hərbi yardım etdiyini göstərən heç bir əlamət yoxdur. Bunu ABŞ prezidenti Co Bayden ABC-yə müsahibəsində deyib. Bayden bildirib ki, o, Pekindən gələcəkdə belə addımlar gözləmir: "Mən gözləmirəm, Çindən Rusiyaya silah vermək üçün böyük təşəbbüslər gözləmirəm". ABŞ Prezidenti ötən ilin yayında Çin lideri Si Cinpinlə görüşdə bu mövzudan və mümkün iqtisadi nəticələrdən danışdığını, ABŞ-ın bu işə biganə qalmayacağını bildirib.
25-02-2023, 23:58
ABŞ Rusiyanın bank sektorunun 80%-nə sanksiya tətbiq edib
Müharibənin başlamasından bu yana ABŞ Rusiyanın bank sektorunun 80%-nə sanksiya tətbiq edib. Bu barədə ABŞ Maliyyə Nazirliyi məlumat yayıb. Bildirilir ki, Rusiyanın 10 ən böyük kredit təşkilatı ABŞ sanksiyaları altındadır. Ümumilikdə 2400 fiziki və hüquqi şəxsə, 115 gəmiyə və 19 təyyarəyə məhdudiyyət qoyulub. Dövlət Dumasının 450 üzvü, Federasiya Şurasının 170 üzvü, 47 Rusiya qubernatoru, prezident Vladimir Putin və digər yüksək vəzifəli məmurların hamısı sanksiyalara məruz qalıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!