7-10-2022, 19:17
Bakı metrosu sentyabrda 18 milyondan çox sərnişin daşıyıb
Bu ilin sentyabr ayında "Bakı Metropoliteni" QSC 18 milyon 336 min 117 sərnişin daşıyıb. Bu barədə qurumdan məlumat verilib."Hər gün orta hesabla 611 min 204 nəfər metrodan istifadə edib. Yeni tədris mövsümünün başlanması, fəal istirahət dövrünün başa çatması ilə əlaqədar sentyabrın 15-dən metrodan istifadə edən sərnişinlərin sayında əvvəlcədən proqnozlaşdırılan artım müşahidə olunub. Ümumən, müqayisəli qeyd etsək, sentyabrın 15-dən sonra 12 iş günü ərzində metro orta hesabla hər gün 749 min 11 sərnişin daşıyıb. 12 gün ərzində daşınan sərnişinlərin sayı ayın qalan günləri daşınanların 49 %-ni təşkil edib", - məlumatda qeyd olunub.
7-10-2022, 19:16
“Biz sizinləyik” - Azərbaycanlılar da Putinə dəstək oldular
Rusiya Prezidenti Vladimir Putinin doğum günü ilə bağlı 20-dən çox xalqın nümayəndəsinin iştirakı ilə “Biz sizinləyik” fləşmobu keçirilib. Butov.az xəbər verir ki, flashmob iştirakçıları Putini 70 illik yubileyi münasibətilə təbrik ediblər. Tədbirdə əsasən tələbələr, məktəblilər, xalq yaradıcılıq kollektivlərinin rəssamları iştirak ediblər.
Bunlar Rusiyada yaşayan 20-dən çox müxtəlif xalqların nümayəndələridir. Flashmob iştirakçıları sırasında yunanlar, polyaklar, ləzgilər, noqaylar, moldavanlar, çuvaşlar, ruslar, qazaxlar, başqırdlar, koreyalılar, çeçenlər, yəhudilər, kürdlər, əfqanlar, nanaylar, çukçilər, marilər, ermənilər, çelkanlar, belaruslar, hətta azərbaycanlılar da yer alıb. Şüar olaraq, “güclü, vahid və məğlub olmayan çoxmillətli Rusiya xalqı” səsləndirilib. Qeyd edək ki, bu gün Rusiya Prezidenti Vladimir Putinin 70 yaşı tamam olur.
7-10-2022, 19:13
Son sutkada 90 yoluxma - Ölən olmayıb
Azərbaycanda koronavirus (COVID-19) infeksiyasına son sutkada 90 yeni yoluxma faktı qeydə alınıb, 129 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, son sutkada vəfat edən olmayıb. İndiyədək ölkədə ümumilikdə 822 027 nəfərin koronavirus infeksiyasına yoluxması faktı müəyyən edilib, onlardan 811 508 nəfər müalicə olunaraq sağalıb, hazırda 592 aktiv xəstə var. Bu günə qədər 9927 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2202, ümumilikdə isə 7 269 145 test icra olunub.
7-10-2022, 19:11
Liderlərin Putinə ad günü hədiyyəsi: traktor, qarpız...
MDB ölkələrinin liderləri Rusiya Prezidenti Vladimir Putinə ad günü hədiyyələri gətiriblər. Butov.az xəbər verir ki, liderlər Sankt-Peterburq şəhərində MDB Dövlət Başçılarının qeyri-rəsmi görüşü zamanı hədiyyələri təqdim ediblər. Belə ki, Belarus Prezidenti Aleksandr Lukaşenko Putinə toxumsəpən traktor, Tacikistan Prezidenti Emoməli Rəhmon isə qovun və qarpız piramidası hədiyyə edib. Digər liderlərin hədiyyələri hələ məlum deyil. Qeyd edək ki, bu gün Rusiya lideri Vladimir Putinin 70 yaşı tamam olur.
7-10-2022, 19:03
Ukrayna Xersonda 29 ərazini azad edib
“Ukrayna ordusu oktyabrın 1-dən Xerson vilayətində 29 yaşayış məntəqəsini azad edib”. Bu barədə məlumatı Ukrayna Baş Qərargahının Baş Əməliyyat İdarəsinin sədrinin müavini, briqada generalı Aleksey Qromov açıqlayıb. Onun sözlərinə görə, Rusiya ordusu itirdiyi mövqeləri bərpa etmək məqsədilə Xerson istiqamətində əks-hücuma keçməyə cəhd edir. Qromov, həmçinin Rusiya ordusunun Nikolayev və Dnepropetrovsk vilayətlərini atəşə tutmağa davam etdiyini də qeyd edib.
7-10-2022, 19:01
Lavrov ABŞ-a ciddi xəbərdarlıq etdi
Rusiyanın xarici işlər naziri Sergey Lavrov “Vahid Rusiya” partiyasının iclasında iştirak edib. Butov.az xəbər verir ki, Lavrov iclasda çıxışı zamanı ABŞ və müttəfiqlərini Ukraynadakı vəziyyətə müdaxilə etməməyə çağırıb. Lavrov Ukrayna Prezidenti Volodimir Zelenskinin "NATO Rusiyaya qarşı qabaqlayıcı hücum həyata keçirməlidir" açıqlamasını təxribat kimi qiymətləndirib: "Əslində bu, Kiyev rejimindən gələn təhdidlərin daha bir sübutudur. Xüsusi hərbi əməliyyat, məhz bu təhlükələri aradan qaldırmaq üçün işə salınıb”. XİN başçısının sözlərinə görə, ABŞ nüvə silahı məsələsindən istifadə edərək bütün dünyanı qorxutmağa çalışır:"Vaşinqton Rusiyanın hərbi doktrinalarının dəyişməz olduğunu bildiyi halda mövqeyimizi təhrif edərək beynəlxalq ictimaiyyəti qorxutmaq və sağlam düşüncəli dövlətləri Kiyevi bütün sahələrdə dəstəkləməyə məcbur etmək istəyir". Qeyd edək ki, ABŞ prezidenti Co Bayden Rusiya lideri Vladimir Putinin nüvə xəbərdarlığının ciddi olduğunu deyib. Onun sözlərinə görə, Putin zarafat etmir, Rusiya hər an nüvə silahına əl ata bilər.
7-10-2022, 18:59
Ruslar Yeni ili qeyd etməyəcəklər
Bu il Rusiyanın Sankt-Peterburq şəhərində ənənəvi Yeni il və Milad tədbirləri keçirilməyəcək. Bu barədə şəhər administrasiyasının saytında məlumat yerləşdirilib. Bildirilib ki, qubernator Aleksandr Beqlov əvvəldən planlaşdırılan şənliklərin ləğvi barədə qərar qəbul edib."Tədbirlərə sərf ediləcək vəsaitdən məqsədli şəkildə istifadə olunacaq. Əvvəllər Yeni il tədbirlərinin təşkili və keçirilməsinə sərf edilən vəsaitlər indi könüllülər və Rusiya Silahlı Qüvvələrinə səfərbər olanlar üçün əlavə avadanlığın alınmasına yönəldiləcək”, - deyə məlumatda qeyd olunub. Bundan başqa, Nijni Novqorod şəhərində də Yeni il tədbirləri ləğv olunub. Şəhər meri Yuri Şalabaev bildirib ki, tədbirlər üçün nəzərdə tutulan vəsait digər məsələlərlə yanaşı, səfərbər olan vətəndaşların ailələrinə yönəldiləcək.
7-10-2022, 18:57
Ukrayna Kuril adalarını Yaponiya ərazisi kimi tanıdı
Ukrayna Kuril adalarını Yaponiya ərazisi kimi tanıyıb. Butov.az xəbər verir ki, qərar Ukrayna parlamenti tərəfindən qəbul edilib. Ali Radanın 287 deputatı qərarın lehinə səs verib. Deputatlar, həmçinin beynəlxalq ictimaiyyəti Yaponiyanın şimal ərazilərinin hüquqi statusu ilə bağlı tədbirləri davam etdirməyə çağırıblar.
7-10-2022, 18:56
Kadırov Rusiyadan qaçan kişiləri təhqir etdi: “Ətək geyinin!”
Çeçenistan rəhbəri Ramzan Kadırov səfərbərliyə görə Rusiyanı tərk edən kişilərə ətək geyinməyi tövsiyə edir. Bu barədə "RİA Novosti" agentliyi yazıb. “Çətin vaxtlarda vətənini qoyub xaricə gedənləri anlamıram. Belə qorxaqlara məsləhət görürəm ki, ətək geyinsinlər, cinsini dəyişib qadın olsunlar”, - deyə Kadırov bildirib. Çeçenistan lideri əlavə edib ki, ölkədə yalnız qismən səfərbərlik elan edilib, lakin bu, hər bir şəxsə öz vəzifəsini yerinə yetirmək üçün kifayətdir.
7-10-2022, 18:54
Türkiyə Şimali Kiprdə PUA-lar yerləşdirib
Türkiyə Şimali Kiprdə PUA-lar yerləşdirib. Bu barədə Türkiyə Prezidenti Rəcəb Tayyib Ərdoğan Praqa səfərindən geri dönərkən yerli jurnalistlərə müsahibəsində deyib. Prezident qeyd edib ki, Türkiyə Şimali Kiprdə hərbi baza qura bilər.“Biz Şimali Kipri hər tərəfdən müdafiə etməliyik. Bu məsələ olsa da, olmasa da, təyyarələrimiz öz ərazimizdən havaya qalxan kimi, demək olar ki, artıq Şimali Kiprdədilər. Bununla bağlı da problem yoxdur”, - deyə Ərdoğan vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!