1-12-2025, 14:21
Bəşər Əsəd Rusiyanı tərk edib? - KREMLDƏN CAVAB
Kreml Bəşər Əsədin hazırda Rusiyada olub-olmaması barədə məlumat açıqlamaqdan imtina edib.
Bu barədə Kremlin sözçüsü Dmitri Peskov jurnalistlərin suallarını cavablandırarkən bildirib
Peskovdan Suriyanın qaçaq eks-prezidenti Bəşər Əsədin son bir il ərzində Rusiyada qalması, habelə bu müddətdə Vladimir Putinlə görüşüb-görüşməməsi barədə soruşulub. Kremlin rəsmisi sualı belə cavablandırıb: “Xeyr, bu məsələyə dair heç bir məlumat paylaşa bilmərik”.
Qeyd edək ki, Bəşər Əsəd ötən ilin dekabr ayının əvvəlində Suriyanı tərk edib. “Heyət Təhrir əş-Şam” qruplaşmasının rəhbərlik etdiyi qüvvələr iki həftədən az müddətdə ölkənin şimalından hücuma keçərək Dəməşqi ələ keçirmiş, bununla da Əsəd rejimi çökmüşdü.
Rejimin süqutundan sonra Əsəd və ailəsinin Moskvaya aparıldığı, Rusiya tərəfindən onlara sığınacaq verildiyi bildirilmişdi.
Kreml isə indiyədək Əsədin Rusiyadakı vəziyyəti və hər hansı yüksək səviyyəli görüşləri barədə rəsmi məlumat açıqlamır.
1-12-2025, 14:11
Ramiz Mehdiyevi lənətləyirəm - Əli İnsanov da danışdı
Bu günlərdə Azərbaycan Xalq Cəbhəsi Partiyasının ( AXCP) sədri Əli Kərimlinin Dövlət Təhlükəsizlik Xidməti tərəfindən həbs olunaraq istintaqa cəlb olunması barədə sosial şəbəkələrdə müzakirələr aparılmaqdadır. Əli Kərimlinin həbsinin olduqca ağır ittihamlarla ev dustaqlığında saxlanılan Ramiz Mehdiyevin istintaqa verdiyi ifadələr nəticəsində həyata keçirilməsi heç bir şübhə doğurmur. Bu isə artıq dedi - qodu deyil.
Bunu sabiq səhiyyə naziri, Haqq Ədalət Partiyasının sədri Əli İnsanov bildirib.
O qeyd edib ki, illər öncə Əli Kərimlinin əməkdaşlıq etmək istəyi ilə bağlı Rusiya rəhbərliyinə yazdığı məktub barədə məlumatlar dəfələrlə mətbuatda yer alıb:
"Xüsusilə son illər Azərbaycan Dövlət Təhlükəsizlik Xidmətinin yüksək peşəkarlıqla aşkarladığı və bütün hallarda qabaqlayıcı tədbirlərlə Azərbaycan dövlətçiliyinə və suverenliyinə qarşı istər ölkə daxilində, istərsə də ölkə xaricində planlaşdırılmış ağır cinayətləri aşkar edərək ayrı-ayrı gizli təşkilatları ifşa etməsi xalqımız tərəfindən yüksək qiymətləndirilmişdir.
DTX - nın qabaqcadan inandırıcı dəlillərlə dövlət çevrilişi və dövlətə xəyanət kimi ağır ittihamları irəli sürərək Ramiz Mehdiyevi həbs etməsi təşkilatın bu qəbildən olan növbəti böyük uğurudur.
Odur ki, biz DTX - nın fəaliyyətini bəyənir və dəstəkləyirik.
Ramiz Mehdiyevin uzun illər yüksək dövlət vəzifəsində təmsil olunaraq və özünün hüdudsuz səlahiyyətləri ilə təkcə ayrı-ayrı yüksək vəzifə sahiblərini, Milli Məclisin deputatlarını deyil, siyasi partiya və onların liderlərini də öz təsiri altına sala bilmiş, gizli olaraq ağır cinayət xarakterli çirkin əməllərinə cəlb edib, dövlət əleyhinə ağır cinayətlərə sürükləmiş, onlarla birlikdə dövlət çevrilişinə cəhd etmişdir.
Ramiz Mehdiyevin istintaqa verdiyi ifadələr və DTX - nın istintaq zamaı axtarışları nəticəsində əldə etdiyi sənədlər və dəlillər onun Əli Kərimli ilə törədilmiş cinayətdə əlbir olmalarına şübhə yeri qoymur.
Göründüyü kimi bu günə qədər aparılmış istintaq nəticəsində Ramiz Mehdiyevlə Əli Kərimlinin çirkin əməkdaşlığı barədə məhkəməyə təqdim etmək üçün yetərli sayda dəlillər mövcuddur. Bu dəlillər məhkəmənin gedişində təsdiqini tapdığı halda bu xəyanət yükünü Ramiz Mehdiyevlə bərabər təkcə Əli Kərimli deyil, onun rəhbərlik etdiyi AXCP - də daşımış olur. Həndəsə elminin üç perpendikulyar teoremində deyildiyi kimi".
Partiya sədri bildirib ki, ölkəmizi əsrlərlə işğal altında saxlamış, sərvətlərini sümürüb aparmış, zamaz - zaman ölkəmizdə soyqırımlar törətmiş, faktiki olaraq tarixi düşmən bir dövlətin vassalına çevirmək planı və arzusu bu cütlüyün vətəndaş hüquqlarından məhrum ediləcəklərinə tam əsas verir:
"Ramiz Mehdiyevi və onunla birlikdə olanları Azərbaycanın dövlətçiliyinə və milli maraqlarına qarşı törətdikləri xəyanət əməllərinə görə lənətləyirəm. Bu gün bütün dünyanın gözü Azərbaycandadır.
Azərbaycan dövlətçiliyinə və suverenliyinə qarşı böyük təhlükəyə çevrilmiş təkcə xarici düşmənlərdən deyil, həm də artıq çox acı həqiqətə çevrilmiş daxili düşmənlərdən də uğurla qoruya bilməsi üçün heç vaxt olmadığı kimi xalqımızı Qalib Prezidenti İlham Əliyev cənablarının ətrafında sıx birləşməyə çağırıram".
1-12-2025, 13:08
İlham Əliyev bu rayonla bağlı SƏRƏNCAM İMZALADI
Prezident İlham Əliyev Zərdab rayonunun Zərdab–Məlikumudlu–Çallı–Salahlı–Hüseynxanlı–Xanməmmədli avtomobil yolunun əsaslı təmiri ilə bağlı tədbirlər haqqında Sərəncam imzalayıb.
Sərəncama əsasən, səkkiz min nəfər əhalinin yaşadığı 5 yaşayış məntəqəsini birləşdirən Zərdab–Məlikumudlu–Çallı–Salahlı–Hüseynxanlı–Xanməmmədli avtomobil yolunun əsaslı təmiri məqsədilə Azərbaycan Respublikası Prezidentinin 2025-ci il 10 yanvar tarixli 445 nömrəli Sərəncamı ilə təsdiq edilmiş “Azərbaycan Respublikasının 2025-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.19.21-ci yarımbəndində göstərilmiş məbləğin ilkin olaraq 2,0 (iki) milyon manatı Azərbaycan Avtomobil Yolları Dövlət Agentliyinə ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.
3. Azərbaycan Respublikasının İqtisadiyyat Nazirliyi bu Sərəncamın 1-ci hissəsində göstərilən avtomobil yolunun əsaslı təmirinin davam etdirilməsi üçün zəruri olan maliyyə vəsaitini Azərbaycan Respublikasının 2026-cı il dövlət büdcəsi layihəsində dövlət əsaslı vəsait qoyuluşu xərclərinin bölgüsündə nəzərdə tutsun.
4. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
1-12-2025, 10:02
Təbrik Edirik!
Əzizim Fərhad, Ulu Yaradandan dilərəm ki, bundan sonra ömrünə səni tanıdığım illərin sayı qədər ömür calasın. Qardaş, bu illər ərzində çox şey dəyişib. Dünyanın düzəni pozulub, insanlar arasında ünsiyyət azalıb. Qohumlar yadlaşıb, dostların bir-birinə inamı, etibarı azalıb. Müqəddəs şeylər, sevgi qarışıq-alış veriş, dəyər-dəyməz predmetinə çevrilib. Çox sayıb vaxtını almıram. Bircə onu deyim ki, bütün bu dəyişiklikləri görə-görə saçlarını ağartdın, amma çox şey dəyişsədə sən dəyişmədin. Yaxşı ki, dəyişmədin. Olduğun kimi, saf, təmiz, təmənnasız, dürüst, özü-sözü bütöv, etibarlı qaldın.
Sevgi və sayğıyla: Tamxil ZİYƏDDİNOĞLU
30-11-2025, 23:30
Maduro istefa verməyə hazırdır - BİR ŞƏRTLƏ
Venesuela prezidenti Nikolas Maduro 18 aydan tez olmamaq şərtilə istefaya getməyə hazırdır.
Bu barədə CNN ABŞ və Venesuela arasında aparılan qeyri-formal danışıqların gedişi barədə məlumatlı mənbəyə istinadən məlumat yayıb
Bəzi ABŞ rəsmiləri bunun bir həll yolu ola biləcəyini düşünsələr də, Ağ Ev Maduronun dərhal istefasını nəzərdə tutan bir planı dəstəkləyir.
“The Wall Street Journal”ın məlumatına görə ABŞ prezidenti Donald Tramp ötən həftə Maduro ilə telefon danışığı zamanı ona postundan getmək barədə ultimatum irəli sürüb.
30-11-2025, 23:00
Zelenski xəbərdarlıq etdi: “...çox şey dəyişə bilər”
Ukrayna Prezidenti Volodimir Zelenski ilə NATO-nun Baş katibi Mark Rutte arasında telefon danışığı olub.
Zelenski “Teleqram” səhifəsində müzakirələrin Ukrayna üçün əhəmiyyətli olduğunu bildirib.
"Bu, vacib günlərdir və çox şey dəyişə bilər. Biz yaxından əlaqələndiririk və birgə fəaliyyət və ümumi mövqelər fəaliyyətimizdə, bütün tərəfdaşlarımızın fəaliyyətində son dərəcə təsirli olacaq", - deyə o, söyləyib.
Zelenski, həmçinin Avropa Komissiyasının Prezidenti Ursula Fon der Lyayenlə telefon danışığı apardığını açıqlayıb. O qeyd edib ki, Ukrayna Aİ ilə səylərini koordinasiya edir və diplomatik vəziyyət müzakirə olunan mövzular arasındadır.
"Biz diplomatik vəziyyəti müzakirə etdik və əsas məsələlər üzrə ortaq fikrimiz var. Həmçinin Ursulanın Rusiyanın infrastruktur və enerjiyə davamlı hücumları qarşısında dayanıqlılığımızı gücləndirmək zərurətinə çox diqqətli olması vacibdir",- deyə Zelenski bildirib.
Qeyd edək ki, noyabrın 29-da Ukrayna nümayəndə heyəti sülh planını müzakirə etmək üçün ABŞ-a yola düşüb. Mayamidə danışıqlar bu gün başlayıb və hazırda davam edir. Məlumdur ki, ABŞ Ukrayna ilə sülh planının iki əsas bəndi - ərazi məsələləri və təhlükəsizlik təminatları üzrə bütün mübahisələri bir gün ərzində həll etmək istəyir.
30-11-2025, 22:36
İran vitse-prezidentinin həyat yoldaşı qəzada öldü
İranın vitse-prezidenti İsmail Saqəb İsfəhaninin həyat yoldaşı Germsar–Tehran magistral yolunda baş verən ağır yol-nəqliyyat hadisəsində dünyasını dəyişib.
Bu barədə IRNA agentliyi məlumat yayıb.
Agentliyin məlumatına görə, qadın hadisə yerindəcə vəfat edib. Vitse-prezidentin üç övladı və qayınatası isə müxtəlif xəsarətlərlə Germsardakı tibb mərkəzinə çatdırılıblar.
IRIB dövlət teleradio şirkətinin açıqlamasına əsasən, qəza vitse-prezidentin qayınatasının idarə etdiyi avtomobilin yük maşını ilə toqquşması nəticəsində baş verib.
30-11-2025, 22:06
Polad Bülbüloğlunun oğluna yeni vəzifə verildi
Üzeyir Hacıbəyli adına Azərbaycan Dövlət Simfonik Orkestrinə yeni dirijor təyin olunub.
Bu posta Murtuza Bülbül təyin edilib.
O, SSRİ Xalq artisti Bülbülün nəvəsi, Xalq artisti Polad Bülbüloğlunun oğludur.
2001-ci ildə doğulan Murtuza Bülbül musiqi təhsilinə Moskvadakı Betxoven adına Uşaq Musiqi Məktəbində başlayıb.
2020-ci ildə P.İ.Çaykovski adına Moskva Dövlət Konservatoriyasının nəzdində fəaliyyət göstərən Akademik Musiqi Kollecini (xor dirijorluğu şöbəsi, Leonid Pavlovun sinfi), ardınca isə Moskva Konservatoriyasının opera-simfonik dirijorluq fakültəsini (Vyaçeslav Valeyevin sinfi) fərqlənmə ilə bitirib.
Məlumat üçün qeyd edək ki, Azərbaycan Dövlət Simfonik Orkestrinin baş dirijoru Fuad İbrahimovdur.
Simfonik Orkestrdə həmçinin Mustafa Mehmandarov da dirijorluq fəaliyyəti göstərir.
30-11-2025, 20:22
Azərbaycan neft hasilatı barədə qərarı dəstəklədi
Energetika naziri Pərviz Şahbazov onlayn formatda keçirilən Neft İxrac edən Ölkələr Təşkilatına (OPEC) üzv və qeyri-üzv ölkələrin nazirlərinin 40-cı iclasında iştirak edib.
Bu barədə Energetika Nazirliyinin Mətbuat xidməti məlumat verib.
Bildirilib ki, iclasda gündəlik xam neft hasilatının 2026-cı ilin sonuna qədər sabit saxlanılması və maksimum davamlı istehsal gücünün qiymətləndirilməsi mexanizmi ilə bağlı qəbul edilmiş qərara Azərbaycan da öz dəstəyini ifadə edib.
İclas zamanı qlobal neft bazarındakı vəziyyət, hasilat səviyyələri və kompensasiyaların yerinə yetirilməsinə dair müzakirələr aparılıb. OPEC Katibliyi tərəfindən hazırlanmış və Əməkdaşlıq Bəyannaməsi ölkələrində 2027-ci il üzrə neft hasilatının baza səviyyələrinin müəyyən edilməsində istinad göstəricisi kimi istifadə olunacaq Maksimum Davamlı İstehsal Gücünün (MSC) qiymətləndirilməsi mexanizmi təsdiqlənib. Həmçinin OPEC Katibliyinə 2019-cu il 2 iyul tarixində imzalanmış Əməkdaşlıq Xartiyasının məqsədlərinə nail olmaq üçün plan hazırlamaq və bu planı növbəti nazirlər görüşündə təqdim etmək tapşırılıb.
Neft İxrac edən Ölkələr Təşkilatına (OPEC) üzv və qeyri-üzv ölkələrin nazirlərinin 41-ci iclasının gələn ilin 7 iyun tarixində keçirilməsi razılaşdırılıb.
30-11-2025, 20:01
Zelenskini bu şəxs əvəz edə bilər - AD AÇIQLANDI
Ukraynanın Böyük Britaniyadakı səfiri, Silahlı Qüvvələrin keçmiş komandanı Valeri Zalujni prezident seçkiləri keçirildiyi halda Volodimir Zelenskiyə real rəqib ola bilər.
Bu barədə "The Times" nəşri ictimai rəy sorğularına istinadən yazıb.
Nəşrin məlumatına görə, Zalujni prezidentlik reytinqində Zelenskiyə ən yaxın siyasətçi hesab edilir. O, hazırkı lideri qabaqlamasa da, “müharibə qəhrəmanı” statusu onun populyarlığını xeyli artırıb. Xüsusilə, müharibənin ilk mərhələsində müdafiəyə rəhbərlik etməsi onun ictimai dəstəyini möhkəmləndirən əsas amil kimi göstərilir.
"The Times" seçici meyllərini əks etdirən iki illik diaqrammanı da təqdim edib:
Yanvar 2024: Zelenski – 45%+, Zalujni – 30%+
Payız 2024: Zalujni Zelenskini populyarlıqda üstələyib (təxminən 30% və 20%)
Yaz 2025: Zelenski yenidən güclənib – 40%+, Zalujni – 20%
Oktyabr 2025: Fərq minimuma enib – Zelenski ~30%, Zalujni ~25%+
Bu göstəricilər Zalujnının seçkiyə qatıldığı halda ciddi rəqabət yaradacağını göstərir.
Nəşrin Zalujniyə yaxın mənbələri bildiriblər ki, populyarlığına baxmayaraq, onun prezident seçkilərinə qatılması ehtimalı azdır.
Bundan əvvəl Zalujni yazdığı məqalədə Ukraynanın “tam qələbə” əldə etməsə belə Rusiya ilə sülh saxlaya biləcəyini qeyd etmişdi:
“Sülh, hətta növbəti müharibənin gözləntisi fonunda olsa belə, siyasi dəyişikliklərə, dərin islahatlara, bərpaya, iqtisadi inkişafa və vətəndaşların geri qayıtmasına imkan yaradır.”
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!