25-09-2023, 16:50
Qarabağda yaşayan insanlar Azərbaycan vətəndaşlarıdır - İlham Əliyev
Qarabağ bölgəsində yaşayan insanlar milli mənsubiyyətindən asılı olmayaraq Azərbaycan vətəndaşlarıdır.
Bu barədə Azərbaycan Prezidenti İlham Əliyev sentyabrın 25-də Türkiyə Prezidenti Rəcəb Tayyib Ərdoğan ilə mətbuata bəyanatında bildirib.
Dövlətimizin başçısı deyib ki, onların təhlükəsizliyi, güvənliyi, hüquqları Azərbaycan dövləti tərəfindən təmin ediləcək.
25-09-2023, 16:47
Orban: “Beynəlxalq həyatda heç bir məsələdə Ukraynanı dəstəkləməyəcək"
Budapeşt Transkarpat macarlarının hüquqlarını təmin edən hüquqi normaları bərpa etməyənə qədər “beynəlxalq həyatda heç bir məsələdə Ukraynanı dəstəkləməyəcək".
Bunu Macarıstanın baş naziri Viktor Orban parlamentdə çıxışı zamanı deyib.
“Ukrayna bir neçə ildir ki, macar məktəblərini sıxışdırır, onları Ukrayna məktəblərinə çevirmək və ya bu alınmasa, onları bağlamaq istəyirlər. Macarıstan hökuməti hər bir beynəlxalq forumda Transkarpat macarlarının, xüsusən də uşaqların hüquqları uğrunda mübarizə aparır”, - Orban bildirib.
Nümunə kimi o, Ukraynanın Mukçaevo şəhərində təhsil müəssisəsində Macarıstan himninin oxunmasını və macar milli rənglərində paltar geyinməyi qadağan edən məktəbin rəhbərliyini göstərib.
25-09-2023, 16:36
Prezident: “Ermənistanın Naxçıvana qarşı da ərazi iddiaları var idi”
Naxçıvan Azərbaycanın qədim diyarıdır. Əfsuslar olsun ki, 1920-ci ildə sovet hakimiyyəti tərəfindən Qərbi Zəngəzur Azərbaycandan ayrılmışdır və beləliklə, Azərbaycanın əsas hissəsi ilə Naxçıvan arasında coğrafi bağlantı kəsilmişdir.
Bu sözləri Azərbaycan Prezidenti İlham Əliyev sentyabrın 25-də Türkiyə Prezidenti Rəcəb Tayyib Ərdoğan ilə mətbuata bəyanatında deyib.
Dövlətimizin başçısı bildirib: “Ermənistan Azərbaycana qarşı işğalçılıq siyasətini aparmağa başlayanda Naxçıvana qarşı da onların ərazi iddiaları var idi, burada da şiddətli döyüşlər gedirdi. Və məhz o vaxt Azərbaycanın böyük oğlu Heydər Əliyevin rəhbərliyi ilə , - o zaman o, Naxçıvanın başçısı idi, - Naxçıvan düşməni yerinə oturtdu və öz ərazisini qoruya bilmişdir”.
25-09-2023, 16:30
İğdır-Naxçıvan qaz kəmərinin çəkilişi qardaşlıq münasibətimizdə önəmli hadisədir
Naxçıvana səfər zamanı imzalanmış sənədlər Türkiyə-Azərbaycan əlaqələrinin inkişafına xidmət göstərəcək. İğdır-Naxçıvan qaz kəmərinin çəkilişi qardaşlıq münasibətlərimizin tarixində önəmli hadisədir və bizim əlaqələrimizə yeni təkan verəcək, Naxçıvanın enerji təhlükəsizliyini daha böyük ölçüdə təmin edəcək.
Bu sözləri Azərbaycan Prezidenti İlham Əliyev sentyabrın 25-də Türkiyə Prezidenti Rəcəb Tayyib Ərdoğan ilə mətbuata bəyanatında deyib.
25-09-2023, 16:24
Fransa erməniləri sözdə dəstəkləyir, əməldə bunu etməyi ağlından keçirmir
Fransanın Ermənistandakı səfiri Olivye Dekotini ölkəsinin Qarabağ ermənilərini qəbul edib onlara sığınacaq verməyə hazır olması ilə bağlı yayılan xəbərləri təkzib edib.
Bu barədə diplomat özünün twitter səhifəsində məlumat paylaşıb.
Bundan əvvəl sosial şəbəkələrdə Fransanın Qarabağ ermənilərini qəbul edəcəyi ilə bağlı məlumat yayılmışdı. Əslində isə bu Qarabağdan köçən ermənilərin sosial şəbəkələrdə yazdığı arzu idi. Görünən odur ki, Fransa erməniləri sözdə dəstəkləyir, əməldə bunu etməyi ağlından keçirmir.
25-09-2023, 16:22
Prezidentlər İğdır-Naxçıvan qaz boru kəmərinin təməlqoyma mərasimində iştirak etdi
Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan İğdır-Naxçıvan qaz boru kəmərinin təməlqoyma mərasimində iştirak edirlər.
Qeyd edək ki, 2020-ci ilin dekabrın 15-də Ankarada Azərbaycan və Türkiyə arasında İğdır-Naxçıvan qaz boru kəmərinin tikintisinə dair anlaşma memorandumu imzalanıb. Azərbaycan Prezidenti İlham Əliyevin 10 fevral 2022-ci il tarixli sərəncamına əsasən İğdır-Naxçıvan qaz boru kəmərinin tikintisinə dövlət büdcəsindən müvafiq vəsait ayrılıb. Layihə 5 iyun 2023-cü il tarixində qəbul edilən “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nın prioritet layihələri sırasında yer alıb.
Diametri 16 düym (40 sm) olan boru kəmərinin İğdırdan Sədərək rayonuna qədər uzunluğu 97,5 kilometr təşkil edir. Boru kəmərinin Azərbaycan hissəsinin uzunluğu 17,5 km, Türkiyə hissəsinin uzunluğu 80 km-dir. Boru kəməri gündə 2 milyon, ildə isə 730 milyon kubmetr qaz ötürmək qabiliyyətinə malikdir ki, bununla da Naxçıvanın qaza tələbatı tamamilə ödəniləcək. Gələcəkdə boru kəmərinin ötürücülük qabiliyyətini iki dəfədən çox artırmaq mümkündür.
Boru kəmərinin Azərbaycan hissəsinin tikintisi Azərbaycan Dövlət Neft Şirkətinin (SOCAR) törəmə müəssisəsi olan “SOCAR Midstream Operations” MMC, Türkiyə hissəsinin tikintisi BOTAŞ şirkəti tərəfindən icra edilir.
Boru kəmərinin Azərbaycan hissəsinin tikintisinə 2023-cü ilin iyul ayında start verilib. Bu günədək Azərbaycan hissəsində layihələndirmə və mühəndis işləri tamamlanıb, material və avadanlıqlar əraziyə gətirilib, xəttin 98 %-də torpağın münbit qatı götürülüb, 55 %-də xəndəyin qazılması aparılıb, boruların 92 %-i tras boyu düzülüb, qaynaq-quraşdırma işlərinin 82 %-i bitirilib və digər işlər görülüb. Layihə çərçivəsində mühəndis-inşaat nöqteyi-nəzərindən mürəkkəb tədbirlərin, o cümlədən Araz çayının altından üfüqi istiqamətlənmiş qazmanın aparılması nəzərdə tutulub.
İğdır-Naxçıvan qaz boru kəmərinin Azərbaycan hissəsinin tikintisinin 2024-cü ilin may ayında, Türkiyə hissəsinin tikintisinin 2024-cü ilin dekabr ayında tamamlanması planlaşdırılır.
25-09-2023, 16:21
Qars-Naxçıvan dəmir yoluna dair niyyət protokolu imzalandı
Qars-Naxçıvan dəmir yoluna dair niyyət protokolu imzalanıb.
Bu barədə Prezidentin Mətbuat Xidməti məlumat yayıb.
Niyyət protokolunu Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan imzalayıb.
25-09-2023, 16:13
Erməniəsilli vətəndaş: “Azərbaycan vətəndaşlığını qəbul etmək istəyirik”
Azərbaycan Dövlət Televiziyasının (AzTV) müxbiri Şuşadan reportaj hazırlayıb.
Reportajda Ermənistana gedən erməniəsilli Ağdərə sakininin fikirləri də yer alıb.
Erməniəsilli vətəndaş Azərbaycan dilində danışaraq bildirib ki, onlar Ağdərəyə İrəvandan köçüblər:
“Polislər və əsgərlər bizə kömək edir və yaxşı davranırlar. Onlardan heç bir narazılığımız yoxdur. Bizə çörək verirlər və digər ehtiyaclarımızı qarşılayırlar. Azərbaycan vətəndaşlığını qəbul etmək istəyirik”.
Reportajda avtomobilində nasazlıq yaranan həmin sakinə polis əməkdaşlarımız kömək ediblər.
25-09-2023, 15:51
İranın cənubunda partlayış
İranın cənubunda neft emalı zavodunda partlayış baş verib.
Bu barədə məlumatı “Tasnim” agentliyi yayıb.
Partlayışa qaz sızmasının səbəb olduğu bildirilir.
Bununla belə, xəsarət alanlarla bağlı məlumat verilməyib.
İranın cənubunda neft emalı zavodunda partlayış baş verib.
Bu barədə məlumatı “Tasnim” agentliyi yayıb.
Partlayışa qaz sızmasının səbəb olduğu bildirilir.
Bununla belə, xəsarət alanlarla bağlı məlumat verilməyib.
25-09-2023, 14:56
Paşinyanın bəyanatlarına Rusiya XİN-dən münasibət
Moskva Ermənistanın baş naziri tərəfindən reallığa uyğun gəlməyən və ikitərəfli münasibətlərin inkişafına zidd olan bir sıra bəyanatlara diqqət çəkib.
Bu barədə Rusiya XİN-in sözçüsü Mariya Zaxarova danışıb.
Xatırladaq ki, bazar günü çıxış edən Nikol Paşinyan İrəvanın tərkibində olduğu təhlükəsizlik strukturlarını səmərəsiz adlandırıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!