Türkiyədə səsvermə qutularının 100 faizi açılıb.Qardaş ölkənin KİV-lərindən alınan məlumata görə, baş nazir R.T. Ərdoğan 51.8 fazlə irəlidə olub. Müxalifətin namizədi Ə. İhsanoğlu səslərin 38.5  faizini yığıb. Kürdlərin namizədi Dəmirtaşın nəticəsi isə 9.8 faiz olub. Beləliklə, R.T. Ərdoğan Türkiyənin 12-ci prezidenti seçilib! Bu barədə artıq rəsmi qurumdan -  Yüksək Seçki Kurulundan da açıqlama verilib. Türkiyənin bir sıra KİV-ləri də T. Ərdoğanı 12-ci Cümhurbaşqanı kimi təqdim ediblər. 

 Bakı vaxtı ilə saat 01.10-da Tayyib Ərdoğan AKP-nin bolkonundan xalqa xitaba başlayıb. "Şəxsimi Türkiyə Cümhuriyyətinin 12-ci prezidenti təyin edən əziz xalqıma təşəkkür edirəm. Bizə səs verən-verməyən, sandıq başına gələn hər bir vətəndaşıma tək- tək təşəkkür edirəm". Bu cür çıxışa başlayan Ərdoğan, dost və qardaş ölkələrdən gələn xitab və təbriklərə, dualara görə də təşəkkürlərini bildirib: "Bu gün bu seçimi qazanan yalnız  Rəcəb Tayyib Ərdoğan deyil, bu gün milli iradə, demokrasi bir daha qazanmışdır. Sevənlərimiz qədər sevməyənlərimiz də, səs verənlərimiz qədər verməyənlərimiz də qazanmışdır. Böyük Türkiyə, yeni Türkiyə qazanmışdır."