31-07-2022, 18:14
Dollar bahalaşır: Manatı hansı aqibət gözləyir?
"Dollar bahalaşsa belə Azərbaycan üçün təsiri olmayacaq. Çünki ölkədə valyuta inzibati qaydada tənzimlənir. Artıq 6-cı ildir ki, dolların məzənnəsi ölkə üçün 1.70 civarında götürülür". Bu sözləri Butov.az-a dollar, avro və rublun dünya bazarındakı məzənnəsi haqqında danışan iqtisadçı ekspert Natiq Cəfərli deyib. O aparıcı valyutaların payız aylarındakı durumu haqqında proqnozları diqqətə çatdırıb: "Azərbaycanda digər valyutaların məzənnəsi dolların manata olan məzənnəsi üzərində hesablanır. Yəni dollar avroya qarşı güclənirsə, Azərbaycanda da avro zəifləməyə başlayır və manat qarşısında ucuzlaşır. İstənilən valyuta eyni qaydadadır. Dünyada baş verən proseslər, bazar iqtisadiyyatı Azərbaycana təsir etmir. Neftin qiyməti yüksək qaldıqca, digər məzənnələrin manata elə də təsiri olmayacaq. Əsas inzibati məzənnə manat və dollar üzərindədir".
Dünyada çox qəribə tendensiyanın hökm sürdüyünü söyləyən ekspertin sözlərinə görə, qiymət bahalaşması artır, inflyasiya sürətlənir deyə mərkəzi banklar faizi artırır: "Bu, o deməkdir ki, valyutalar bahalaşır. O cümlədən dollar indeksi son zamanların tarixi maksimumuna çatıb. 108-109 punkta yaxınlaşan dollar indeksi son illərin ən yüksək göstəricisidir. Dollar yenə də güclü və digər valyutalara nisbətən dayanıqlı görünür. Avro isə dollara qarşı ucuzlaşır. Amma payız aylarında Avropa Mərkəzi Bankı ard-arda faiz artırsa, avro özünə gələ bilər. Rubla gəldikdə isə, bizdəki kimi inzibati qaydada tənzimlənir, azad bazara əvvəlki qaydada satılsaydı, rubl daha ucuz olardı. Amma inzibati qaydada tənzimləndiyinə görə, rublun gələcək taleyi hökumətin verəcəyi qərarlardan asılı olacaq. İstənilən halda rublun taleyi yaxşı görünmür. Çünki inzibati tənzimləmə bir müddət sonra ləğv edilməlidir və bu, rublun kəskin ucuzlaşmasına gətirib çıxara bilər".
31-07-2022, 18:01
Azyaşlı bacılar itkin düşdülər
Gürcüstanda soydaşlarımızın kompakt yaşadığı Qardabani bölgəsində 2 azyaşlı qız itkin düşüb. Butov.az xəbər verir ki, hüquq-mühafizə orqanlarının əməkdaşları bir neçə gündür itkin düşmüş azyaşlı bacıları axtarır. Məlumata görə, onlar evi tərk ediblər, lakin bir daha geri qayıtmayıblar. İtkin düşən uşaqlar barədə hələlik başqa məlumat yoxdur.
31-07-2022, 17:56
Zelenski məcburi təxliyyə əmri verdi
Ukrayna Prezidenti Volodimir Zelenski şiddətli döyüşlərin getdiyi Donetsk vilayətində insanların məcburi təxliyəsinə göstəriş verib. Bu barədə ukraynalı lider videomüraciət yayıb. Zelenski bildirib ki, Donbass bölgələrində yüz minlərlə insan yaşayır. "Yüz minlərlə insan, on minlərlə uşaq var. Çoxları getməkdən imtina edir. Bunu həqiqətən etmək lazımdır. Bu nə qədər tez baş verərsə, Donetsk bölgəsini nə qədər çox insan tərk edərsə, rus ordusunun sizi öldürməsi üçün fürsəti bir o qədər az olacaq. Əgər belədirsə, lütfən, döyüş bölgələrində qalanlarla danışın. Xahiş edirəm, onları bölgəni tərk etməli olduqlarına inandırın",- Zelenski deyib. O, bölgəni tərk edən sakinlərə kompensasiya veriləcəyini vurğulayıb.
31-07-2022, 17:51
İraqda vəziyyət daha da pisləşdi
İraq parlamenti etirazçılar tərəfindən zəbt edildikdən sonra ölkədə siyasi gərginlik yaranıb. Butov.az xəbər verir ki, İraqın Baş naziri Mustafa Əl-Kazımi xəstəxanalardan başqa bütün dövlət qurumlarının fəaliyyətini dayandırdığını bəyan edib. O, siyasi və dini qrupları dialoqa çağırıb. Etirazçılar Baş nazirin istefa verməsini və yeni Baş nazirin seçilməsini tələb edirlər. İraq mətbuatı yazır ki, başqa dövlətlərin İraqın daxili işlərinə qarışması nəticəsində daxili siyasi mübarizə gərgin xarakter alıb. Siyasi partiya və dini qruplaşmalar konsensus əldə edib, yeni hökumət qura bilərlər. Lakin kənar qüvvələrin İraq uğrunda mübarizəsi gərginləşdikcə, daxili qüvvələrin də siyasi hakimiyyət uğrunda mübarizəsi gərgin xarakter alır və dialoq arxa plana keçib. Hələlik etirazlar davam edir və siyasi qüvvələr danışıqlar masası arxasında oturmaq fikrində deyillər.
31-07-2022, 17:47
Ərdoğanın sözçüsü: Gəmilər hazır vəziyyətdədir
“Ukrayna tərəfi ilə mütəmadi təmasdayıq. Rusiya tərəfi ilə də təmaslar davam edir. Gəmilər Odessa limanından çıxmağa hazır vəziyyətdədir” Butov.az xəbər verir ki, bu sözləri Türkiyə prezidentinin sözçüsü İbrahim Kalın deyib. “Hansı koordinatdan necə çıxacaq, beynəlxalq ərazi sularına girdiyi zaman, Türkiyə ərazi sularına girdiyi zaman kim yükləyəcək kimi detallar var. İlk gəminin sabah səhər yola çıxması ehtimalı yüksəkdir”, - deyə İ.Kalın qeyd edib.
31-07-2022, 17:43
15 idmançımız dünya çempionatına yollanır
Gənc taekvondoçulardan ibarət Azərbaycan milli komandasının avqustun 2-də Bolqarıstanın paytaxtı Sofiyada start götürəcək dünya çempionatı üçün heyəti açıqlanıb. Federasiyadan verilən məlumata görə, 6 gün davam edəcək yarışda yığma 15 idmançı ilə təmsil olunacaq. 809 taekvondoçunun iştirak edəcəyi mundialda oğlanlar arasında Xıdır Məmmədov (45 kq), Pünhan Mürsəlov (48 kq), İslam Əhmədzadə (51 kq), Kənan Əmiraslanov (55 kq), Fərid Əliyev (59 kq), Nizami Hacıyev (63 kq), Xan Məmmədzadə (68 kq), Vaqif Hacıyev (73 kq), İsmət İsrafilzadə (78 kq), qızlardan isə Zemfira Həsənzadə (42 kq), Səlimə Quliyeva (44 kq), Nərgiz Kazımova (46 kq), Səmməruh Osmanova (49 kq), Leyla Bəşirova (52 kq) və Fatimə Həsənova (55 kq) medallar uğrunda döyüşəcək. Taekvondoçular dünya çempionatına qatılmaq üçün artıq Bolqarıstana yollanıb. Azərbaycan Taekvondo Federasiyasının vitse-prezidentləri Nağı Səfərov və Niyaməddin Paşayev də idmançıları dəstəkləmək üçün Sofiya şəhərindədir.
31-07-2022, 17:37
Şamaxı yolunda “Hyundai” yandı
Bakı-Şamaxı yolunda avtomobil yanıb. Butov.az xəbər verir ki, hadisə zamanı avtomobilin mühərrik hissəsində başlayan yanğın sürətlə yayılıb. Nəticədə “Hyundai Sonata” markalı minik avtomobili tamamilə yanaraq yararsız hala düşüb.
31-07-2022, 17:29
Koronavirusa yoluxanların sayı 576 milyonu ötüb
Dünyada koronavirusa yoluxanların sayı 576 milyon 81 min nəfəri keçib. Bu barədə beynəlxalq təşkilatların, federal və yerli hakimiyyət orqanlarının məlumatları əsasında hesablamalar aparan Cons Hopkins Universiteti bəyan edib. Bildirilib ki, dünyada koronavirusdan ölənlərin sayı isə 6 milyon 399 min 498 nəfərə çatıb. Ən çox yoluxma halları ABŞ, Hindistan, Braziliya, Fransa, Almaniya və Böyük Britaniyada qeydə alınıb.
31-07-2022, 17:24
Rusiya ordusunun Ukraynada verdiyi itkilər
Ukrayna Silahlı Qüvvələri son sutka ərzində Rusiya ordusunun 160 əsgərini zərərsizləşdirib. Həmçinin onlarla artilleriya sistemi sıradan çıxarılıb. Bu barədə Ukrayna Silahlı Qüvvələrinin Baş Qərargahı məlumat yayıb. Rusiya ordusu ən böyük itkini Donetsk istiqamətində verib. Rus ordusunun müharibə ərzindəki ümumi döyüş itkiləri təxminən belədir: şəxsi heyət təxminən 40 830 (son sutkada daha 160 nəfər) nəfər zərərsizləşdirilib; tanklar - 1763 (4 yeni tank) ədəd; zirehli döyüş maşınları - 4 004 (+9) ədəd; artilleriya sistemləri - 916 (+10) ədəd, təyyarələr 223 (1), helikopterlər (190).
31-07-2022, 17:21
Ukrayna Qəhrəmanı arvadı ilə birgə öldürüldü
Ukrayna Qəhrəmanı, ən böyük taxıl ticarəti şirkəti “Nibulon”un sahibi Aleksey Vadaturski iyulun 31-nə keçən gecə həlak olub. Nikolayevin atəşə tutulması zamanı onun evinə mərmi düşüb. Bu barədə Nikolayev Regional Hərbi Administrasiyasının rəhbəri Vitali Kim “Telegram” kanalında məlumat verib. Məlumata görə, mərhum həyat yoldaşı ilə birlikdə dünyasını dəyişib. Oliqarx biznesmen “Forbes”in Ukrayna milyonçuları siyahısına daxil edilib və reytinqdə 15-ci yerdə qərarlaşıb. Onun sərvəti 0,5 milyard dollar həcmində qiymətləndirilirdi. Xatırladaq ki, Ukraynanın Nikolayev şəhəri iyulun 31-nə keçən gecə saat 01:00-dan səhər saat 05:00 radələrinədək intensiv atəşə tutulub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!