16-01-2023, 17:54
Alman nazirin istefası qəbul olundu
Almaniya kansleri Olaf Şolts müdafiə naziri Kristin Lambrextin istefasını qəbul edib. Bu barədə Almaniya hökuməti rəsmi məlumat yayıb. Qeyd olunub ki, qısa vaxt ərzində yeni nazir təyin ediləcək.
16-01-2023, 17:50
Ermənistanda bu qanun yeni redaksiyada qəbul olunacaq
Ermənistanda dövlət sirri haqqında qanun yeni redaksiyada qəbul olunacaq. Bunu Ermənistan parlamentinin iclasında ölkənin Milli Təhlükəsizlik Xidmətinin sədr müavini Tiqran Harutyunyan deyib. Onun sözlərinə görə, hazırkı sənəd 1996-cı ildə Rusiya Federasiyasının oxşar qanununun analoqu əsasında hazırlanıb. "Amma artıq rəsmi sirr anlayışı demək olar ki, heç bir yerdə işlədilmir və xarici tərəfdaşlar bununla qarşılaşanda anlaşılmazlıq olur. Qanunun yeni redaksiyasında idarələr tərəfindən dövlət sirri təşkil edən məlumatların siyahılarının formalaşdırılması qaydaları müəyyən edilib", - deyə Harutyunyan vurğulayıb.
16-01-2023, 17:43
İlham Əliyev “Masdar”la olan əməkdaşlığın üstünlüklərini qeyd etdi
Dünən “Masdar” ilə Azərbaycan Dövlət Neft Şirkəti (SOCAR) 4 qiqavatlıq külək və günəş enerjisinin istehsalına dair razılaşma imzaladılar. Bu, hələ qısamüddətli layihədir. Ortamüddətli layihələr gücləri 10 qiqavata qədər artıracaq. Bunu Birləşmiş Ərəb Əmirliklərinin paytaxtında keçirilən Əbu-Dabi Dayanıqlılıq Həftəsinin rəsmi açılışında çıxışı zamanı Azərbaycan Prezidenti İlham Əliyev bildirib. Dövlətimizin başçısı qeyd edib: “Bu, tamamilə icraolunandır. Bununla bağlı yol xəritəmiz var. Yalnız həmin layihə nəticəsində, “Masdar” ilə apardığımız əməkdaşlıq Azərbaycanı çox mühüm yaşıl enerji mənbəyinə çevirəcək”. Prezident İlham Əliyev vurğulayıb ki, bütövlükdə Azərbaycanın beynəlxalq enerji şirkətləri ilə imzaladığı anlaşma memorandumları və sazişlər 22 qiqavata qədər külək və günəş enerjisi istehsal etmək imkanı yaradacaq.
16-01-2023, 17:39
Peskov yenilənmiş konsepsiyayla bağlı açıqlama verdi
Rusiya Federasiyasının yenilənmiş xarici siyasət konsepsiyası hazırlanır. Bunu Rusiya prezidentinin mətbuat katibi Dmitri Peskov deyib. Onun sözlərinə görə, layihə üzərində iş gedir və konsepsiya sənədinin hazırlanması tezliklə yekunlaşdırılacaq. "Rusiya Federasiyasının xarici siyasətinin yeni konsepsiyası Putinin fərmanı ilə Təhlükəsizlik Şurasının iclası keçirilmədən təsdiq oluna bilər", - deyə o bildirib. Bundan əlavə, Kreml rəsmisi Ukraynaya görə Qərb ölkələrini tənqid edib: "Rusiya Federasiyası Avropa ölkələrinin Ukraynaya ağır texnika tədarük etmək qərarını çox mənfi qiymətləndirir, onları ukraynalıların gələcəyi maraqlandırmır. Qərbin Ukraynaya ağır zirehli texnika verməsi vəziyyəti dəyişdirmək iqtidarında deyil". Vaqner qrupu ilə rəsmi Moskva arasında fikir ayrılığı barədə yayılan məlumatları təkzib edən D.Peskov bunun ancaq informasiya sferasında olduğunu iddia edib.
16-01-2023, 17:32
Peskov Dneprdə baş verən hadisəyə münasibət bildirdi
Kremlin sözçüsü Dmitri Peskov Rusiyanın Ukraynanın Dnepr şəhərində yaşayış binasına raket zərbələri endirməsinə münasibət bildirib. Peskov faktı təkzib edib. "Rusiya hərbçiləri yaşayış binalarına və Ukraynanın sosial infrastrukturuna zərbə endirmir", - deyə sözçü bildirib.. Qeyd edək ki, Dneprə hücum nəticəsində azı 36 dinc sakin həyatını itirib, 70-dən çox adam yaralanıb.
16-01-2023, 17:28
Bərpaolunan enerjiylə bağlı proqramımız tamamilə fərqlidir - İlham Əliyev
Biz Azərbaycanda bərpaolunan enerji mənbələrini öz enerji təhlükəsizliyimizin təmin olunması üçün inkişaf etdirmirik, enerji təhlükəsizliyimizi hələ bir neçə il əvvəl təmin etmişik. Bu gün Azərbaycan nəinki öz enerji tələbatını təmin edir, həmçinin xam neft, neft məhsulları, təbii qaz, neft-kimya məhsulları və elektrik enerjisi ixrac edir. Bunu Birləşmiş Ərəb Əmirliklərinin paytaxtında keçirilən Əbu-Dabi Dayanıqlılıq Həftəsinin rəsmi açılışında çıxışı zamanı Azərbaycan Prezidenti İlham Əliyev deyib. Dövlətimizin başçısı bildirib: “Bərpaolunan enerji ilə bağlı proqramımız tamamilə fərqli gündəliyə malikdir. Birincisi, bu, onunla bağlıdır ki, nəhəng potensial var. İkincisi, onun sayəsində biz ixracımızı şaxələndirəcəyik. Əlbəttə ki, nəticədə iqtisadiyyatımızın yeni ekoloji təmiz sektoru yaranacaq”.
16-01-2023, 16:56
İranda bu münasibətlə qadın məhbuslar azadlığa buraxıldı
İranda Məhəmməd peyğəmbərin qızı həzrət Fatimənin doğum günü münasibətilə 975 qadın məhbus azadlığa buraxılıb. Bunu İranın Məhkəmə Hakimiyyətinin rəhbəri Qulamhüseyn Möhsini Ejeyi bildirib. O bildirib ki, həbsdə olan 6 min qadına məzuniyyət verilib. Qərara əsasən, İranın 15 əyalətində 502 məhbus azadlığa buraxılıb, 4 mindən çox məhbusun işində müxtəlif güzəştlər tətbiq olunub. Qeyd edilib ki, son bir ayda 4 mindən çox məhbus azadlığa çıxıb.
16-01-2023, 16:45
Qazaxıstanda parlament seçkiləri başa çatdı
Qazaxıstanda parlamentin yuxarı palatasına - Senata seçkilər başa çatıb. Bu barədə "Kazinform" məlumat yayıb. Bildirilib ki, Qazaxıstanın bütün regionlarını təmsil edən 20 parlamentari seçilib. Namizədliyini irəli sürən 130 şəxsdən 55-i seçkiyə buraxılıb. Qeyd edək ki, Qazaxıstanda Senata seçkilər 3 ildən bir keçirilir və palatanın tərkibi yarıya qədər yenilənir.
16-01-2023, 16:42
“ABŞ-la olan müzakirələr müsbət şəkildə davam edir” - Çavuşoğlu
Türkiyənin xarici işlər naziri Mövlud Çavuşoğlu ölkəsinin ABŞ-dan F-16 qırıcıları almasından danışıb. Nazir bu barədə bosniyalı həmkarı ilə keçirdiyi mətbuat konfransında söz açıb. "ABŞ Konqresində görüşlər və müzakirələr davam edir, proses müsbət şəkildə irəliləyir", - deyə Çavuşoğlu bildirib. Qeyd edək ki, ABŞ prezidenti Co Baydenin administrasiyası F-16 qırıcılarının Türkiyəyə satışı üçün konqresdən icazə almağa çalışır. “The Wall Street Journal”ın məlumatına görə, söhbət 40 yeni qırıcının, eləcə də Türkiyədəki bu tipli 79 təyyarənin modernləşdirilməsi üçün dəstlərin satışından gedir.
16-01-2023, 16:33
Krım səmasında Ukrayna PUA-sı vuruldu
Rusiya Krım səmasında Ukraynaya məxsus dronu sıradan çıxarıb. Bu barədə Sevastopolun "qubernatoru" Mixail Razvojaev (Rusiya Krımı 2014-cü ildə ilhaq etdikdən sonra ərazidə yerli icra orqanlarının rəhbərlərini Moskva təyin edir) məlumat verib. O bildirib ki, Belbek aerodromu istiqamətindən gələn PUA-nı dənizin üzərində hava hücumundan müdafiə sistemləri vurub. Qeyd olunub ki, bu, sutka ərzində Krımda vurulan ikinci Ukrayna dronudur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!