10-08-2023, 21:47
İş yerində günvurmadan öldü
Hacıqabul sakini iş yerində günurmadan ölüb.
Hadisə Hacıqabul rayonunun Meyniman kəndində qeydə alınıb.
Fermalardan birində işləyən Hacıqabul rayonunun Talış kənd sakini günvurmadan elə iş yerində ölüb.
Meyit Şirvan morqunda müayinə edilib.
Qeyd edək ki, bu gün Hacıqabulda günvurmadan ölən ikinci şəxsdi.
Bundan əvvəl daha bir şəhər sakini yaşadığı evin həyətində günvurmadan ölüb.
Faktla bağlı araşdırma aparılır.
10-08-2023, 21:16
Ceyhun Bayramov ATƏT sədri ilə telefon danışığı apardı
10 avqust 2023-cü il tarixində Azərbaycan Respublikasının xarici işlər naziri Ceyhun Bayramov ilə Şimali Makedoniyanın xarici işlər naziri və Avropada Təhlükəsizlik və Əməkdaşlıq Təşkilatının (ATƏT) fəaliyyətdə olan sədri Buyar Osmani arasında telefon danışığı baş tutub.
Bu barədə Xarici İşlər Nazirliyi məlumat yayıb.
Telefon danışığı zamanı ATƏT çərçivəsində əməkdaşlıq məsələləri, Azərbaycan və Şimali Makedoniya arasında ikitərəfli və çoxtərəfli əməkdaşlıq gündəliyi, Azərbaycan-Ermənistan sülh prosesi və bölgədə mövcud vəziyyət müzakirə olunub.
Nazir Ceyhun Bayramov, Ermənistan tərəfindən Azərbaycanın ərazi bütövlüyü və suverenliyinə qarşı artan təxribatların sülh prosesinin irəliləməsinin qarşısının alınmasına hesablandığını diqqətə çatdırıb. Xüsusilə, Ermənistanın bölgədə sabitliyin bərqərar edilməsi, erməni sakinlərin Azərbaycan cəmiyyətinə reinteqrasiya səylərinə təhdid törədən Laçın sərhəd keçid məntəqəsinə qarşı törətdiyi təxribatlarının bu ölkənin sülh prosesində maraqlı olmadığını göstərdiyi bildirilib.
Nazir Ceyhun Bayramov, Ermənistanın “bölgədə gərgin humanitar vəziyyət”, “blokada” kimi iddialar irəli sürməsinin heç bir əsasının olmadığını, erməni sakinlərin tələbatlarının ödənməsi üçün tərəfimizdən təklif olunan “Ağdam-Xankəndi” yolunun fəaliyyətinə maneələr törədilməsinin də məsələnin Ermənistanın təqdim etdiyi kimi humanitar xarakterli deyil, siyasi olduğunu nümayiş etdirdiyini diqqətə çatdırıb.
Ermənistanın 30 ilə yaxın hərbi işğalının, post-münaqişə dövründə isə beynəlxalq hüquq normalarına və öhdəliklərinə zidd olaraq Laçın yolundan hərbi məqsədlər, təbii resurslarımızın Ermənistana daşınması, mina təhdidinin davam etdirilməsi məqsədilə istifadə etməsinin qəbuledilməzliyi, bu təxribatçı addımların qarşısının alınması üçün Laçın sərhəd buraxılış məntəqəsinin əhəmiyyəti nazir C.Bayramov tərəfindən qeyd olunub.
Telefon danışığı zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.
10-08-2023, 21:03
“Neftçi” - “Beşiktaş” qarşılaşması başladı
“Neftçi” klubu UEFA Konfrans Liqasının III təsnifat mərhələsinin ilk oyunları çərçivəsində Bakıda İstanbulun “Beşiktaş” komandası ilə qarşılaşır.
“Neftçi Arena”da keçirilən oyunda “Ağ-qaralar”ın baş məşqçisi Adrian Mutu start heyətdə İvan Brkiç, Mark Tamaş, Yuri Matias, İsmayıl Zülfüqarlı, Azər Salahlı, Ataa Caber, Fərid Yusifli, Emin Mahmudov, Kenni Sayef, Kilan Lebon və Andre Şinyaşikiyə şans verib.
Şenol Günəşin komandasının ilk “11-liyi”ndə isə Mert Günok, Omar Kolli, Daniel Emerti, Umut Meraş, Valentin Rosye, Amir Haciahmetoviç, Gedson Fernandeş, Salih Uçan, Cekson Muleka, Onur Bulut və Vensan Abubakar yer alıblar.
Görüşü isveçrəli baş hakim Lukas Fandrix idarə edir.
10-08-2023, 20:17
ATƏT sədri Azərbaycan və Ermənistan XİN Başçılarıyla danışdı
Şimali Makedoniya Respublikasının xarici işlər naziri, ATƏT-in fəaliyyətdə olan sədri Buyar Osmani bu gün Azərbaycan xarici işlər naziri Ceyhun Bayramov və Ermənistan XİN rəhbəri Ararat Mirzoyanla telefon danışığı aparıb.
Bu barədə Buyar Osmani Tvitterdə paylaşım edib.
O, Azərbaycan və Ermənistan XİN rəhbərləri ilə Laçın yolundakı vəziyyəti müzakirə edib.
10-08-2023, 19:43
Koronovirusun yeni variantı əhali üçün böyük risk yaratmır - ÜST
Ümumdünya Səhiyyə Təşkilatı (ÜST) koronavirus infeksiyasının omikron ştamının EG.5 "Eris" adlı yeni variantının dünyada sürətlə yayıldığını bildirib.
Bu barədə təşkilatın məlumatında bildirilir.
ÜST hesab edir ki, koronavirusun yeni versiyası qlobal səviyyədə əhali üçün böyük risk yaratmır.
Məlumatda bildirilir ki, EG.5 ilk dəfə fevralın 17-də qeydə alınıb. O vaxtdan bəri dünya miqyasında yoluxma hallarda artım müşahidə olunur.
Təşkilatın məlumatına görə, dünyada koronavirus infeksiyasının bu variantının aktiv şəkildə yayılmasına baxmayaraq, EG.5-in əhali üçün yaratdığı risk aşağı səviyyədə qiymətləndirilir.
10-08-2023, 19:12
Kolleclərə elektron sənəd qəbulu başlayır
Avqustun 14-ü saat 15:00-da ümumi orta təhsil bazasından orta ixtisas təhsili müəssisələrinə qəbul olunanların elektron sənəd qəbuluna start veriləcək.
Bu barədə Elm və Təhsil Nazirliyinin məlumatında deyilir.
Bildirilir ki, müraciətçilər "portal.edu.az" saytı üzərindən qeydiyyatdan keçərək “Ali və orta ixtisas təhsil müəssisələrinə təhsilalan qeydiyyatı” xidmətini seçməklə müraciət edə bilərlər.
Qeydiyyat prosesi avqustun 23-ü saat 18:00-da yekunlaşacaq.
Qeydiyyat üçün müraciət etməyən şəxslər qəbul olunanların siyahısından xaric ediləcəklər.
10-08-2023, 18:21
FHN Lənkəran çimərlikləriylə bağlı xəbərdarlıq etdi
Fövqəladə Hallar Nazirliyinin (FHN) apardığı kütləvi maarifləndirmə işlərinə baxmayaraq, yenə də qeyri-çimərlik ərazilərdən istifadəyə rast gəlinir ki, bu da bir sıra hallarda faciələrin yaşanmasına səbəb olur.
Nazirlikdən verilən məlumata görə, Lənkəran rayonunun Sütəmurdov kəndində ən yaxın xilasetmə məntəqəsindən 6 kilometr aralıdakı qeyri-çimərlik ərazidən istifadənin təhlükəli sualtı relyefə, sürətli sualtı axına və digər təhlükəli xüsusiyyətlərə görə həyat və sağlamlıq üçün birbaşa risk yaratması barədə yerli vətəndaşlar arasında təşkil olunan təbliğat xarakterli tədbirlərə baxmayaraq, təəssüflə bildirməliyik ki, son günlər ərzində həmin ərazidə 4 nəfər batıb. FHN-in dalğıc-xilasediciləri batan şəxslərin cəsədlərini çıxararaq aidiyyəti üzrə təhvil veriblər.
Bununla əlaqədar, FHN-in Cənub Regional Mərkəzi və Kiçikhəcmli Gəmilərə Nəzarət və Sularda Xilasetmə Dövlət Xidmətinin xilsediciləri Lənkəran rayonunun Sütəmurdov kəndində qeyri-çimərlik ərazidə son günlər yaşanan faciələr səbəbindən müvafiq təhlükəsizlik tədbirləri görüb, ərazinin təhlükəsi barədə məlumatlandırıcı lövhələr quraşdırılıb və girişi qadağa edən lentləmə işləri aparılıb.
Bundan əlavə, ərazidə istirahət edən vətəndaşlarla maarifləndirici xarakterli söhbətlər edilib.
10-08-2023, 18:13
“Mirvarid Dilbazi Poeziya Məclisi” İctimai Birliyi növbəti layihəsinin icrasına başladı
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə vəsaiti ilə “Mirvarid Dilbazi Poeziya Məclisi” İctimai Birliyi 2023-ci il kiçik qrant müsabiqəsi çərçivəsində həyata keçirdiyi “Kəlağayı əlvan qıyqacı” mövzusunda ədəbi-bədii gecələrin təşkili layihəsinə start verildi.
Layihə üç ay (01.08.2023 – 01.11.2023) müddətinə icra olunacaq. Layihənin icrasında əsas məqsəd Azərbaycan kəlağayısının əvvəlki şan-şöhrətini özünə qaytarmaq üçün onu xalq arasında, xüsusilə də yeniyetmə və gənclər arasında təbliğ etməkdir.
10-08-2023, 15:51
Sumqayıtda 16 nəfər günvurmaya məruz qaldı
Son zamanlar günəş ildən-ilə daha çox ultrabənövşəyi şüalar saçdığına görə gün və isti vurma faktları geniş vüsət alıb.
Sumqayıt şəhərində iyul ayı ərzində 16 nəfər günvurma və istivurma ilə TƏBİB-in tabeliyindəki Sumqayıt Tibb Mərkəzinin Təcili və Təxirəsalınmaz Tibbi Yardım Stansiyasına müraciət edib.
Verilən məlumata görə, 15 nəfər Sumqayıt ərazisindən, 1 nəfər isə Novxanı kəndi ərazisindən müraciət daxil olub. Onlardan 8-i qadın, 8-i kişi, 10 nəfəri böyük, 6-sı uşaq olub. Xəstələrə lazımi tibbi yardım göstərilib.
Müraciət edən böyüklərdən 5 nəfəri Sumqayıt Tibb Mərkəzinin Təcili Yardım Xəstəxanasına hospitalizasiya olunub. Uşaqlardan biri Sumqayıt Tibb Mərkəzinin Uşaq Xəstəxanasına, digəri isə Novxanı bağlarındakı təcili yardım briqadası tərəfindən Bakı şəhər 2 saylı Uşaq xəstəxanasına hospitalizasiya olunub.
Son günlərdə isə 1 nəfər uşağı günvurması ilə bağlı Sumqayıt Tibb Mərkəzinin Təcili və Təxirəsalınmaz Tibbi Yardım Stansiyasına müraciət olunub. Lazımi tibbi yardım göstərilib.
Həkimlər şəhər əhalisinə məsləhət görür ki, günəş şüasının intensiv vaxtlarında, yəni 14:00-dan 16:00-dək gün altına çıxmasınlar, yüngül geyimlərdən istifadə etsinlər, bol meyvə-tərəvəz, sərin şirələr və maye qəbul etsinlər.
10-08-2023, 14:09
Nəzir qutularından 13 min manat oğurlayan şəxs saxlanıldı
Bakıda məsciddə nəzir qutularından 13 min manat oğurlayan şəxs saxlanılıb.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, paytaxtın Yasamal rayonunda yerləşən məscidlərdən birində müxtəlif vaxtlarda ianə qutularının oğurlanması barədə polisə məlumat daxil olub. Yasamal Rayon Polis İdarəsinin 26-cı Polis Bölməsinin əməkdaşları tərəfindən həyata keçirilən əməliyyat-axtarış tədbiri nəticəsində qeyd edilən hadisələri törətməkdə şübhəli bilinən 1989-cu il təvəllüdlü, əvvəllər dəfələrlə məhkum olunmuş paytaxt sakini Əli Novruzov saxlanılıb.
Araşdırmalarla onun oğurladığı ianə qutularının içərisində ümumilikdə 13 min manatdan artıq pul olduğu məlum olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!