9-09-2022, 18:12
Paşinyan İlham Əliyevin iştirak edəcəyi tədbirə gedir
Ermənistanın baş naziri Nikol Paşinyan və Azərbaycanın dövlət başçısı İlham Əliyev sentyabrın 15-16-da Səmərqənddə (Özbəkistan) keçiriləcək Şanxay Əməkdaşlıq Təşkilatının (ŞƏT) sammitində qonaq qismində iştirak edəcək. Bu barədə Özbəkistan prezidentinin mətbuat katibi Şerzod Əsədovun “Facebook” səhifəsində məlumat verilib. O, Şanxay Əməkdaşlıq Təşkilatının (ŞƏT) sentyabrın 15-16-da Səmərqənddə keçiriləcək sammitində 15 dövlət başçısının iştirak edəcəyini yazıb. “Gələn həftə Səmərqənddə Şanxay Əməkdaşlıq Təşkilatına üzv ölkələrin Dövlət Başçıları Şurasının iclası keçiriləcək. Bu tədbir 2019-cu ildən sonra ŞƏT liderlərinin ilk təkbətək görüşü və Özbəkistanın təşkilatda sədrliyinin başa çatması ilə bağlı olacaq”, - Əsədov yazıb. O qeyd edib ki, Özbəkistanın ŞƏT-də sədrliyi dövründə əsas diqqət ticarət-iqtisadi əlaqələrin möhkəmləndirilməsinə, sənaye əməkdaşlığının inkişafına, o cümlədən nəqliyyat-kommunikasiya əlaqələrinin genişləndirilməsinə yönəlib. ŞƏT sammitində Özbəkistan prezidenti Şavkat Mirziyoyevlə yanaşı, Rusiya prezidenti Vladimir Putin, Çin prezidenti Si Cinpin, Hindistanın baş naziri Narendra Modi, Qazaxıstan prezidenti Kasım-Jomart Tokayev, Pakistanın baş naziri Şahboz Şərif, Qırğızıstan prezidenti Sadır Japarov və Tacikistanın prezidenti Emoməli Rəhmonun da iştirak edəcəyi bildirilir. Belarus prezidenti Aleksandr Lukaşenko, İran prezidenti İbrahim Rəisi, Monqolustan prezidenti Uxnaaqiyn Xurelsux sammitdə müşahidəçi qismində iştirak edəcəklər. ŞƏT sammitində Türkiyə prezidenti Rəcəb Tayyib Ərdoğan, Azərbaycan prezidenti İlham Əliyev və Türkmənistan prezidenti Serdar Berdiməhəmmədov iştirak edəcək.
9-09-2022, 18:10
Xarkovda Ukrayna bayrağı qaldırıldı
Xarkov vilayətinin inzibati binasında yenidən Ukrayna bayrağı qaldırılıb. Bu barədə Ukrayna mətbuatı məlumat yayıb. Bildirilib ki, Xarkov vilayətinin işğaldan azad edilən ərazilərində mina və digər partlayıcılardan təmizlənmə işlərinə başlanılıb. Bölgələrdə dövlət orqanlarının işi, zədələnmiş infrastruktur bərpa edilir və əhaliyə yardım göstərilir.
9-09-2022, 18:08
Çaylardan daşqın və sel keçəcək
Azərbaycanın rayonlarında qısa fasilədən sonra sentyabrın 9-da axşam bəzi şərq rayonlarında, 10-dan 11-i axşamadək isə əksər rayonlarda şimşək çaxacağı, arabir yağış yağacağı gözlənilir. Əsasən dağlıq və dağətəyi rayonlarda leysan xarakterli olacağı, dolu düşəcəyi ehtimalı var. Milli Hidrometeorologiya Xidmətindən verilən məlumata görə, qərb küləyi ayrı-ayrı yerlərdə arabir 18-23 m/s olacaq. Çaylarda sululuğun artacağı, bəzi dağ çaylarından qısamüddətli daşqın və sel keçəcəyi ehtimal olunur.
9-09-2022, 18:02
Rusların neçə faizi Putinə etibar edir? - Yeni sorğu keçirildi
Rusiyada İctimai Rəy Fondunun keçirdiyi sorğuya əsasən, prezident Vladimir Putinə rusiyalıların 76%-i etibar edir. Fondun araşdırmasına görə, respondentlərin 76%-i Rusiya prezidentə güvəndiyini, 14%-i Putinə “daha çox etibar etmədiyini”, 10%-i cavab verməkdə çətinlik çəkdiyini bildirib. Respondentlərin 79%-nin fikrincə, Putin öz vəzifəsində daha yaxşı işləyir, sorğu iştirakçılarının 10%-i isə prezidentin “kifayət qədər zəif” işlədiyini düşünür. Respondentlərin daha 10%-i cavab verməkdə çətinlik çəkib. İctimai Rəy Fondunun bu sorğusu sentyabrın 6-da yaşayış yeri üzrə müsahibə üsulu ilə Rusiyanın 53 regionunun 104 yaşayış məntəqəsində yaşı 18 və yuxarı olan 1,5 min respondent arasında keçirilib. Statistik səhv 3,6%-dən çox deyil.
9-09-2022, 17:59
BMT-nin yeni Ali Komissarı məlum oldu
Birləşmiş Millətlər Təşkilatının (BMT) Baş Assambleyası avstriyalı diplomat Folker Türkü BMT-nin İnsan Hüquqları üzrə Ali Komissarı vəzifəsinə təsdiqləyib. Butov.az xəbər verir ki, Türkün bu vəzifəyə namizədliyini BMT-nin Baş katibi Antonio Quterreş irəli sürüb. O, avqustun 31-də səlahiyyət müddəti başa çatmış Ali Komissar Mişel Baçeleti əvəzləyəcək. Avstriyanın Xarici İşlər Nazirliyinin diplomatın təyinatı ilə bağlı açıqlamasında Ali Komissarın fəaliyyətinə dəstək göstəriləcəyi və onunla sıx əməkdaşlıq ediləcəyi bildirib. Qeyd edək ki, 57 yaşlı F.Türk karyerası boyunca müxtəlif BMT təsisatlarında çalışıb. O, 2015-ci ildə BMT-nin Qaçqınlar üzrə Ali Komissarının müavini təyin edilib və bununla da BMT sistemində ən yüksək çinli avstriyalı diplomat olub. F.Türk 2019-cu ildən BMT-nin Katibliyində baş katibin strateji koordinasiya və siyasi məsələlər üzrə köməkçisi vəzifəsində çalışıb.
9-09-2022, 17:58
Zelenski azad edilən şəhərdən video paylaşdı
Ukrayna ordusu Xarkov vilayətinin Balakleya şəhərini işğaldan azad edib. Bu barədə Ukrayna Prezidenti Volodimir Zelenski bildirib. Onun sözlərinə görə, hazırda şəhərdə Ukrayna bayrağı dalğalanır. Zelenski teleqram kanalında ukraynalı hərbçilərin Balakleyanın azad edilməsi ilə bağlı prezidentə məruzəsinin video görüntüləri paylaşıb.
9-09-2022, 17:55
Minlərlə müəllim sentyabrdan maaşına əlavələr alacaq
“Sertifikatlaşma prosesindən öncə gedən dedi-qodulara baxmayaraq, 98 faiz müəllim sertifikasiya prosesində iştirak etdi”. Bunu elm və təhsil naziri Emin Əmrullayev bildirib. E.Əmrullayev sertifikasiyada iştirak edən müəllimlərə təşəkkür edib: “Prosesin sonunda yaxşı nəticələrlə qarşılaşdıq. Artıq minlərlə müəllimin sentyabrdan başlayaraq əməkhaqqına əlavələr olacaq”.
9-09-2022, 17:53
Liderlər Rusiyanı cəzalandırmağa qərar verdilər
Yaponiyanın Baş naziri Fumio Kişida, ABŞ Prezidenti Co Bayden və daha altı ölkənin liderləri Ukraynadakı vəziyyəti müzakirə ediblər. Liderlər Ukraynaya yardımları davam etdirəcəklərini bildiriblər. Butov.az xəbər verir ki, ABŞ Prezidentinin təşəbbüsü ilə keçirilən onlayn görüşdə Fransa Prezidenti istisna olmaqla G7 qrupunun üzvü olan ölkələrin rəhbərləri iştirak ediblər. Ukrayna ətrafında vəziyyəti müzakirə edən liderlər bu ölkəyə yardımı və Rusiyaya qarşı sanksiyaları davam etdirmək barədə razılığa gəliblər. Görüş zamanı, həmçinin enerji və ərzaq tədarükü ilə bağlı əməkdaşlığı gücləndirmək barədə də razılıq əldə edilib.
9-09-2022, 17:52
Bakı sakini qayçı udub
Bakıda yad cisim (qayçı) udan vətəndaş əməliyyat olunub. Butov.az xəbər verir ki, təcili tibbi yardım avtomobili ilə başqa tibb müəssisəsindən 6 sentyabr 2022-ci il saat 22:10 radələrində yad cisim (qayçı) udan vətəndaş Tibbi Ərazi Bölmələrini İdarəetmə Birliyinin (TƏBİB) Nərimanov Tibb Mərkəzinə yerləşdirilib. Tibb müəssisəsində xəstəni ilk olaraq cərrah Emin Quliyev və torokal cərrah Fəyyaz Məmmədov müayinə edib. Kompüter tomoqrafiya (KT) və rentgenoloji müayinələr nəticəsində qida borusunun praksimalında qayçı aşkarlanıb və xəstə təcili olaraq əməliyyata götürülüb. Cərrah Emin Quliyevin icra etdiyi əməliyyatda larinqaskopun köməkliyi ilə ağız boşluğu açılıb və yad cisim ağız boşluğundan xaric olunub. Daha sonra divar aralığında mediastinit təhlükəsi və emfizema aşkarlandığı üçün divar aralığına drenaj qoyularaq əməliyyat yekunlaşıb. Xəstə bir gün Reanimasiya şöbəsində həkim nəzarəti altında qalıb. Daha sonra palataya köçürülüb. Hazırda müvafiq müalicələrə davam edilir. Xəstənin vəziyyəti isə orta ağır qiymətləndirilir.
9-09-2022, 17:49
Fond qazilərimizin əməliyyat xərclərini ödədi
“YAŞAT” Fondu qazilərimizə müalicə və psixoloji dəstək xərclərinin ödənilməsi istiqaməti üzrə işləri davam etdirir. "ASAN xidmət"dən verilən məlumata görə, müharibə əlili Ceyhun Əliyev Məşdi oğlu və Şahin Səfərov Şəmsəddin oğlunun əməliyyat xərcləri “YAŞAT” Fondu tərəfindən qarşılanıb. Fond tərəfindən görülən işlərlə bağlı ətraflı məlumatı yashat.gov.az rəsmi internet saytının “Hesabatlar” //yashat.gov.az/report/tableau) bölməsindən əldə edə bilərsiniz.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!