17-12-2025, 17:06
Putin Ukrayna müharibəsinə görə Baydeni ittiham edib
"Ukrayna dövlətçiliyi dağılır və Silahlı Qüvvələrinin vəziyyəti də pisləşir".
Bu sözləri Rusiya prezidenti Vladimir Putin Müdafiə Nazirliyinin genişləndirilmiş Kollegiya iclasında söyləyib.
O, Ukraynada müharibəni Rusiyanın deyil, Qərbin başlatdığını deyib.
"Əvvəlki ABŞ administrasiyası (red- Co Bayden administrasiyası) Ukraynadakı müharibəyə səbəb olmuşdu: Vaşinqton və Avropadakı əlaltıları Rusiyanı qısa müddət ərzində məhv edəcəklərinə əmin idilər".
Putin Rusiyanın heç kimi təhlükəsizlik hüququndan məhrum etmədiyini, amma NATO-nun genişlənməməsi də daxil olmaqla, verdiyi vədləri yerinə yetirməkdə israr edəcəyini deyib:
"NATO-nun Şərqə genişlənməyəcəyi açıq şəkildə bildirilirdi. Bəs nə? Onlar vecinə deyillər - bir dalğa digərinin ardınca genişlənmə. Avropanın dialoqa başlayacağına ümid var, amma bu, hazırkı elita üçün mümkün deyil. Rusiya danışıqlar aparmağa və bütün məsələləri sülh yolu ilə həll etməyə hazırdır.
Qərb ölkələri Rusiyanın daxili siyasətinə təsir göstərmək üçün dağıdıcı vasitələrdən istifadə edərək ölkəni daxildən sabitsizləşdirdilər. Qərb ölkələri də oxşar cəhdlər göstərərək, daxili siyasəti pozmaq üçün alətlər yaratmış və istifadə etmişlər.
17-12-2025, 16:22
STM-in üzə çıxardığı böyük sosial problem - AÇIQLAMA
“Sosial Tədqiqatlar Mərkəzinin ən aktual araşdırması azad olunmuş ərazilərlə bağlı “Böyük qayıdış” prosesinin tədqiqi, strategiyanın müəyyənləşdirilməsi və ictimai rəyin öyrənilməsi istiqamətində gördüyü işlərdir”.
Bu sözləri Mərkəzin mətbuat katibi Əziz Əlibəyli bildirib.
O qeyd edib ki, Vətən müharibəsinin nəticələrinin qiymətləndirilməsi də əsas istiqamətlərdən biri kimi önəm daşıyır:
“44 günlük müharibə Azərbaycan dövləti ilə Azərbaycan xalqı arasında formalaşmış bir ictimai müqavilənin nəticəsidir və qazanılan qələbə həmin müqavilənin məntiqi davamıdır.
Sosial Tədqiqatlar Mərkəzi ictimai rəy əsasında dövlət rəsmilərinin imicinin müəyyənləşdirilməsini əks etdirən inam indeksi formalaşdırılıb. Bu yanaşmanın dünya təcrübəsində mövcud idi, Azərbaycanda isə ilk dəfə biz yaratdıq.
Eləcə də miqrasiya və təhsil sahəsində aparılan tədqiqatlar, dezinformasiyalarla bağlı araşdırmalar mühüm istiqamətlər sırasında yer alır. Ailə və uşaq problemləri üzrə tədqiqatlar da xüsusi vurğulanır. Bu sahələr üzrə mərkəzin yüzlərlə nəşr və sənədi mövcuddur.
Araşdırmalar nəticəsində əsas sosial problemlər kimi məşğulluq məsələsi, gənclərin əmək bazarına inteqrasiyası və bölgələrdən mərkəzə miqrasiya daha qabarıq şəkildə üzə çıxıb.
Təşkilat 2019-cu ilin fevral ayında Prezidentin fərmanı ilə yaradılıb.
Ölkə rəhbəri hesabatlarında Mərkəzin araşdırmalarına dəfələrlə istinad edildiyi qeyd olunur. Qurumun rəsmi statusu və institusional imici digər dövlət orqanlarının bizim nəticələrimizə əsaslanmasına imkan yaradır.
Qapalı siyasi arayışlar və ictimai müzakirələr də qurumun fəaliyyətinin mühüm tərkib hissəsidir.
Mərkəz ölkədə ən peşəkar sosial tədqiqat qurumlarından biri olaraq statistik məlumatlar təqdim etsə də, araşdırmalar Dövlət Statistika Komitəsindən fərqli olaraq dövlət qurumlarının sənədləri ilə deyil, birbaşa ictimai rəy əsasında aparılır.
Hazırda mərkəzdə aparılan hesablamaların arxitekturasında süni intellektin tətbiqinə başlanılıb. Süni intellektin araşdırmaya tam inteqrasiyası hələ reallaşmayıb. Çünki süni zəka özü hələ inkişaf mərjhələsini yaşayır. Gələcək illərdə məhsuldarlığın artırılması məqsədilə bu texnologiyadan daha geniş istifadə olunacaq.
17-12-2025, 16:16
Bu regionda elektron jurnalların tətbiqinə başlanılıb - RƏSMİ
Dağlıq Şirvan Regional Təhsil İdarəsi üzrə 9 təhsil müəssisəsində kağız jurnalla yanaşı elektron jurnal tətbiq olunur.
Bu barədə Dağlıq Şirvan Regional Təhsil İdarəsindən məlumat verilib.
Regional Təhsil İdarəsindən bildirilib ki, layihənin əhatə dairəsinin genişləndirilməsi nəzərdə tutulur.
Qeyd edək ki, Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 2025-2026-cı tədris ilindən etibarən elektron jurnalların tətbiqinə başlanılıb. Bu proses "Rəqəmsal məktəb" platforması üzərindən aparılır.
Elektron jurnalların tətbiq edilməsində əsas məqsəd qiymətləndirməni rəqəmsallaşdırmaq, valideyn-məktəb əlaqəsinin daha əlçatan olmasını təmin etməkdən ibarətdir.
17-12-2025, 16:10
“Ailə vəzifələri olan işçilər”lə bağlı təklif irəli sürüldü
Cinayət Məcəlləsinin 164-cü maddəsində hamilə qadınlara və üç yaşınadək uşağı olan şəxslərə qarşı əmək müqaviləsinin xitamına görə cinayət məsuliyyəti nəzərdə tutulduğu kimi, gələcəkdə “ailə vəzifələri olan işçilər”lə də bağlı eyni qorumanın tətbiqi çox yaxşı olardı.
Bunu Milli Məclisin Ailə, qadın və uşaq məsələləri komitəsinin iclasında Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova təklif edib.
Onun sözlərinə görə, təklifin reallaşması əmək hüquqlarının daha da gücləndirilməsinə xidmət edərdi.
17-12-2025, 15:53
Bu küçədə hərəkət yenidən qurulur
Azərbaycan Avtomobil Yolları Dövlət Agentliyi (AAYDA) "Ağ şəhər" yol infrastruktur layihələri çərçivəsində Süleyman Vəzirov küçəsinin bir hissəsində - Xəqani Rüstəmov küçəsi ilə kəsişməsindən Babək prospektinə qədər olan ərazidə apardığı yenidənqurma işlərini yekunlaşdırmaq üzrədir.
Uzunluğu 1100 metr olan sözügedən küçənin hərəkət hissəsinin eni 14 metr təşkil edir.
Yenidənqurma işləri çərçivəsində avtonəqliyyat vasitələrinin parklanmasının təmin edilməsi məqsədilə 2,5 metr enində xüsusi parkinq zolaqları yaradılıb.
Ərazidə yeni asfalt-beton örtüyü döşənib, avtonəqliyyat vasitələrinin rahat və təhlükəsiz hərəkətinin təşkili üçün işıqforlar və siqnal dirəkləri quraşdırılıb.
Hazırda mövcud piyada səkilərinin bərpası, zəruri yerlərdə yenilərinin inşası, 5 metr enində yeni piyada səkilərinin tikintisi, eləcə də səki hissələrinin bəzək daşları (tamet) ilə örtülməsi işləri yekunlaşmaq üzrədir.
"İnşaat Norma və Qaydaları"nın tələblərinə uyğun olaraq, zəruri ərazilərdə yol nişanlarının quraşdırılması, yol cizgilərinin, yolgöstəricilərin və piyada zolaqlarının çəkilməsi işləri də aparılacaq. Küçənin sözügedən hissəsi yaxın müddətdə müasir görkəmdə vətəndaşların istifadəsinə veriləcək.
17-12-2025, 15:40
Lavrovla Əraqçi Cənubi Qafqazdakı vəziyyəti müzakirə etdilər
Rusiya və İran xarici işlər nazirləri Sergey Lavrov və Abbas Əraqçi Moskvada Cənubi Qafqazdakı vəziyyəti müzakirə ediblər.
Bu barədə hər iki nazir danışıqlarının yekunları ilə bağlı keçirdiyi birgə mətbuat konfransında bildiriblər.
Lavrov iranlı həmkarı ilə görüşdə ikitərəfli münasibətləri, İranın nüvə problemi ətrafındakı vəziyyəti, o cümlədən regional məsələləri, Yaxın Şərq, Cənubi Qafqaz və Xəzər regionundakı vəziyyəti müzakirə etdiklərini söyləyib.
Əraqçi də bu məsələlərlə yanaşı Ukrayna münaqişəsinin də bugünkü danışıqlarda müzakirə olunduğunu bildirib.
17-12-2025, 15:32
“Qarabağ” ötən il qazandığından çox xərcləyib
Azərbaycan Premyer Liqasında iştirak edən klubların 2024-cü ildə əldə etdiyi gəlirlər və xərcləri müəyyənləşib.
Bu barədə AFFA-nın klubların lisenziyalaşdırılması üzrə hesabatında qeyd olunub.
Ötən il ən çox gəlir əldə edən də, xərcləyən klub da “Qarabağ” olub. Ağdam təmsilçisi 34 milyon 753 min 800 manat gəlir əldə edib, xərcləri isə 35 milyon 630 min 700 manat olub.
“Neftçi” 28 milyon 617 min 506 manat qazanıbsa, 28 milyon 737 min 905 manat xərcə düşüb.
“Sabah”ın ümumi gəliri isə 26 milyon 953 min 800 manat olub. Onlar 26 milyon 236 min 600 manat xərcləyib.
2024-cü ildə digər klubların gəlirləri və xərcləri aşağıdakı kimi olub:
“Zirə”:
Gəlir: 10 milyon 968 min 897 manat
Xərc: 10 milyon 946 min 081 manat
“Sumqayıt”:
Gəlir: 9 milyon 178 min 060 manat
Xərc: 9 milyon 071 600 manat
“Səbail”:
Gəlir: 7 milyon 799 min 500 manat
Xərc: 8 milyon 094 min 600 manat
“Araz-Naxçıvan”:
Gəlir: 6 milyon 208 min 100 manat
Xərc: 5 milyon 939 min 700 manat
“Turan Tovuz”:
Gəlir: 6 milyon 145 min 200 manat
Xərc: 6 milyon 133 min 100 manat
“Kəpəz”:
Gəlir: 3 milyon 711 min 300 manat
Xərc: 3 milyon 491 min 800 manat
“Şamaxı”:
Gəlir: 3 milyon 51 min 300 manat
Xərc: 2 milyon 503 min 600 manat
17-12-2025, 15:27
Spiker Aİ-nin Azərbaycandakı nümayəndəliyinin rəhbəri ilə görüşdü
Milli Məclisin sədri Sahibə Qafarova Avropa İttifaqının Azərbaycandakı nümayəndəliyinin rəhbəri Mariyana Kuyundziç ilə görüşüb.
Bu barərədə parlamentin Mətbuat və ictimaiyyətlə əlaqələr şöbəsindən məlumat verilib.
Görüşdə Azərbaycanla Avropa İttifaqı arasında münasibətlərə dair fikir mübadiləsi aparılıb.
Xüsusilə, 2025-ci il ərzində əlaqələrdə, qarşılıqlı səfər və görüşlərdə müşahidə olunan müsbət dinamikadan məmnunluq ifadə olunub, Azərbaycan Prezidenti İlham Əliyevin Avropa İttifaqı Şurasının Prezidenti Antonio Koşta və Avropa Komissiyasının Prezidenti Ursula Fon der Lyayen ilə görüşlərinin tərəflər arasında ikitərəfli gündəliyin müxtəlif aspektlərinin müzakirəsi baxımından əhəmiyyəti qeyd edilib.
Avropa İttifaqının Azərbaycandakı nümayəndəliyinin rəhbəri Mariyana Kuyundziç Azərbaycan və Ermənistan arasında sülh istiqamətində əldə olunan nailiyyətlər münasibətilə təbriklərini çatdırıb və bunu tarixi hadisə kimi dəyərləndirib. Diplomat tərəflər arasında sülhün əldə olunması istiqamətində irəliləyişlərin həm region, həm qitə, həm də dünya üçün əhəmiyyətli hadisə olduğunu söyləyib.
Milli Məclisin sədri diplomata Azərbaycan və Ermənistan sülh prosesi, o cümlədən parlamentlər arasında etimad quruculuğu tədbirləri haqqında məlumat verib.
Spiker Sahibə Qafarova bu kontekstdə "Avropa İttifaqı-Ermənistan Tərəfdaşlığı üçün Strateji Gündəlik"də Azərbaycan–Ermənistan sülh prosesi baxımından narahatlıq doğuran məqamlara toxunub.
Azərbaycan parlamentinin sədri Milli Məclisin Avropa İttifaqına üzv ölkələrin parlamentləri ilə sıx əməkdaşlığını qeyd edib. O, özünün bu istiqamətdə səfərlərini və görüşlərini məmnunluqla xatırlayıb.
Spiker Sahibə Qafarova Avropa Parlamentinin Azərbaycan əleyhinə qətnamələrinə toxunaraq, bu gün regionda mövcud olan reallıqların, Azərbaycan və Ermənistan arasında sülh prosesində əldə olunmuş nailiyyətlərin bu qətnamələrin nə dərəcədə qərəzli olmasını bir daha sübut etdiyini deyib.
Söhbət zamanı, həmçinin Azərbaycanla Avropa İttifaqı arasında əlaqələrin müxtəlif aspektləri nəzərdən keçirilib. O cümlədən, enerji sahəsində tərəfdaşlığın əhəmiyyəti vurğulanıb.
Eyni zamanda nəqliyyat, ticarət və digər sahələrdə əməkdaşlığın genişləndirilməsi üçün yeni imkanların olduğu diqqətə çatdırılıb.
17-12-2025, 15:25
Azərbaycanda zavodu bağlanır - İşçiləri digər zavodlara köçürüləcək
Son illərdə faydalı istismar müddətini başa vurduğundan və bununla müştərisi olmadığından bir sıra gəmilər istismardan çıxarılıb.
Mütəmadi şəkildə aparılan qiymətləndirməyə uyğun olaraq, köhnə gəmilərin istismardan çıxarılması səbəbilə balansda olan gəmi sayının əvvəlki illərə nisbətən aşağı düşəcəyi gözlənilir.
Bildirilib ki, optimal gəmi sayı üçün tələb olunan təmir işlərinin həcmi ASCO-nun strukturunda olan gəmi təmiri zavodlarının da optimallaşdırılmasını zəruri edir: “Eyni zamanda, ölkəmizdə hazırda dövlətə məxsus 3 gəmi təmiri və tikintisi zavodunun fəaliyyət göstərməsi, bu zavodların əsas sifarişçisinin ASCO olması gəmi təmiri xidmətlərinin optimallaşdırılması məsələsinə hər 3 zavod prizmasından baxılmasına zərurət yaradır. Bununla əlaqədar, uzunmüddətli gəmi təmiri tələbatı təhlil olunub və bu tələbatın qarşılanması imkanları qiymətləndirilib. Təhlil və qiymətləndirmələr nəticəsində gəmi təmiri tələbatının qarşılanması üçün 2 zavodun kifayət edəcəyi müəyyən olunub”.
Qeyd edilib ki, “Zığ” Gəmi Təmiri və Tikintisi Zavodunun son illərdə daha çox investisiya qoyuluşları edilərək texniki vəziyyətinin yaxşılaşdırılması və istehsalatın modernləşdirilməsi, “Bibiheybət” GTZ-də isə bundan sonra əlavə kapital qoyuluşlarına ehtiyacın olması, bunlarla yanaşı ölkədə təmir və tikinti işlərini təmin edə bilən Bakı Gəmiqayırma Zavodu (BGZ) kimi müasir zavodun mövcudluğu nəzərə alınaraq, “Bibiheybət” GTZ-nin təmir portfelinin BGZ-yə köçürülməsi/relokasiyası optimal təklif kimi müəyyən olunub: “Təbii ki, bu proses zamanı zavodda çalışan əməkdaşlarımızın hüquqları və mövcud iş yerləri tam nəzərə alınacaq, onlara uyğun imkanlar yaradılacaqdır. Bununla bağlı ASCO rəhbərliyi də işçilərlə görüş keçirib, onların narahatlıqlarını dinləyib və diqqətlərinə çatdırıb ki, heç bir işçi bu proses zamanı ixtisara məruz qalmayacaq, hər bir addım şəffaf şəkildə həyata keçiriləcəkdir”.
17-12-2025, 15:18
Köç karvanı Laçın şəhərinə çatıb
Dekabrın 17-də doğma yurduna yola salınan köç karvanı Laçın şəhərinə çatıb.
Bu barədə Qaçqınların və Məcburi Köçkünlərin İşləri üzrə Dövlət Komitəsindən məlumat verilib.
Bu mərhələdə Laçın şəhərinə 69 nəfərdən ibarət 17 ailəyə mənzillərin açarları təqdim edilib.
Mərasimdə Laçın rayonunda Azərbaycan Respublikası Prezidentinin xüsusi nümayəndəliyinin və Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!