18-01-2023, 23:39
Serbiya prezidentindən Ukraynaya dəstək
Serbiya prezidenti Aleksandr Vuçiç Ukraynaya dəstəyini ifadə edib. Vuçiç bu barədə "Bloomberg"ə müsahibəsi zamanı danışıb. O, Ukraynanın işğal edilməsini dəstəkləmədiyini açıqlayıb: "Serbiya Krımı və Donbası Ukraynanın bir hissəsi kimi tanıyır". "Bizim üçün Krım Ukraynadır, Donbass Ukraynadır. Belə də qalacaq", - deyə Serbiya prezidenti bildirib. Lakin Vuçiç onu da əlavə edib ki, Rusiyaya qarşı sanksiya tətbiq edilməsinə qarşıdır.
18-01-2023, 23:37
Mirzoyan sülh müqaviləsinin mətni ilə bağlı müzakirələrə toxundu
Ermənistan XİN başçısı Ararat Mirzoyan sülh müqaviləsinin mətni ilə bağlı müzakirələrdən danışıb. Nazir bu barədə parlamentdəki çıxışı zamanı söz açıb. Ararat Mirzoyan bildirib ki, İrəvan sülh müqaviləsi ilə bağlı təkliflərinə Bakının cavabını gözləyir. "Ermənistan sülh müqaviləsinin mətni üzərində işləməyə mane olmur", - deyə XİN başçısı əlavə edib.
18-01-2023, 23:32
Rusiya vətəndaşlarının “YouTube”a girişi məhdudlaşır
Rusiya Federasiyası vətəndaşları üçün "YouTube"a giriş qadağan ediləcək. Bunu "Vaqner" özəl hərbi şirkətin təsisçisi Yevgeni Priqojin deyib. Onun sözlərinə görə, kim qadağadan sonra videohostinqdən istifadə etsə, ciddi şəkildə cəzalandırılacaq: “İndi isə mən sizə gizli bir məlumat vermək istəyirəm. "YouTube" tezliklə bağlanacaq. "YouTube"a giriş qadağan edildikdən sonra kim ondan aktiv istifadə etməyə davam etsə, müəyyən olunacaq və layiqli cəzasını çəkəcək”.
18-01-2023, 23:28
Ermənistan sülh müqaviləsini imzalamağa hazırdır - Paşinyan
“Biz çox aydın şəkildə bəyan edirik ki, Praqa razılaşmalarına əsasən, sülh müqaviləsini imzalamağa hazırıq”. Bunu Ermənistanın baş naziri Nikol Paşinyan bu gün parlamentdə deputatların suallarını cavablandırarkən deyib. Paşinyan çıxışı zamanı həmişəki kimi Azərbaycan əleyhinə fikirlər səsləndirib. Onun fikrincə, Azərbaycan tərəfindən verilən bəyanatlar sülhün bərqərar olmasına yeni maneələr yaradır. Paşinyan deyib ki, regionda sabitliyi qorumağın ən yaxşı yolu danışıqlarla həll variantını tapmaqdır. Baş nazirin sözlərinə görə, indiki şəraitdə ölkənin məqsədləri fəal diplomatiya və dövlət institutlarının gücləndirilməsi, eləcə də sülh gündəliyinə sadiqlikdir. "İlk növbədə fəal diplomatiya işi aparmaq, institusional strukturları gücləndirmək, islahatlar yolundan sapmamaq, sülh gündəliyindən yayınmamaq və ya ondan imtina etmək olmaz”, - Paşinyan bildirib.
18-01-2023, 23:23
Ölkə üzrə əhali sayında artım var
Azərbaycan əhalisinin sayı açıqlanıb. Bu barədə Dövlət Statistika Komitəsinə istinadən məlumat verir. Belə ki, ölkə üzrə əhalinin sayı ötən ilin əvvəlindən 58 679 nəfər və ya 0,6 faiz artaraq 2022-ci il dekabr ayının 1-i vəziyyətinə 10 215 045 nəfərə çatıb. Əhalinin 52,9 faizini şəhər, 47,1 faizini kənd sakinləri təşkil edib.
18-01-2023, 23:18
Paşinyan NATO nümayəndəsi ilə bir sıra məsələləri müzakirə etdi
Ermənistanın baş naziri Nikol Paşinyan NATO baş katibinin Qafqaz və Mərkəzi Asiya üzrə xüsusi nümayəndəsi Xavyer Kolomina Pirisi qəbul edib. Tərəflər Ermənistan-NATO əməkdaşlığı ilə bağlı məsələləri, eləcə də Cənubi Qafqazda baş verən prosesləri müzakirə ediblər. Baş nazir ənənəsinə sadiq qalaraq, Azərbaycandan şikayətlənib və Laçın dəhlizində Qarabağ ermənilərinə problem yaradıldığını qeyd edib. Xavyer Kolomina deyib ki, NATO regionda sabitliyin və sülhün təmin edilməsində maraqlıdır və beynəlxalq tərəfdaşların bu istiqamətdə göstərdiyi səylərə dəstəyini ifadə edir. Görüş zamanı həmsöhbətlər qarşılıqlı maraq doğuran digər məsələləri də müzakirə ediblər.
18-01-2023, 23:10
İran XİN Türkiyəylə əldə olunan razılaşmalardan danışdı
İranın xarici işlər naziri Hüseyn Əmir Abdullahian Türkiyəyə səfəri zamanı əldə olunan razılaşmalar barədə məlumat verib. Nazir bu barədə twitter səhifəsində yazıb. "Prezident Ərdoğan və XİN başçısı Çavuşoğlu ilə görüşdük. İki ölkə arasındakı iqtisadi və ticarət əlaqələrində əməkdaşlığın genişləndirilməsi faydalı oldu. İranda ticarət həcminin, yatırımların, hərtərəfli regional və beynəlxalq əməkdaşlığın artırılmasının qarşısını alan əngəllərin aradan qaldırılması ilə bağlı razılaşdıq", - deyə Abdullahian qeyd edib.
18-01-2023, 23:02
İran və Rusiya arasında 3 illik razılıq əldə olundu
İran və Rusiya 3 il ərzində tikintisi nəzərdə tutulan Rəşt-Astara dəmir yolu layihəsinin tikintisi ilə bağlı razılığa gəliblər. İranın nəqliyyat və şəhərsalma nazirinin nəqliyyat məsələləri üzrə müavini Şəhriyar Əfəndizadə Rəşt-Astara dəmir yolu layihəsini ölkədəki ən mühüm proje hesab edib. O əlavə edib ki, layihə Bəndərabbasdan Rəştə və Rəştdən Astaraya qədər olan 162 km şimal-cənub dəhlizini tamamlayır və İranı Azərbaycan Respublikası vasitəsilə Rusiya və Şimali Avropa ilə birləşdirəcək. Rusiya hökumətinin Rəşt-Astara dəmir yolunun kredit və ya digər üsullarla tamamlanması istəyinə toxunan Əfəndizadə bildirib ki, son aylarda iki ölkə arasında tranzitin inkişafı üçün Rusiya hökuməti ilə danışıqlar aparılıb. O, İran, Rusiya və Azərbaycan arasında üçtərəfli memoranduma işarə edərək bildirib ki, dəmir yolu layihəsinin tikintisi və istismarı ilə bağlı məsələlər 16 maddədə nəzərdə tutulub. Rusların sərmayəsi ilə dəmir yolu layihəsinin 3 il ərzində başa çatdırılması nəzərdə tutulur ki, bu da verilən proqnozdan bir il azdır. Razılaşmaya əsasən, iranlı podratçılar dəmir yolu xəttinin infrastrukturunu tam şəkildə həyata keçirəcəklər. Azərbaycanda səfərdə olan Rusiya prezidentinin xüsusi köməkçisi İqor Levitin və onu müşayiət edən nümayəndə heyəti, eləcə də İran rəsmiləri çərşənbə günü Rəşt-Astara dəmir yolu xəttinə baş çəkəcəklər.
18-01-2023, 22:57
Bu şəxslər maliyyə sanksiyalarından azad olacaq
Vergi Məcəlləsində son dəyişikliklərdə vergi ödəyicilərinin mənafelərinə xidmət edən bir sıra dəyişikliklər edilib. Onlardan biri də hesabat dövründə sahibkarlıq fəaliyyəti və ya digər vergi tutulan əməliyyatı olmayan vergi ödəyicilərinə vergi hesabatlarının təqdim olunmamasına görə tətbiq edilən maliyyə sanksiyasının ləğv olunması ilə bağlıdır. Dövlət Vergi Xidmətinin əməkdaşı Anar Cabbarov qeyd edib ki, təcrübədə bir sıra vergi ödəyiciləri (xüsusilə mikro sahibkarlıq subyektləri) bir çox hallarda sahibkarlıq fəaliyyəti və ya digər vergi tutulan əməliyyatın olmaması barədə arayışı təqdim etmir (əksər hallarda qanunvericiliyin tələblərini bilməməsi səbəbindən) və vergi orqanı tərəfindən həmin şəxslərə 40 manat məbləğində maliyyə sanksiyası tətbiq olunurdu: "Bu isə vergi öhdəliyi yaranmayan vergi ödəyicilərinin maliyyə itkilərinə məruz qalmasına səbəb olurdu. Qanunvericiliyə edilmiş dəyişikliyə əsasən, bundan sonra maliyyə sanksiyaları yalnız hesabat dövrü üzrə vergi tutulan və ya vergidən azad edilən əməliyyatlar aparan, habelə vergitutma obyektləri olan, yəni vergi hesabatları vermək öhdəliyi olan vergi ödəyicisi tərəfindən vergi hesabatının əsas olmadan müəyyən edilən müddətdə təqdim edilməməsinə görə tətbiq olunacaq". Hesabat dövründə sahibkarlıq fəaliyyəti və ya digər vergi tutulan əməliyyatın olmaması barədə arayışı təqdim etməyən vergi ödəyicilərinə maliyyə sanksiyaları tətbiq edilməyəcək.
18-01-2023, 22:39
Hindistan Azərbaycana yeni səfirini təyin edib
Hindistan Azərbaycana yeni səfir təyin edib. Sridharan Madhusudhanan Hindistanın Azərbaycana səfiri təyin edilib. O, hazırda Hindistan Xarici İşlər Nazirliyində katib vəzifəsində çalışır. Sridharan Madhusudhanan Hindistanın ABŞ, Çin və Tayvandakı səfirliklərində müxtəlif postlarda çalışıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!