3-09-2022, 14:36
ABŞ Lavrova viza vermədi
Rusiyanın xarici işlər naziri Sergey Lavrov və onun başçılıq etdiyi nümayəndə heyətinin Birləşmiş Millətlər Təşkilatı (BMT) Baş Assambleyasının illik sessiyası çərçivəsində Nyu-Yorka səfəri üçün ABŞ-dan 56 viza istənilib, lakin hələ də buna müsbət cavab verilməyib. Bu barədə Rusiyanın BMT-dəki səfiri Vasili Nebenzya bildirib. BMT-nin baş katibi Antonio Quterreşə məktub yazan səfir şikayətlərini dilə gətirib. O, ABŞ-ın Rusiya nümayəndə heyətinə viza verməkdən imtina etdiyini diqqətə çatdırıb. Diplomat ABŞ tərəfindən Rusiyanın müraciətinə cavab verilmədiyini, hansı səbəbdən imtina edildiyinə aydınlıq gətirilmədiyini qeyd edib.
3-09-2022, 14:34
Bakıda loqoped mərkəzində uşaqlara işgəncə verildi
Bakıda özəl loqoped mərkəzində uşaqlara işgəncə verilib. Bununla bağlı görüntüləri Azərbaycan Uşaqlar Birliyinin sədri Kəmalə Ağazadə sosial şəbəkə hesabında paylaşıb. Kadrlarda mərkəzin əməkdaşlarının uşaqlara işgəncə verdiyi görünür. K.Ağazadə bildirib ki, hadisə paytaxtın Nizami rayonunda yerləşən "Mehnur" özəl loqoped mərkəzində qeydə alınıb. Faktla əlaqədar dövlət qurumlarına məlumat verilib. Daxili İşlər Nazirliyinin (DİN) Mətbuat Xidmətindən isə görüntülərlə bağlı araşdırma aparıldığı bildirilib.
3-09-2022, 14:30
Ərdoğan Consonla danışıqlar apardı
Türkiyə Prezidenti Rəcəb Tayyib Ərdoğan və Böyük Britaniyanın Baş naziri Boris Conson arasında telefon danışığı olub. Bu barədə məlumatı Türkiyə tərəfi yayıb. Liderlər iki dövlət arasındakı münasibətlər və regional məsələləri müzakirə edib. Ərdoğan Britaniya ilə əlaqələrin qarşıdakı dövrdə bütün sahələrdə inkişaf edəcəyinə inandığını qeyd edib.
3-09-2022, 14:27
Rusiyaya qarşı 46 mindən çox cinayət işi açılıb
Ukraynanın hüquq-mühafizə orqanları Rusiyanın genişmiqyaslı işğalı ilə əlaqədar 46 160 cinayət faktı qeydə alıb. Bu barədə Ukrayna Baş Prokurorluğunun "Telegram" kanalında məlumat paylaşılıb. Bildirilib ki, müharibə başlayandan indiyədək 31 506 təcavüz halı və hərbi cinayətlər müəyyən edilib. Bunlardan 30 315-i müharibə qanunlarının pozulması, 73-ü təcavüzkar müharibənin planlaşdırılması, hazırlanması, yaxud buna icazə verilməsi, 30-u isə qanlı müharibənin təbliğatı ilə bağlı olub.
3-09-2022, 14:25
“Şimal axını”nın fəaliyyəti tamamilə dayandırıldı
“Şimal axını” qaz borusunun fəaliyyəti tamamilə dayandırılıb. Butov.az xəbər verir ki, Rusiyanın “Qazprom” şirkəti Avropanı qaz ilə təchiz edən “Şimal axını” qaz borusunun yeganə işlək mühərrikinin sıradan çıxdığını və boru ilə qaz nəqlinin tamamilə dayandırıldığını açıqlayıb. Nasazlıq barədə “Siemens” şirkətinin baş icraçı direktoru Kristian Bruxa məlumat verilib. Qeyd edək ki, Rusiyadan Avropaya qaz nəql edən əsas boru kəməri “Şimal axını” avqustun 31-dən sentyabrın 2-ə kimi təmiri dayandırılmışdı. Bu gün “Qazprom” kəmərin turbinlərinin hamısı təmir olunmayınca, işləməyəcəyini elan edib. Hazırda Rusiyadan Avropaya qaz Urenqoy-Pomara-Ujqorod boru kəməri və “Türk axını” vasitəsilə daşınır.
3-09-2022, 14:20
Azərbaycan nefti yenidən bahalaşdı
“Azeri Light” (CIF) markalı Azərbaycan neftin qiyməti artıb. Butov.az xəbər verir ki, dünya bazarında “Azeri Light” (CIF) markalı Azərbaycan neftinin 1 barelə olan qiyməti 1,93 ABŞ dolları və ya 2% artaraq 97,53 dollar təşkil edib.
3-09-2022, 14:16
Xankəndi və İrəvandakı mitinqlərin hədəfi - Qarabağla bağlı 3 “şərt”
"Xankəndidə və İrəvanda bu gün keçirilən mitinqlərin iki hədəfi var idi: Ermənistanın baş naziri Nikol Paşinyan və Azərbaycan". Bu barədə politoloq Elxan Şahinoğlu sosial şəbəkə hesabında yazıb. Onun sözlərinə görə, Ermənistan müxalifətinin Paşinyanı parlamentdə istefaya göndərməsi üçün gərəkən səsi yoxdur. Buna baxmayaraq, yaz aylarının sonunda olduğu kimi yenidən davamlı mitinqlərə başlayacaqlar ki, parlamentdə baş naziri istefaya zorlayacaq qədər tərəfdarlarının sayını artıra bilsinlər. "Bunun üçün hakim partiyadan ən azı 20 səs müxalifətə keçməlidir. Müxalifətin buna necə nail olacağı bəlli deyil. Radikallar bugünkü mitinqlərində Azərbaycanı da “unutmayıblar”, Qarabağla bağlı 3 “şərt” irəli sürüblər. Birincisi, “Qarabağ Azərbaycan tərkibində ola bilməz”, ikincisi “Qarabağla Ermənistan arasında daimi koridor olmalıdır”, üçüncüsü, “Ermənistan Qarabağın təhlükəsizliyində iştirak etməli və silahsızlaşdırma baş verməməlidir””. Politoloq qeyd edib ki, Ermənistan müxalifəti məğlubiyyəti həzm etmək istəmir: "Bugünkü mitinqlər, erməni əsilli rusiyalı milyarderin Rusiya vətəndaşlığından imtina edib Qarabağa köçməsi, yeni yolda peyda olan əli silahlı separatçılar, Amerika Konqresində görüşlərin təşkili – bütün bunları 1980-ci illərin sonunda da yaşamışıq, torpaqlarımızı işğal etdilər, qətliamlar törətdilər və istehkamlar qurdular. O vaxt bizi hazırlıqsız yaxaladılar. Eyni səhvi təkrarlaya bilmərik. Bu dəfə onlara toparlanmağa imkan vermək olmaz". Qeyd edək ki, sentyabrın 2-də Ermənistanın paytaxtı İrəvanda Müqavimət hərəkatı Baş nazir Nikol Paşinyanın istefası tələbilə mitinq keçirib. Mitinqdə müxalifət hərəkatının liderlərindən olan deputat İşxan Saqatelyan çıxış edib. O bildirib ki, müxalifət parlament vasitəsilə Baş nazir Nikol Paşinyanın istefasına nail olmaq niyyətindədir, lakin bunun üçün geniş ictimai təzyiq lazımdır. Bundan əlavə, diqqətə çatdırılıb ki, etirazçılar parlamentin üçdə bir hissəsinin (107 deputatdan 36-sı) köməyi ilə etimadsızlıq səsverməsi irəli sürməyi planlaşdırır.
3-09-2022, 14:00
Müvəkkil Hüquq Mərkəzi şəhid ailələrinə və qazilərə hüquqi yardım edəcək
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə Müvəkkil Hüquq Mərkəzi İctimai Birliyi “Şəhid ailələri və qazilərin hüquqlarının müdafiəsi” layihəsinin icrasına başlayıb. Bu barədə Butov.az saytına Müvəkkil Hüquq Mərkəzinin sədri, hüquqşünas Səməd Vəkilov məlumat verib. O, bildirib ki, şəhid ailələri və müharibə veteranlarının (qazilər) hüquqlarının təmin olunması dövlət siyasətinin əsas istiqamətlərindən birini təşkil edir. Layihə çərçivəsində şəhid ailələrinin və müharibə veteranların maarifləndirilməsi ilə bağlı 4 televiziya verilisinin (internet televiziyaları nəzərdə tutulur) çəkilməsi nəzərdə tutulur. Eyni zamanda fəaliyyət istiqamətlərinə Tovuz, Şirvan, Şabran, Siyəzən rayonlarında bu kateqoriyadan olan şəxslərlə görüşün keçirilməsi və hüquqi yardımlar göstərilməsi daxildir. Layihə 3 ay ərazində həyata keçiriləcək.
2-09-2022, 22:54
İrəvanda Paşinyanın istefası tələb
edildi
İrəvanda mecalif Müqavimət hərəkatı Baş nazir Nikol Paşinyanın istefası tələbi ilə mitinq keçirib. Butov.az xəbər verir ki, mitinq zamanı müxalifət hərəkatının liderlərindən biri, deputat İşxan Saqatelyan çıxış edib. O bildirib ki, müxalifət parlament vasitəsilə Baş nazir Nikol Paşinyanın istefasına nail olmaq niyyətindədirlər, lakin bunun üçün geniş ictimai təzyiq lazımdır. Onlar parlamentin üçdə bir hissəsinin (107 deputatdan 36-sı) köməyi ilə etimadsızlıq səsverməsi irəli sürmək niyyətindədirlər.
2-09-2022, 22:51
İran neft hasilatını artırmağa hazırlaşır
İran 2023-cü ildə neft hasilatını artırmağı planlaşdırır. Bu barədə İran Neft Şirkətinin (NIOC) baş icraçı direktoru Möhsün Xocastemer bildirib. Məlumata görə, ölkə gələn ilin mart ayında neft hasilatını sutkada 200 min barel artıracaq. Möhsün Xocastemer qeyd edib ki, bu, cari təqvim ilinin sonuna qədər İranın hasilat gücünün sutkada dörd milyon bareldən çox olmasına gətirib çıxaracaq. Onun sözlərinə görə, hazırda İranın hasilat gücü sutkada 3,838 milyon bareldir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!