22-08-2024, 22:05
Bakı-Quba yolunda gənc oğlanı maşın vurub öldürdü
Bakı-Quba yolunda avtomobil piyadanı vurub.
Hadisə Bakı Quba yolunun 15-ci kilometrliyində qeydə alınıb.
1991-ci il təvəllüdlü sürücü Quliyev Qurban Əhməd oğlunun idarə etdiyi “Hyundai Accent” marakalı avtomobil yolu keçmək istəyən gənc oğlanı vurub.
Piyada hadisə yerində ölüb. Avtomobilin piyadanı piyadalar üçün nəzərdə tutulmayan ərazidə vurduğu bildirilir.
Fakt araşdırılır.
22-08-2024, 21:14
Səttar Möhbalıyev istefa verdi
Avqustun 22-də Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ Respublika Komitəsi) II Məclisi keçirilib.
ATİAHİ-nin sədri Səttar Möhbalıyevin sədrliyi ilə keçirilən iclasda Məclisin gündəliyi təsdiq edilib.
İclasda təşkilati məsələyə baxılıb.
Məclisdə çıxış edən S.Möhbalıyev ATİAHİ-yə rəhbərlik etdiyi müddətdə görülmüş işlərdən, əldə olunmuş uğurlardan danışıb. Çıxışının sonunda o, işinin çoxluğunu nəzərə alaraq ATİAHİ Respublika Komitəsinin Məclis, Rəyasət Heyəti üzvlüyündən, Respublika Komitəsinin sədrliyindən istefa verdiyini açıqlayıb. S.Möhbalıyevin istefası Məclis üzvləri tərəfindən qəbul edilib.
Sonra ATİAHİ Respublika Komitəsinin Rəyasət Heyəti üzvləri arasında qismən dəyişiklik edilib və təşkilata yeni sədr seçkisi həyata keçirilib. Məclis üzvlərinin açıq səsverməsi yolu ilə keçirilən seçkidə Araz Nadir oğlu Paşayev ATİAHİ-nin sədri seçilib.
ATİAHİ-nin yeni sədri A.Paşayev ona etimad göstərən Məclis üzvlərinə təşəkkür edib, rəhbərlik etdiyi qurumun səmərəli fəaliyyəti, təhsil işçilərinin əmək, sosial, iqtisadi hüquqları və qanuni mənafelərinin müdafiəsi ilə bağlı səylə çalışacağını vurğulayıb.
22-08-2024, 20:07
Azərbaycanın xarici dövlət borcu
Azərbaycanın bu il iyulun 1-nə 5 milyard 361,3 milyon ABŞ dolları təşkil etmiş xarici dövlət borcunun 86,8 %-i elə dollarda olub.
Bu barədə Maliyyə Nazirliyinə istinadən xəbər verir.
Məlumata görə, borcun tərkibində avro 6 %, yapon yeni 3 %, digər valyutalar 0,6 %, XBH (Beynəlxalq Valyuta Fondunun Xüsusi Borcalma Hüquqları) isə 3,6 % paya malik olub.
Dəyişkən faiz dərəcəsi ilə olan öhdəliklər xarici borc məbləğinin 48,4 %-ni, sabit dərəcə ilə olanlar isə 51,6 %-ni təşkil edib.
Xarici dövlət borcunun 42,1 %-i 5 ilə qədər olan müddətdə, 49,1 %-i 5 ildən 10 ilə qədər olan müddətdə, 8,7 %-i isə 10 ildən yuxarı olan müddətdə kreditorlara qaytarılmalıdır.
Xarici dövlət borcunun 64,2 %-i çoxtərəfli maliyyə institutları üzrə, 25,9 %-i xarici bazarda yerləşdirilmiş istiqrazlar üzrə, 9,9 %-i isə ikitərəfli maliyyə institutlarından cəlb edilmiş kreditlər üzrə öhdəliklərin payına düşüb.
Xarici dövlət borcunun 25,9 %-i avrobondlar üzrə, 35 %-i Asiya İnkişaf Bankı üzrə, 16,7 %-i Dünya Bankı üzrə, 22,4 %-i isə digər kreditorlardan cəlb edilmiş öhdəliklər olub.
Xarici dövlət borcunun 40,6 %-i büdcə kəsirinin bağlanılması üzrə hökumət adından çıxış edən Maliyyə Nazirliyi tərəfindən, 59,4 %-i isə digər icraçı qurumlar tərəfindən həyata keçirilən proqram və layihələr üzrə cəlb edilmiş öhdəliklər olub.
22-08-2024, 19:21
Daşkənddə Ümummilli Lider Heydər Əliyevin xatirəsinə ehtiram - FOTO
Avqustun 22-də Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva Daşkənddəki Heydər Əliyev Meydanında Ümummilli Liderin barelyefi önünə gül dəstələri qoyublar.
Daşkəndin Mirabad rayonunda yaradılan Heydər Əliyev Meydanının və Ulu Öndərin burada ucaldılmış barelyefinin 2022-ci il iyunun 21-də açılışı olub. Ərazisi tamamilə yenidən qurulan meydanda yaşıllıq salınıb, sakinlərin istirahəti üçün hər cür şərait yaradılıb.
Həmin il Özbəkistanda dövlət səfərində olan Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev Ulu Öndərin barelyefinin açılışında iştirak ediblər.
22-08-2024, 17:40
Qazaxıstan mediası Mehriban Əliyevadan yazdı
Qazaxıstanın informasiya portalları Azərbaycan Respublikasının Birinci vitse-prezidenti Mehriban xanım Əliyevanın fəaliyyətinə həsr olunmuş məqalə dərc ediblər.
Xalq yazıçısı və Azərbaycanın Əməkdar jurnalisti Elmira Axundovanın müəllifi olduğu “Ta, komu mnoqoe dano...” adlı məqalə Qazaxıstanın abai.kz, adyrna.kz və mezgil.kz internet resurslarında dərc olunub.
Material Azərbaycanın Qazaxıstandakı səfirliyinin təşəbbüsü ilə dərc edilib.
Məqalədə qeyd edilir ki, Mehriban xanım Əliyevanın prezidenti olduğu Heydər Əliyev Fondunun xətti ilə əsaslı təmir olunmuş uşaq bağçaları, internat məktəbləri və xəstəxanalar istifadəyə verilir.
Məqalədə diqqətə çatdırılır: “Heydər Əliyev Fondu təsis edildikdən və birinci xanım statusu aldıqdan sonra Mehriban xanım Əliyevanın üfüqləri və fəaliyyət istiqamətləri ölçüyəgəlməz dərəcədə genişləndi. Bəli, o, Azərbaycan xalqının zəngin mənəvi-mədəni irsinin təbliği və inkişafı məsələlərini hələ də diqqətdən kənarda qoymayıb. Bununla belə, humanitar və xeyriyyəçilik dominantı onun fəaliyyətində prioritet oldu”.
Elmira Axundova qeyd edir ki, Heydər Əliyev Fondu təkcə Azərbaycanda deyil, xaricdə də xeyriyyəçilik fəaliyyəti həyata keçirir. Müəllif bu fəaliyyətin nəticələrini şəxsən Həştərxanda (Rusiya) və Budapeştdə (Macarıstan) müşahidə edib, Fond həmin şəhərlərdə əlil uşaqlar üçün məktəb və uşaq evini təmir edib.
Məqalədə Mehriban xanım Əliyevanın fəaliyyətinin təkcə regional deyil, həm də qlobal miqyas aldığı vurğulanır.
Müəllif qeyd edib: “Məhz onun təşəbbüsü ilə Azərbaycan muğamı, dünyanın ən qədim tarix-arxeoloji qoruğu olan Qobustan, aşıq sənəti və Azərbaycan kəlağayısı, milli atçılıq oyunu olan çövkən...10-dan çox mövqe dünya qeyri-maddi mədəni irs siyahısına daxil edilib və bu siyahı genişlənməkdə davam edir”.
Xalq yazıçısı xatırladır ki, 2015-ci ildə I Avropa Oyunlarına hazırlıq üçün cəmi 2 il yarım vaxt ayrılmışdı, bu müddət ərzində onlarla idman obyekti modernləşdirilməli və ya yenidən tikilməli, bütün zəruri idman infrastrukturu – Olimpiya kəndi, müasir mətbuat mərkəzləri və bir çox başqaları hazırlanmalı idi. Mehriban Əliyevanın rəhbərliyi ilə cəmiyyətin dəstəklədiyi təşkilat komitəsi Oyunlara hazırlıq işlərini, o cümlədən obyektlərin tikintisini vaxtından əvvəl başa çatdırdı.
Materialda, həmçinin xatırladılır ki, 2017-ci il fevralın 21-də Mehriban Əliyeva ölkədə ikinci mühüm dövlət vəzifəsinə - Azərbaycanın Birinci vitse-prezidenti vəzifəsinə təsdiq edilib.
Məqalədə deyilir: “Mehriban Əliyeva bu yüksək vəzifəni yalnız ona mənəvi cəhətdən hazır olanda, yüksək milli etimad krediti toplayanda, bütün əvvəlki fəaliyyəti ilə beynəlxalq miqyasda qeyd-şərtsiz nüfuzunu sübut edəndə alıb” .
Azərbaycanın Xalq yazıçısı 44 günlük müharibədə Qələbədən sonra Böyük Qayıdış və genişmiqyaslı bərpa-quruculuq işlərinin başlandığını oxucuların diqqətinə çatdırır. O qeyd edir ki, bu prosesə Prezidentlə birlikdə Azərbaycanın Birinci vitse-prezidenti Mehriban Əliyeva da rəhbərlik edir.
“Qarabağın bərpa edilmiş hər bir abidəsində, bərpa edilmiş hər bir məscid və ya muzey kompleksində birinci xanıma xas olan incə zövq və heyrətamiz meyar hissi sezilirdi”, - deyə məqalədə qeyd edilir.
22-08-2024, 17:40
Qazaxıstan mediası Mehriban Əliyevadan yazdı
Qazaxıstanın informasiya portalları Azərbaycan Respublikasının Birinci vitse-prezidenti Mehriban xanım Əliyevanın fəaliyyətinə həsr olunmuş məqalə dərc ediblər.
Xalq yazıçısı və Azərbaycanın Əməkdar jurnalisti Elmira Axundovanın müəllifi olduğu “Ta, komu mnoqoe dano...” adlı məqalə Qazaxıstanın abai.kz, adyrna.kz və mezgil.kz internet resurslarında dərc olunub.
Material Azərbaycanın Qazaxıstandakı səfirliyinin təşəbbüsü ilə dərc edilib.
Məqalədə qeyd edilir ki, Mehriban xanım Əliyevanın prezidenti olduğu Heydər Əliyev Fondunun xətti ilə əsaslı təmir olunmuş uşaq bağçaları, internat məktəbləri və xəstəxanalar istifadəyə verilir.
Məqalədə diqqətə çatdırılır: “Heydər Əliyev Fondu təsis edildikdən və birinci xanım statusu aldıqdan sonra Mehriban xanım Əliyevanın üfüqləri və fəaliyyət istiqamətləri ölçüyəgəlməz dərəcədə genişləndi. Bəli, o, Azərbaycan xalqının zəngin mənəvi-mədəni irsinin təbliği və inkişafı məsələlərini hələ də diqqətdən kənarda qoymayıb. Bununla belə, humanitar və xeyriyyəçilik dominantı onun fəaliyyətində prioritet oldu”.
Elmira Axundova qeyd edir ki, Heydər Əliyev Fondu təkcə Azərbaycanda deyil, xaricdə də xeyriyyəçilik fəaliyyəti həyata keçirir. Müəllif bu fəaliyyətin nəticələrini şəxsən Həştərxanda (Rusiya) və Budapeştdə (Macarıstan) müşahidə edib, Fond həmin şəhərlərdə əlil uşaqlar üçün məktəb və uşaq evini təmir edib.
Məqalədə Mehriban xanım Əliyevanın fəaliyyətinin təkcə regional deyil, həm də qlobal miqyas aldığı vurğulanır.
Müəllif qeyd edib: “Məhz onun təşəbbüsü ilə Azərbaycan muğamı, dünyanın ən qədim tarix-arxeoloji qoruğu olan Qobustan, aşıq sənəti və Azərbaycan kəlağayısı, milli atçılıq oyunu olan çövkən...10-dan çox mövqe dünya qeyri-maddi mədəni irs siyahısına daxil edilib və bu siyahı genişlənməkdə davam edir”.
Xalq yazıçısı xatırladır ki, 2015-ci ildə I Avropa Oyunlarına hazırlıq üçün cəmi 2 il yarım vaxt ayrılmışdı, bu müddət ərzində onlarla idman obyekti modernləşdirilməli və ya yenidən tikilməli, bütün zəruri idman infrastrukturu – Olimpiya kəndi, müasir mətbuat mərkəzləri və bir çox başqaları hazırlanmalı idi. Mehriban Əliyevanın rəhbərliyi ilə cəmiyyətin dəstəklədiyi təşkilat komitəsi Oyunlara hazırlıq işlərini, o cümlədən obyektlərin tikintisini vaxtından əvvəl başa çatdırdı.
Materialda, həmçinin xatırladılır ki, 2017-ci il fevralın 21-də Mehriban Əliyeva ölkədə ikinci mühüm dövlət vəzifəsinə - Azərbaycanın Birinci vitse-prezidenti vəzifəsinə təsdiq edilib.
Məqalədə deyilir: “Mehriban Əliyeva bu yüksək vəzifəni yalnız ona mənəvi cəhətdən hazır olanda, yüksək milli etimad krediti toplayanda, bütün əvvəlki fəaliyyəti ilə beynəlxalq miqyasda qeyd-şərtsiz nüfuzunu sübut edəndə alıb” .
Azərbaycanın Xalq yazıçısı 44 günlük müharibədə Qələbədən sonra Böyük Qayıdış və genişmiqyaslı bərpa-quruculuq işlərinin başlandığını oxucuların diqqətinə çatdırır. O qeyd edir ki, bu prosesə Prezidentlə birlikdə Azərbaycanın Birinci vitse-prezidenti Mehriban Əliyeva da rəhbərlik edir.
“Qarabağın bərpa edilmiş hər bir abidəsində, bərpa edilmiş hər bir məscid və ya muzey kompleksində birinci xanıma xas olan incə zövq və heyrətamiz meyar hissi sezilirdi”, - deyə məqalədə qeyd edilir.
22-08-2024, 17:40
COP29 zamanı tibb xidməti necə təşkil ediləcək?
Azərbaycanda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçiriləcəyi dövrdə tibbi xidmətlərin təşkili üçün hazırlıq işlərinə başlanılıb.
Bu barədə TƏBİB-dən məlumat verilib.
Bildirilib ki, COP29 ilə əlaqədar ixtisaslı tibbi xidmətin göstərilməsi üçün ayrılan tibb müəssisələri arasında TƏBİB tabeliyində fəaliyyət göstərən Yeni Klinika da yer alıb.
Ekologiya və təbii sərvətlər naziri, COP29-un müəyyən olunmuş Prezidenti Muxtar Babayev və TƏBİB-in icraçı direktoru Vüqar Qurbanov Yeni Klinikada aparılan hazırlıq prosesi ilə tanış olublar.
TƏBİB-in icraçı direktoru Vüqar Qurbanov bildirib ki, Yeni Klinikanın Təcili və təxirəsalınmaz tibbi yardım şöbəsində xüsusi monitor və oksigen panelləri ilə təmin olunmuş 10 çarpayı, Uşaq təcili tibbi yardım şöbəsində 3, Stasionar şöbədə 10, Reanimasiya şöbəsində 4, Uşaq reanimasiya və intensiv terapiya şöbəsində 3 çarpayı və 1 əməliyyatxana tibbi xidmətə zərurət ehtimalını nəzərə alaraq tədbir üçün ayrılıb.
22-08-2024, 17:36
"Dövlət universitetlərinin yarısı, özəllərin hamısı regionlara yönəldilsin"
Böyük şəhərlər özləri ilə birlikdə böyük problemlər də yaradır. Azərbaycan əhalisinin sosial vəziyyətini nəzərə alsaq, bölgələrdən gəlib paytaxtda təhsil almaq çətindir.
Bunu açıqlamasında Elçin Bayramlı bildirib.
O qeyd edib ki, əvvəllər universitetlərin böyük yataqxana kompleksləri var idi, tələbələrə müxtəlif güzəştlər edilirdi, həmçinin qiymətlər daha ucuz idi, bir sözlə tələbələrin paytaxta oxuması üçün bir çox imkanları var idi:
"Bu gün isə əhalinin çox az hissəsinin övladını Bakıda oxutma imkanı var. Bu səbəbdən regionlardakı ailələr övladlarını başqa şəhərdə oxutmağa çəkinirlər. Buna görə də tələbələrin region universitetlərini seçməsi normal haldır”.
Ekspert onu da bildirib ki, regionlarda universitetlərin inkişafı dünya nümunəsində də var və bu, öz növbəsində paytaxtın yükünü azaltmağa xidmət edir.
“Azərbaycanda da demoqrafik disbalans var, əhalinin 50 %-dən çoxu paytaxtda məskunlaşır, bu da regionlarda sosial-iqtisadi inkişafı aşağı salır. Regionlarda universitetlərin inkişafı təbii ki, balansı qorumağa da xidmət edəcək. Təhsil almaq üçün böyük şəhərlərə gəlməyə artıq ehtiyac yoxdur, informasiya cəmiyyətində harada olmağından aslı olmayaraq, asanlıqla yeni şeylər öyrənmək mümkündür. Təbii ki, istisnalar hər zaman var, bəzi fakültələrin Bakıda olması üstünlük qazndıra bilər. Mən təklif edərdim ki, özəl universitetlərin hamısı, dövlət universitetlərin isə yarısı regionlara yönəldilsin. Regionlarda təhsil ocaqlarının kefiyyətni də artırmaq lazımdır, əsasən savadlı kadrlar, mütəxəssislər regionlara cəlb olunmalıdır eyni zamanda infrastruktur məslələlərinə də diqqət yetirilməlidir. Kompleks şəkildə binalar tikilməli, labaratoriyalar fəaliyyət göstərməlidir. Beləliklə Bakıdakı təhsil ilə regionlardakı təhsil arasında heç bir fərq qalmayacaq”.
21-08-2024, 22:25
"Azərbaycan futboluna canımı və ürəyimi vermişəm"
“Neftçi”nin oyunuçusu Qara Qarayev əvəzedicilər komandasına göndərilməsi barədə qərara reaksiya verib.
Bu barədə o, özünün sosial media hesabında paylaşım edib.
“Dəstəyinizə və xoş sözlərinizə görə hər kəsə təşəkkür edirəm. Futboldakı karyeram həmişə sevdiyim idmana olan hörmət və fədakarlıq ilə bağlı olub. Mən Azərbaycan futboluna canımı və ürəyimi vermişəm və mənim illərdir verdiyim töhfəmin sual altına alınmasını görmək məni ruhdan salmır. Əksinə mən öz yoluma və sizlərə sadiq qalıram və komandamı dəstəkləməyə və bacardığım qədər töhfə verməyə davam edəcəyəm.
Ümid edirəm ki, qərar qəbul edənlər təcrübənin dəyərini və uzun müddət xidmət edən oyunçuların layiq olduqları hörməti dərk edəcəklər. Mənim diqqətim idmanımızın müsbət tərəflərinə və Azərbaycan futbolunun gələcəyinə yönəlib.
Futbola olan bağlılığım dəyişməzdir və üzərimə düşən hər rolda ən yaxşı şəkildə çalışacağam. Hər bir çətinliyin yeni bir böyümə və müsbət təsir imkanı gətirdiyinə inanıram”.
Qeyd edək ki, “Neftçi” Azərbaycan yığmasının üzvü Qara Qarayevi əvəzedici komandaya göndərib. Buna səbəb kimi klubunun yeni baş məşqçisi Roman Qriqorçukun 31 yaşlı oyunçunu əsas heyətdə görmək istəməməsi göstərilib.
21-08-2024, 22:02
Məleykə Abbaszadədən test imtahanlarının ləğvi iddialarına cavab
“Hamı bilir ki, test üsulu ilə imtahanlarda hər kəsin biliyi düzgün qiymətləndirilir. Və bu biliyə uyğun olaraq da imtahan verən şəxs yer tutur”.
Bunu Dövlət İmtahan Mərkəzinin İdarə Heyətinin sədri Məleykə Abbaszadə Real TV-yə müsahibəsində deyib.
Test üsulu ilə imtahanların ləğv ediləcəyi ilə bağlı iddialara münasibət bildirən DİM rəhbəri qeyd edib ki, bundan söhbət belə gedə bilməz:
“Bu üsulda biliyin qiymətləndirilməsi şəffaf aparılır. Bu sistemdə kiməsə çətin, kiməsə asan suallar vermək yoxdur”.
Qeyd edək ki, bir neçə gün əvvəl sosial şəbəkələrdə test üsulu ilə imtahanların ləğv ediləcəyinə dair şayiələr yayılmışdı.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!