16-09-2024, 17:15
Kobaxidze Ermənistanla Azərbaycana vasitəçilik təklif etdi
Mən çox şadam ki, Gürcüstan və Ermənistan arasında strateji əməkdaşlıq inkişaf edib.
Bunu Gürcüstanın baş naziri İrakli Kobaxidze Ermənistanın baş naziri Nikol Paşinyanla birgə mətbuat konfransı zamanı deyib.
Onun sözlərinə görə, strateji əməkdaşlıq iki ölkə arasında münasibətlərin dərinləşməsinə kömək edəcək.
Gürcüstanın baş naziri vurğulayıb ki, o, Paşinyanla bütün sahələrdə əməkdaşlıq perspektivlərini müzakirə edib.
İrakli Kobaxidze həmçinin əlavə edib ki, Gürcüstan Ermənistanla Azərbaycan arasında münaqişənin həlli ilə bağlı müsbət prosesi alqışlayır.
“Biz də bu məsələdə öz rolumuzu oynamağa hazırıq”.
16-09-2024, 17:05
Trampa qarşı növbəti SUİ-QƏSD: Səbəb nədir?
ABŞ-ın keçmiş prezidenti və Respublikaçılar Partiyasının prezidentliyə namizədi Donald Tramp dünən Florida ştatında qolf meydançasında olarkən sui-qəsd cəhdinə məruz qalıb, güllələnib. Federal Təhqiqat Bürosu (FTB) 1 nəfərin saxlanıldığını bildirib.
Hadisənin detallarına gəlincə, Trampın təşviqat komandası Trampın qolf meydançasında olduğu vaxt silah səslərinin eşidildiyini və Trampın vəziyyətinin yaxşı olduğunu açıqlayıb. Bu hadisə Pensilvaniyada keçirilən mitinqdə Trampa qarşı sui-qəsddən 2 ay sonra baş verib.
Hadisənin ardından bölgədəki təhlükəsizlik orqanları, FTB və Gizli Xidmət mətbuat konfransı təşkil edib. Məlumata görə, Tramp qolf meydançasında olarkən qurumun əməkdaşlarından biri ucu kolların arasından çıxan silah görüb və sürətlə atəş açıb.
Şübhəli şəxs haqqında nələr məlumdur?
Şübhəli qara rəngli “Nissan” markalı avtomobillə hadisə yerindən qaçıb. Daha sonra hadisə şahidlərinin köməyi ilə tapılaraq nəzarətə götürülüb. Hücum Trampın Floridadakı malikanəsi, Mar-a-Laqodan təxminən 15 dəqiqəlik məsafədə, "West Palm Beach"dəki "Trump International Golf Club"da baş verib.
Amerika mətbuatında çıxan xəbərlərə görə, hücum edən 1966-cı il təvəllüdlü Rayan Uesli Routdur. Şübhəlinin göründüyü kolluqlardan AK-47 tipli avtomat, iki bel çantası və bir "GoPro" kamerası aşkar edilib. Məlum olub ki, Rout 2023-cü ildə "New York Times" qəzetinə danışıb və Ukraynaya dəstək haqqında açıqlamalar verib.
Rout deyib ki, o, Talibandan qaçan əfqanıstanlı əsgərləri işə götürməyə çalışır. Routun oğlu Oran atasını "sevgi dolu və qayğıkeş" kimi təsvir edib. Oran CNN-ə verdiyi açıqlamada “Floridada nə baş verdiyini bilmirəm. “Məncə, mənim tanıdığım adam dəlilik etməyib", - deyə bildirib.
Routun sosial media hesablarındakı paylaşımlarında Fələstin, Tayvan və Çin əleyhinə mesajlar var. Məlumata görə, Rout xarici döyüşçülərin Rusiya qüvvələrinə qarşı döyüşmək üçün Ukraynaya getməsini istəyənlər sırasındadır.
Hadisəyə reaksiyalar
Donald Tramp hücumdan sonra açıqlama verib: "Mən yanımda silah səsləri eşitdim, lakin şayiələr nəzarətdən çıxmazdan əvvəl bunu eşitmənizi istədim, mən təhlükəsizlikdəyəm və yaxşıyam. Mən heç vaxt təslim olmayacağam".
Hücumdan sonra ABŞ prezidenti Co Bayden və Demokrat Partiyasının prezidentliyə namizədi Kamala Harris də açıqlama verib. Co Bayden keçmiş prezident Donald Trampın sağ-salamat olmasından məmnun olduğunu bildirib.
Kamala Harris isə X hesabında paylaşdığı mesajında yazıb: “Keçmiş prezident Trampın Floridadakı mülkünün yaxınlığında silah səslərinin eşidildiyi xəbərini aldım, onun təhlükəsizlikdə olmasına şadam. Amerikada zorakılığa yer yoxdur".
16-09-2024, 16:41
Münaqişə səhifəsini bağlamaq üçün tarixi imkan var - Paşinyan
Ermənistan və Azərbaycan sülh müqaviləsi mətninin təqribən 80 faizini razılaşdıra biliblər.
Bu barədə Ermənistanın baş naziri Nikol Paşinyan Gürcüstan səfərində bildirib.
“Biz Azərbaycanı yaxın vaxtlarda sənəd layihəsinin razılaşdırılmış müddəalarını imzalamağa, diplomatik əlaqələr qurmağa və müzakirələri davam etdirməyə dəvət etdik”.
Baş nazirin sözlərinə görə, Cənubi Qafqazda həqiqətən də münaqişə səhifəsini bağlamaq və regionda davamlı sülhün bərqərar olması üçün tarixi imkan var.
“Mən əminəm ki, sülhdən təkcə Ermənistan və Azərbaycan deyil, həm də Gürcüstan, Türkiyə və İran da bərabər faydalanacaq”, - Nikol Paşinyan deyib.
16-09-2024, 15:56
Pezeşkian bu gün ilk mətbuat konfransını keçirir
İranın yeni prezidenti Məsud Pezeşkian bu gün Tehranda ilk mətbuat konfransını keçirir.
Hazırda tədbir davam edir.
Mətbuat konfransının açılış nitqində prezident bir daha milli birliyin və siyasi qruplar arasında fikir ayrılıqlarının aradan qaldırılmasının vacibliyini vurğulayıb.
16-09-2024, 14:00
Ermənistanda məhkəmə spikerin iddiasını rədd edib
Ermənistan parlamentinin sədri Alen Simonyanın Mediahab xəbər agentliyinə
qarşı məhkəmə iddiası rədd edilib.
Bu barədə vəkil Sos Akopyan Facebook səhifəsində yazıb:
“Alen Simonyan Mediahab xəbər agentliyinə qarşı iddia qaldıraraq (onun fikrincə) böhtan xarakterli məlumatları təkzib etməyi və təzminat kimi 1 000 000 dram ödəməyi tələb edib.
İrəvan şəhərinin Ümumi yurisdiksiyasının Mülki Məhkəməsi Alen Simonyanın iddiasını əsassızlığını ətraflı təhlil edərək rədd edib.
Bu işdə Mediahab-ın maraqlarını məhkəmədə təmsil etmişəm”.
16-09-2024, 13:48
Azərbaycan Rusiyaya nota verdi
Azərbaycan Çeçenistanda saxlanılan və zorla Ukrayna ilə müharibə zonasına göndərilməsi iddia edilən azərbaycanlılarla bağlı Rusiya Xarici İşlər Nazirliyinə müraciət edib.
Bildirilib ki, miqrasiya probleminə görə Çeçenistanda saxlanılan Azərbaycan vətəndaşları Nihad Rzayev, Elxan Şirinov və Vüqar Məhərrəmovla bağlı Rusiya XİN-ə nota göndərilib.
Xatırladaq ki, adları qeyd olunan Azərbaycan vətəndaşlarının may ayından Çeçenistana işləməyə getdikləri, orada miqrasiya probleminə görə həbs olunduqları bildirilib. Saytımıza müraciət edən Nihadın atası Tovuz rayon sakini Tafdıq Rzayevin sözlərinə görə, yaxınlarını orada hərbçilərin təzyiqi altında imza atdıraraq Ukraynaya müharibə bölgəsinə göndərmək istəyirlər.
Çeçenistanın paytaxtı Qroznı şəhərində yerləşən “Severni Axmat” hərbi hissəsində saxlanılan Elxan Şirinov və Vüqar Məhərrəmov “Qafqazinfo”ya açıqlamasında qeyd etmişdilər ki, onlarla birgə saxlanılan azərbaycanlıların sayı 5 nəfərdir: “Biz ikimiz (Vüqar Məhərrəmov və Elxan Şirinov) hazırda hərbi hissədəyik, digər 3 nəfər isə kalondadılar. Nihat da onlarladır. Həmin azərbaycanlı 2 nəfəri isə bizdən qabaq ora aparıblar. Yəqin ki, onlara da zorla sənəd imzalatmaq istəyəcəklər”.
16-09-2024, 13:44
Paşinyan Gürcüstana gedib
Ermənistanın baş naziri Nikol Paşinyan Gürcüstana rəsmi səfər edib.
Nikol Paşinyanla Gürcüstanın baş naziri İrakli Kobaxidze arasında təkbətək söhbət olacaq, daha sonra müzakirələr geniş tərkibdə davam etdiriləcək.
Ermənistan və Gürcüstanın baş nazirləri müzakirələrin nəticələrinə əsasən bəyanatlarla çıxış edəcəklər.
15-09-2024, 17:36
Türkiyədə güclü partlayış - Xeyli sayda yaralı var
Türkiyənin Sakarya şəhərinin Hendek rayonunda makaron zavodunda partlayış baş verib.
Nəticədə 20 nəfər yaralanıb, ikisinin vəziyyəti ağırdır.
Partlayışın səbəbi bilinmir. Hadisə zamanı zavodda 59 işçinin olduğu, içəridə heç kəsin qalmadığı bildirilir.
Faktla bağlı araşdırma aparılır.
15-09-2024, 16:43
Paşinyan sabah Gürcüstana gedir
Ermənistanın baş naziri Nikol Paşinyan Tbilisiyə gedəcək.
Bu barədə Sputnik Gürcüstan məlumat yayıb.
Paşinyan sentyabrın 16-da Tbilisiyə gələcək, onun Gürcüstanın baş naziri İrakli Kobaxidze ilə təkbətək və geniş tərkibdə görüşü gözlənilir. Bundan sonra onlar media üçün bəyanat verəcəklər.
15-09-2024, 13:47
Pezeşkianın BRICS sammitində iştirakı təsdiqləndi
İran Prezidenti Məsud Pezeşkian Kazanda keçiriləcək BRICS sammitində iştirak edəcək.
Bu məlumatı BRICS Media Sammitində Rusiyadakı səfir Kazım Cəlali təsdiqləyib.
“İran İslam Respublikasının Prezidenti hörmətli cənab Pezeşkian Kazanda keçiriləcək sammitdə iştirak edəcək”, – o, Rusiya prezidentinin mətbuat katibi Dmitri Peskovun İran liderinin sammitdə iştirakının diplomatik kanallarla təsdiqlənməsini gözlədikləri barədə sözlərinə şərh verərkən bildirib.
Qeyd edək ki, BRİCS sammiti bu il oktyabrın 22-24-də Kazanda keçiriləcək.
Hazırda BRİCS-in doqquz üzvü var - Braziliya, Hindistan, Çin, Rusiya, Cənubi Afrika, BƏƏ, İran, Misir və Efiopiya.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!