4-01-2023, 22:31
Pakistan Ərdoğanın Nobel mükafatına namizədliyini irəli sürüb
Pakistan Senatı və Pakistan xalqı adından Türkiyə Prezidenti Rəcəb Tayyib Ərdoğanın Nobel Sülh mükafatına namizədliyi irəli sürülüb. Bu barədə Pakistan Senatının sədri Məhəmməd Sadiq Sancrani bildirib. Məlumata görə, Prezident Rəcəb Tayyib Ərdoğan Rusiya-Ukrayna müharibəsinin dayandırılması üçün göstərdiyi səylərə görə Nobel Sülh mükafatına namizədliyə layiq görülüb. Pakistan Senatının sədri deyib ki, Prezident Ərdoğan tək başına qlobal fəlakətin qarşısını alıb. Onun sözlərinə görə, Ərdoğan “Taxıl dəhlizi” anlaşması ilə bölgəni amansız aclıq təhlükəsindən xilas edilib. "Türkiyə Prezidenti bölgənin və dünyanın yaxşılığı və rifahı üçün çalışan xalq lideridir" - Senat sədri vurğulayıb. Sancrani qeyd edib ki, Türkiyə lideri əməli fəaliyyəti ilə insanlığa sülh, tolerantlıq və sevgi hisslərini tərənnüm edib.
4-01-2023, 22:21
Çavuşoğlu israilli həmkarı ilə telefonda danışdı
Türkiyənin xarici işlər naziri Mövlud Çavuşoğlu israilli həmkarı Eli Kohen ilə telefon danışığı aparıb. Bu barədə Türkiyə Xarici İşlər Nazirliyi məlumat yayıb. Çavuşoğlu həmkarını yeni vəzifəsi münasibətilə təbrik edib. O, Fələstin məsələsi ilə bağlı Türkiyənin həssaslığını və gözləntilərini Kohenə xatırladıb, bu kontekstdə İsrailin Milli Təhlükəsizlik naziri İtamar Ben-Qvirin Əl-Əqsa məscidinə qarşı hərəkətini qəbuledilməz hesab etdiyini vurğulayıb. Bundan əlavə, iki nazir ikitərəfli münasibətlərin yaxşılaşdırılması üçün əməkdaşlığa dair razılığa gəlib.
4-01-2023, 22:15
Müharibənin ən qızğın mərhələsi mart ayında başlayacaq - Ukrayna kəşfiyyatı
Ukraynada hərbi əməliyyatların ən qızğın mərhələsi mart ayında başlayacaq. Bu barədə Ukrayna hərbi kəşfiyyatının rəhbəri Kirill Budanov "ABC News"a açıqlamasında bildirib. “Bu, ərazilərin azad edilməsi və Rusiya Federasiyasının son məğlubiyyətidir. Bu, Krımdan Donbasa qədər bütün Ukraynada baş verəcək”, - deyə o qeyd edib. Budanov əlavə edib ki, Ukrayna 1991-ci il sərhədlərinə qayıtmağa çalışacaq. O, həmçinin Rusiya ərazisinə yeni hücumların olacağını istisna etməyib.
4-01-2023, 22:08
Türkiyədə hərbiçi daşıyan avtomobil qəzaya uğradı
Türkiyədə hərbçiləri daşıyan avtomobil qəzaya uğrayıb. Bu barədə ölkənin Milli Müdafiə Nazirliyi məlumat yayıb. Hadisə nəticəsində 2 hərbi qulluqçu həlak olub, daha ikisi yaralanıb. Yaralıların xəstəxanaya çatdırıldığı bildirilir. "Bizə dərin hüzn yaşadan bu hadisədə həyatını itirən şəhidlərimizə Allah rəhmət eləsin. Onların ailələrinə, Türkiyə Silahlı Qüvvələrinə, millətimizə başsağlığı və səbr, yaralılarımıza isə şəfa diləyirik", - nazirlik qeyd edib.
4-01-2023, 22:06
Rusiyanın döyüş potensialı daha çox artacaq - Putin
Rusiya Federasiyası öz döyüş potensialını bundan sonra da artıracaq. Bunu Rusiya prezidenti Vladimir Putin "Admiral Qorşkov" freqatının döyüş xidmətinə girməsi mərasimində çıxışı zamanı deyib. "Biz Silahlı Qüvvələrin döyüş potensialını inkişaf etdirməyə, qarşıdakı onilliklərdə Rusiyanın təhlükəsizliyini qoruyacaq perspektivli silah və texnika modellərini istehsal etməyə davam edəcəyik", - Putin vurğulayıb. Daha əvvəl Putin bildirib ki, “Zirkon” hipersəs raket sistemi Rusiyanın təhlükəsizliyini etibarlı şəkildə qoruyur. Onun sözlərinə görə, zirkonun dünyada analoqu yoxdur. Qeyd edək ki, “Admiral Qorşkov” freqatı döyüş xidməti uzun uçuş qabiliyyətinə malik “Zirkon” raketləri ilə təchiz edilib.
4-01-2023, 22:01
ABŞ Ukraynaya növbəti hərbi yardıma hazırlaşır
ABŞ-ın “Patriot” hava hücumundan müdafiə sistemlərinin Kiyevə tədarükü üçün hazırlıqlar başlayıb. Bu barədə Ukraynanın xarici işlər naziri Dmitro Kuleba jurnalistlərə bildirib. “Patriot” komplekslərinin tezliklə Ukraynaya çatdırılmasını gözləyirik. Artıq həmin sistemlərin tədarükü ilə bağlı hazırlıqlar başlayıb”, - Dmitro Kuleba belə deyib. Nazirin sözlərinə görə, Ukrayna Prezidenti Volodimir Zelenski və müvafiq qurumlar silah tədarükü ilə bağlı yeni qərarlar üzərində işləyir. Dekabrın əvvəlində ABŞ-ın hakimiyyət orqanları Ukraynaya ilk dəfə “Patriot” zenit raket kompleksi batareyasının da daxil olacağı 1,85 milyard dollarlıq yeni hərbi yardım paketini elan edib. Moskva isə öz növbəsində Vaşinqtona xəbərdarlıq edib ki, Kiyevə bu cür silahlar verməsin. Əks-təqdirdə “Patriot” kompleksləri Rusiya ordusunun qanuni hədəfinə çevriləcək.
4-01-2023, 21:55
“Qarabağ” Avropanın məğlubedilməz futbol klubları sırasındadır
Avropanın məğlubedilməz futbol klublarının siyahısında Azərbaycan çempionu “Qarabağ” da var. Ümumilikdə 6 komanda ölkədaxili çempionatda uduzmayıb. Bunlar “Qarabağ”la yanaşı, Yunanıstanın “Panatinaikos”, Uelsin TNS, İtaliyanın “Napoli”, Andorranın “Atletik Eskaldes” və Serbiyanın “Srvena Zvezda” klublarıdır. Bu komandalar arasında ən yaxşı göstərici “Srvena Zvezda” və “Qarabağ”a məxsusdur. Serbiya komandası 17 qələbə, 2 heç-heçə ilə birincidir. “Srvena Zvezda”dan 1 oyun az keçirən “Qarabağ”ın aktivində isə 16 qələbə və 2 heç-heçə var.
4-01-2023, 17:03
“Qarabağ” Avropanın məğlubedilməz futbol klubları sırasındadır
Avropanın məğlubedilməz futbol klublarının siyahısında Azərbaycan çempionu “Qarabağ” da var. Ümumilikdə 6 komanda ölkədaxili çempionatda uduzmayıb. Bunlar “Qarabağ”la yanaşı, Yunanıstanın “Panatinaikos”, Uelsin TNS, İtaliyanın “Napoli”, Andorranın “Atletik Eskaldes” və Serbiyanın “Srvena Zvezda” klublarıdır. Bu komandalar arasında ən yaxşı göstərici “Srvena Zvezda” və “Qarabağ”a məxsusdur. Serbiya komandası 17 qələbə, 2 heç-heçə ilə birincidir. “Srvena Zvezda”dan 1 oyun az keçirən “Qarabağ”ın aktivində isə 16 qələbə və 2 heç-heçə var.
4-01-2023, 17:01
Seçkilərin tarixini konkret müəyyənləşdirmək olmaz - Ərdoğan
“Sular durulmadan seçkilərin tarixini konkret müəyyənləşdirmək olmaz”. Bunu Türkiyə Prezidenti Rəcəb Tayyib Ərdoğan ölkədə növbədənkənar prezident seçkilərinin keçirilməsinin mümkün olub-olmaması ilə bağlı jurnalistlərin sualını cavablandırarkən deyib. O bildirib ki, ictimai rəydə olan hər şey hakimiyyətin gündəmindədir: “Çünki biz işimizi ictimai rəyi uyğun qururuq”. Qeyd edək ki, daha əvvəl Türkiyə Böyük Millət Məclisinin (TBMM) sədri Mustafa Şəntop söyləmişdi ki, gələn il iyunun 18-də keçirilməsi planlaşdırılan prezident seçkilərinin vaxtının qabağa çəkiləcəyi istisna deyil. Xatırladaq ki, iddialara görə seçkilər aprelin 30-da, mayın 7-də və mayın 14-də keçirilə bilər.
4-01-2023, 16:58
“Barcelona” klubu qayda pozuntusuna görə cərimələndi
İspaniya La Liqası "Barselona"nı böyük məbləğdə cərimələyib. Buna Kataloniya təmsilçisinin maliyyə feyr-pley qaydalarını pozması səbəb olub. Klub 2021/2022 mövsümündə maaş limitinə riayət etmədiyi üçün 800 000 avro cərimə ödəyəcək. Daha əvvəl La Liqanın prezidenti Xavyer Tebas bildirib ki, "Barselona"nı qarşıdakı mövsümlərdə də analoji cəza gözləyir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!