13-09-2025, 13:42
Müdafiə Nazirliyi məlumat yaydı
Azərbaycan Ordusunda xidmətə yeni başlayan gənc əsgərlərin sağlamlığını qorumaq məqsədilə həyata keçirilən preventiv tədbirlərlə əlaqədar hərbi hissələrdə görüşə müvəqqəti məhdudiyyət qoyulub.
Bu barədə Müdafiə Nazirliyi məlumat yayıb.
Qeyd edilib ki, hərbi hissələrdə effektiv profilaktik tədbirlərin görülməsi sayəsində şəxsi heyət arasında respirator xəstəliklərə, o cümlədən qrip infeksiyasına yoluxma hallarının qarşısı alınır:
"Gənc əsgərlərin valideynlərindən, eləcə də bütün vətəndaşlardan hərbi qulluqçularımızın sağlamlığına həssaslıqla yanaşmağı, məhdudiyyəti anlayışla qarşılamağı və hərbi hissələrə gəlməməyi bir daha xahiş edirik. Qeyd olunan məhdudiyyət götürüldükdən sonra ictimaiyyətə əlavə məlumat veriləcək".
Qeyd edək ki, Müdafiə Nazirliyi bir neçə dəfə bununla bağlı vətəndaşlara müraciət edib.
13-09-2025, 13:37
30 nəfər Xocalının Seyidbəyli kəndinə qayıtdı - FOTO
Sentyabrın 13-də Xocalı rayonunun Seyidbəyli kəndinə ilk köç prosesi həyata keçirilib.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, ikin mərhələdə kəndə 30 nəfər köçürülüb.
Onlar bu gün yeni mənzillərinə yerləşdiriliblər. Mənzillərin açarlarını ailələrə təqdim edən Prezidentin Xankəndi şəhərində, Ağdərə və Xocalı rayonlarında xüsusi nümayəndəsinin müavini Səbuhi Qəhrəmanov, sakinlərə məlumat verib ki, Seyidbəyli kəndində müasir tələblərə cavab verən fərdi yaşayış evləri inşa olunub, qaz, işıq və su xətləri tam bərpa edilib və digər sosial infrastruktur obyektləri sakinlərin istifadəsinə verilib.
Sakinlər də bu gün doğma yurda qayıtmağın sevincini bölüşüblər.
Xatırladaq ki, Xocalı rayonunun Seyidbəyli kəndi 1992-ci ildən 2020-ci ilə kimi Ermənistan Silahlı Qüvvələrinin işğalı altında olub. İkinci Qarabağ müharibəsinin nəticələrinə əsasən imzalanmış 10 noyabr 2020-ci il tarixli üçtərəfli bəyanata uyğun olaraq Seyidbəyli kəndi Rusiya sülhməramlı qüvvələrinin nəzarətinə keçib.19–20 sentyabr 2023-cü ildə aparılan lokal xarakterli antiterror əməliyyatları nəticəsində isə kənd Azərbaycan Respublikası Silahlı Qüvvələrinin nəzarətinə qaytarılıb.
13-09-2025, 13:18
“Togg”un yeni modeli Ərdoğana təqdim olundu
Türkiyənin “Togg” yerli elektromilinin satışa yeni çıxarılan “T10F” modeli Rəcəb Tayyib Ərdoğana təqdim olunub.
“Togg” İdarə Heyətinin üzvləri avtomobili Ərdoğana nümayiş etdiriblər.
Ərdoğan avtomobili test üçün sürəndən sonra nəqliyyat vasitəsi barədə məlumat alıb.
Qeyd edək ki, bu, “Togg”un ilk sedan modelidir. Avtomobilinin ilkin sifarişlərinin qəbulu sentyabrın 15-də, Almaniyada isə sentyabrın 29-da başlayacaq.
12-09-2025, 22:10
“Fənərbaxça” – “Qalatasaray” derbisi - Tarix məlum oldu
Türkiyə Superliqasında böyük maraqla gözlənilən “Fənərbaxça” – “Qalatasaray” derbisinin nə zaman keçiriləcəyi müəyyənləşib.
İstanbulun Şükrü Saracoğlu stadionunda baş tutacaq qarşılaşma dekabrın 1-də keçiriləcək.
Qarşılaşmanın dəqiq başlama saatı və hakim heyəti isə yaxın günlərdə Türkiyə Futbol Federasiyası tərəfindən rəsmi olaraq açıqlanacaq.
12-09-2025, 21:41
ATƏT-dən Minsk Qrupu barədə AÇIQLAMA
Ermənistan və Azərbaycanın ATƏT-in Minsk Qrupunun bağlanması ilə bağlı tarixi birgə müraciətini bir daha alqışlayıram.
Bunu ATƏT Parlament Assambleyasının Prezidenti Pere Xuan Pons Sampyetro deyib.
"Ümid edirəm ki, bu, vahid büdcənin yaxşılaşdırılması istiqamətində bir addım olacaq. Hər iki tərəfə demək istərdim ki, sizin region Şərqlə Qərb, Şimalla Cənub arasında strateji mərkəzə çevrilə bilər. Sülh rifah gətirir. Birlik isə regionları dəyişdirir", - Sampyetro qeyd edib.
12-09-2025, 21:27
Nepalda yeni hökuməti o quracaq
Nepal Prezidenti Ram Çandra Paudel Ali Məhkəmənin keçmiş sədri Suşila Karkini müvəqqəti hökumətə rəhbər təyin edib.
Bu barədə "Himalayan Times" məlumat yayıb.
Prezidentin mətbuat katibi Kiran Pokhrelin sözlərinə görə, qərar prezident administrasiyasında aparılan məsləhətləşmələrdən sonra qəbul olunub və parlamentin buraxılması, partiyasız idarəetmənin yaradılması ilə bağlı tələbləri irəli sürən nümayişçilərin əsas çağırışına cavab verir.
12-09-2025, 20:51
NATO "Şərqin mühafizəçisi" əməliyyatına başlayır
NATO Şimal Atlantika Alyansı «Şərqin mühafizəçisi» (Eastern Guard) adlı yeni əməliyyata start verir.
Modern.az xəbər verir ki, bu barədə alyansın baş katibi Mark Rütte Avropadakı Birləşmiş Silahlı Qüvvələrin komandanı general Aleksus Qrinkeviçlə birgə mətbuat konfransında bildirib.
Baş katib deyib ki, əməliyyatın məqsədi NATO-nun şərq cinahında təhlükəsizliyi möhkəmləndirmək və artan hava məkanının pozulmalarına cavab verməkdir:
«Məqsədimiz NATO-nun bütün müttəfiqlərini istənilən təhdiddən qorumaqdır. Şərq cinahının müdafiəsi bizim əsas prioritetimizdir. Dron hücumlarına qarşı yeni imkanlar və müdafiə sistemləri yerləşdiriləcək.»
Əməliyyata Danimarka, Almaniya, Fransa, Böyük Britaniya və digər üzv dövlətlər qoşulacaq. Rütte vurğulayıb ki, «əməliyyat önümüzdəki günlərdə tam miqyasda başlayacaq» və «müxtəlif qüvvə və vasitələri əhatə edəcək».
«Şərqin mühafizəçisi» əməliyyatı 10 sentyabrda Polşa hava məkanında vurulan rus dronlarından sonra işə salınıb. Rütte bildirib ki, dronların mənşəyi ilə bağlı «heç bir şübhə yoxdur» və onların Rusiya istehsalı olduğu müəyyənləşdirilib. Hazırda onların hansı məqsədlə göndərildiyi araşdırılır.
Hadisədən sonra NATO üzvləri Polşaya və regiona əlavə qüvvələr göndərmək barədə qərar verib:
Fransa — 3 «Rafale» qırıcısı
Böyük Britaniya — «Eurofighter Typhoon» qırıcıları
Çexiya — 3 Mi-17 helikopteri və 100-ə yaxın hərbçi
İsveç — HHM vasitələri və aviasiya
Niderland — «Patriot» zenit-raket kompleksləri, dronlara qarşı sistemlər və 300 hərbçi
Almaniya — Polşa sərhədlərindəki «Eurofighter» qırıcılarının sayını ikiqat artırıb.
General Qrinkeviç qeyd edib ki, əməliyyat təkcə Polşanı deyil, Rumıniya, Estoniya, Latviya və Litvanı da əhatə edəcək.
12-09-2025, 20:45
30 terrorçu öldürüldü
Somalidə mərkəzi hakimiyyətə qarşı silahlı mübarizə aparan “Əl-Qaidə” terror təşkilatı ilə əlaqəli olan “Əş-Şəbab” hərəkatının 30-dan çox üzvü Qalgudud bölgəsində keçirilən hərbi əməliyyat nəticəsində öldürülüb.
Somali Silahlı Qüvvələrinin yerli müdafiə qüvvələri ilə birgə keçirilən əməliyyat zamanı 6 əsgər həlak olub, 14-ü yüngül yaralanıb.
Qeyd edək ki, Somali qüvvələri artıq on ildən çoxdur ki, yüzlərlə mülki şəxs və təhlükəsizlik əməkdaşının həyatına son qoyan “Əş-Şəbab” hərəkatına qarşı mübarizə aparır.
12-09-2025, 18:27
Mirzoyan Türkiyə diplomatla görüşdü
Ermənistanın xarici işlər naziri Ararat Mirzoyan Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıçla görüşüb.
Bu barədə Ermənistan XİN-in mətbuat katibi Ani Badalyan "X" hesabında yazıb.
Qeyd edək ki, Serdar Kılıç Ermənistanda səfərdədir.
12-09-2025, 18:13
Xalq artisti palataya köçürüldü
Xalq artisti Sərdar Fərəcovun müalicəsi Mərkəzi Neftçilər Xəstəxanasının Kardiologiya şöbəsinə köçürülüb, hazırda palata şəraitində müalicəsi davam etdirilir.
Bu barədə TƏBİB-dən bildirilib.
Qeyd edək ki, kəskin miokard infarktı, mədə-bağırsaq qanaması və kəskin ürək çatışmazlığı diaqnozları təyin olunan Xalq artistinin vəziyyəti hazırda orta-ağır qiymətləndirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!