İnsan hansı vəzifədə, hansı işdə çalışırsa çalışsın gərək öncə insanlıq, sonra vəzifə borcunu şərəflə yerinə yetirsin. O, öz işini sevməklə yanaşı, ona can yandırmalı və işin məsuliyyətini dərindən dərk etməlidir. Yalnız belə olan halda gördüyü işin nəticəsi yüksək səmərə verə bilər.
Şükürlər olsun ki, yaşadığımız dünyada və ölkəmizdə belə insanların sayı çoxdur və bizim yaşayışımızda- təhsilimizdə, sağlamlığımızda və s. onların rolu böyükdür.
Bu cür insanlardan biri də Abşeron rayon Qobu qəsəbəsinin baş həkimi Günəş Mikayıl qızı Gülməmmədovadır. O, uzun illərdir ki, Qobu xəstəxanasına rəhbərlik edir. Vaxtilə anası rəhmətlik Sona xanım da bu xəstəxananın baş həkimi işləyib. Qəsəbədə hamı Sona xanımı savadlı, səmimi, mehriban bir həkim kimi sevə-sevə xatırlayır.
Günəş həkim də anasının tutduğu yolla gedir və daşıdığı şərəfli, məsuliyyətli həkimlik peşəsinin öhdəsindən böyük əzmlə, inamla gəlməyə çalışır.
Peyğəmbərimiz (s.ə.s.) buyurmuşdur ki, “Təbəssüm də sədəqədir”. Haqqında söhbət açdığımız tibb müəssisəsinə gələn xəstələr həmişə səmimi və mehribanlıqla qarşılanır, isti, doğma münasibətlə yola salınır. Günəş həkimin haqqında söhbət açılanda isə xəstəxana işçiləri gülümsəyərək, onun necə qayğıkeş, səmimi, eyni zamanda tələbkar bir rəhbər olması haqqında söyləyirlər.
Onun rəhbərlik etdiyi sağlamlıq ocağında çalışan tibb işçilərindən- Şükürova Sahibə (baş tibb bacısı), Əlihəsənova Xədicə, Əliyeva Zülfinaz, Hüseynova Ümmleyla, Babayeva Kəmalə, Əliyeva Zenfira, Zalova Xəyalə, Nuriyev Ramin (stomatoloq) və b. göstərmək olar. Onlar öz işlərinin məsuliyyətini hiss edir, işin öhdəsindən ustalıqla gəlməyə şalışırlar.

Günəş həkim 1952-ci ildə anadan olub. Bu yaxınlarda o, 64 yaşını qeyd elədi. Onu ad günü və qarşıdan gələn Beynəlxalq Qadınlar Bayramı münasibətilə səmimi qəlbdən təbrik edir, ona möhkəm can sağlığı və işlərində müvəffəqiyyətlər arzulayırıq. Fikrimi iki bənd şeirlə bitirmək istərdim:

[b]Şam kimi əriyir öz peşəsində,
Dənizdi, dəryadı, ümmandı həkim.
Xəstəykən ümidin son nöqtəsində
Dyaqdı, davadı-dərmandı həkim,
Tanrı göndərdiyi loğmandı həkim!

Gecəni gündüzə qatan da odur,
Çağırsan hayına çatan da odur.
Tutduğu ən böyük şərəfli yoldur,
Ümiddi, arzudu, gümandı həkim.
Tanrı göndərdiyi loğmandı həkim!
Yamən Orucova