29-08-2022, 22:21
Ağdaşda 8 otaqlı ev yandı
Ağdaşda ümumi sahəsi 460 m² olan ikimərtəbəli 8 otaqlı evin 2-ci mərtəbəsində 2 otağın yanar konstruksiyaları 40 m² sahədə və dam örtüyü 190 m² sahədə yanıb. Bu barədə Fövqəladə Hallar Nazirliyindən məlumat verilib. Evin qalan hissəsi və bitişik talvar yanğından mühafizə olunub. Yanğın yanğından mühafizə bölmələri tərəfindən söndürülüb.
29-08-2022, 22:19
“Nokia” Rusiyanı tamamilə tərk edir
Finlandiyanın “Nokia” şirkəti Rusiyada fəaliyyətini tamamilə dayandırır. Bu barədə "Reuters" agentliyi məlumat yayıb. Agentlik bildirib ki, ilin sonuna qədər şirkətin Rusiyadakı əməkdaşlarının böyük əksəriyyəti “Nokia”dan ayrılacaq və bütün ofislər boşaldılacaq. "Nokia”nın Rusiyadakı mövcudluğu şirkət rəsmi şəkildə ləğv olunana qədər davam edəcək.
29-08-2022, 22:16
Daşqınlar Pakistana 10 milyard dollar ziyan vurub
Son günlər Pakistanda müşahidə olunan daşqınlar ölkə iqtisadiyyatına 10 milyard dollar ziyan vurub. Bu barədə ölkənin planlaşdırma naziri Əhsan İqbal "Reuters" agentliyinə müsahibəsində bildirib. "Düşünürəm ki, ziyan çox böyük olacaq. Hələlik, ilkin hesablamalara görə, 10 milyard dollardan yüksəkdir", - nazir deyib. O, həmçinin kəskin ərzaq çatışmazlığı problemi ilə üzləşəcək ölkənin yenidən qurulması və reabilitasiyasının minimum beş il çəkə biləcəyini vurğulayıb. Nazirin sözlərinə görə, pambıq sahələrinin 45%-i sıradan çıxıb, həmçinin tərəvəz, meyvə və çəltik sahələrinə də böyük ziyan dəyib. Qeyd edək ki, Pakistanda musson yağışları nəticəsində 1000-dən çox insan həlak olub.
29-08-2022, 22:14
Zakir Həsənov komandanları topladı - Yeni təkliflər açıqlandı
Azərbaycan Ordusunun maddi-texniki təminat məsələləri müzakirə edilib. Müdafiə Nazirliyindən verilən məlumata görə, avqustun 29-da müdafiə naziri general-polkovnik Zakir Həsənovun rəhbərliyi ilə nazir müavinləri, qoşun növləri komandanları, nazirliyin baş idarə, idarə və xidmət rəislərinin iştirakı ilə Maddi-Texniki Təminat Baş İdarəsində toplantı keçirilib. Müdafiə nazirinə məruzə olunub ki, Azərbaycan Ordusunda şəxsi heyətin təminat məsələlərinin yüksək səviyyədə saxlanılması daim diqqət mərkəzindədir. Bildirilib ki, qardaş Türkiyənin və digər qabaqcıl ölkələrin təcrübələrindən istifadə olunmaq şərtilə hərbi qulluqçuların xidmət şəraiti, ərazi relyefi və iqlim şəraitinə müvafiq olaraq təminat məsələlərinə dair təkliflər hazırlanıb. Təkliflərə əsasən bütün qoşun növləri üzrə silahlanmaya yeni qəbul edilən texnika və avadanlıqların, eləcə də texniki vəsaitlərin daha da səmərəli istifadəsi nəzərdə tutulur. Eyni zamanda hərbi qulluqçuların ümumqoşun quru ərzaq payı normasının tərkibi zənginləşdirilir. Qeyd olunub ki, yeni təkliflərin əsas məqsədi şəxsi heyətin bütün növ təminatını daha da yaxşılaşdırmaqdır. Sonra hərbi qulluqçuların təminat növlərində yeni təklif olunan nümunələrə baxış keçirilib. Müdafiə naziri Azərbaycan Ordusunun şəxsi heyətinin bütün təminat məsələlərinə nəzarətin gücləndirilməsi, hərbi qulluqçuların sosial-məişət şəraitinin daha da yaxşılaşdırılması ilə əlaqədar müvafiq göstərişlər verib. General-polkovnik Z.Həsənov yeni təkliflərin nəzərə alınması ilə bağlı aidiyyəti şəxslər qarşısında tapşırıqlar qoyub.
29-08-2022, 22:08
Rusiya Suriyadakı S-300-ləri Krıma apardı
Rusiya Suriyadakı aviabazasında yerləşdirdiyi S-300 zenit-raket komplekslərini Krıma aparıb. Bu barədə "Reuters" agentliyi məlumat yayıb. İsrailin "ImageSat İnternational" (ISI) peyk şirkətinin çəkdiyi görüntülər məlumatı təsdiqləyir. Belə ki, aprel ayında Suriyanın Masyaf şəhərində yerləşdirilən S-300 sistemi daha sonra Tartus limanında gəmiyə yüklənərkən peyk vasitəsilə görüntülənib. Məlumata görə, S-300 sistemləri Novorossiysk limanına aparılıb. Silah daşıyan mülki gəminin Türkiyənin Çanaqqala boğazından keçdiyi bildirilir.
29-08-2022, 22:05
İrandan Ermənistana yeni elektrik xətti çəkildi
İranın Şərqi Azərbaycan vilayətində Ermənistana gedən elektrik ötürücü xəttin açılışı olub. Bu barədə İranın "İrna" agentliyi məlumat yayıb. Xəttin uzunluğu 90 kilometrdir. Heris-Mehri elektrik ötürücü xətti İrandan Ermənistana 400 kilovat-saat elektrik enerjisi ixrac edəcək.
29-08-2022, 22:03
DTX-da müharibə iştirakçıları ilə görüş keçirildi
Dövlət Təhlükəsizliyi Xidmətində (DTX) Vətən müharibəsi iştirakçıları ilə görüş keçirilib. Bu barədə DTX-nin Mətbuat xidmətindən məlumat verilib. Tədbir çərçivəsində DTX-nin Heydər Əliyev adına Akademiyasında Ulu Öndərin abidəsi ziyarət olunub, daha sonra iştirakçılar “Bilgəh” istirahət mərkəzində DTX-nin Mədəniyyət Mərkəzi tərəfindən hazırlanmış konsert proqramına tamaşa ediblər.
29-08-2022, 22:01
İraqdakı qarşıdurmada ölənlər var
İraqın paytaxtı Bağdadda baş verən qarşıdurma nəticəsində azı iki nəfər ölüb, 19 nəfər yaralanıb. Bu barədə "Sky News Arabia" telekanalı məlumat yayıb. İnsident dini lider Müqtəda-əs-Sədr tərəfdarlarının Prezident Sarayından çıxarılması zamanı baş verib. Siyasətçinin tərəfdarları ilə təhlükəsizlik qüvvələri arasında toqquşma olub. Aksiyaçılara qarşı gözyaşardıcı qazdan istifadə olunub, daha sonra onlar saraydan çıxarılıb. Bakı vaxtı ilə saat 20:00-dan Bağdad şəhərində komendant saatı tətbiq edilir. Qeyd edək ki, bu gün İraqdakı Sədr Hərəkatının lideri Müqtəda əs-Sədr siyasətdən getdiyini açıqlayıb. Bu açıqlamadan sonra onun tərəfdarları küçələrə axışıb.
29-08-2022, 21:56
Gürcüstanda hərbçilərimizin iştirak etdiyi təlimlər başladı
Gürcüstanda keçirilən “Layiqli tərəfdaş 2022” adlı çoxmillətli hərbi təlim başlayıb. Bu barədə ölkənin Müdafiə Nazirliyi məlumat yayıb. Vaziani bölgəsində yerləşən hərbi hissələrdən birində təlimin açılış mərasimi keçirilib. Gürcüstan altıncı dəfə “Layiqli tərəfdaş 2022” çoxmillətli hərbi təlimə ev sahibliyi edir. Beynəlxalq təlimlərə Gürcüstan ordusunun Şərq Komandanlığı və ABŞ-ın Avropa və Afrika Komandanlığı (USAREUR) rəhbərlik edir. “Layiqli Tərəfdaş 2022” təlimlərinin məqsədi Qara dəniz regionunda sabit və təhlükəsiz mühiti təmin etmək üçün Gürcüstan, ABŞ, regional tərəfdaşlar, müttəfiq ölkələr arasında hazırlığı və qarşılıqlı fəaliyyət qabiliyyətini artırmaqdır. Bu il təlim tarixində ilk dəfə olaraq Yaponiya və İsveç silahlı qüvvələrinin nümayəndələri iştirak edəcəklər. Çoxmillətli təlimlərdə 2400-dən çox hərbçi iştirak edir. Builki çoxmillətli təlimlərdə iştirak edən ölkələr aşağıdakılardır: Gürcüstan, ABŞ, Bolqarıstan, Rumıniya, Moldova, Yunanıstan, Böyük Britaniya, Türkiyə, Slovakiya, Norveç, Macarıstan, Litva, Azərbaycan, Almaniya, Bosniya və Herseqovina, Estoniya, Polşa, Yaponiya, Litva- Polşa-Ukrayna Çoxmillətli Briqadası və İsveç Silahlı Qüvvələri.
29-08-2022, 21:53
Ruslar Nikolayevi raketlə vurdu - Ölənlər var
Rusiya ordusu Ukraynanın Nikolayev vilayətində mülki evləri atəşə tutub. Bu barədə vilayətin rəhbəri Vitali Kim "Telegram"da məlumat yayıb. O, zərbələr nəticəsində bir neçə şəxsin həlak olduğunu bildirib. "Şəhərin mərkəzi güclü atəşə tutulur. Hələ də raketlər atılır. Sığınacaqları tərk etməyin", - deyə vilayət rəhbəri qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!