4-01-2023, 15:40
İran prezidenti Türkiyəyə səfərə hazırlaşır
İran prezidenti İbrahim Rəisi yaxın həftələrdə Türkiyəyə səfər edə bilər. Bunu Türkiyə prezidentinin sözçüsü İbrahim Kalın deyib. "Belə bir səfər hazırlanırdı, onu təxirə salan bəzi səbəblər ortaya çıxdı. İndi protokollar üzərində danışıqlar gedir, düşünürəm ki, səfər yaxın həftələrdə həyata keçiriləcək, hələlik konkret təqvim yoxdur", - Kalın NTV-yə müsahibəsində deyib. Onun sözlərinə görə, Ankara İranda baş verən hadisələrdən narahatdır və bununla bağlı rəsmi Tehranın qətiyyətini görür. "Biz də Bakı kimi İran tərəfinin bəzi bəyanatlarından narahatıq. Bu baxımdan üçtərəfli formatda danışıqlar bütün bu məsələləri həll edə bilər", - Kalın deyib. Bundan əvvəl Tehran bəyan etmişdi ki, regionda istənilən geosiyasi dəyişikliyə İranın reaksiyası olacaq.
3-01-2023, 19:50
Polşa Almaniyadan təzminat almaq üçün BMT-dən kömək istədi
Polşa BMT-yə bəyanat göndərərək Almaniyadan müharibə təzminatının alınmasında kömək istəyib. Bu barədə Polşa xarici işlər nazirinin müavini, hökumətin təzminat üzrə səlahiyyətli nümayəndəsi Arkadiuş Mulyarçik bildirib. “Biz sizdən bu məsələyə müdaxilə etməyinizi, bu dialoqu aparmaq istəməyən Almaniya ilə dialoq platforması yaratmağınızı xahiş edirik”, - o qeyd edib. Bundan əvvəl Polşa oxşar tələblə Avropa Şurasına və YUNESKO-ya müraciət edib. Sentyabrın 3-də Polşanın xarici işlər naziri Zbiqnev Rau Almaniyadan İkinci Dünya Müharibəsi zamanı dağıntılara görə kompensasiya tələb edən nota imzalayıb. Varşava müharibənin vurduğu zərərin həcmini 6,2 trilyon zloti (1,3 trilyon dollar) qiymətləndirir.
3-01-2023, 19:11
Polşa Almaniyadan təzminat almaq üçün BMT-dən kömək istədi
Polşa BMT-yə bəyanat göndərərək Almaniyadan müharibə təzminatının alınmasında kömək istəyib. Bu barədə Polşa xarici işlər nazirinin müavini, hökumətin təzminat üzrə səlahiyyətli nümayəndəsi Arkadiuş Mulyarçik bildirib. “Biz sizdən bu məsələyə müdaxilə etməyinizi, bu dialoqu aparmaq istəməyən Almaniya ilə dialoq platforması yaratmağınızı xahiş edirik”, - o qeyd edib. Bundan əvvəl Polşa oxşar tələblə Avropa Şurasına və YUNESKO-ya müraciət edib. Sentyabrın 3-də Polşanın xarici işlər naziri Zbiqnev Rau Almaniyadan İkinci Dünya Müharibəsi zamanı dağıntılara görə kompensasiya tələb edən nota imzalayıb. Varşava müharibənin vurduğu zərərin həcmini 6,2 trilyon zloti (1,3 trilyon dollar) qiymətləndirir.
3-01-2023, 19:09
Ukraynanı qələbəyə qədər dəstəkləyəcəyik - Litva rəsmisi
Litvanın müdafiə naziri Arvidas Anusauskas Rusiya-Ukrayna müharibəsi ilə bağlı açıqlama verib. Sözügedən açıqlama Litva Müdafiə Nazirliyinin rəsmi facebook səhifəsində yayımlanıb. “Litva və digər ölkələrin verdiyi silah, texnika və hərbi dəstək müharibənin gedişinə mühüm təsir göstərir. Bu il Ukrayna daha çox dəstəyə ehtiyac duyur. Bunun üçün 6 əsas istiqamət var: maliyyələşdirmə, silah transferi və təmiri, hərbi təlim, müdafiə islahatları, kibertəhlükəsizlik və hərbi qulluqçuların reabilitasiyası. Biz Ukraynanı dəstəkləmişik, onu dəstəkləyirik və qələbəyə qədər dəstəkləyəcəyik", - deyə məlumatda bildirilib. "Bu müharibə həm də bizim müharibəmizdir", - deyə əlavə olunub.
3-01-2023, 19:04
Saakaşvili işinə fasiləsiz rejimdə baxılmasını tələb etdi
Gürcüstanın sabiq prezidenti Mixail Saakaşvili məhkəmədə onun işinə proses tam başa çatana qədər fasiləsiz rejimdə baxılmasını tələb edir. Eks-prezident bununla bağlı vəkili Şalva Xaçapuridzedən vəsatət qaldırmağı xahiş edib. Saakaşvili bunu sağlamlığına görə artıq fiziki olaraq tükənməsi ilə izah edib və məhkəmədə şəxsən iştirak etmək istədiyini bildirib. O, cəzasının ertələnməsi və ya azadlığa buraxılması ilə bağlı prosesin yekunlaşmasını arzuladığını söyləyib. Qeyd edək ki, Gürcüstanın sabiq prezidentinin işi üzrə növbəti məhkəmə iclası 9 yanvarda keçiriləcək.
3-01-2023, 19:00
İranda casusluq edən Fransa vətandaşları saxlanıldı
İranda 2 Fransa vətəndaşı saxlanılıb. Bu barədə İranın Ədliyyə Nazirliyi məlumat yayıb. Bildirilib ki, iki Fransa vətəndaşı casusluqda və ölkənin milli təhlükəsizliyinə qarşı təxribatda ittiham olunaraq saxlanılıb. Onların işinə inqilab məhkəməsi baxacaq. Təqsirləndirilən şəxslərin kimliyi açıqlanmayıb. Fransanın xarici işlər naziri Ketrin Kolonna da İrandakı genişmiqyaslı etirazlar fonunda iki Fransa vətəndaşının saxlanıldığını təsdiqləyib. Qeyd edək ki, İranda daha əvvəl də Avropa ölkələrinin vətəndaşları, o cümlədən turistlər saxlanılıb. İran Ədliyyə Nazirliyinin məlumatına görə, İranda 2022-ci ilin sentyabrında kütləvi etirazlar başlayandan bəri azı 40 əcnəbi vətəndaş saxlanılıb.
3-01-2023, 18:58
Türkiyə Bolqarıstana təbii qaz satmağa başlayacaq
Türkiyə Bolqarıstana 1.5 milyard kubmetr həcmində təbii qazın satışına başlayacaq. Türkiyənin enerji və təbii ehtiyatlar naziri Fatih Dönmezin Bolqarıstana səfəri çərçivəsində müvafiq razılaşma əldə olunub. Tərəflər arasında qaz transferi ilə bağlı müqavilə imzalanıb. Dönmez və bolqarıstanlı həmkarı Rosen Xristovun müşayiəti ilə müqaviləyə Türkiyə tərəfdən BOTAŞ-ın baş direktoru Burhan Özcan, Bolqarıstan tərəfdən isə "Bulqarqaz" şirkətinin rəhbəri Denitsa Zlateva imza atıblar. Sözügedən müqavilə 13 il müddətinə imzalanıb. Bu anlaşmanın Avropanın qaz bazarında tələb-təklif balansının təhlükəsizliyi baxımından böyük önəm daşıdığı vurğulanıb.
3-01-2023, 18:52
Ukrayna 84 İran dronunu zərərsizləşdirdi
2023-cü ilin ilk iki günündə Ukrayna Rusiya Silahlı Qüvvələrinə məxsus 84 İran zərbə dronunu zərərsizləşdirib. Bu barədə Ukrayna Hərbi Hava Qüvvələrinin sözçüsü Yuri İqnat bildirib. O, sentyabrdan bəri Rusiyanın 500-ə yaxın dronunun zərərsizləşdirildiyini açıqlayıb. "Pilotsuz uçuş aparatlarını məhv edirik. Yeni ildən sonra atılan 84 dronun hamısı vurulub. Belə nəticələr indiyə qədər görülməyib", - deyə hərbçi bildirib. Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
3-01-2023, 18:49
Ukraynada itkin düşən azərbaycanlı qızlardan biri qətlə yetirilib
Ukraynanın Xerson vilayətində itkin düşən azərbaycanlı qızlardan biri − Ofelya Mənsimovanın meyiti tapılıb. Bu barədə Baku TV məlumat yayıb. Meyitin üzərində zorakılıq əlamətlərinin olduğu qeyd edilib.
[media=https://youtu.be/sNcG1jAai_Q]
3-01-2023, 18:46
ABŞ-ın Suriyaya qarşı olduğunu anlayırıq - Çavuşoğlu
Türkiyənin xarici işlər naziri Mövlud Çavuşoğlu ABŞ-a səfər edəcək. Bu barədə nazir özü məlumat verib. "ABŞ bizə "niyə görüşürsünüz?" demədi, amma Suriya ilə normallaşmaya qarşı olduqlarını anlayırıq. Rejim (Əsəd hakimiyyəti nəzərdə tutulur) suriyalıların geri dönməsi mövzusunda əməkdaşlıq etmək istəyir. Türkiyə-ABŞ strateji mexanizmi toplantısı üçün 17 yanvarda ABŞ-a gedəcəyəm", - deyə Çavuşoğlu söyləyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!