12-11-2025, 17:27
Paşinyan Zəngəzur dəhlizinin tikilmə vaxtını AÇIQLADI
Ermənistanın Baş naziri Nikol Paşinyan Zəngəzur dəhlizindən (“Tramp yolu”) danışıb.
Nikol Paşinyanın parlamentdəki bugünkü çıxışı zamanı bildirib ki, "Tramp yolu"nun tikintisinə 2026-cı ilin ikinci yarısında başlanılacaq.
Onun sözlərinə görə, bütün detallar bu ilin sonuna qədər müzakirə olunmalı, bütün plan gələn ilin birinci yarısında kağız üzərində təqdim edilməlidir. Tikinti işlərinə isə 2026-nın ikinci yarısında başlamaq planlaşdırılır.
"Amma mən hələlik bu barədə danışmaq istəmirdim, çünki bu cür planlar həmişə cədvəldən kənara çıxır", - deyə Paşinyan digər məsələlərlə yanaşı, Tramp komandasının iş yükünü də nəzərə almağın vacibliyini qeyd edib.
"Biz nəzərdə tutulan işlərlə bağlı son tarixlərə əməl olunması üçün hər şeyi edəcəyik", - deyə Paşinyan əmin edib.
Baş nazirin sözlərinə görə, Zəngəzur dəhlizindən keçəcək dəmir yolu Sovet dövründən qalma dəmir yolunun marşrutu ilə gedəcək, çünki hər hansı digər marşrut qeyri-real olardı. Qaz kəməri dəhlizdən xeyli şimalda yerləşəcək. Elektrik xətləri də xeyli şimala çəkiləcək. Qaz kəmərinin və elektrik xətlərinin Sünikdə qalıb-qalmayacağı, yoxsa Vayots Dzor bölgəsindən keçəcəyi hazırda məlum deyil.
"Xəritədə hər şey hamar görünür, amma relyef tələbləri diktə edir", - deyə Paşinyan izah edib.
Baş nazir deyib ki, Şərq-Qərb yolları Şimal-Cənub layihəsinə inteqrasiya olunacaq. Seçimlər hələ də müzakirə olunur.
Boru kəmərinin marşrutu hələ də qeyri-müəyyəndir; onun taleyi əsasən neft qiymətlərindən asılı olacaq.
Baş nazir həmçinin Ermənistanın sosial media seqmentinin Bakının yolun Azərbaycan üçün əlverişli şərtlərlə işləyəcəyi barədə açıqlamasına verdiyi reaksiyaya münasibət bildirib.
"Lakin biz şərtlərin qəbuledilməz olduğunu demirik. Biz məqbul şərtlərlə sənəd imzaladıq. Bunlar Ermənistan və Azərbaycan liderləri tərəfindən Vaşinqton sənədində imzalananlardır", - deyə Paşinyan xatırladıb. O, məlum prinsipləri - ərazi bütövlüyü, suverenlik, qarşılıqlı hörmət, sərhədlərin toxunulmazlığı kimi məsələləri sadalayıb.
12-11-2025, 17:26
Təyyarə qəzasında Rusiya izi iddialarına rəsmi cavab: “Düşmən deyilik!”
Türkiyə Hərbi Hava Qüvvələrinə məxsus C-130 tipli hərbi-nəqliyyat təyyarəsi ötən gün Azərbaycandan uçuş zamanı Gürcüstan hava məkanında qəzaya uğrayıb.
Sosial şəbəkələrdə yayılan görüntülərdə təyyarənin kabinəsi və quyruq hissəsinin parçalandığı görünür.
Bu kadrlar Türkiyə ictimaiyyətində və sosial mediada müxtəlif ehtimallara, o cümlədən, təyyarənin guya “vurulması” ilə bağlı fərziyyələrə səbəb olub.
Hadisədən sonra Rusiyanın Ankaradakı səfirliyi Türkiyəyə başsağlığı verib.
Lakin bəzi sosial media istifadəçiləri qəzada Rusiyanı günahlandırmağa başlayıblar. “Bizim təyyarəmizi Rusiya vurdu” kimi paylaşımlara cavab olaraq səfirlik rəsmi hesabından belə yazıb: “Ümumiyyətlə, sizə bu fikir necə gələ bilər?”
Rusiya səfirliyi daha sonra C-130-un qəzaya uğradığı ərazinin xəritəsini dərc edib, həmin bölgənin Rusiya ilə heç bir əlaqəsinin olmadığını vurğulayıb.
Eyni zamanda, səfirlik oxşar ittiham irəli sürən digər istifadəçiyə cavabında qeyd edib: “Biz sizin düşməniniz deyilik. Rusiya və Türkiyə arasındakı münasibətləri yaxşılaşdırmağa çalışırıq.”
Qeyd edək ki, hadisə nəticəsində Türkiyə ordusunun 20 hərbçisi şəhid olub.
12-11-2025, 17:15
Kamran Əliyev onu rəis müavini təyin etdi
Hərbi Prokurorluqda yeni təyinat olub.
Bu barədə Baş prokuror Kamran Əliyev əmr imzalayıb.
Əmrə əsasən, ədliyyə polkovnik-leytenantı Məhərrəmov Kənan Revazi oğlu Azərbaycan Respublikası Hərbi Prokurorluğunun İstintaq idarəsinin rəis müavini təyin olunub.
12-11-2025, 17:03
Uşaqlıq dostu ilə eyni gündə şəhid oldu...
Türkiyə Silahlı Qüvvələrinə məxsus hərbi təyyarənin Gürcüstan-Azərbaycan sərhədində qəzaya uğraması nətivəsində şəhid olan hərbçi Ramazan Yağızın hekayəsi Türkiyəni kədərləndirib.
O, üç il əvvəl, 11 noyabr 2022-ci ildə şəhid olan həmkəndlisi və uşaqlıq dostu Emre Sevinci sosial mediada yad etdikdən bir neçə saat sonra özü də şəhid olub.
Ramazan Balıkesir vilayətinin Sındırgı bölgəsində yerləşən Çatalsöğüt kəndinin sakinidir. Şəhidin xəbərini anası Ayşe Yağız Bursa vilayətindəki evində asılıb. Həm doğulduğu kənd, həm də ailəsinin yaşadığı Küçükbalıklı məhəlləsində Türkiyə bayraqları ilə bəzədilib.
Ramazan Yağız sosial media hesabında 11 noyabr 2022-ci ildə şəhid olan dostu Emre Sevinci “Şəhadətinin ildönümündə məkanın cənnət olsun, igidim” sözləri ilə yad edib. Bu paylaşımından bir neçə saat sonra isə onun da şəhid olduğu xəbəri gəlib. Emre Sevinçin atası Mehmet Sevinç sosial şəbəkədə hər iki şəhidin fotosunu paylaşaraq yazıb: “Cənnətdə görüşmək üçün eyni günəmi sözləşdiniz, igidlərim? Eyni torpağın, eyni kəndin övladlarısınız”.
Şəhid Ramazan Yağızın 10 il əvvəl könüllü şəkildə kök hüceyrə (sümük iliyi) bağışladığı məlum olub. 2023-cü ilin iyununda onun hüceyrələrinin xərçəng xəstəsi ilə uyğun gəldiyi təsdiqlənib və Ankara Bilkent Şəhər Xəstəxanasında uğurlu köçürmə əməliyyatı həyata keçirilib.
Ramazan Yağızın nəşi doğulduğu kənddə hərbi mərasimlə torpağa tapşırılacaq.
12-11-2025, 16:50
Putin Tokayevin dəvətini qəbul etdi
Rusiya Prezidenti Vladimir Putin Qazaxıstana səfər edəcək.
Rusiya-Qazaxıstan danışıqları zamanı Kasım-Jomart Tokayev Putini gələn il Qazaxıstana dövlət səfərinə dəvət edib.
"Qazaxıstana getməkdən məmnun olardım", - deyə Putin Rusiya-Qazaxıstan danışıqları zamanı bildirib.
12-11-2025, 16:41
Şagird müəllimi döydü - qadın xəstəxanaya yerləşdirildi
Moskva məktəblərindən birində şok hadisə baş verib: 10-cu sinif şagirdi qadın müəlliminə hücum edib.
Moskva Təhsil və Elm Departamentinin məlumatına görə, tənəffüs zamanı yeniyetmə müəllimin sinifdən çıxmasını gözləyib, daha sonra onun masasından yoxlama işi dəftərlərini götürüb və çantasına qoyub.
Sinfə qayıtdıqdan sonra müəllim dəftərlərin götürüldüyünü görüb və şagirddən onların qaytarılmasını tələb edib, bu zaman şagird onun başına vurmağa başlayıb. Müəllim xəstəxanaya yerləşdirilib.
Hüquq-mühafizə orqanları işə cəlb olunub və məktəb daxili araşdırma aparır.
“Araşdırmadan sonra hücum edən şəxs qanunun bütün tələblərinə uyğun olaraq cəzalandırılacaq. Şagirdin məktəbdən xaric edilməsi ehtimalı da nəzərdən keçiriləcək", - deyə idarədən bildirilib.
12-11-2025, 16:37
Hamiləlik və doğuma görə verilən müavinətlərin ümumi məbləği artırılır
2026-cı ildə Azərbaycanda hamiləlik və doğuma görə verilən müavinətlərin ümumi məbləği 71 milyon manat olacaq.
Bu barədə Hesablama Palatasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) 2026-cı il büdcəsi haqqında qanun layihəsinə verdiyi rəydə bildirilir.
Sənədə əsasən, bu göstərici 2025-ci illə müqayisədə 9,2 % çoxdur.
Gələn il üzrə orta müavinət məbləğinin 3 676 manata qədər artacağı, müavinət alanların sayı isə 19 310 nəfər təşkil edəcəyi gözlənilir.
Artımın əsas səbəbi kimi minimum əməkhaqqı və sosial təminat məbləğlərinin yüksəlməsi, eləcə də işçi qadınların sosial sığorta haqları üzrə ödənişlərinin artması göstərilir.
Hesablama Palatası vurğulayıb ki, bu artım ailələrin sosial müdafiəsinin gücləndirilməsinə və uşaq doğumu ilə bağlı sosial ödənişlərin adekvatlığının artırılmasına xidmət edir.
12-11-2025, 16:22
“Zəfərin izi ilə” veloyürüşün final mərhələsi Xankəndidə keçirilib - FOTO
Noyabrın 12-də Xankəndi şəhərində “Gənc Peşəkar Velosipedçilər Klubu” İctimai Birliyi tərəfindən reallaşdırılan “Qarabağa veloyürüş– Zəfərin izi ilə” layihəsinin final mərhələsi baş tutub.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, yarışın əsas məqsədi gənclər arasında sağlam həyat tərzinin təbliği, azad olunmuş ərazilərdə idmanın inkişafına dəstək olmaq və Qarabağda sosial-iqtisadi dirçəlişə töhfə verməkdir.
Final mərhələsi Xankəndidəki Zəfər meydanında təşkil olunmuş veloyürüş iştirakçılarını, Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsi Elçin Yusubov qarşılayıb. Yarış iştirakçıları arasında Azərbaycan Respublikası Təhlükəsizlik Şurası katibinin müavini, milli qəhrəman, general-polkovnik Mədət Quliyev də olub.
Tədbirdə vurğulanıb ki, “Qarabağa veloyürüş Zəfərin izi ilə” layihəsi təkcə idman yarışı deyil, həm də Azərbaycanın dövlətçilik ənənələrinin, milli həmrəyliyin və Zəfərin rəmzidir. "Gənc Peşəkar Velosipedçilər Klubu”nun nümayəndələri bildiriblər ki, bu kimi tədbirlər gələcəkdə də davam etdiriləcək və Azərbaycanın müxtəlif bölgələrində velosiped idmanının inkişafına, eləcə də gənclərin sağlam həyata yönləndirilməsinə xidmət edəcək. Qeyd edək ki, sonda fəal veloyürüş iştirakçılarına təşəkkürnamələr təqdim olunub.
12-11-2025, 16:21
Zığ-Hövsan kanalizasiya kollektoru tikilir - VİDEO
Azərbaycan Dövlət Su Ehtiyatları Agentliyinin (ADSEA) Tikilməkdə Olan Obyektlərin Müdiriyyəti Bakı şəhəri və Abşeron rayonunda yeni kanalizasiya kollektorları və tullantı sular üçün sutəmizləyici qurğuların tikintisi layihələrinə başlayıb.
Bakı şəhərinin ekoloji vəziyyətinin yaxşılaşdırılması və kanalizasiya-infrastrukturunun müasirləşdirilməsi məqsədilə həyata keçirilən mühüm layihələrdən biri də Zığ–Hövsan kanalizasiya kollektorunun tikintisidir. Layihə çərçivəsində ümumi uzunluğu 28 kilometr olan yeni kollektor xəttinin inşası, həmçinin müasir tələblərə cavab verən nasos stansiyasının qurulması planlaşdırılır.
Bu layihə nəticəsində "Şəhərkənarı" kanalizasiya kollektorunun istismar vəziyyəti əhəmiyyətli dərəcədə yaxşılaşdırılacaq, tullantı sularının idarə olunması prosesi daha səmərəli və təhlükəsiz şəkildə təşkil ediləcək. Bununla yanaşı, layihə Bakı buxtasının ekoloji durumunun qorunmasına mühüm töhfə verəcək.
Kollektorun fəaliyyət sahəsinə Xətai rayonunun bir hissəsi, eləcə də Suraxanı rayonunun Zığ, Hövsan, Bahar və Dədə Qorqud qəsəbələri daxil olacaq. Bu ərazilərdə yaşayan əhalinin kanalizasiya və tullantı sularının idarə olunması ilə bağlı mövcud problemləri aradan qalxacaq, mühəndis-kommunikasiya infrastrukturu daha dayanıqlı sistemə çevriləcək.
Layihənin icrasına 2025-ci ildə başlanılıb və bütün tikinti işlərinin 2028-ci ildə tamamlanması nəzərdə tutulur. İşlər mərhələli şəkildə aparılacaq, inşaat zamanı ekoloji standartlara və təhlükəsizlik qaydalarına ciddi riayət olunacaq.
Zığ–Hövsan kollektorunun inşası zamanı yeraltı mikrotunel texnologiyasından da istifadə olunacaq. Bu tipli layihələr, xüsusilə mikrotunel texnologiyası ilə qurulan kanalizasiya şəbəkələri müasir və dayanıqlı olması ilə seçilir, geniş ərazilərdə qurulma imkanı və əhalinin məmnunluq səviyyəsinin yüksəldilməsinə şərait yaradır.
Görülən işlər yeni kollektorlar vasitəsilə daşınan tullantı suların sutəmizləyici qurğulara ötürülməsi və təmizlənməsinə, su hövzələrinin çirklənməsinin qarşısının alınmasına xidmət edəcək.
12-11-2025, 16:15
19 şəhidin nəşi tapılıb, birinin axtarışı davam edir - Ərdoğan
Türkiyə Prezidenti Rəcəb Tayyib Ərdoğan bu gün hakim Ədalət və İnkişaf Partiyasının iclasında Gürcüstanda baş verən təyyarə qəzasından danışıb.
Ərdoğan bildirib ki, Azərbaycan Respublikasında keçirilən Qarabağ zəfərinin 5 illiyi münasibətilə təşkil olunan tədbirlərdən qayıdarkən Türkiyə Hərbi Hava Qüvvələrinə məxsus C-130 tipli hərbi nəqliyyat təyyarəsi Gürcüstan–Azərbaycan sərhədinə yaxın ərazidə qəzaya uğrayıb.
“Bu faciə nəticəsində 20 qəhrəmanımız şəhid olub. Onların adları ürəklərimizin ən dərin yerinə yazılıb. Allah şəhidlərimizə rəhmət eləsin, ailələrinə səbir versin”, - dövlət başçısı deyib.
Ərdoğanın sözlərinə görə, qəza barədə məlumat daxil olan kimi Türkiyənin müdafiə, daxili işlər və xarici işlər nazirləri dərhal həm Gürcüstan, həm də Azərbaycan tərəfi ilə əlaqə saxlayıblar. Axtarış-xilasetmə işləri sürətlə başlayıb, Türkiyəyə məxsus pilotsuz uçuş aparatları bölgəyə göndərilib.
“Axşam saat 17:00-də uçağın qalıqları tapılıb, ərazi təhlükəsizlik məqsədilə nəzarətə alınıb. Hadisə yerinə 46 nəfərlik ixtisaslı araşdırma qrupu göndərilib. Təyyarənin "qara qutusu" tapılıb və araşdırmalara başlanıb”, – Ərdoğan qeyd edib.
Prezident bildirib ki, şəhidlərin 19-nun nəşi tapılıb, sonuncu şəhidin axtarışı davam edir.
Türkiyə lideri həm Azərbaycan Prezidenti İlham Əliyev, həm də Gürcüstanın Baş naziri İrakli Kobaxidze ilə telefon danışığı apardığını söyləyib:
“Azərbaycanlı qardaşlarımız və gürcü dostlarımız bu ağır gündə bizimlə həmrəy oldular. Hər iki ölkə hadisənin araşdırılması və şəhidlərimizin tapılması üçün bütün imkanlarını səfərbər edib”.
Ərdoğan hadisənin bütün detallarının aydınlaşdırılacağını vurğulayıb:
“Türkiyə Respublikası, Azərbaycan və Gürcüstan bu məsələdə birgə hərəkət edir. Heç bir detal diqqətdən kənarda qalmayacaq.”
Ərdoğan sosial şəbəkələrdə yayılan yalan məlumatlara və siyasi məqsədlərlə aparılan manipulyasiyalara qarşı xalqı ehtiyatlı olmağa çağırıb: “Milli Müdafiə Nazirliyi və Kommunikasiya İdarəsi cəmiyyətimizi mütəmadi olaraq məlumatlandırır. Millətimizdən xahiş edirəm ki, bu cür ağrılı hadisələr üzərindən siyasi qazanc əldə etmək istəyənlərə inanmasınlar.”
Sonda Ərdoğan şəhidlərə Allahdan rəhmət, ailələrinə və Türk Silahlı Qüvvələrinə səbir diləyib, həmçinin başsağlığı mesajı göndərən bütün dost ölkələrə təşəkkür edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!