6-07-2022, 10:32
6-07-2022, 10:17
6-07-2022, 08:09
Zənganda tibb bacıları etiraz aksiyası keçirib
İyulun 3-də Zənganda tibb bacıları iş müqavilələrindəki ədalətsizliyə və iş təhlükəsizliklərinin olmamasına etiraz olaraq aksiya keçiriblər. Zəngan əyalətinin valilik və Tibb Elmləri Universitetinin qarşısına toplaşan tibb bacıları pandemiya dövrü onlarla müvəqqəti müqavilələr bağlandığını, artıq işləmələrinə baxmayaraq nəzərdə tutulan hüquqlarının təmin olunmadığını və davamlı işləmələrinə təminat verilmədiyini bildiriblər.
"Pandemiya dövrü biz sizlərin sağlamlığınızın müdafiəçisi kimi çıxış etmişik, indi sizlər bizim hüquqlarımızın müdafiəçisi olun"-deyə, zənganlı tibb bacıları xalqa müraciətlərində bildiriblər. Bununla yanaşı onlar hakimiyyət və məmurlara yaxın şəxslərin heç bir sınaq və qanuni prosedurlar keçmədən işə götürülmələrini ayrı-seçkilik kimi dəyərləndiriblər.
Qeyd edək ki. bir müddət bundan öncə İran Səhiyyə Nazirliyinin rəsmisi Məhəmməd Mirzabeygi mediaya verdiyi açıqlamada koronavirus pandemiyasının səngiməsindən keçən qısa müddət ərzində ölkədə 5 min tibb bacısının işdən çıxarıldığını bildirib. O, bunu pandemiya dönəmində tibb bacılarının müvəqqəti müqavilələrlə işə götürülməsi, indi onlara ehtiyacın olmaması ilə əlaqələndirib.
Mirzabeygi bununla yanaşı hal-hazırda ölkə xəstəxanalarında 100 min tibb bacısına ehtiyac olduğunu qeyd edib. Bundan qısa müddət öncə Məhəmməd Mirzabeygi ölkədə tibb bacısı çatışmazlığı olduğunu bildirib.
Qeyd edib ki, əmək təhlükəsizliyi ilə bağlı təminatın olmaması və əmək haqlarının azlığı üzündən hər ay ortalama 150-200 tibb bacısı ölkəni tərk edir.
6-07-2022, 08:00
Horandda tarixi əsər qaçaqmalçıları saxlanılıb
Horand bölgəsinin kəndlərindən birində tarixi əsər əldə etmək üçün qanunsuz qazıntı aparan 4 qaçaqmalçı saxlanılıb. Bu barədə Şərqi Azərbaycan əyalətinin Horand və Əhər şəhərlərinin polis rəisi polkovnik Qudrət Ağapur mediaya verdiyi açıqlamada bildirib. O, həbs olunanlara məxsus bir avtomobilin, elektronik əşyaların və qazıntı avadanlıqlarının müsadirə edildiyini, qaçaqmalçıların barələrində cinayət işi açılması üçün məhkəmə orqanlarına təhvil verildiyini söyləyib.
Timur
6-07-2022, 07:55
Urmu gölü ilə bağlı növbəti aksiya keçirilib
Milli fəallar bundan öncə qəbul olunan bəyanatı Urmu şəhərində yayıblar.
Urmulu milli-mədəni fəallar bundan öncə Qərbi Azərbaycan fəallarının Urmu gölü ilə bağlı qəbul etdikləri xəbərdarlıq bəyanatını çap edərək Urmu şəhərində yayıblar. Minlərlə bəyanatı şəhərin bütün bölgələrində yayan milli fəallar bununla bir daha Urmu gölünün acınacaqlı və böhranlı durumuna diqqət çəkmək istəyiblər.
"Qərbi Azərbaycan əyalətinin milli-mədəni fəalları olaraq bildiririk ki, əgər hökumət Azərbaycanın nadir təbiət incisinin bərpası üçün təcili və əməli addımlar atmasa, biz Urmu gölünün məhv edilməsini kənardan seyr etməklə, yalnız bəyanat verməklə kifayətlənməyəcəyik. Küçələrə axışıb kütləvi aksiyalar vasitəsilə səsimizi dünya ictimaiyyətinə çatdırmağa çalışacağıq. Bütün imkanlarımızdan istifadə edərək hakim sistemin Azərbaycanın sərvətlərini talamaqla, Azərbaycanı qarət etməklə qalmayıb onun Urmu gölünün qətlinə fərman verdiyini bütün dünyaya car çəkəcəyik"-deyə, bəyanatda İran hökumətinə xəbərdarlıq edilib.
Qeyd edək ki, ekoloji ekspertlərin fikrincə, ötən illər ərzində ətraf mühitin və təbiətin dağıdılması, Urmu gölünün çox hissəsinin quruyaraq səhraya çevrilməsinin səbəblərindən biri ölkə rəsmilərinin yarıtmaz siyasəti və düşünülmüş məsuliyyətsizliyi olub. Urmu gölünün duzlu səhraya çevrilməsi Azərbaycan şəhərlərində kənd təsərrüfatı sahələrinin, ətraf mühitin, təbii sərvətlərin, təbiətin məhv olmasına və bölgədə yaşayan milyonlarla insanda tənəffüs problemlərinin yaranmasına səbəb olub.
Mütəxəssislər durumun belə davam edəcəyi. gölün bərpası üçün əməli və təcili addımların atılmayacağı təqdirdə, Qərbi və Şərqi Azərbaycan əyalətlərindən milyonlarla insanın başqa bölgələrə köçü qaçılmaz olacaq.
Cavidan
6-07-2022, 07:46
Təbriz məhkəməsi "Xaqan" adına kimlik verilməsini qanunsuz adlandırıb
Təbrizin 39-cu Hüquq Məhkəməsi Xaqan adına şəxsiyyət vəsiqəsi verilməsini "islam və İran mədəniyyətinə, ölkə qanunlarına uyğun olmadığı"nı bildirib. Məhkəmə Qeydiyyat İdarəsinin bu ada şəxsiyyət vəsiqəsi verməməsinə haqq qazandırıb:
"Çox götür-qoy elədim nə yazım, ancaq bir yerə çatmadım. Axi bir ad sizi niyə bu qədər sıxır? Mən bu məsələyə savaş adı qoya bilmirəm, ancaq görünür ki, belə istənilir. Bilmirəm siz məni yorursuz, yoxsa özünüzü?"-deyə, Yunis Mahmudi sosial media paylaşımında yazıb.
Xaqan adına şəxsiyyət vəsiqəsinin verilməməsi ilə bağlı qərarı Təbrizin Hüquq Məhkəməsinin 39-cu bölməsinin hakimi Davud Babayi verib.
Qeyd edək ki, İran Qeydiyyat İdarəsinin azərbaycanlı uşaqlara türk adlarına görə kimlik vəsiqəsi verməməsi valideynlərin etirazları ilə qarşılanır və onlar məsələni sosial mediada ictimailəşdirməyə məcbur olurlar. İnsan haqları sahəsində fəaliyyət göstərən təşkilatlar məsələ ilə bağlı Beynəlxalq İnsan Hüquqları Müşahidəçiləri, İrqçiliyə Qarşı Komitə, Birləşmiş Millətlər Təşkilatının Uşaq Hüquqları Komitəsi və başqa beynəlxalq təşkilatlara şikayət və hesabatlar göndərib.
Bu hesabatda İran İslam Respublikası tərəfindən türklərə qarşı insan ləyaqətinin davamlı təhqir olunduğu vurğulanıb.
6-07-2022, 07:41
Qərbi Azərbaycan idman sahəsinə görə sonuncu yerdədir
Qərbi Azərbaycan əyaləti adambaşına düşən idman sahəsinə görə sonuncu yerlərdən birini tutur. Bu barədə Qərbi Azərbaycan əyalətinin İdman və Gənclər İdarəsinin başçısı Səccad Bayrami açıqlama verib. S.Bayrami hal-hazırda Qərbi Azərbaycanda adambaşna düşən idman sahəsinin 62 santimetr olduğunu, bununla da əyalətin bu göstəriciyə görə 31 ostan arasında 25-ci yeri tutduğunu söyləyib.
Qeyd edək ki, bundan öncə Qərbi Azərbaycanda idmana, özəlliklə kollektiv idman növlərinə diqqətsizlik İdman və Gənclər İdarəsinin, idmançıların və əhalinin etirazlarına səbəb olub. Uzun illər öncə idman mərkəzlərinin tikintisi ilə bağlı bir çox layihələr dövlətin büdcə vəsaiti ayırmaması üzündən yarımçıq qalıb.
1996-cı ildə Xoy şəhərində inşasına başlanılan və 4 il müddətinə təhvil veriləcəyi nəzərdə tutulan “Həft Tir” idman kompleksinin tikintisi yarımçıq qalıb. Hazırda kompleksin ərazisi narkomanların sığınacaq yerinə çevrilib.
Yerli fəallar və idmançılar 400 min nəfər əhalisi olan əyalətin ikinci böyük şəhəri Xoyda 5000 nəfərlik idman kompeksinin tikintisinin 26 il yarımçıq saxlanılmasını bölgə əhalisinə olan saymazlıq kimi dəyərləndiriblər.
6-07-2022, 07:36
Süngün mis mədənini genişləndirmək üçün əhali bölgədən köçürülür.
Yayılan məlumatlara görə, iyulun 5-də Şərqi Azərbaycan əyalətinin Vərziğan bölgəsində yerləşən Süngün mis mədənini genişləndirmək üçün Kəngavər kəndinin əhalisinin məcburi köçürülməsinə çalışılıb. Media fəallarının verdiyi xəbərdə şirkət rəhbərliyinin kənd evlərini dağıtmaq üçün cəlb etdiyi texnikanın kəndə girişinə mane olmağa çalışan əhali ilə məmurlar arasında qarşıdurma olub.
Məlumatda bir neçə kənd evinin uçurulmasına baxmayaraq, evi uçurulan bir qadının infarkt keçirərək ölməsindən sonra uçurma işləri dayandırılıb. Bununla yanaşı eyni gündə Süngün mis mədənində işləyən mədənçilər etiraz aksiyası keçiriblər. Onlar rəsmi işçilərlə müqavilə əsasında işləyən fəhlələrin əmək haqqı və imtiyazlarında ayrı-seçkiliyə yol verilməsinə görə narazılıqlarını bildiriblər.
6-07-2022, 07:30
Tanınmış jurnalist Məsud Bastani prokurorluğa çağırılıb
İyulun 4-də tanınmış jurnalist Məsud Bastani izahat vermək üçün Evin həbsxanasının prokurorluğuna çağırıb.
Qeyd edək ki, bir neçə gün öncə- iyun ayının 12-də İran Təhlükəsizlik və Kəşfiyyat Nazirliyinin işçiləri Bastaninin evinə basqın edib, ona və həyat yoldaşına məxsus kompüter, flaş-kartı və başqa şəxsi əşyaları özləri ilə aparıblar.
İnsan haqları müdafiəçilərinin verdiyi məlumata görə, Məsud Bastaninin prokurorluğa çağrılması onun media fəaliyyətləri ilə əlaqəlidir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!