Dünya » Səhifə 855

11-10-2022, 16:42

Özbəkistan vətəndaşlarını Ukraynanı tərk etməyə çağırdı

Özbəkistanın Kiyevdəki səfirliyi həmvətənlərinə müraciət edərək onları Ukraynanı tərk etməyə çağırıb. Bu barədə diplomatik nümayəndəliyin saytında bildirilir.“Ukrayna şəhərlərinə intensivləşən raket hücumları fonunda Özbəkistan Respublikası vətəndaşlarının Ukrayna ərazisinə giriş və qalma təhlükəsizliyi ilə bağlı müraciəti ilə əlaqədar səfirlik bir daha həmvətənlərini səfərdən çəkinməyə çağırır", - mesajda deyilir.

Özbəkistan vətəndaşlarını Ukraynanı tərk etməyə çağırdı

11-10-2022, 16:29

Qazaxıstan Kiyevdəki diplomatlarını təxliyə edir

Qazaxıstan Xarici İşlər Nazirliyi Kiyevdəki səfirliyinin əməkdaşlarının təxliyəsi imkanlarını nəzərdən keçirir. Bu barədə jurnalistlərə açıqlamasında Xarici İşlər Nazirliyinin rəsmi nümayəndəsi Aybek Smadiyarov bildirib. O, diplomatik heyətin hansı şəhərə təxliyə edilməsinin nəzərdə tutulduğunu açıqlamayıb. Xatırladaq ki, ötən gün Qazaxıstanın Kiyevdəki səfirliyi həmvətənlərinə müraciət edərək, Ukrayna ərazisinə səfərdən çəkinməyə və bu ölkəni tərk etməyə çağırıb.

Qazaxıstan Kiyevdəki diplomatlarını təxliyə edir

11-10-2022, 16:26

Ukrayna qaranlığa qərq oldu

Rusiyanın raket zərbələri nəticəsində Ukraynanın beş vilayətində 300-dən çox yaşayış məntəqəsi işıqsız qalıb. Bu barədə Ukraynanın Fövqəladə Hallar üzrə Dövlət Xidməti məlumat yayıb. Bildirilib ki, Kiyev, Lvov, Sumı, Ternopol və Xmelnitski vilayətlərində 301 yaşayış məntəqəsində elektrik enerjisi kəsilib, bundan əlavə, partlayışlar nəticəsində baş verən 30 yanğın söndürülüb. Hakimiyyət orqanları vətəndaşları enerji sisteminin yükünü azaltmaq üçün yerli vaxtla saat 17:00-dan 22:00-dək işıqları söndürməyə və elektrik cihazlarından istifadə etməməyə çağırıb. Sakinlərə sığınacaqlarda qalmaları tövsiyə edilib.

Ukrayna qaranlığa qərq oldu

11-10-2022, 16:21

Rusiya yenə Ukraynanın bu şəhərlərini vurdu

Bu gün səhər saatlarında Rusiya Ukraynanın Zaporojye, Odessa, Rivne və Krivoy Roq vilayətlərinə hücum edib. Bu barədə Ukrayna KİV-ləri məlumat yayıb. Bildirilir ki, Zaporojye şəhərinin mərkəzinə endirilən raket zərbəsi nəticəsində 1 nəfər ölüb. Odessa, Rivne və Krivoy Roq vilayətlərində isə partlayış səsləri eşidilib.

Rusiya yenə Ukraynanın bu şəhərlərini vurdu

11-10-2022, 16:06

Zaporojye yenidən raketlə vuruldu

Rusiya ordusu Zaporojyeyə yenidən raket zərbələri endirib. Hazırda dağıntı və zərərçəkənlər barədə məlumat dəqiqləşdirilir. Bu barədə Zaporojye vilayətinin rəhbəri Aleksandr Staruxun "Telegram" kanalında yazıb. Onun sözlərinə görə, ruslar infrastruktur obyektlərini hədəfə alıblar:"İşğalçılar rayon mərkəzinə raketlərlə hücum edib. Düşmənin hədəfləri infrastruktur obyektləri olub. Dağıntı və qurbanlar barədə məlumat dəqiqləşdirilir". Vilayət rəhbəri şəhər əhalisini sığınacaqlarda qalmağa çağırıb.

Zaporojye yenidən raketlə vuruldu

11-10-2022, 16:03

Ukraynada daha bir azərbaycanlı həlak oldu

Ukraynada davam edən müharibədə daha bir azərbaycanlı həlak olub. Bu barədə Ukrayna Azərbaycanlıları Birləşmiş Diasporu məlumat yayıb. Qeyd edilib ki, 1984-cü il təvəllüdlü Ruslan Hüseyn oğlu Məmmədov Xersonun müdafiəsi zamanı həlak olub.

Ukraynada daha bir azərbaycanlı həlak oldu

11-10-2022, 16:01

ABŞ Ukraynanı hava hücumundan müdafiə silahları ilə təmin edəcək

ABŞ prezidenti Co Bayden bu gün Ukrayna prezidenti Volodimir Zelenski ilə telefonla danışıb. Bu barədə Ağ Evin mətbuat xidməti bildirib. Məlumata əsasən, o, Ukraynaya özünü müdafiə etmək üçün lazım olan dəstəyi göstərməyə davam edəcəyinə söz verib. Xüsusilə, hava hücumundan müdafiə sistemləri haqqında söhbət aparılıb. Ukrayna prezidentinin mətbuat xidməti də C.Baydenlə telefon danışığı barədə məlumat yayıb."ABŞ prezidenti Co Baydenlə məhsuldar söhbət apardım. Əsas müzakirə mövzusu hava hücumundan müdafiə olub. Bu, hazırda müdafiə sahəsində əməkdaşlığımızda bir nömrəli prioritetdir", - deyə V.Zelenski bildirib.

ABŞ Ukraynanı hava hücumundan müdafiə silahları ilə təmin edəcək

11-10-2022, 15:59

“Ukrayna ilə döyüşmək istəmirik” - Belarusun müdafiə naziri

Belarus qonşu dövlətlərlə döyüşmək niyyətində deyil. Bunu Belarusun müdafiə naziri Viktor Xrenin bildirib.“Biz litvalılar, polyaklar, ukraynalılarla döyüşmək istəmirik. Əgər onlar istəməsələr və yanlış addımlar atmasalar, müharibə olmayacaq”, - nazir deyib. Nazir, həmçinin qeyd edib ki, ölkənin silahlı qüvvələrinin planları müdafiə xarakteri daşıyır, lakin təcavüz halında dərhal və sərt cavab veriləcək.

“Ukrayna ilə döyüşmək istəmirik” - Belarusun müdafiə naziri

11-10-2022, 15:56

Ukrayna əhalisinin üçdə biri ölkəni tərk edib

Rusiya-Ukrayna müharibəsi başlayandan bəri Ukrayna əhalisinin üçdə biri ölkəni tərk edib. Bu barədə BMT-nin insan haqları üzrə ekspertləri birgə yazılı bəyanat yayıblar. Rəsmi məlumatda Ukrayna əhalisinin üçdə birinin müharibənin başlamasından sonra ölkəni tərk etdiyi vurğulanıb, həmçinin çoxlu sayda qadın, uşaq, qoca və əlilin müdafiəsiz vəziyyətdə olduğu qeyd edilib."Qaçqınların və onların ailələrinin müdafiəsi beynəlxalq hüququn tələbidir, uşaqların müdafiəsinə xüsusi diqqət yetirilməlidir", - BMT-dən bildirilib.

Ukrayna əhalisinin üçdə biri ölkəni tərk edib

11-10-2022, 15:54

Zelenski Baydenlə danışıqlar apardı

Ukrayna Prezidenti Volodimir Zelenski amerikalı həmkarı Co Bayden ilə telefon danışığı aparıb. Bu barədə Zelenski özünün "Twitter hesabında məlumat yayıb. O, Baydenlə hava hücumundan müdafiə vasitələri barədə danışdığını bildirib."ABŞ prezidenti Co Baydenlə məhsuldar söhbət olub. Əsas müzakirə mövzusu hava hücumundan müdafiə idi. Hazırda müdafiə sahəsində əməkdaşlığımızda bu, bir nömrəli prioritetdir", - Zelenski qeyd edib.

Zelenski Baydenlə danışıqlar apardı