7-08-2022, 19:32
Gürcüstandan Rusiyaya çağırış: Təxribatı dayandırın!
"İşğalın 14-cü ildönümündə Rusiya Avropa İttifaqının vasitəçiliyi ilə əldə edilmiş 12 avqust 2008-ci il tarixli atəşkəs razılaşmasını yerinə yetirmir və işğal olunmuş rayonlarda qeyri-qanuni nəzarətini genişləndirir". Bu barədə Gürcüstanın Xarici İşlər Nazirliyi (XİN) bəyanat yayıb. Bəyanatda XİN Rusiya Federasiyasını Gürcüstana qarşı qanunsuz və təxribat xarakterli hərəkətləri dayandırmağa çağırıb. Nazirlik öz bəyanatında qeyd edib ki, Gürcüstan tərəfi Rusiya ilə münaqişənin sülh yolu ilə həlli siyasətini davam etdirəcək. Xatırladaq ki, avqustun 8-də Rusiya-Gürcüstan mühraibəsinin baş verməsindən 14 il keçir.
7-08-2022, 19:29
“Qarabağ”ın Macarıstana səfər planı
UEFA Çempionar Liqasının III təsnifat mərhələsinin cavab oyununda Macarsıtanda "Ferentsvaroş"la qarşılaşacaq "Qarabağ"ın səfər planı bəlli olub. Butov.az xəbər verir ki, "köhlən atlar" avqustun 8-də Budapeştə yollanacaq. Komanda saat 10:30-da Heydər Əliyev Beynəlxalq Aeroportundan Macarıstan paytaxtına uçacaq. Həmin gün Bakı vaxtı ilə saat 20:40-da Ağdam təmsilçisinin baş məşqçisi Qurban Qurbanovun mətbuat konfransı baş tutacaq. Saat 21:00-da isə matçın keçiriləcəyi "Groupama Arena"da komandanın media üçün açıq məşqi (ilk 15 dəqiqəsi) gerçəkləşəcək. Qeyd edək ki, avqustun 9-da oynanılacaq "Ferentsvaroş" - "Qarabağ" görüşü Bakı vaxtı ilə saat 22:00-da başlayacaq. Bakıdakı ilk matçda qalib müəyyənləşməyib - 1:1.
7-08-2022, 19:25
NATO-nun Kiyevə göndərdiyi silahlar məhv edildi
NATO-nun Ukraynaya göndərdiyi silahlar məhv edilib. Bu barədə Rusiya Müdafiə Nazirliyinin rəsmi nümayəndəsi, general-mayor İqor Konaşenkov bildirib. Onun sözlərinə görə, Rusiya hərbçiləri Ukraynanın Nikolayev vilayətində 45 min ton döyüş sursatı olan arsenalı məhv edib.
7-08-2022, 19:22
Brüssel görüşü sülh gətirəcəkmi? - Bakının məqsədi bəllidir
"Brüssel görüşü ilk deyil. Hər bir görüş zamanı Azərbaycan tərəfi prinsipial mövqeyini bildirir. Bundan sonra da biz güzəştlərə getməyəcəyik. Bunu Ermənistan tərəfi yaxşı başa düşməli və dərk etməlidir". Bu sözləri Azərbaycan Prezidenti İlham Əliyev və Ermənistanın Baş naziri Nikol Pasinyanın Avropa İttifaqı Şurasının rəhbəri Şarl Mişelin dəvəti ilə Brüsseldə keçirəcəyi görüşdən gözləntilər haqqında danışan politoloq Fikrət Sadıqov deyib. Keçmiş diplomat qeyd edib ki, Ermənistan çalışmalıdır bütün razılıqlar, əldə edilən bəyanatlar həyata keçirilsin və reallaşsın: "Nəticə əldə edilib-edilməməsi Ermənistandan aslıdır. Problem yaradan, çətinliklərə səbəb olan Ermənistandır. Onların sayəsində post-munaqişə dövründə təxribatlar törədilib, əsgərlərimiz şəhid olub. Rəsmi İrəvan sülhə razılaşmalıdır". Azərbaycanın çoxvektorlu xarici siyasət apardığını vurğulayan politoloq qeyd edib ki, həm ABŞ, həm də Rusiya ilə münasibətlərimizi normal saxlayırıq: "Biz öz məsələlərimizi həll etmək üçün lazımi addımlarımızı atırıq. Ermənistan gedib Moskvadan icazə alır ki, Brüsselə getsin, orada görüşlər keçirsin. Bu, Ermənistanın problemidir. Tam aydındır ki, rəsmi İrəvan müstəqil siyasət apara bilmir. Müxtəlif qütblər arasında çabalayır. Bunun da heç bir nəticəsi yoxdur. Biz qələbə çaldıq. Öz mövqeyimizi bildirdik. Əsas məqsədimiz sabitliyin və sülhün bərpasıdır. Bu məqsədlə Brüsselə gedirik. Zəngəzur dəhlizi ilə bağlı Ermənistana təzyiq göstərilsə, İrəvan müəyyən addımlar atmağa məcbur olar. Onlar başqa dil bilmirlər. Təəssüf ki, bir sıra güc mərkəzləri, aparıcı dövlətlər bizi sadəcə olaraq sülhə çağırırlar, eyni zamanda Bakı ilə İrəvanı bərabərləşdirirlər. Ermənistana təzyiq edilməsə, biz özümüz təzyiq etməliyik. Başqa çıxış yolumuz yoxdur. Elə axır zamanlar da öz gücümüzü nümayiş etdiririk, bunu İrəvanda da görürlər".
Qeyd edək ki, Azərbaycan Prezidenti İlham Əliyev və Ermənistanın baş naziri Nikol Paşinyan Brüsseldə görüş keçirəcək. Avropa İttifaqı Şurasının prezidenti Şarl Mişel "Twitter" hesabında vurğulayıb ki, görüş ərəfəsində gündəliyin bütün bəndləri üzrə dialoqun davam etməsi və konkret irəliləyişin əldə olunması mühüm əhəmiyyət daşıyır. "Avropa İttifaqı Cənubi Qafqazda sülh prosesinə sadiqliyini davam etdirir", - deyə Şarl Mişel bildirib. Lakin görüşün dəqiq tarixi hələlik açıqlanmayıb.
7-08-2022, 18:53
Türkiyəli aktyor vəfat etdi
Türkiyəli aktyor Semih Sergen vəfat edib. Butov.az xəbər verir ki, “Yeşilçam” ulduzu 91 yaşında dünyasını dəyişib. Aktyor Bodrumda dəfn olunacaq. Qeyd edək ki, Semih Sergen aktyorlar Burak və Toprak Sergenin atasıdır.
7-08-2022, 18:50
Diaspor Gəncləri Şuşada blogerlərlə görüşüb
Diaspor Gənclərinin Şuşa şəhərində keçirilən III Yay Düşərgəsi çərçivəsində Azərbaycanın tanınmış blogerləri ilə görüş keçirilib. Bu barədə Diasporla İş üzrə Dövlət Komitəsindən məlumat verilib. Qeyd olunub ki, komitə sədrinin müşaviri Cahid Kazımovun moderatorluğu ilə aparılan görüşdə 365.az saytının baş redaktoru, bloger Kubra Məhərrəmova və influenser marketinq şirkətinin rəhbəri Aliyə Cəlil iştirak ediblər. Ata tərəfdən əsillərinin Şuşadan olduğunu söyləyən Kübra Məhərrəmova bildirib ki, diaspor gəncləri üçün düşərgənin mədəniyyət paytaxtımızda təşkil edilməsi çox mühüm hadisədir: “Dünyanın harasında olursunuzsa-olun, bu torpaqların dağı, daşı sizə hər zaman güc verəcək”. Vətən müharibəsi dövründə ölkəmizə qarşı aparılan informasiya savaşı zamanı müxtəlif təxribatlarla qarşılaşdıqlarını vurğulayan baş redaktor qeyd edib ki, bütün çətinliklərə baxmayaraq diaspor gənclərindən güclü dəstək alıblar: “Dünyanın dörd tərəfində yaşayan gənclərimiz bizim saytların yaydıqları informasiyaları “Qarabağ Azərbaycandır!”, “Azad Şuşa”, “Gəncə üçün dua et!” və sair həştəqlərlə sosial şəbəkələrdə dərhal paylaşırdılar. İnformasiya müharibəsində bu üstünlüyü siz bizə qazandırdınız”. Aliyə Cəlil qeyd edib ki, gənclərimiz döyüş meydanından və informasiya müharibəsindən alnıaçıq və üzüağ çıxdılar: “Həm səngərdə, hən də sosial media şəbəkələrində qalib gəldik. Buna görə hər birinizə təşəkkür edirəm”. Kübra Məhərrəmovanın “Mənə elə gəlir ki, ölkəmizdə ən güclü influenser cənab Prezident İlham Əliyev oldu. Bütün vətəndaşlarımız və dünyadakı azərbaycanlılar, hətta “Twitter”-də olmayan mən belə, onun səhifəsinə abunə olduq ki, baş verənlərdən dərhal xəbər tutaq” fikri düşərgə iştirakçılarının alqışları ilə qarşılanıb. Blogerlər diaspor gənclərini Azərbaycan həqiqətlərini məntiqlə və mütəşəkkil şəkildə təbliğ etməyə çağırıblar və bu istiqamətdə tövsiyələrini səsləndiriblər. Tədbir interaktiv sual-cavab formatında davam edib.
7-08-2022, 18:45
Mahir Məmmədov yüksək vəzifəyə seçildi
Hindistanın Çennai şəhərində təşkil olunan 44-cü Ümumdünya Şahmat Olimpiadası çərçivəsində Beynəlxalq Şahmat Federasiyasının (FIDE) konqresi keçirilir. Butov.az xəbər verir ki, ali şahmat qurumunda konqresin son günündə rəhbər vəzifələrə seçkilər başlayıb. Namizədlərin çıxışlarından sonra FİDE prezidentliyinə seçkilər keçirilib. Ən çox səs toplayan FİDE-nin hazırkı prezidenti Arkadi Dvorkoviç 157 səslə seçkidə qalib gəlib və növbəti 4 il müddətinə ali şahmat qurumunun rəhbəri kimi işini davam etdirmək imkanı qazanıb. Hindistanlı dünya çempionu Vişvanatan Anand, Azərbaycan Şahmat Federasiyasının prezidenti Mahir Məmmədov və Norveç Şahmat Federasiyasının prezidenti Joran Aulin-Jansson növbəti 4 il müddətinə Beynəlxalq Şahmat Federasiyasının vitse-prezidenti seçilib.
7-08-2022, 18:41
Rusiyanın hərbçi itkiləri 42 mini keçdi
Ukraynada müharibə başlayandan bəri Rusiya ordusunun 42 200 hərbçisi məhv edilib. Bu barədə Ukrayna Silahlı Qüvvələrinin Baş Qərargahı məlumat yayıb. Bildirilib ki, Rusiya ordusunun digər döyüş itkiləri 1805 tank, 4055 zirehli döyüş maşını, 958 artilleriya sistemi, 260 reaktiv yaylım atəşi sistemi, 132 hava hücumundan müdafiə sistemi, 223 təyyarə, 191 helikopter, 750 PUA, 182 qanadlı raket, 15 gəmi, 2978 avtomobil texnikası və avtosistern, 86 xüsusi texnikadan ibarətdir. Xatırladaq ki, Rusiya bu il fevralın 24-də Ukraynaya qarşı hərbi əməliyyatlara başlayıb.
7-08-2022, 18:38
Müdafiə Nazirliyi Ermənistanı ifşa etdi: Yalandır!
Ordumuzun bölmələri tərəfindən Azərbaycan-Ermənistan dövlət sərhədində guya atəş açılması və nəticədə Ermənistan silahlı qüvvələrinin hərbi qulluqçusunun yaralanması barədə Ermənistan müdafiə nazirliyinin yaydığı məlumat yalandır. Bu barədə Müdafiə Nazirliyi məlumat yayıb. "Bildiririk ki, bölmələrimiz tərəfindən qeyd olunan istiqamətdə atəş açılmayıb. Qarşı tərəfin bu kimi növbəti təxribat xarakterli məlumatının heç bir real əsası yoxdur", - nazirlikdən bildirilib.
7-08-2022, 18:32
Yenə yağış yağacaq - Sabahın havası
Azərbaycanda avqustun 8-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Günün birinci yarısında yarımadanın bəzi yerlərində yağış yağacağı ehtimalı var. Şimal-qərb küləyi əsəcək, arabir güclənəcək. Havanın temperaturu Abşeron yarımadasında gecə 20-25°, gündüz 30-33° isti, Bakıda gecə 23-25°, gündüz 30-32° isti olacaq. Atmosfer təzyiqi 756 millimetr civə sütunudan 760 millimetr civə sütununa yüksələcək. Nisbi rütubət 60-65 faiz təşkil edəcək. Abşeron çimərliklərində şimal-qərb küləyinin arabir güclənməsi ilə əlaqədar əhalinin ehtiyatlı olması tövsiyə edilir. Dəniz suyunun temperaturu şimal çimərliklərində - Sumqayıt, Novxanı, Pirşağı, Nardaran, Bilgəh, Zuğulbada 24-25°, cənub çimərliklərində - Türkan, Hövsan, Sahil, Şıxda 25-26° isti olacaq. Azərbaycanın rayonlarının bəzi yerlərində şimşək çaxacağı, arabir yağış yağacağı ehtimalı var. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 19-24°, gündüz 30-35° isti, dağlarda gecə 9-14°, gündüz 18-23° isti olacağı ehtimal edilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!