24-10-2021, 09:41
2020-ci il sentyabrın 27-də Azərbaycanın ərazi bütövlüyü uğrunda erməni faşistlərinə qarşı ölüm-dirim savaşı başlandı. 44 günlük Vətən müharibəsində Azərbaycan Respublikasının Prezidenti, Ali Baş Komandan İlham Əliyevin rəhbərliyi altında Müzəffər Azərbaycan Ordusunun hərbi qulluqçuları sözün əsl mənasında tarix yazdılar. Azərbaycanın 30 il həsrətində qaldığı tarixi əraziləri - Füzuli, Cəbrayıl, Qubadlı, Ağdam, Kəlbəcər, Laçın, Hadrut, Xocavənd, Suqovuşan, Şuşa igid və qəhrəman oğullarımızın hesabına erməni işğalından azad olundu. Vətən müharibəsində böyük qəhrəmanlıq və şücaət göstərərək tarixi torpaqlarımızı erməni faşistlərindən azad edən igid oğullaran biri də Nazim Kirxlarovdur. Vətən müharibəsində minamyotçu olan Nazim Kirxlarov gənc nəslə nümunə olacaq şərəfli ömür yolu keçib. Nazim Nadir oğlu Kirxlarov 1993-cü il dekabrın 20-də Bakının Suraxanı rayonunun Əmircan qəsəbəsində anadan olub. 1999-cu ildə Əmircan qəsəbəsindəki 114 nömrəli tam orta məktəbin I sinfinə daxil olub. Bu təhsil ocağında iki il oxuduqdan sonra 226 nömrəli tam orta məktəbdə təhsilini davam etdirib. 2008-ci ildə həmin məktəbin IX sinfini bitirib.
Təranə Cəbiyeva
22-10-2021, 11:47
6 il əvvəl Eldar Mahmudovun rəhbərlik etdiyi mütəşəkkil cinayətkar quldur dəstə ifşa olunandan sonra xüsusən iş adamları dərindən nəfəs aldılar. Bu, səbəbsiz deyildi. Eldar Mahmudov ona göstərilən etimaddan sui-istifadə edib iş adamlarına qan uddururdu. Böyük rezonans doğuran bu ifşa prosesindən və ölkə rəhbərliyinin ortaya qoyduğu prinsipial mövqedən sonra bir daha oxşar cinayətlərin təkrarlanmayacağı ehtimal olunurdu. MTN-də yuva salan dəstənin ifşası Eldar Mahmudovun yolunu getmək istəyənlərə də bir dərs olmalı idi. Təəssüf ki, belə olmadı...
Baş redaktorun başına gətirilənlər
Tanınmış baş redaktor Emin Eminbəylinin üzləşdiyi cinayətə bərabər qanunsuzluqlara Müdafiə Nazirliyinin sabiq baş Qərargah rəisi Nəcməddin Sadıkovun və onun qudası Elçin Muradovun adı qarışıb.
Emin Eminbəyli 2001-ci ildə jurnalistikadan uzaqlaşandan sonra iş qurub, kiçik biznes fəaliyyətinə başlamağı qərara alıb. Bir neçə yaxını ilə Almaniyada “EPT-Almaniya” Məhdud Məsuliyyətli Cəmiyyətini yaradıb. Həmin ili Almaniyada keçirilən hərracda sutkada 50 ton kağız tullantılarından xrom-erzas karton istehsal edən zavod alıb. Şərikləri arasında alman, türk və bolqar iş adamları da olub. Müzakirələrdən sonra qərara alırlar ki, zavodu söküb Azərbaycana gətirsinlər. Bunun üçün onlara həm maliyyə dəstəyi, həm də hakimiyyətlə münasibətləri tənzimləyə bilən adam lazım idi. Hakimiyyətə yaxınlığı və real maliyyə imkanı olan bir neçə iş adamı ilə görüşürlər. Onları karton istehsalının rentabelli olmasını təsdiqləyən hesablamalarla tanış edirlər. Emin Eminbəyli hələ birinci Qarabağ savaşından yaxın münasibətdə olduğu Nəcməddin Sadıkovla da görüşür. Bu o vaxtlar idi ki, müdafiə naziri Səfər Əbiyevlə münasibətləri gərgin olan Nəcməddin Sadıkovun Baş Qərargah rəisi vəzifəsində çıxarılması məsələsi gündəmdə idi. Nəcməddin Sadıkov ona edilən təkliflə razılaşır.
Bir şərtlə ki, rəsmiyyətdə onun adı çəkilməsin, başqasının adı olsun. Şəriklər üçün bu, prinsipial əhəmiyyət daşımır. Uzun müzakirələrdən sonra karton zavodu tərəflər arasında dörd milyon ABŞ dolları ilə dəyərləndirilir və iki tərəf arasında 50-50 bölüşdürülür. Görüşdə Sadıkovun qaynı Gərayxan Gərayxanov da iştirak edir. Və bütün məsələlərdə onun təmsilçisi olacağı tərəflər arasında razılaşdırılır. Nəcməddin Sadıkov bu iş üçün 2 milyon ABŞ dolları sərmayə yatırmalı idi. Zavodun sökülüb gətirilməsi, himayədarlıq edilməsi də onun üzərinə düşürdü. Bu da qeyd edilməlidir ki, razılaşma imzalanana qədər qarşı tərəf Almaniyaya mütəxəssis göndərib zavodun texniki parametrləri, vəziyyəti, qiyməti ilə maraqlanmışdı. İtaliyadan olan həmin mütəxəssis zavodla bağlı geniş bir rəy yazıb sifarişçiyə təqdim etmişdi. İtalyan mütəxəssis zavodun texniki vəziyyəti ilə bağlı müsbət rəy vermiş və bildirmişdi ki, zavodun real dəyəri 7 milyon ABŞ dolları civarındadır. Bu qədər vəsaitin ayrılması iqtisadi baxımdan sərfəlidir, dünya bazarındakı karton məmulatına artan tələbata görə sərmayə riski yox dərəcəsindədir.
Məhz bu rəydən sonra şəriklik təklifi Nəcməddin Sadıkovun qaynının adına nəzərdə tutulan kimi rəsmiləşir. İlkin olaraq texniki məsələləri həll etmək üçün 300 min ABŞ dolları vəsait xərclənir. Bu vəsaitlə zavodu sökmək üçün 15 nəfərdən ibarət mütəxəssis və fəhlə Azərbaycandan Almaniyaya ezam edilir. Drezden şəhərinin yaxınlığında yerləşən zavod 6 ay müddətinə sökülüb, 44 ədəd yük konteyneri ilə Azərbaycana göndərilir. Abşeron rayonu ərazisində “Binəqədi Dəmir Beton ASC”nin bir hissəsini alıb zavodu oradakı korpuslardan birində quraşdırmaq üçün zəruri addımlar atılır.
Nəcməddin Sadıkov alınan istehsalat korpusunun bir hissəsinin qaynının və oğlunun adına keçirilməsini istəyir. Etiraz edilmir. Bir şərtlə ki, zavod quraşdırılıb qurtarana qədər o, tərəflərin razılığı olmadan heç kimə satıla bilməz. Təklif protokollaşdırılır və tərəflər onu imzaları ilə təsdiqləyir.
Gözlənilməz təklif
Zavod sökülərək ölkəyə gətiriləndən sonra Nəcməddin Sadıkov zavodun gəlirinin 80 faizinin “yuxarı”lara verilməsini “yuxarı”ların şərti kimi şəriklərə bildirir. Əks təqdirdə, zavodun işləməsi mümkünsüzdür. Şəriklər bu təklifi öz aralarında müzakirə edir və təbii ki, təkliflə razılaşmırlar. Avadanlıq bir ildən artıq elə konteynerlərin içərisində qalır. Ondan sonra Nəcməddin Sadıkov zavodu Dərbəndə aparıb orada quraşdırmaq təklifini verir. Çıxış yolu olmayan şəriklərin razılaşmaqdan başqa əlacları qalmır. Tərəflər Dərbənddə “EPT- Dərbənd” birgə müəssisəsi yaradıb zavodu bu dəfə Dərbəndə daşıyır və Türkiyədən mütəxəssislər dəvət edib “Dərbənd Cilalayıcı Dəzgahlar Zavodu”nun bir korpusunda karton zavodunu quraşdırmağa başlayırlar.
İldırım çaxdı, buludlar çəkildi, günəş hər tərəfi işıqlandırdı
Zavod Dərbənddə quraşdırılıb, işlərin tamamlandığı vaxt Nəcməddin Sadıkovun həyatında dəyişikliklər oldu. Elçin Muradovla qohumlq onu Səfər Əbiyev təhlükəsindən qurtardı. Daha onun karton zavoduna ehtiyacı qalmadı. Müdafiə Nazirliyinin bir sahəsi onun ixtiyarına verildi. Bu, yüksəkliyə uçuşun hələ başlanğıcı idi.
O, üzərinə götürdüyü öhdəlikləri bir anın içərisində unudur. Şərikləri ilə təmaslarını kəsir. Necə deyərlər, ayaqları yerdən üzülür. Yüksələ bildikcə səmalara yüksəlməyə başlayır. Amma bu arada imkan tapıb zavodun iki korpusunu oğlu və qaynının adına özəlləşdirməyi də unutmur. Şəriklərini yenə də aldada bilir. Bu dəfə general poqonuna and içir. Amma yenə sözünün üstündə durmur.
Karton istehsalından gələn gəlir nazirlikdə möhkəmlənmiş mövqeyinin dividentinin yanında onun üçün heç nəyə çevrilir. Başı daha ciddi işlərə qarışır. Hərbi hissələrin ərazisində mülklər tikməyə və s.
Şəriklər 19 ildir ki, Nəcməddin Sadıkovun verdiyi “general sözü”nün ziyanını çəkməklə məşğuldurlar. “Qara gün” üçün nəzərdə tutulan zavod indiyədək Dərbənddə ağzı günə qalır.
Elçin Muradov Eldar Mahmudov rolunda
Dərbənddən əli üzülən Emin Eminbəyli respublikada Eldar Mahmudov təhlükəsi sovuşandan sonra yenidən bir iş görmək qərarına gəlir. Nəcməddin Sadıkovun oğlu və qaynının (notarial şəkildə) razılığı ilə həmin korpusu abadlaşdırır. Dam örtüyünü təzələyir, işıq, qaz, su xətti çəkdirir. Yeri betonlayır. İnzibati idarə binası tikdirir. Bir sözlə, xeyli xərcdən sonra korpusu normal vəziyyətə salır. Bir neçə şəriki ilə birlikdə ağac yonqarlar pilitəsi (DSP) istehsal edən mini zavod quraşdırmağa başlayır. İrandan mütəxəssislər dəvət edir. Zavodu işə salmaq üçün olan-qalan əmlaklarını satmalı olur. İşlər başa çatmağa yaxın məlum olur ki, həmin istehsalat korpusunu Nəcməddin Sadıkov qudası Elçin Muradovun adına keçirib...
Emin Eminbəyli Elçin Muradovla görüşür və bütün olanları ona danışır. Elçin Muradov sanki bütün olanlardan xəbərsiz kimi təəssüfləndiyini bildirir. Bundan sonra Elçin Muradov Nəcməddin Sadıkovun qaynını çağırtdırır və Emin Eminbəylinin dediklərinin həqiqət olduğunu dəqiqləşdirəndən sonra bu işdə onların haqsız olduqlarını söyləyir. Bundan sonra Emin Eminbəyliyə öz işini davam etdirməyi, heç kimin onun işinə müdaxilə edə bilməyəcəyinə söz verir.
Bundan sonra Emin Eminbəyli zavodu işə salmaq üçün bu sahədə səriştəli olan bir firma ilə uzunmüddətli müqavilə bağlayır. Yüksək keyfiyyətli məhsul istehsal etmək üçün iranlı mütəxəssislər zavodun müxtəlif sahələrini müasir tələblərə uyğunlaşdırmaq təklifini verirlər. Bu təkliflər reallaşdırılmağa başlanır. İşlər yekunlaşan vaxtı...
Təkrar göy guruldayır və...
Bu dəfə meydana Elçin Muradovun özü atılır. Qudası Nəcməddin Sadıkovun 20 il əvvəl açdığı oyunu bu dəfə özü təkrarlamaq istəyir. Daha bilmir ki, artıq iş adamlarının arxasında Azərbaycan Prezidentinin özü dayanıb. Və dəfələrlə bunu iş adamlarına elan edib.
Bu çıxışları izləsəydi, bu qəbildən olan vərdişindən və xasiyyətindən əl çəkərdi. Ən azından yaxşı nəticə verməyəcək səhvini təkrarlamazdı. Və bir də Elçin Muradov Eldar Mahmudovun yerişini yeriyə bilməsə də, heç olmasa ayaqqabısını geyməyə cəhd etməzdi.
Daha ölkədə “kim nə istəyir edə bilər” dövrü arxada qalıb. Nəcməddin Sadıkovun hərbidə “at oynatdığı” zamanlar da tarixə çevrilib. İndən sonra onun etdiklərinin istintaqı zamanı əməllərinin cavabının verilməsi vaxtı gəlir.
44 günə arxalı düşmənin arxasını yerə vuran Azərbaycan Prezidenti bu gün iş adamlarının arxasındadır. Elçin Muradov, Nəcməddin Sadıkovun düşdüyü vəziyyətdən nəticə çıxarmırsa, ən azı Prezidentin qətiyyətindən nəticə çıxarmalıdır. Yoxsa axırı qudası kimi olacaq. Bəlkə ondan da pis...
(“Yeni Müsavat”)
Bütöv.az
21-10-2021, 13:55
21-10-2021, 13:53
21-10-2021, 13:52
21-10-2021, 13:51
21-10-2021, 13:50
21-10-2021, 11:53
Xəbər verildiyi kimi, Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva oktyabrın 20-də Zəngilan rayonunda səfərdə olublar.
AZƏRTAC xəbər verir ki, Prezident İlham Əliyev və Birinci vitse-prezident Mehriban Əliyeva rayonun Ağalı kəndində həyata keçirilən “Ağıllı kənd” layihəsi çərçivəsində görülən işlərlə tanış olublar. İlk “Ağıllı kənd” layihəsinin təməli 2021-ci ilin aprelində dövlətimizin başçısı tərəfindən qoyulub.
Kənd təsərrüfatı naziri İnam Kərimov məlumat verib ki, layihənin icrası ilə bağlı 110 hektardan çox ərazidə tikinti işləri aparılır. İnnovativ tikinti materiallarından istifadə olunmaqla tam izolyasiya olunmuş 200 fərdi ekoloji evin, ikimərtəbəli 4 qeyri-yaşayış binasının, 360 şagird yerlik məktəbin və 60 yerlik uşaq bağçasının tikintisi sürətlə davam etdirilir. Kənddə yaradılacaq “Ağıllı məktəb”də distant təhsilin aparılması üçün bütün imkanlar olacaq. Yeraltı kommunikasiya işlərindən içməli su, çirkab və sel suları xətlərinin qazma işlərinə başlanılıb. Park meydanında nəzərdə tutulmuş fəvvarənin ərazisində abadlıq işləri yekunlaşıb. Fəvvarədə quraşdırılacaq memarlıq abidəsi hazırlıq mərhələsindədir. Burada müasir şəhərsalma standartları tətbiq olunacaq. Piyada və velosiped yolları çəkiləcək. Bir sözlə, öz doğma yurdlarına qayıdacaq sakinlər üçün hərtərəfli şərait olacaq.
Onu da qeyd edək ki, burada kənd təsərrüfatının təşkili və inkişafı ilə bağlı bir sıra işlər görüləcək. Artıq kənd təsərrüfatı məhsullarının istehsalı məqsədilə istifadə olunacaq torpaq sahələri müəyyənləşdirilib və lazımi innovativ texnikaların siyahısı hazırlanıb. “Ağıllı kənd təsərrüfatı”nda müasir suvarma sistemlərindən istifadə olunacaq. Bundan əlavə, “Ağıllı kənd” layihəsi üçün əkin planı hazırlanıb. Planda nəzərdə tutulmuş torpaq sahələrinin əkinə yararlılığı qiymətləndirilib və əkin üçün hazırlığa başlanılıb. Əkin planına əsasən müəyyənləşdirilən 600 hektar ərazidən 412 hektarının minalardan təmizlənməsi üçün müvafiq işlər aparılıb. “Ağıllı kənd”də kənd təsərrüfatı fəaliyyətinin bərpası və inkişafı üçün müvafiq şəraitin yaradılması məqsədilə layihə çərçivəsində ictimai fermanın qurulması nəzərdə tutulur. Fermada 250 baş iribuynuzlu və 600 baş xırdabuynuzlu mal-qaranın saxlanması mümkün olacaq. Burada “Ağıllı idarəetmə sistemi” data və təhlil mərkəzindən həyata keçiriləcək.
Bütöv.az
21-10-2021, 11:35
Sabiq vergilər naziri Fazil Məmmədovun keçmiş müşaviri Müsavər Nəbiyevin adı məhkəmə çəkişməsinə qarışıb. Keçmiş müşavir kürəkəninin bacısına məxsusluğu sənəd-sübutla isbatlanan evin qızının adına keçirilməsinə çalışır. Məhkəmə çəkişməsi haqda “Yeni Müsavat”a Aynur Şirəliyeva məlumat verib. O deyib ki, qardaşı Bəhruz Şirəliyev Müsavər Nəbiyevin qızı Gülşən Nəbiyeva ilə 2010-cu ildə evlənib. Lakin yeni qurulan ailənin yaşamağa evi olmayıb. Ona görə də Aynur Şirəliyevə bu evlilikdən 1 il əvvəl aldığı özünə məxsus evi qardaşına yaşamaq üçün verib.
Şikayətçi deyir ki, Xətai rayonu, Ələddin Quliyev küçəsi 1130-cu məhəllədə inşa edilmiş 2 saylı binanın 14-cü mərtəbəsində yerləşən 4 otaqdan ibarət olan 36 saylı mənzili 4 sentyabr 2009-cu ildə ilə 131/R saylı müqavilə bağlayaraq alıb.
“Əlimdə MTK-ya 104.400 ABŞ dolları məbləğində pul ödəməyim haqda qəbzlər var. Mənzili qardaşıma yaşamaq üçün verəndə onun kirəyələrdə qalmamasını, kirayəyə verəcəyi pulları yığıb özünə ev almasını düşünmüşəm. Elə bu səbəbdən də mənzildə onlar yaşadıqları bütün müddət ərzində bütün kommunal xərcləri və vergiləri də ödəmişəm. 2013-cü ildə qardaşımın 1 övladı dünyaya gəlib. Evliliklərindən 6 il ötəndən sonra isə aralarında mübahisə, söz-söhbətlər və münaqişələr baş verdi. 2018-ci ilin sentyabr ayında faktiki olaraq ayrıldılar”, - deyə Aynur Şirəliyeva bildirib.
Onun sözlərinə görə, qardaşı yoldaşı ilə ayrılandan sonra mənzildən çıxıb. Lakin Gülşən Şirəliyeva qızları Leyla ilə birgə mənzildə qaldı. 2019-cu ilin yanvarında rəsmən boşanandan sonra isə o, Gülşən Şirəliyevadan xahiş edib ki, mənzilini tərk etsin: “Amma o, buna məhəl qoymadı. Məcbur qalıb məhkəməyə müraciət etməklə Gülşən Şirəliyevanın mənzildən çıxarılmasını tələb etdim. Gülşənin anası Sənubər Əlifağa qızı Nəbiyeva da məhkəməyə müraciət edərək 3-cü şəxs kimi prosesə qoşuldu. İddia verib mənimlə ”Lalə" MTK arasında bağlanan alqı-satqı müqaviləsinin ləğv olunmasını və onunla mənzilə dair yeni müqavilə bağlanmasını istədi".
Aynur Şirəliyeva deyir ki, qardaşının keçmiş qayınatası Müsavər Nəbiyevin yaxşı əlaqələri, pulu var. Məhkəmələrdə də bu əlaqələrdən istifadə edir: “Sənubər Nəbiyeva məhkəmədə səs-küy salıb ”Lalə" MTK-nın mənzilə dair alqı-satqı müqaviləsindəki imzaların kimə məxsus olmasını müəyyən etmək üçün məhkəmə-xətşünaslıq ekspretizasının təyin edilməsini tələb etdi. Nizami Rayon Məhkəməsinin hakimi Həqiqət Əhmədova vəsatəti təmin etdi, müqaviləni ekspertizaya yolladılar. Ekspertizadan cavab gəldi ki, alqı-satqı müqaviləsindəki imza Sənubər Nəbiyevanın deyil, Aynur Şirəliyevanındır. Sənubər Nəbiyeva ekspertizanın rəyi elan edilməzdən əvvəl məhkəmə zalında dedi ki, nə olsun ki, imzalar Aynura məxsusdur? Mənzilin pulunu mən vermişəm. Guya mənzilin pulunu “Lalə” MTK-ya verəndə qardaşım və mən yanında olmuşuq. Guya onun xəbəri olmadan qardaşım müqaviləni mənim adıma rəsmiləşdirib. Guya o da fikir verməyib".
Şikayətçi deyir ki, bundan sonra Sənubər Nəbiyeva tələbini dəyişib. Bu dəfə mübahisəli mənzilin özü tərəfindən alınması və onun təmirinin özü, ailəsi tərəfindən aparılmasını iddia edib: “Mənə məxsus mənzilə görə 104 min 400 ABŞ dolları pulun qətnamənin icra olunduğu günə manat məzənnəsi ilə - əlavə 45 min manat məbləğində pulu və mənzilin alınmasından sonra təmir xərclərinə sərf etdiyi 70 min manat məbləğində pul tələb etməyə başladı. Nizami Rayon Məhkəməsində bu iddia 3 il ərzində süründürməçiliyə məruz qaldı. Hakim Rəşad Həsənov sona qədər işə baxmadı və məzuniyyətə çıxmaqla işi hakim Həqiqət Əhmədovaya təhvil verdi. O da işi uzatdı və sonda əsassız, qanunsuz, mənim halal mülkiyyətimdən məhrum olunmağıma yol açan bir qətnamə çıxardı. Apelyasiya şikayəti verdik. Yenə də məhkəmədə süründürməçilik başladı və həmin qanundankənar, cinayətə bərabər qətnamə qüvvədə saxlanıldı”.
Şikayətçi ölkə rəhbərliyinə, Ali Məhkəmə sədri Ramiz Rzayevə müraciət edərək ona qarşı qanunsuzluqlara, məhkəmə hakimlərinin özbaşınalığına son qoyulmasını istəyib: “İş hazırda Ali Məhkəmədədir. Mən Apelyasiya Məhkəməsinin qərarından şikayət vermişəm. Şikayətin araşdırılması üçün hakim Aqil Abbasovun icraatına verildi. Lakin hakim bizə qarşı faktiki olaraq cinayətə bərabər addımlar atıldığını iş materiallarından gördü və işə baxmaqdan imtina etdi. Ölkədə məhkəmə hüquq islahatlarının aparıldığını cənab Prezident hər çıxışında deyir. Məhkəmələrdə hakimlər sanki onu heç eşitmirlər. Mənim əlimdə mənzil aldığımı təsdiq edən alqı-satqı müqaviləsi var. Əgər müqavilənin heç bir hüquqi əsası yoxdursa, belə müqavilələr ölkə boyu niyə bağlanır? Yoldaşım Rusiyada illərlə işləyib pul qazanıb, mənim özüm də işləmişəm, pul yığıb ev almışıq. Hakimlər isə deyir ki, nə olsun əlində müqavilə var, biz evi kimə istəsək veririk! Belə qanunsuzluq olar? Mənim mülkiyyət hüququma qəsd edirlər. Bunu Azərbaycan Respublikasının adından, Azərbaycan qanunlarını pozaraq edirlər. Ölkə rəhbərliyindən dönə-dönə xahiş edirəm ki, bu qanunsuzluğa, özbaşınalığa son qoyulsun”.
P.S. Qarşı tərəfi də dinləməyə hazırıq.
Elşən MƏMMƏDƏLİYEV,
“Yeni Müsavat”
Bütöv.az
21-10-2021, 11:24
Artıq məlumat verildiyi kimi, “Qusar Rayon Mərkəzi Xəstəxanası” Publik Hüquqi Şəxsin direktoru Zeynalov Mübariz Ağakərim oğlu rüşvət alarkən prokurorluq əməkdaşları tərəfindən saxlanılıb. O, həmin tibb müəssisəsinin həkim-stomatoloqunun xidməti istifadəsinə veriləcək stomatoloji qurğunun adının xəstəxana tərəfindən büdcə vəsaiti hesabına alınacaq avadanlıqların siyahısına salınmaqla ona təqdim edilməsi müqabilində sonuncudan 2 000 manat rüşvət alıb
Ancaq bu, sözügedən baş həkimin ilk “qəhrəmanlığı” deyilmiş. Belə ki, bu ilin yanvar ayında Mübariz Zeynalovun barəsində Qusar Rayon Prokurorluğunda Cinayət Məcəlləsinin 179.3.2 (mənimsəmə külli miqdarda ziyan vurmaqla törədildikdə) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə cinayət işi başlanılıb.
Alp.az xəbər verir ki, sözügedən cinayət işində Mübariz Zeynalov inzibati məsələlər üzrə direktor müavini Nəzakət Salmanova və maliyyə şöbəsinin müdiri Eldar Məhsimovla birgə qulluq mövqeyinə qəsdən zidd olaraq xəstəxananın Təxirəsalınmaz Tibbi Yardım bölməsinin bir neçə əməkdaşına “COVİD-19” pandemiyası ilə bağlı mübarizə tədbirlərinə cəlb edilmələrinə görə ödənilməli olan müddətli əlavələri mənimsəməkdə günahlandırılır. Yəni istintaq bildirir ki, həmin bu baş həkim əlaltıları ilə birgə həyatlarını təhlükə altında qoyaraq koronavirusla mübarizə aparan sıravi həkimlərə ödənməli olan əlavə maaşları mənimsəyib.
Ancaq heç bu da baş həkimin “qəhrəmanlıqları”nın tam siyahısı deyilmiş. Hələ 2019-cu ildə həmin bu Mübariz Zeynalovun ətrafında böyük qalmaqal baş verib. Belə ki, o vaxt özünü DTX polkovniki, general kimi təqdim edən bir neçə şəxs ondan külli miqdarda rüşvət alıb.
Bununla bağlı Bakı Ağır Cinayətlər Məhkəməsində hədə-qorxu ilə pul tələb etməkdə ittiham edilən 1961-ci il təvəllüdlü Əliyev Rövşən Soltan oğlu, 1968-ci il təvəllüdlü Çobanov Hətəmxan Bədirxan oğlu və 1978-ci il təvəllüdlü Elxan Hümbətovun cinayət işi üzrə məhkəmə keçirilib. Məlum olub ki, həmin şəxslər sözügedən xəstəxananın Samir adlı həkiminin baş həkimdən “yuxarılara” şikayət etdiyini deyiblər. Bildiriblər ki, Samir həkim yüksək vəzifəli şəxsin adamıdır və buna görə də baş həkimin işi çətindir. Bu işi “yoluna qoymaq” üçünsə Mübariz Zeynalovdan, özünün məhkəməyə verdiyi ifadəyə görə, 125 min manat pul alıblar.
Özlərini adı çəkilməyən hansısa olduqca yüksək vəzifəli şəxsin adamları kimi təqdim edən bu şəxslər M.Zeynalova hədə-qorxu gələrək, yenə pul istəməkdə davam ediblər. Ancaq dəstənin üzvlərindən biri yoldaşlarından öz “payını” ala bilmədiyi üçün Mübariz Zeynalova hər şeyi açıb danışıb və onu sözügedən şəxsləri tutdurmağa təhrik edib.
Bundan sonra baş həkim həmin şəxslərdən şikayət edib və onlar həbs ediliblər. Ancaq burada bir maraqlı detal var. Məsələ ondadır ki, son olaraq Mübariz Zeynalovun həbs edilməsinə dair yayımlanan videodan onun rüşvət aldığı şəxsin Samir adlı həkim olduğu məlum olur. Yəni o, Samir adlı həkim-stomatoloqdan rüşvət alarkən həbs edilir. Hansı ki, hələ 2019-cu ildə baş verən hadisədə də baş həkimi hədələyərək, ondan pul alanlar Samir adlı həkimin adını hallandırırdılar. Bir sözlə, kifayət qədər qarışıq işdir və yəqin ki, hüquq-mühafizə orqanları öz vəzifələrinin öhdəsindən gələrək, hər şeyi üzə çıxaracaqlar…
Bütün bunlarla yanaşı, xüsusi qeyd etmək istədiyimiz odur ki, sanki TƏBİB öz tabeliyində olan Qusar xəstəxanasının və onun baş həkiminin ətrafında artıq 3 ildir baş verənləri görmürmüş. Təbii ki, ondan 125 min manat rüşvət alanlar baş həkim barədə korrupsiya, rüşvət də daxil olmaqla ciddi kompramatlara malik olublar.
Baş həkiminsə onlara verəcək külli miqdarda pulu olub və bu pulun haradan, necə qazanıldığını hamı kimi TƏBİB də bilməmiş deyildi. Ancaq bütün bunlara baxmayaraq, M.Zeynalova nə o vaxt, nə də ötən az qala üç il müddətində “gözün üstə qaşın var” deyən olmayıb. Hətta baxmayaraq ki, cari ilin yanvarında bu şəxs həkimlərin koronavirusla mübarizəyə görə almalı olduğu pulları mənimsəməkdə rəsmən ittiham olunub. Görəsən, bu şəxs daha nə etməli idi ki, TƏBİB bu xəstəxana və həmin baş həkimlə bağlı vaxtında tədbir görəydi?
Onu da qeyd edək ki, hazırda TƏBİB-in tabeliyindəki xəstəxanalarda Mübariz Zeynalovdan da “yırtıcı” və “fərasətli” baş həkimlər var, ancaq TƏBİB onların heç birini görmür…(“AzPolitika.info”)
Bütöv.az
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!