14-04-2024, 17:50
Netanyahu Baydenlə danışdı - İrana cavab zərbəsi olmayacaq
İsrail Baş naziri Binyamin Netanyahu ABŞ Prezidenti Co Baydenlə telefon danışığından sonra İrana cavab zərbəsindən vaz keçib.
Bu barədə “New York Times” məlumat yayıb.
İsrail Nazirlər Kabinetinin bir neçə üzvü İrana hücumu vacib sayıblar. Lakin İranın hücumu nəticəsində ciddi ziyanın dəyməməsi, həmçinin ABŞ Prezident ilə danışıqlardan sonra Binyamin Netanyahu İrana zərbə endirməkdən vaz keçib.
Qeyd edək ki, ötən gecə İran Silahlı Qüvvələri İsrailə 185 pilotsuz uçuş aparatı, 36 qanadlı raket və 110 “Yer-Yer” tipli raket ilə hücum edib.
14-04-2024, 16:44
İran mülki obyektlərə zərbələr endirməyib - Abdullahiyan
İran İsrailə qarşı əməliyyat zamanı iqtisadi və mülki obyektlərə zərbələr endirməyib.
Bunu İranın xarici işlər naziri Hüseyn Əmir Abdullahiyan deyib.
“İranın İsrailə qarşı hərbi əməliyyatı məhdud idi. İran F-35 təyyarələri üçün uçuş-enmə zolaqlarını hədəfə alıb”, - XİN rəhbəri bildirib.
Nazir qeyd edib ki, İsrailin bu ay İranın Dəməşqdəki konsulluğuna etdiyi hücum beynəlxalq razılaşmaların pozulması idi.
13-04-2024, 19:42
Lavrov iranlı həmkarıyla telefon danışığı apardı
Rusiyanın xarici işlər naziri Sergey Lavrov iranlı həmkarı Hüseyn Əmir Abdullahianla telefon danışığı aparıb.
Bu barədə məlumatı Rusiya tərəfi yayıb.
Telefon danışığı İran tərəfinin təşəbbüsü ilə baş tutub.
Nazirlərin söhbətində əsas diqqətin Yaxın Şərqdəki vəziyyətə olduğu bildirilir.
“Rusiya tərəfi bir daha İsrailin aprelin 1-də İranın Dəməşqdəki konsulluğuna aviazərbəsini sərt şəkildə pislədiyini vurğulayıb. Vurğulanıb ki, toxunulmazlığı müvafiq Vyana Konvensiyaları ilə təmin edilən diplomatik və konsulluq obyektlərinə hər hansı hücumlar, eləcə də siyasi qətllər qəti şəkildə qəbuledilməzdir", - açıqlamada deyilir.
13-04-2024, 18:36
Türkiyədə kanat qəzası - Təxliyə sona çatdı
Türkiyənin Antalya vilayətində baş verən kanat xətti qəzası nəticəsində kabinələrdə qalan vətəndaşların təxliyəsi başa çatdırılıb.
23 saat davam edən təxliyə işləri üçün bölgəyə Türkiyənin müxtəlif qurumlarının 543 nəfərlik axtarış-xilasetmə qrupları, səksən nəfərlik alpinist heyəti eləcə də, bir hərbi karqo təyyarəsi, yeddi helikopter, 108 xüsusi avtomobil, altı ambulans və çoxlu sayda dron cəlb edilib.
Yaralananlar xüsusi helikopterlərlə xəstəxanalara çatdırılıblar.
Türkiyənin ədliyyə naziri Yılmaz Tunç hadisə ilə bağlı tədqiqatın başlandığını, kanat xəttini işlədən və təmirindən məsul şəxslərin də aralarında olduğu 13 nəfərin saxlanılmasına qərar verildiyini deyib.
Xatırladaq ki, aprelin 12-də Türkiyənin Antalya vilayətinin Konyaaltı bölgəsində kanat xəttinin dirəklərindən birinin aşması nəticəsində xəttin kabinələrindən biri qayalıq əraziyə düşüb. Hadisə zamanı bir nəfər həlak olub, on nəfər yaralanıb.
13-04-2024, 18:03
Niderland Tehrandakı səfirliyini bağlayır
Niderland sabah, aprelin 14-də Tehrandakı səfirliyini bağlayacaq.
Bu barədə “Reuters” agentliyi ölkənin Xarici İşlər Nazirliyinə istinadən məlumat yayıb.
Niderland Xarici İşlər Nazirliyi bunu İran və İsrail arasında münasibətlərdə gərginliyin artması ilə əsaslandırıb.
Nazirlik səfirliyin aprelin 15-də açılıb-açılmayacağına bazar günü qərar verəcək.
13-04-2024, 17:27
Almaniya səfirlərinin ailələri Tehranı tərk edirlər
İranın İsrailə mümkün hücumu ilə bağlı iddialara görə Almaniya səfirliyinin əməkdaşlarının ailə üzvləri Tehranı tərk edirlər.
Bu barədə “Bild” qəzeti məlumat yayıb.
İranı tərk edəcək Almaniya vətəndaşlarının dəqiq sayı məlum deyil.
Bundan başqa, Almaniyanın Tehran və Təl-Əvivdəki səfirlikləri əlavə təhlükəsizlik tədbirləri görür.
Daha əvvəl Almaniya Xarici İşlər Nazirliyi Almaniya vətəndaşlarına İranı mümkün qədər tez tərk etmələrinə çağırış edib.
13-04-2024, 16:50
Almaniya Ukraynaya “Patriot” müdafiə sistemi göndərəcək
Almaniya tezliklə Ukraynaya öz ehtiyatlarından daha bir “Patriot” hava hücumundan müdafiə sistemi göndərəcək.
Bu barədə DPA Almaniya Müdafiə Nazirliyinə istinadən məlumat yayıb.
Qeyd edilib ki, indiyədək Ukrayna Almaniyadan iki “Patriot” sistemi alıb.
13-04-2024, 16:33
Şolts: “Bu, vaxtı gələndə baş verəcək”
Almaniya Kansleri Olaf Şolts Rusiya Prezidenti Vladimir Putinlə birbaşa danışıqların mümkünlüyünü istisna etməyib.
Bu barədə o, “Tageszeitung”a müsahibəsində bildirib.
Jurnalistin Putinlə danışıqların mümkünlüyü ilə bağlı sualını cavablandıran O.Şolts qeyd edib: “Bu, vaxtı gələndə baş verəcək”.
Onun sözlərinə görə, bunun baş verməsi üçün Rusiya tərəfindən müəyyən şərtlər yerinə yetirilməlidir:
“Rusiya diktə yolu sülhü əldə etməyin mümkün olmayacağını başa düşsə, Putin hərbi kampaniyanı dayandırmalı, qoşunlarını geri çəkməli olduğunu anlasa, bu baş verəcək”.
13-04-2024, 15:58
Bu ölkədə nazir istefa verdi
Böyük Britaniyanın enerji təhlükəsizliyi və emissiyaların sıfır səviyyəsinə nail olunması strategiyası məsələləri üzrə naziri Qrem Stüart istefa verib.
Beverli və Holdernes bölgəsinin deputatı Qrem Stüart yerli məsələlərə diqqət yetirmək üçün belə bir addım atdığını açıqlayıb.
O, səkkiz il ərzində müxtəlif hökumət vəzifələrində çalışıb.
Qrem Stüartı sabiq nazir və Mühafizəkarlar partiyasının sədr müavini Castin Tomlinson əvəzləyib.
13-04-2024, 15:58
Bu ölkədə nazir istefa verdi
Böyük Britaniyanın enerji təhlükəsizliyi və emissiyaların sıfır səviyyəsinə nail olunması strategiyası məsələləri üzrə naziri Qrem Stüart istefa verib.
Beverli və Holdernes bölgəsinin deputatı Qrem Stüart yerli məsələlərə diqqət yetirmək üçün belə bir addım atdığını açıqlayıb.
O, səkkiz il ərzində müxtəlif hökumət vəzifələrində çalışıb.
Qrem Stüartı sabiq nazir və Mühafizəkarlar partiyasının sədr müavini Castin Tomlinson əvəzləyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!