25-09-2025, 23:32
Tramp Qəzza üçün yeni plan hazırlayıb - TƏFƏRRÜAT
ABŞ Prezidenti Donald Tramp BMT Baş Assambleyası çərçivəsində Nyu-Yorkda ərəb və digər müsəlman ölkələrinin liderləri ilə görüşündə Qəzzadakı müharibənin dayandırılmasına dair yeni sülh planı irəli sürüb.
Bu barədə "Financial Times" sentyabrın 25-də diplomatik mənbələrə istinadla məlumat yayıb.
Məlumata görə, plan Trampın xüsusi nümayəndəsi Stiven Uitkoff tərəfindən hazırlanıb və 21 bənddən ibarətdir.
Uitkoff planı təqdim edərkən bildirib ki, təkliflər “İsrailin və bütün region ölkələrinin maraqlarına cavab verir” və yaxın günlərdə ABŞ tərəfi elan edəcək. Planın əsas müddəaları bunlardır:
- Qəzzada daimi atəşkəsin elan olunması və bütün israilli girovların azad edilməsi;
- Bölgədə “beynəlxalq sabitlik qüvvələri”nin yerləşdirilməsi (buraya ərəb və digər müsəlman ölkələrinin kontingenti daxil olacaq);
- İsrail ordusunun əvvəlcə yanvar-mart aylarındakı müvəqqəti atəşkəs dövründə tutduğu mövqelərə çəkilməsi, sabitlik qüvvələri formalaşdırıldıqdan sonra isə tamamilə Qəzzadan çıxması;
- Beynəlxalq nəzarət orqanının təsis edilməsi və bu qurumun Fələstin Milli Administrasiyasının (FNA) nümayəndələrinin daxil olduğu müvəqqəti komitənin fəaliyyətini izləməsi;
- HƏMAS Qəzzanın idarə olunmasında heç bir rol oynamayacaq;
- Qəzza sakinlərinin məcburi köçürülməsi qətiyyən nəzərdə tutulmayıb.
"Financial Times" yazır ki, sentyabrın 23-də Trampın Səudiyyə Ərəbistanı, BƏƏ, Misir, İordaniya, Qətər, Türkiyə və İndoneziya nümayəndələri ilə görüşü zamanı təklif müsbət qarşılanıb. Liderlər, xüsusilə, Qəzzanın müharibədən sonrakı idarəçiliyində Fələstin Milli Administrasiyasının daha geniş iştirakına ehtiyac olduğunu vurğulayıblar.
Hələlik İsrail Baş naziri Benyamin Netanyahunun bu plana necə reaksiya verəcəyi məlum deyil. Netanyahu dəfələrlə HƏMAS-ı “tam məhv etməyə” söz verib.
25-09-2025, 20:18
Ərdoğan Putini mənim qədər yaxşı tanıyır - TRAMP
ABŞ Prezidenti Donald Tramp və Türkiyə Prezidenti Rəcəb Tayyib Ərdoğan sentyabrın 25-də Ağ Evdə görüşüb.
Liderlərin mətbuata açıqlamaları zamanı həm ikitərəfli münasibətlər, həm də beynəlxalq məsələlərlə bağlı mesajlar verilib.
Tramp Türkiyəyə qarşı 2020-ci ildə S-400 hava hücumundan müdafiə sistemlərinə görə tətbiq edilən sanksiyaların qaldırıla biləcəyini istisna etməyib:
“Sanksiyalar? Ola bilər, çox tezliklə. Əgər yaxşı görüş olsa, demək olar dərhal qaldırılacaq,” - deyə o bildirib.
ABŞ lideri bunun Ankara üçün F-35 qırıcı təyyarələrinin yenidən alınmasına və digər hərbi texnika üzrə əməkdaşlığa yol aça biləcəyini qeyd edib.
Tramp, həmçinin Türkiyənin Rusiya nefti almasını dayandırmasını istədiyini vurğulayıb:
“Ən yaxşısı odur ki, o, Rusiyadan neft və qaz almasın. Ərdoğan Putini mənim qədər yaxşı tanıyır,” - deyə ABŞ Prezidenti əlavə edib.
Ticarət məsələsinə toxunan Tramp bildirib ki, Ankara ilə iqtisadi əməkdaşlıq genişlənəcək:
“Bizim böyük ticarətimiz var və onu artıracağıq. Türkiyə F-16, F-35 və başqa şeylər almaq istəyir. Bu barədə danışacağıq,” - deyə o vurğulayıb.
Görüşdə Yaxın Şərqdəki vəziyyət də gündəmə gəlib. Tramp Qəzzada atəşkəs razılaşmasının “çox yaxın” olduğunu, lakin bunun üçün İsraillə görüşməli olduğunu qeyd edib. “Çox insan ölür, amma biz əsirlərin qaytarılmasını istəyirik,” – deyə o bildirib.
İsrailin Baş naziri Benyamin Netanyahu yaxın günlərdə BMT Baş Assambleyası çərçivəsində Tramp ilə görüşəcək.
25-09-2025, 19:28
Lukaşenko Paşinyanla əl sıxdı
Sentyabrın 25-də Moskvada keçirilən Qlobal Atom Forumu çərçivəsində Belarus Prezidenti Aleksandr Lukaşenko və Ermənistanın Baş naziri Nikol Paşinyan arasında diqqətçəkən an yaşanıb. İki lider görüş zamanı bir-biriləri ilə əl sıxıblar.
Görüntüləri Lukaşenkonun mətbuat xidmətinə yaxın olan “Pul Pervogo” teleqram kanalı yayımlayıb.
Fotolarda həmçinin Ermənistan Baş naziri ilə Rusiya Prezidenti Vladimir Putin arasında söhbət əks olunub. Lukaşenko həmin görüşdə Paşinyanın yanında əyləşib.
Qeyd edək ki, son dövrlərdə rəsmi Minsk və İrəvan arasında münasibətlər gərgin idi. Bu ilin yanvarında Nikol Paşinyan açıq şəkildə bəyan etmişdi ki, onun Lukaşenko ilə dialoqu “bitmiş hesab olunur”.
25-09-2025, 11:00
Qırğızıstan parlamenti özünü buraxdı
Bu gün keçirilən iclasda deputatlar Qırğızıstan Respublikası Joqorku Keneşinin (parlamentin) VII çağırışının özünü buraxması haqqında qərar layihəsini qəbul ediblər.
Bu barədə parlamentin mətbuat xidməti məlumat yayıb.
Deputat Ulan Primov bu təşəbbüsün seçki qanunvericiliyində dəyişikliklərlə bağlı olduğunu bildirib.
"Prezident və parlament seçkiləri arasında çox qısa zaman fərqi var. Buna görə də ölkədə siyasi sistemi və sabitliyi möhkəmləndirmək məqsədilə təşəbbüs qrupu parlamentə səlahiyyətlərini könüllü olaraq dayandırmağı təklif edib".
Səsvermədə iştirak edən 89 deputatdan 84-ü bu qərarı dəstəkləyib.
25-09-2025, 10:56
Ukrayna Suriya ilə barışdı
Ukrayna və Suriya diplomatik münasibətləri bərpa edib.
Bu barədə Ukrayna Xarici İşlər Nazirliyi məlumat yayıb.
BMT-nin Baş Assambleyasının Nyu-Yorkda keçirilən sessiyası çərçivəsində Ukrayna Prezidenti Volodimir Zelenski və Suriyanın müvəqqəti prezidenti Əhməd əş-Şaraanın iştirakı ilə diplomatik münasibətlərin qurulmasına dair kommünike imzalanıb.
25-09-2025, 10:10
Britaniyada güclü partlayış
Britaniyanın Suindon şəhərində güclü partlayış baş verib.
Ərazidə yerləşən anbarlar partlayıb.
Yerli mətbuat orqanları partlayışın sənaye zonasında baş verdiyini qeyd edirlər.
Ətraf ərazidə sakinlərin təxliyə edildiyi bildirilir.
25-09-2025, 09:55
Paşinyan Rusiyaya getdi
Ermənistanın Baş naziri Nikol Paşinyan Rusiya Federasiyasına işgüzar səfərə yola düşüb.
Bu haqda Ermənistan mediası məlumat yayıb.
Bildirilib ki, sentyabrın 25-də Baş nazir Moskvada keçiriləcək “Beynəlxalq Nüvə Həftəsi” konfransında iştirak edəcək.
24-09-2025, 22:54
Urmiya gölü tamamilə qurudu
İranın şimal-qərbində yerləşən və Asiyanın ən iri duzlu gölü sayılan Urmiya gölü tamamilə quruyub.
Bu barədə Almaniyanın "Bild" nəşri peyk görüntülərinə istinadən məlumat yayıb.
2025-ci ilin yayında göldən geriyə yalnız çatlamış quru torpaq və bir neçə kiçik gölməçə qalıb.
Mütəxəssislər və müxalif media qurumları Urmiyanın yox olmasını ekoloji fəlakət adlandırır və bunun səbəbkarı kimi İran hakimiyyətini göstərirlər.
"Iran News Update" bildirir ki, ölkədə bir milyondan çox qanunsuz artezian quyusu mövcuddur və onlar illərlə yeraltı suları tükədib. Bundan başqa, kənd təsərrüfatı sektoru ölkənin 88% su resursunu istifadə etsə də, ÜDM-də payı cəmi 10% təşkil edir.
İran prezidenti Məsud Pezeşkiyan da böhranı etiraf edərək bildirib ki, artıq Tehranda “su qalmayıb” və hökumət paytaxtın köçürülməsini müzakirə edir.
Urmiyanın quruması bölgədə yüz minlərlə insanın həyatına mənfi təsir göstərib. Əhalisinin əhəmiyyətli hissəsini azərbaycanlıların təşkil etdiyi regionda indi duz fırtınaları baş verir, torpaq məhsuldarlığını itirir və kənd təsərrüfatı faktiki olaraq mümkünsüz hala düşür.
Ekoloqlar xəbərdarlıq edir ki, bu proses davam edərsə, İranın digər bölgələrində də oxşar fəlakətlər qaçılmaz ola bilər.
24-09-2025, 22:32
Türkiyədə bələdiyyə sədri saxlanıldı
Türkiyədə hüquq-mühafizə orqanları korrupsiya işi çərçivəsində Kırıkkale vilayətinin Yahşihan bölgəsinin bələdiyyə sədri Ahmet Sunquru həbs edib.
O, hakim Ədalət və İnkişaf Partiyasının (AKP) üzvüdür.
Sunqurla yanaşı onun müavini, keçmiş bələdiyyə sədrinin müavini, şəhərsalma şöbəsinin müdiri, bələdiyyənin sabiq rəhbəri və bir iş adamı da istintaq təcridxanasına yerləşdirilib. Ümumilikdə 5 nəfər saxlanılıb.
Hadisədən sonra AKP Mərkəzi İcraiyyə Komitəsi məsələni partiyanın Mərkəzi İntizam Komissiyasına göndərib və Sunqurun partiyadan xaric edilməsi müzakirəyə çıxarılıb.
Qeyd edək ki, eyni istintaq çərçivəsində bu ilin 27 may və 19 avqust tarixlərində Yahşihanın keçmiş meri Osman Türkyılmaz və digər şəxslər də saxlanılmışdı.
24-09-2025, 21:22
1 saat danışıqlar apardılar
Rusiyanın xarici işlər naziri Sergey Lavrov və ABŞ Dövlət katibi Marko Rubio arasında danışıqlar yekunlaşıb.
Bu barədə xarici KİV məlumat yayıb.
BMT Baş Assambleyasının Nyu-Yorkda keçirilən 80-ci sessiyası çərçivəsində keçirilən danışıqlar bağlı qapılar arxasında keçirilib və bir saat davam edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!