10-01-2023, 18:37
Rusiyanın Ermənistana belə bir rəsmi təklifi olmayıb - Paşinyan
Ermənistanın baş naziri Nikol Paşinyan Rusiyanın
ittifaq dövləti ilə bağlı İrəvana təklifi barədə məlumatlara münasibət bildirib. Paşinyan bu barədə bu gün keçirdiyi mətbuat konfransında söz açıb. Baş nazir qeyd edib ki, Rusiyanın Ermənistana belə bir rəsmi təklifi olmayıb: "Və ola da bilməz. Reallıq belə sadə deyil. Biz qlobal proseslərə nəzər yetirməliyik, dərindən baxmalıyıq. Bizim üçün məqsəd suverenlik və müstəqillikdir. Biz hesab edirik ki, vəzifəmiz dövlətin mövcudluğunu təmin etməkdir". Paşinyan jurnalistin Ermənistan Təhlükəsizlik Şurasının katibi Armen Qriqoryanın Rusiyanın təzyiqləri barədə açıqlaması haqqında sualına belə cavab verib: "Ola bilər ki, söhbət ekspert rəyindən gedib". Qeyd edək ki, Armen Qriqoryan Rusiyanın Ermənistana Rusiya-Belarus ittifaq dövlətinə qoşulmaq üçün təzyiq göstərdiyini bəyan etmişdi.
10-01-2023, 18:33
Məhsuliyyətdən qaçmadığım üçün növbədənkənar seçkilər oldu - Paşinyan
Ermənistanın baş naziri Nikol Paşinyan 2021-ci ildə erkən parlament seçkilərinə getmək barədə qərarının səbəbini açıqlayıb. Paşinyan bu barədə bu gün keçirdiyi mətbuat konfransında söz açıb. Baş nazir qeyd edib ki, bu, onun məsuliyyətdən yayınmamasının göstəricisidir. "Mən heç zaman məsuliyyətdən qaçmamışam, buna görə də növbədənkənar seçkilər oldu. Ölkədə baş verən hər şeyə görə hakimiyyət məsuliyyət daşıyır", - Paşinyan deyib. Ermənistan baş naziri müxalifətin tənqidlərinə münasibət bildirərək ölkənin inkişafı üçün çalışmağın lazım olduğunu diqqətə çatdırıb.
10-01-2023, 18:30
Türkiyəylə dəmir yolunun açılması qlobal əhəmiyyət daşıyır - Paşinyan
Ermənistanın baş naziri Nikol Paşinyan Azərbaycanın əsas hissəsi ilə Naxçıvan arasında quru əlaqəsindən danışıb. Paşinyan bu barədə bu gün keçirdiyi mətbuat konfransında söz açıb. "Region nəqliyyat əlaqələri baxımdan diqqət mərkəzinə gəlir və önəmi artır. Logistik marşrutlar dəyişir. Ermənistan və Türkiyə arasında dəmir yolunun açılması qlobal əhəmiyyət daşıyır. Bu, Azərbaycanla Naxçıvan, İranla Azərbaycan və Ermənistanla Rusiya arasında yol əlaqələri baxımından vacibdir", - deyə Paşinyan bildirib.
10-01-2023, 18:16
Paşinyan Rusiya sülhməramlılarıyla bağlı danışdı
Ermənistanın baş naziri Nikol Paşinyan Rusiya sülhməramlıları haqqında danışıb. Paşinyan bu mövzuya bu gün keçirdiyi mətbuat konfransında toxunub. "Ermənistan Laçın dəhlizi mövzusunda Rusiya ilə ultimatum dili ilə danışmır. Sülhməramlılar dəhlizin funksiyasını yerinə yetirməsini təmin etməlidirlər", - deyə baş nazir qeyd edib. "Sputnik Armenia"nın xəbərinə görə, Paşinyan Türkiyə ilə münasibətlərdən də danışıb. "İrəvan və Ankara arasında təkcə danışıqlar getməməlidir, həm də prosesin dinamikası üçün konkret addımlar atılmalıdır", - Paşinyan bildirib. Qeyd edək ki, Ermənistanın baş naziri Nikol Paşinyan bundan öncə çıxışlarında Rusiya sülhməramlılarını fəaliyyətsizlikdə ittiham etmişdi.
10-01-2023, 18:05
Spikerdən İran-Azərbaycan münasibətləriylə bağlı açıqlama
İran parlamentinin sədri Məhəmməd Baqir Qalibaf Azərbaycan Milli Məclisinin sədri Sahibə Qafarova ilə dünənki görüşü haqda açıqlama verib. Qalibaf Asiya Parlament Assambleyasının 13-cü Plenar Sessiyası çərçivəsində Türkiyənin Antalya şəhərində Sahibə Qafarova ilə keçirdiyi görüşə toxunaraq bildirib ki, Tehranla Bakı arasında anlaşılmazlıq aradan qaldırılıb. İran, Azərbaycan və Türkiyə parlament sədrlərinin üçtərəfli görüşünə toxunan Məhəmməd Baqir Qalibaf deyib ki, üç ölkə arasında yüklərin daşınması və tranziti, o cümlədən enerji ilə bağlı məsələlər müzakirə olunub. Görüş zamanı tərəflər xarici işlər nazirləri, müdafiə nazirləri və ölkə başçıları səviyyəsində üçtərəfli görüşlərin keçirilməsini də müzakirə ediblər. İranla Azərbaycan arasında son zamanlar yaranmış anlaşılmazlığın aradan qaldırıldığını deyən İran parlamentinin sədri gələcəkdə Bakıya səfərinin planlaşdırıldığını açıqlayıb. Asiya Parlament Assambleyası 2006-cı ildə Asiya Sülh Naminə Parlament Assosiasiyasının VII Sessiyasında yaradılıb. Onun 42 Parlament üzvü və 16 müşahidəçisi var. Assambleya ümumi strategiyaların işlənib hazırlanması, Asiyada və dünyada sülhün təşviq edilməsi üçün fikir, ideya və təcrübə mübadiləsi üçün forum kimi yaradılıb. Qurum Plenardan, İcraiyyə Şurasından, Assambleyanın Bürosundan, Komitələrdən və Katiblikdən ibarətdir. Plenum Assambleyanın ümumi siyasətinə və onun fəaliyyəti ilə bağlı digər mövzulara dair qərar və bəyannamələri təsdiq edə və ya hesabatlar təqdim edə bilər.
10-01-2023, 16:16
Ərdoğan müğənni ilə mahnı oxudu
Türkiyə Prezidenti Rəcəb Tayyib Ərdoğan İstanbulda keçirilən “ÜniAK FEST” tədbirində iştirak edib. Tədbirə qatılan tanınmış müğənni Cengiz Kurtuoğlu “Duyanlara duymayanlara” mahnısını Ərdoğana həsr edib. Ərdoğan da müğənni ilə birlikdə məşhur mahnını zümzümə edib.
[media=https://youtu.be/MbKO6DHnWUQ]
10-01-2023, 16:10
Köçəryan Laçın yolundakı vəziyyətlə bağlı fikir bildirdi
Ermənistan parlamentinin “Hayastan” fraksiyası dünən iclas keçirib. İclasa fraksiyanın lideri, keçmiş prezident Robert Köçəryan sədrlik edib. Müzakirənin əsas mövzusu Laçın yolundakı vəziyyətlə bağlı olub. Robert Köçəryan komanda yoldaşlarına son dərəcə çətin vəziyyətin yarandığını və çıxış yolunun hələ görünmədiyini qeyd edib. “Hayastan” fraksiyasının deputatı Aqnesa Xamoyan iclasın yekunları barədə KİV-ə deyib ki, onlar müxtəlif məsələləri müzakirə ediblər, fraksiyanın ötən ildəki fəaliyyətini, eləcə də qarşıda duran taktiki-strateji fəaliyyətləri ümumiləşdiriblər.
9-01-2023, 20:47
İran əhalisinə tətbiq edilən təzyiq cavabsız qalmayacaq - Almaniya XİN
İranın Almaniyadakı səfiri bu ölkənin Xarici İşlər Nazirliyinə (XİN) çağırılıb. Bu barədə Almaniyanın xarici işlər naziri Annalena Baerbok məlumat verib. O qeyd edib ki, XİN səfirə İranda nümayişçilərin edam edilməsinə etirazını çatdırıb. Həmçinin diplomata bildirilib ki, İrandakı təqiblər, Tehranın öz əhalisinə təzyiqi və sonuncu iki edam cavabsız qalmayacaq.
9-01-2023, 20:39
İsrailli nazirdən Fələstin bayrağıyla bağlı qadağa
İsrail milli təhlükəsizlik naziri Ben-Qvir Fələstin bayrağının asılmasını qadağan edib. Bu barədə nazir twitter səhifəsində bildirib. Ben-Qvir artıq bununla bağlı polisə tapşırıq verdiyini açıqlayıb. Nazirin belə bir qərarı verməsinə səbəb kimi 40 ilini İsrail həbsxanalarında keçirmiş fələstinli məhbus Kərim Yunusun yanvarın 5-də azadlığa buraxılması və onun bayraqlarla qarşılanması göstərilir.
9-01-2023, 20:24
Hulusi Akar müdafiə sənayesində qazanılan uğurlardan danışdı
Türkiyənin milli müdafiə naziri Hulusi Akar ölkəsinin müdafiə sənayesi sahəsində qazandığı uğurlardan danışıb. Nazir bu mövzuya Türkiyənin istehsal etdiyi yeni "Fırtına" haubitsalarının ictimaiyyətə təqdim edilmə mərasimində tədbirdə toxunub. "Bu gün müdafiə sənayesi də daxil olmaqla, sahib olduğu imkan və qabiliyyətlərlə dünyanın sayılıb-seçilən ordularından biri olan Türkiyə Silahlı Qüvvələri suverenlik və müstəqilliyimiz üçün hər cür ərazi və iqlim şərtlərində "sərhəd namusdur" anlayışı ilə təhlükəsizliyi təmin edir. Terroru mənbəyində yox etmək strategiyası ilə daxildə və xaricdə başda PKK/PYD/YPG, İŞİD, FETÖ olmaq şərti ilə bütün terror təşkilatlarına qarşı mübarizə aparır. Legitim müdafiə hüququ çərçivəsində terrorçulara ağır zərbələr vurur və onlara ədalətə təslim olmaqdan başqa yol qoymur. Dənizlərimizdə və səmamızda haqlarımızı və maraqlarımızı əzmlə və qərarlılıqla qoruyur", - o deyib. Akar Azərbaycana Türkiyənin dəstəyindən də danışıb: "Bunlara əlavə olaraq, ordumuz başda Şimali Kipr, Azərbaycan və Liviya olmaqla, dost, qardaş və müttəfiqlərimizin haqlı davasına dəstək olur, eyni zamanda yeddi iqlim və üç qitəyə sülh, dinclik və ədaləti aparan babalarımızdan aldığı ilhamla bölgə və dünya sülhünə töhfə verir".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!