2-01-2023, 16:21
Çavuşoğlu Braziliyanın yeni Prezidenti ilə andiçmə mərasimində
Türkiyə xarici işlər naziri Mövlud Çavuşoğlu Brazilyanın yeni Prezidenti Lula da Silvanın andiçmə mərasimində iştirak edib. Bu barədə xarici işlər naziri M.Çavuşoğlu özü "Twitter" hesabında paylaşım edib. "Braziliyanın yeni prezidenti Lula da Silvanın andiçmə mərasimində iştirak etdik. Cənab prezidentimiz Rəcəb Tayyib Ərdoğanın təbriklərini və xoş arzularını ona çatdırdıq",-nazir teweet-də qeyd edib.
2-01-2023, 16:15
Rusiyanı müharibəni dayandırmağa məcbur edəcəyik - Ştoltenberq
Rusiyanın müharibəni dayandırmaq fikri yoxdur. Beləliklə, Qərb ölkələri Ukraynaya uzunmüddətli dəstək verməyə hazır olmalıdır. Bunu BBC-yə müsahibəsində NATO-nun baş katibi Yens Stoltenberq deyib. O qeyd edib ki, hərbi dəstək Ukraynanın suveren dövlət kimi ayaqda qalmasını təmin edəcək. Eyni zamanda Moskvanı müharibəni dayandırmaq üçün danışıqlar masası arxasına oturmağa məcbur edəcək.
2-01-2023, 16:04
Gədəbəydə polis özünə atəş açdı
Gədəbəy rayonunda Şəmkir Regional Mühafizə şöbəsinin əməkdaşı, polis nəfəri Ülfət Bənnayev tabel silahı ilə ehtiyatsız davranması nəticəsində xəsarət alıb. Bu barədə Daxili İşlər Nazirliyindən (DİN) mətbuat xidmətindən bildirilib. Rəsmi məlumata görə, hadisə əməkdaşın səhər saatlarında əməkdaşın xidmətə çıxmazdan əvvəl tabel silahını təhvil alarkən baş verib. O, xəstəxanaya yerləşdirilib. Hazırda araşdırmalar davam etdirilir.
1-01-2023, 21:34
Polşada Yeni il atəşfəşanlığı iki nəfərin ölümüylə nəticələndi
Polşada Yeni il atəşfəşanlığı zamanı 700-ə yaxın yanğın baş verib. Bu barədə Polşanın dövlət yanğından mühafizə xidmətinin rəsmi nümayəndəsi Karol Kejkovski bildirib. Yanğınlar əsasən zibil qutularında, avtomobillərdə baş verib. Onun sözlərinə görə, yanğınlar nəticəsində 7 nəfər xəsarət alıb, 2 nəfər ölüb. Yanğın zamanı 12 avtomobil yanıb.
1-01-2023, 21:30
Laçın yolundakı etiraz aksiyası eyni sürətlə davam edir
Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı ekoloqların, qeyri-hökumət təşkilatlarının nümayəndələrinin və fəallarının Laçın-Xankəndi yolunda keçirdikləri etiraz aksiyası axşam saatlarında da coşqu ilə davam edir. Havanın soyuq olmasına baxmayaraq, hazırda aksiya iştirakçılarının Laçın-Xankəndi yolunda fəallığı müşahidə olunur. Onlar ekoloji terrorun dayandırılması ilə bağlı şüarlar səsləndirirlər. Qeyd edək ki, Qarabağda faydalı qazıntı yataqlarının qanunsuz istismarının dayandırılmasını tələb edən aksiya artıq 21-ci gündür davam edir.
1-01-2023, 21:27
Küveyt ilk peykini buraxmağa hazırlaşır
Küveyt ilk peykini yanvarın 3-də orbitə çıxarmağı planlaşdırır. Bu barədə Küveytin "Kuna" agentliyi məlumat yayıb. Peyk ABŞ-ın Florida ştatındakı platformadan buraxılacaq. “Kuwait Sat-1” adlanan peyk orbitə buraxıldıqdan təxminən 4 saat 2 dəqiqə sonra, öz missiyasını yerinə yetirməzdən əvvəl yerüstü stansiyaya ilk siqnal göndərəcək. Peyk yer kürəsinin ətrafında fırlanacaq və görüntüləri ekspert qrupu tərəfindən analiz üçün göndərən yüksək keyfiyyətli kameraya malikdir.
1-01-2023, 21:24
Almaniyada Yeni il iğtişaşlarla yadda qaldı
Berlində Yeni il iğtişaşlarla yadda qalıb. İlin ilk gecəsində fövqəladə hallar xidmətlərinə 38 hücumun edildiyi, bu zaman 15 əməkdaşın yaralandığı bildirililb. 22 nəfər fişəng atəşi nəticəsində xəsarət alıb. Onlardan biri xəstəxanadadır.
1-01-2023, 21:22
Fişəng partlaması nəticəsində qolunu itirdi
İtaliyada Yeni il gecəsi baş verən pirotexniki partlayışlar nəticəsində 180-ə yaxın insan xəsarət alıb. Bu barədə bazar günü respublikanın Daxili İşlər Nazirliyi məlumat yayıb. Məlumata görə, 48 zərərçəkən xəstəxanaya yerləşdirilib, onlardan 11-nin vəziyyəti ağır qiymətləndirilir. Ən ağır hadisələr Neapol və Milanda qeydə alınıb. Romada 59 avtomobil yandırılıb. Qurbanlar arasında 50 azyaşlı var. İtaliyanın cənubundakı Tarantoda fişəng partlaması nəticəsində aldığı xəsarətlər səbəbindən 10 yaşlı uşağın qolu amputasiya edilib.
1-01-2023, 21:04
Ukraynadan 16 milyon tondan çox taxıl məhsulları ixrac edilib - Ərdoğan
"Ərzaq müqaviləsi çərçivəsində Ukraynadan 16 milyon tondan çox kənd təsərrüfatı məhsulları ixrac edilib". Bu barədə Türkiyə prezidenti Rəcəb Tayyib Ərdoğan Twitter hesabında yazıb. “Bizim açdığımız dəhliz sayəsində 16 milyon tondan çox taxıl və taxıl məhsulları Ukrayna limanlarını tərk edərək bütün dünyaya çatdı”, - Ərdoğan deyib. İyulun 22-də Rusiya, Türkiyə, Ukrayna və BMT nümayəndələri tərəfindən imzalanan taxıl sazişi Odessa da daxil olmaqla üç limandan Ukrayna taxılının, ərzaq və gübrələrin Qara dəniz vasitəsilə ixracını nəzərdə tutur. Müqavilənin müddəti noyabrın 18-də başa çatıb, lakin tərəflərin etirazı olmadığı üçün avtomatik olaraq 120 gün müddətinə uzadılması nəzərdə tutulurdu. Sövdələşmənin özü paket sövdələşmənin ayrılmaz hissəsidir, o, digər şeylərlə yanaşı, Rusiyanın ərzaq və gübrə ixracının qarşısının alınmasını nəzərdə tutur. Moskva qeyd edib ki, məhz bu, yerinə yetirilməyib. Eyni zamanda, BMT-dən məhdudiyyətlərin aradan qaldırılacağına dair təminatlar var idi.
1-01-2023, 21:01
Şimali Koreyaya xəbərdarlıq dolu bəyanat
Şimali Koreyanın nüvə silahından istifadə etmək cəhdi Kim Çen In rejiminin süqutuna səbəb olacaq. Cənubi Koreyanın Müdafiə Nazirliyi belə bəyanatla çıxış edib. Cənubi Koreya nüvə başlıqlarının istehsalını eksponensial şəkildə artıracağını vəd edən Şimali Koreya lideri Kim Çen Ina xəbərdarlıq edib. Koreya əmək partiyasının altıncı plenumunda çıxış edən Kim Çen In ölkənin nüvə qüvvələrinin gücləndirilməsi, nüvə başlıqlarının kütləvi istehsalı, ani əks-hücum edə bilən yeni qitələrarası ballistik raketlər sisteminin yaradılması zəruriliyini bəyan edib. Şimali Koreya lideri bildirib ki, Cənubi Koreyanın açıq-aşkar düşmənə çevrilməsi rəsmi Pxenyandan öz arsenalındakı nüvə başlıqlarının sayını eksponensial şəkildə artırmağı tələb edir. Kim Çen Inın çıxışından sonra Cənubi Koreyanın Müdafiə Nazirliyi bəyanat verib: "Biz ciddi şəkildə xəbərdarlıq edirik ki, Şimali Koreya nüvə silahından istifadəyə cəhd edərsə, bu, Kim Çen In rejiminin süqutuna səbəb olacaq". Cənubi Koreya Pxenyanı “hətta müharibəyə başlamağa hazır olmaqda” ittiham edərək, onu nüvə inkişafını dərhal dayandırmağa və nüvəsizləşdirmə yoluna qayıtmağa çağırıb. Rəsmi Seul bunu Şimali Koreya xalqının həyat şəraitinin yaxşılaşdırılması üçün “yeganə yol” adlandırıb. Cənubi Koreya həmçinin Şimali Koreyanın nüvə və raket təhdidlərinə “kəskin” şəkildə “üç oxlu” müdafiə sistemini gücləndirməklə “qətiyyətli cavab” verəcəyini vəd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!