Azərbaycanda geniş mənada pul kütləsinin həcmi noyabrın 1-nə 17 369,5 mln. manat təşkil edib ki, bu da oktyabrın 1-nə olan analoji göstəricidən 314,5 mln. manat və ya 1,8% azdır. Report-un Azərbaycan Mərkəzi Bankının (AMB) açıqladığı rəsmi hesabata istinadən verdiyi xəbərə görə, cari ilin əvvəli ilə müqayisədə bu göstərici 4 196,9 mln. manat və ya 19,5%, 2014-cü ilin analoji dövrü ilə müqayisədə 4 002,6 mln. manat və ya 18,7% azalıb. Qeyd edək ki, Azərbaycanda geniş pul kütləsinin maksimal həcmi 2014-cü ilin noyabrında qeydə alınıb və 21 689,8 mln. manat təşkil edib.
Azərbaycanda manatla geniş pul kütləsi noyabrın 1-nə 9 363,6 mln. manat təşkil edib ki, bu da oktyabrın 1-nə olan analoji göstəricidən 5,3 mln. manat və ya 0,05% azdır. Cari ilin əvvəli ilə müqayisədə bu göstərici 8 072,2 mln. manat və ya 46,3%, 2014-cü ilin analoji dövrü ilə müqayisədə isə 8 006,4 mln. manat və ya 46,1% azdır. Qeyd edək ki, Azərbaycanda manatla geniş pul kütləsinin maksimal həcmi 17 525,2 mln. manat təşkil edib və 2014-cü ilin noyabrında qeydə alınıb.

Son bir ayda manatla geniş pul kütləsində azalma səngiyib. Amma, manatla pul kütləsində son 1 ildə azalma ümumi geniş pul kütləsindəki (xarici valyuta daxil olmaqla) azalmadan daha yüksəkdir. Önümüzdəki dönəmdə manatla geniş pul kütləsinin həcminin 9 mlrd. manat səviyyəsində sabitləşəcəyi, ümumi geniş pul kütləsindəki azalmanın isə 16 mlrd. manata qədər davam edəcəyi gözlənilir. Buna səbəb əhalinin valyuta ehtiyatlarının manata çevrilərək iqtisadi