QHT layihəsini davam etdirir .....                        Ərdoğan Paşinyanla ilk görüşü haqda nə danışdı .....                        Bizə qarşı erməni terroru davam edir - Dövlət başçısı .....                        “Sazişin böyük əksəriyyəti artıq razılaşdırılıb” - İlham Əliyev .....                        Azərbaycan və Ermənistan XİN başçıları yenidən görüşəcək .....                        ABŞ səfirliyindən Edillidəki məzarlıqla bağlı açıqlama .....                        Praqa dördtərəfli görüşünün sonu... .....                        Ukrayna İran PUA-larının 60%-ni vurub .....                        Sahibə Qafarova spikerlərin sammitində mina problemini qaldırdı .....                       
23-07-2022, 23:38
Məşhur amerikalıdan Dikə dəstək: Hər kəs "Təbriz"i oxuyur

Məşhur amerikalıdan Dikə dəstək: Hər kəs "Təbriz"i oxuyur

Gör nə edibsən, Corc Dik! Hər kəs Təbriz haqqında oxuyur.
Bunu məşhur amerikalı analitik, Corc Buş hakimiyyəti dövrünün yüksəkvəzifəli məmuru Maykl Doran Tvitter hesabında yazıb.
Maykl Doran bununla İran səfiri Abbas Musəvi tərəfindən ölümlə təhdid olunan İsrailin Azərbaycandakı səfiri Corc Dikə dəstəyini bildirib.

Xatırladaq ki, iyulun 20-də İsrail səfiri Corc Dik Azərbaycanın tarixi şəhəri Təbrizin tarixi, incəsənətindən bəhs edən "Təbrizin sehrli nağılları" kitabı ilə bağlı paylaşım edib. C.Dikin Təbrizin mədəniyyəti haqqında kitab oxuduğu yerdə foto paylaşmasından narahat olan İranın Azərbaycandakı səfiri Abbas Musəvi həmkarını ölümlə təhdid edib.
23-07-2022, 23:29
"Nur ocağı" Ramilə Əliyevanın şeirlərini təqdim edir:


"Nur ocağı" Ramilə Əliyevanın şeirlərini təqdim edir:

Yaşayır
İnsanoğlu bu dünyaya gələndən,
Bir qəribə güman ömrü yaşayır.
Yüksəkləri fəth eləmək istəyir,
Zirvələrdə duman ömrü yaşayır.
*
Bitmir sözü, tükənməyir arzusu,
Çiçək açır xoş niyyəti, duyğusu.
Məyus olur, bəzən sözün doğrusu,
Parçalanmış talan ömrü yaşayır.
*
Cəhd eyləyər, yuva qurar həvəslə,
Çalış, vuruş bu yuvanı sən bəslə.
Anlamayan, dinləməyən bir kəslə,
Bəzən küskün, yalan ömrü yaşayır.
*
Xatirələr dilləndirər ruhunu,
Təhlil edər yanlış ilə doğrunu.
Sarsılanda bu illərin yorğunu,
Əzrayıldan aman ömrü yaşayır.
*
Arzu sonsuz, ömür qısa, yol yarı,
İnsan qəlbi hey vəsf edər baharı,
Qarlı qışa düşəndə arzuları,
Şaxta çovğun, boran ömrü yaşayır.
*
Sual edər əvvəlini, sonunu,
Hey axtarar taleyinin yönünü.
Tapmayanda, itirəndə yolunu,
Bəlkələrdə qalan ömrü yaşayır...


Bilinməz

Qəribə dünyanın sakinləriyik,
Gecəsi bilinməz, günü bilinməz.
Düyğular qarışıq, hislər rəngbərəng,
Arzunun, istəyin yönü bilinməz.
*
İsıqlı sabahdan güc alan kəsin,
Yıxılan dikələn, ucalan kəsin,
Hər gün qətrə-qətrə qocalan kəsin,
Ömrünün əvvəli, sonu bilinməz.
*
Var-dövlət sahibi olanlar getdi,
Arzusu gözündə qalanlar getdi,
Bağçası baharda solanlar getdi,
O gedən köçlərin önü bilinməz.
*
Dünyanın min cürə gərdişi varmış,
Hər qəlbin duyğusu,vərdişi varmış,
Xeyirxah əməldə mərd işi varmış,
Sədası duyular, ünü bilinməz.


Düzəlmir

Bir bahar ömrünü yaşayır insan,
Taleyin boranı-qarı düzəlmir.
Qəlbində min arzu daşıyır insan,
Yarı düzəlsə də, yarı düzəlmir.
**
Dil açır qəlblərdə duyğu çələngi,
Dəyişir gözlərdə dünyanın rəngi,
Param-parça olmuş könlün ahəngi,
Yüz dəfə cilala, sarı düzəlmir.
**
Sevinc də, kədər də ömür payıdır,
Yorğun fikirlərim məni uyudur,
Ömrümüz bir karvan, sarvan yoludur,
Bağçamız xəzandır, barı düzəlmir.
**
Ey dünya, gəl durma mənim qəsdimə!
Ağrını-acını tökmə üstümə.
Mən qərib mehmanam, sənin qəsrinə,
Gəlmişəm sevincdən sarı,... düzəlmir.
**
Çalsın könüllərin xoş təranəsi,
Bürüsün ətrafı sevgi nəşəsi,
Qəlbində xoş niyyət daşıyan kəsin,
Deməsinlər heç vaxt halı düzəlmir.

Ucal Azərbaycanım
Ana yurdum, çiçəklənən diyarım,
Sənə bağlı duyğum, xoş arzularım,
Qoy var olsun elim, obam, mahalım,
Sabahından güc al, Azərbaycanım!
Ucaldıqca, ucal, Azərbaycanım!

Sən qəlbimin alovusan, odusan,
Sən eşqimin əzəl-axır adısan,
Sən dilimin bal damlayan dadısan,
Keçmişinlə qocal, Azərbaycanım!
Bu gününlə ucal, Azərbaycanım!

Dağlarının zirvəsində qar gözəl,
Yamaclarda gül toplayan yar gözəl,
Bağ-bağçanda heyva gözəl, nar gözəl,
Gözəllikdən bac al, Azərbaycanım!
Yüksəklərə ucal Azərbaycanım!

Çox yanlışlar durdu sənin qəsdinə,
Doğruları itirməyin qəsdi nə?
Mən qurbanam duruşuna, şəstinə,
Düşmənindən öc al, Azərbaycanım!
Sən tarix yaz, ucal Azərbaycanım!

Ey Vətənim, ey Yenilməz millətim,
Var-dövlətim, şan-şöhrətim, sərvətim,
Sənə bağlı saf duyğum, xoş niyyətim,
Zirvələrdə tac ol, Azərbaycanım!
Güdrətli ol, güc ol, Azərbaycanım!


Qocalıram mən
Qəribə istəkdir, qəribə duyğu,
Hər an varlığından güc alıram mən.
Qara saçlarına bəyazlar düşür,
Sən yaşa dolursan, qocalıram mən.
*
Güllərin ətrini verir nəfəsin,
Sənlə gözəlləşir, duyğum, həvəsim.
Ay məni, hər kəsdən qoruyan kəsim,
Sən varsan göylərə ucalıram mən.
*
Bir ömür həsr etdin mənə dünyada,
Bilmirəm neyləyim sənə dünyada,
Könlüm qərib sahil, kimsəsiz ada,
Bu qəmli taledən öc alıram mən.
*
Baxışın ruhuma qol-qanad verir,
Sən varsan həyat da mənə dad verir,
Hər kəs bu dünyaya bir cür ad verir,
Dünyanın yükündən bac alıram mən.
*
Yaşa ey ömrümün yorğun mələyi,
Qayğın, məhəbbətin ruhum gərəyi,
Dərdlərə dərmandı ana ürəyi,
Məlhəmsən sağalıb güc alıram mən!
Sən yaşa dolursan, qocalıram mən.

Ana
Sən mənim ömrümün yorğun mələyi,
Sən mənim damarda qanımsan, ana.
Sənin yoxluğuna dözməz ürəyim,
Saçımda bəyazım, ağımsan, ana.

İsti nəfəsinlə dünyam isindi,
Sevginlə, qayğınla qəlbim sevind,i
Sənsiz bir dünyada olmaq çətindi,
Həyata bağlanan bağımsan, ana.

Birgə addımladıq bu yollarda biz,
Yoruldu fikrimiz, əməllərimiz.
Axı neyləyərəm dünyada sənsiz?
Həm sevinc, həm kədər çağımsan, ana.

Payızda yuvadan köç edər quşlar,
Bir ömür sonlanar, bir ömür başlar,
Yarpaqlar tökülər, yağar yağışlar,
Artıq xəzan görmüş bağımsan, ana
21.10.2021.

ANA ÜRƏYİ
Sevgidən yaranıb sevinc payımdır,
Şeirimdi,nəğməmdi, duyğularımdı,
Gündüzlər günəşim, gecə ayımdı,
Sirli Kəhkəşandır, ana ürəyi.

Qayğısı tükənməz, istəyi sönməz,
Bağçası ətirli, gülləri solmaz.
Çalışar, vuruşar, yoruldum deməz,
Bir sirli məkandır, ana ürəyi.

Sarsılsan, yorulsan, yanlışa uysan,
Bir anda hər şeyin fərqinə varsan,
Hüzura, sevgiyə ehtiyac duysan,
Ən doğru ünvandır, ana ürəyi.

Varlığı dünyanın özü qədərdir,
Yoxluğu hüzündür, qəmdir, kədərdir,
Sakit bir limandır, coşqun Xəzərdir,
Dalğalı ümmandır, ana ürəyi.

Laylası həzindir, duyğusu dərin,
Baxar, hey yollara qəmli gözlərin,
Nigaran baxışın, müdrik sözlərin,
Dərdlərə dərmandır, ana ürəyi.
Təbibdir, loğmandır, ana ürəyi.

Sevgisini səxavətlə paylayar,
Kədərini ürəyində saxlayar,
Gecə-gündüz ümman kimi çağlayar,
Şeirdi, dastandı, ana ürəyi.
Bütöv bir cahandı, ana ürəyi.


07.03.2022.





23-07-2022, 19:23
Şinzo Abeni güllələyən şəxs psixiatrik müayinədən keçəcək


Şinzo Abeni güllələyən şəxs psixiatrik müayinədən keçəcək

Yaponiyanın keçmiş baş naziri Şinzo Abenin qatilində şübhəli bilinən şəxs bu ilin sonuna qədər psixiatrik müayinədən keçəcək. Bu barədə Yaponiyanın "Nikkei" nəşri məlumat yayıb. Qərar Abenin güllələndiyi Nara bölgəsinin məhkəməsi tərəfindən verilib. Qeyd edək ki, 41 yaşlı Tetsuya Yamaqaminin iyulun 8-də küçədə seçki kampaniyası zamanı Yaponiyanın keçmiş baş naziri Abeni kustar üsullarla hazırlanmış silahla öldürüb.
23-07-2022, 19:20
Hərbçimiz Kəlbəcərdə İTKİN DÜŞDÜ


Hərbçimiz Kəlbəcərdə İTKİN DÜŞDÜ

İyulun 23-də günorta saatlarında Azərbaycan Ordusunun müddətli həqiqi hərbi xidmət hərbi qulluqçusu əsgər İbayev Kamiz Mübariz oğlu dövlət sərhədinin Kəlbəcər rayonu sahəsində itkin düşüb. Bu barədə Butov.az-a Müdafiə Nazirliyindən bildirilib. Hərbi qulluqçumuzun axtarışı istiqamətində müvafiq tədbirlər görülür. Hazırda faktla bağlı araşdırma aparılır.
23-07-2022, 19:17
Məşhur türk yazıçı vəfat etdi


Məşhur türk yazıçı vəfat etdi

Türkiyənin məşhur yazıçısı Rasim Özdənörən 82 yaşında vəfat edib. Butov.az xəbər verir ki, bu barədə "Anadolu" agentliyi məlumat yayıb. 1940-cı ildə Kahramanmaraş bölgəsində anadan olan yazıçı Ankara Universiteti Tibb Fakültəsi Xəstəxanasında dünyasını dəyişib. 30-a yaxın kitabın müəllifi olan Özdənörənin “Kirli şüşələr” adlı kitabı Azərbaycanda da nəşr olunub.
23-07-2022, 19:12
Ukrayna Almaniyaya yeni səfir göndərir


Ukrayna Almaniyaya yeni səfir göndərir

Ukrayna Almaniyaya yeni səfir təyin edəcək. Bu barədə Almaniyanın RTL telekanalı məlumat yayıb. Bildirilir ki, Ukraynanın Berlindəki diplomatik missiyasına 47 yaşlı Oleksiy Makeyev təyin ediləcək. O, 1996-cı ildə diplomat kimi fəaliyyətə başlayıb, 2014-2020-ci illərdə Ukrayna Xarici İşlər Nazirliyinin siyasi direktoru olub, həmçinin İsveçrə və Almaniyadakı səfirliklərdə işləyib. RTL-nin məlumatına görə, o, iki həftədən sonra Almaniya Xarici İşlər Nazirliyində rəsmən təqdim olunacaq.


23-07-2022, 19:06
Hulusi Akardan Odessaya hücumla əlaqədar AÇIQLAMA


Hulusi Akardan Odessaya hücumla əlaqədar AÇIQLAMA

Türkiyə milli müdafiə naziri Hulusi Akar Ukrayna müdafiə naziri Aleksey Reznikov və infrastruktur naziri Aleksandr Kubrakov ilə telefon danışığı aparıb. Bu barədə o, "Anadolu" agentliyinə açıqlamasında bildirib. Akar ukraynalı nazirlərlə Odessaya endirilən zərbələri müzakirə edib. O, Rusiya tərəfi ilə də danışıqların olduğunu qeyd edib. "Ukrayna raket zərbələrindən birinin limandakı siloslardan birinə, digərinin isə silosun yaxınlığındakı əraziyə düşdüyünü bildirib, amma vacib olan odur ki, gəmilərin yükləmə qabiliyyəti ilə bağlı heç bir mənfi cəhət yoxdur və oradakı fəaliyyətlər davam edə bilər", - deyə Akar vurğulayıb. Nazirin sözlərinə görə, ruslar bu hücumla heç bir əlaqələrinin olmadığını bildiriblər. Akar hadisənin dünən imzalanan taxıl sazişindən dərhal sonra baş verməsinin Türkiyəni də narahat etdiyini vurğulayıb.
23-07-2022, 19:02
Əfqanıstan İrandan 350 min ton neft alacaq


Əfqanıstan İrandan 350 min ton neft alacaq

Əfqanıstanda hakimiyyətdə olan Taliban hərəkatının Maliyyə Nazirliyi İrandan 350 min ton neftin alınması üçün müqavilə imzalayıb. Bu barədə İranın "Mehr" xəbər agentliyi məlumat yayıb. Müqavilənin məbləği barədə məlumat verilməyib. Əfqanıstan Maliyyə Nazirliyinin məlumatına görə, müqavilə ölkədə yanacağın qiymətinin aşağı salınması məqsədi ilə imzalanıb. Bundan əvvəl Əfqanıstan nümayəndə heyəti neft alışı, qiymətləri və neft məhsullarının Əfqanıstana tranzitini müzakirə etmək üçün İrana səfər edib.
23-07-2022, 18:59
Yoluxanların sayı açıqlandı - 2 nəfər ÖLDÜ


Yoluxanların sayı açıqlandı - 2 nəfər ÖLDÜ

Azərbaycanda koronavirus (COVID-19) infeksiyasına 309 yeni yoluxma faktı qeydə alınıb, 145 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 2 nəfər vəfat edib. Azərbaycanda indiyədək ümumilikdə 796 141 nəfər koronavirus infeksiyasına yoluxub. Onlardan 784 653 nəfər müalicə olunaraq sağalıb, 9 735 nəfər vəfat edib, aktiv xəstə sayı 1 753 nəfərdir. Ölkədə son sutka ərzində 3026, hazırkı dövrədək isə 7 021 193 test aparılıb.

23-07-2022, 18:54
Lev Tolstoy küçəsinə Consonun adı verildi


Lev Tolstoy küçəsinə Consonun adı verildi

Ukraynanın Zakarpatiya bölgəsində yerləşən Xust şəhərində bəzi küçələri adları dəyişdirilib.Bu barədə Ukrayna Ali Radasının "Telegram" kanalı məlumat yayıb. Belə ki, şəhərdəki Lev Tolstoy küçəsi Böyük Britaniyanın baş naziri Boris Consonun şərəfinə adlandırılıb. Qərarın şəhər bələdiyyəsi tərəfindən qəbul edildiyi bildirilir.

����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyul 2022    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!