3-12-2024, 17:44
Cənubi Koreyada hərbi vəziyyət elan edilib
Cənubi Koreya Prezidenti Yun Sok Yol ölkədə hərbi vəziyyətin tətbiq edildiyini elan edib.
Bu barədə xarici KİV məlumat yayıb.
Prezident ölkə müxalifətini parlamentə nəzarəti ələ keçirməkdə, hökumətin fəaliyyətini və ümumilikdə dövlət idarəçiliyini iflic etməkdə, o cümlədən Şimali Koreyaya açıq-aşkar rəğbət bəsləməkdə günahlandırıb.
Cənubi Koreya lideri bu qərarı həm də Konstitusiya quruluşunun müdafiəsi üçün zəruri addım adlandırıb.
3-12-2024, 17:44
Cənubi Koreyada hərbi vəziyyət elan edilib
Cənubi Koreya Prezidenti Yun Sok Yol ölkədə hərbi vəziyyətin tətbiq edildiyini elan edib.
Bu barədə xarici KİV məlumat yayıb.
Prezident ölkə müxalifətini parlamentə nəzarəti ələ keçirməkdə, hökumətin fəaliyyətini və ümumilikdə dövlət idarəçiliyini iflic etməkdə, o cümlədən Şimali Koreyaya açıq-aşkar rəğbət bəsləməkdə günahlandırıb.
Cənubi Koreya lideri bu qərarı həm də Konstitusiya quruluşunun müdafiəsi üçün zəruri addım adlandırıb.
3-12-2024, 17:38
NATO Baş katibi Gürcüstan hökumətinə çağırış etdi
Zorakılıq xəbərləri çox narahat edir və mən bunu birmənalı şəkildə pisləyirəm. Mən Gürcüstan hökumətini sülh və sabitliyin təşviqi üçün hər şeyi etməyə çağırıram və hesab edirəm ki, bu, bütün gürcülərin marağındadır.
Bunu NATO-nun baş katibi Mark Rutte Gürcüstanda gedən proseslərlə bağlı sualı cavablandırarkən deyib.
“Mən qəti şəkildə inanıram ki, bu dəyərlər bizim kollektiv sülh və rifahımızın əsasıdır. Bütün müttəfiqlər Gürcüstanda demokratiyaya xələl gətirən, demokratiyanın inkişafına, ölkənin NATO və Avropa İttifaqına inteqrasiyasına xələl gətirən istənilən hərəkətdən çəkinilməli olduğunu açıq şəkildə bəyan ediblər” - deyə Mark Rutte bildirib.
3-12-2024, 16:20
Konstitusiya Məhkəməsi prezident və müxalifətin tələbini rədd etdi
Gürcüstanın Konstitusiya Məhkəməsi prezident və
müxalifətin oktyabrın 26-da keçirilən parlament seçkilərinin nəticələrinin ləğvi ilə bağlı iddiasını qəbul etməyib.
Bu barədə “Sputnik Gürcüstan”ın məlumatında bildirilib.
Gürcüstan Mərkəzi Seçki Komissiyasının (MSK) məlumatına görə, 26 oktyabr tarixli parlament seçkiləri nəticəsində qanunverici orqandakı 150 yer aşağıdakı kimi bölüşdürülüb:
“Gürcü Arzusu” – 89 yer;
"Dəyişiklik Koalisiyası" – 19 yer;
“Birlik – milli hərəkat” – 16 yer;
“Güclü Gürcüstan” – 14 yer;
“Gürcüstan üçün” – 12 yer.
Müxalifət bu nəticələrə etiraz əlaməti olaraq parlamenti boykot edib. Prezidnt Salome Zurabişvili də müxalifəti dəstəkləyib.
Gürcüstanda yeni etiraz dalğası noyabrın 28-də hakim “Gürcü arzusu”nun Avropa İttifaqına üzvlüklə bağlı müzakirələrin başlanmasını 2028-ci ilin sonuna qədər təxirə salmaq qərarından sonra başlayıb.
3-12-2024, 14:46
Litva Gürcüstan prezidentinə sığınacaq verə bilər
"Litva lazım gələrsə, Gürcüstan prezidentinə sığınacaq verəcək".
Bunu Litva prezidenti Gitanas Nausedanın baş məsləhətçisi Aasta Skysgyryte deyib.
Onun sözlərinə görə, Litva Gürcüstan prezidenti Salome Zurabişviliyə sığınacaq verə bilər.
"Əgər belə bir ehtiyac olarsa, Litvanın sığınacaq verməsi təbiidir, lakin hazırda prezident Zurabişvili açıq şəkildə bildirib ki, o, öz xalqı ilə Tbilisidə olacaq", - Skysgiryte deyib.
Bundan əvvəl üç Baltikyanı ölkə - Litva, Latviya və Estoniya "Gürcüstanda qanuni etirazların yatırılmasında iştirak edənlərə" qarşı milli sanksiyaların tətbiqi barədə birgə razılığa gəliblər.
Xatırladaq ki, hakim "Gürcü arzusu" partiyası bəyan edib ki, dekabrın 14-də Gürcüstana yeni prezident seçiləcək.
Gürcüstan müxalifəti isə etiraz aksiyası keiçirir. Hazırkı prezident S.Zurabişvili də bu aksiyaları dəstəkləyir.
3-12-2024, 09:06
“Əliyev və Tokayevlə bu problemi müzakirə edirik” - Putin
Rusiya prezidenti Vladimir Putin bildirib ki, azərbaycanlı və qazaxıstanlı həmkarları İlham Əliyev və Kasım-Jomart Tokayevlə görüşlərində Xəzər dənizinin dayazlaşması məsələsi müzakirə olunub, çünki bu, hamını narahat edir.
Putinin sözlərini “RİA Novosti” sitat gətirib:
“Azərbaycanda keçirilən görüşlərdə İlham Heydəroviç (Əliyev - red.) bu barədə danışırdı, indi Qazaxıstanda Kasım-Jomart Kemeleviç (Tokayev - red.) da məsələ qaldırır. Xəzərin dayazlaşması hər kəsi narahat edir. Və əlbəttə ki, bundan açıq-aydın və nəzərəçarpacaq dərəcədə əziyyət çəkən heyvan növlərinə diqqət yetirməliyik. Amma ümumilikdə bu, böyük problemdir”.
3-12-2024, 08:54
“Əgər mənim andiçməmə qədər girovlar buraxılmasa...” - Tramp hədələdi
ABŞ-ın yeni seçilmiş prezident Donald Tramp bildirib ki, əgər onun andiçmə mərasiminə qədər Qəzzadakı girovlar azad edilməsə, Yaxın Şərqdə "dəhşətli haqq-hesab" olacaq.
Bu barədə “Daily Mail” nəşri məlumat yayıb.
“Hamı Yaxın Şərqdə girovların qəddar, qeyri-insani və bütün dünyanın iradəsinə zidd tutulmasından danışır. Amma hər şey danışıqdır, hərəkət yoxdur!
Əgər girovlar 2025-ci il yanvarın 20-nə qədər, yəni qürurla Birləşmiş Ştatların prezidenti vəzifəsinə keçdiyim tarixə kimi azad edilməsələr, Yaxın Şərqdə insanlığa qarşı törədilən bu vəhşiliklərə görə məsuliyyət daşıyanlar üçün dəhşətli hesab sorulacaq.
Məsul olanlar Amerika Birləşmiş Ştatlarının uzun və şərəfli tarixində hamıdan çox əziyyət çəkəcəklər”, - deyə Tramp təhdidlə bildirib.
1-12-2024, 19:42
Gürcüstan parlamentindən son görüntülər
Ötən gün Tbilisidə baş verən iğtişaşlar zamanı Gürcüstan parlamentində 48 otağa ziyan dəyib.
Bunu Gürcüstan parlamentinin spikeri Şalva Papuaşvili bildirib.
Onun sözlərinə görə, binanın aşağı mərtəbələrində bütün pəncərələr sınıb, istilik sistemi və ofis avadanlığı sıradan çıxıb, taxta qapılardan biri yanıb.
"O cümlədən kompüter laboratoriyasına da ziyan dəyib, yeməkxana tamamilə dağıdılıb", - Papuaşvili qeyd edib.
1-12-2024, 18:50
Dəhşətli qəza - 50 avtomobil toqquşdu
Almaniyada 50 avtomobil toqquşub, 30-a yaxın adam xəsarət alıb.
Hadisə ölkənin qərbindəki Şimali Reyn-Vestfaliya əyalətində qeydə alınıb.
Qəza nəticəsində 26 nəfər xəsarət alıb, onlardan 8-nin vəziyyəti ağırdır.
Hadisəyə səbəb olan yük maşınının sürücüsü polisin dayanmaq tələbinə əməl etməyib və sürəti artırıb. Nəticədə qarşıdakı zolağa çıxan yük maşını bir neçə avtomobilə çırpılıb.
Hüquq-mühafizə orqanlarının əməkdaşları 30 yaşlı sürücünü saxlayarkən onun sərxoş olduğu üzə çıxıb.
1-12-2024, 18:21
Yaponiya Baş naziri qəzaya düşdü
Bu gün Yaponiyanın Baş naziri Şiqeru İşibanın olduğu avtomobil Tottori prefekturasının qərbində polis maşını ilə toqquşub.
Yerli vaxtla saat 10:30 radələrində Yaponiya Baş nazirinin avtomobili yol ayrıcında qırmızı işıqda dayanan polis maşınına çırpılıb. Şiqeru İşiba xəsarət almayıb.
Kortej bir neçə dəqiqə hadisə yerində qalıb, daha sonra Tottori hava limanına doğru hərəkət edib. Baş nazir hava limanından təyyarə ilə Tokioya qayıdıb.
Qeyd edək ki, Şiqeru İşiba Tottoridə valideynlərinin məzarını, həm də anadan olduğu yaşayış məntəqəsini ziyarət edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!