6-12-2025, 15:31
Almaniya Qafqazda hərəkətə keçdi
Almaniyanın Cənubi Qafqaz istiqamətində fəallaşdığı hiss edilir. Dekabrın 4-də Almaniya Kansleri Fridrix Merts Azərbaycan Prezidenti İlham Əliyevə zəng edib.
Fridrix Merts Azərbaycan ilə Ermənistan arasında sülh prosesindəki irəliləyişlə bağlı təbriklərini çatdırıb. Kansler Almaniyanın regionda sabitliyi dəstəklədiyini vurğulayıb.
Merts dövlətimizin başçısını Almaniyaya səfərə dəvət edib. Dəvəti məmnunluqla qəbul edən Prezident İlham Əliyev öz növbəsində Almaniya Kanslerini Azərbaycana səfərə dəvət edib. Fridrix Merts də dəvəti məmnunluqla qəbul edib.
Telefon danışığının ardından Ermənistan Baş naziri Nikol Paşinyanın Almaniyaya səfər edəcəyi açıqlanıb. O, gələn həftə Berlində Almaniya Prezidenti, həmçinin kanslerlər görüşəcək.
Milli Məclisin deputatı Nəsib Məhəməliyev gedən proseslərlə bağlı bildirib ki, Almaniya-Ermənistan görüşündə sülh proseslərinin sürətləndirilməsi müzakirə oluna bilər.
"Faktdır ki, artıq ATƏT-in Minsk qrupu ləğv olundu. Azərbaycan və Ermənistan tərəflərinin 8 Avqust görüşündən sonra Avropa İttifaqı üçün Qarabağ mövzusu gündəlikdən çıxarılıb. Rəsmi şəkildə beynəlxalq gündəlikdə Qarabağ adında münaqişə yoxdur.
Ancaq mən düşünmürəm ki, Almaniya Kansleri ilə Paşinyan arasındakı görüşdə Azərbaycan əleyhinə nəsə yeni iddialarla çıxış olsun. Bu qeyri-mümkündür. Çünki indi Avropa İttifaqı üçün, həmçinin Almaniya üçün Rusiya-Ukrayna müharibəsi daha çox aktuallıq kəsb edir, nəinki Cənubu Qafqaz məsələləri.
Digər ağlabatan ehtimal Ermənistanda gələn il keçiriləcək seçkilərlə bağlıdır. Qərbin dəstəyi Paşinyana lazımdır. Bu istiqamətdə müəyyən razılaşmaların əldə olunmasını da düşünürəm.
Amma inandırıcı deyil ki, Paşinyan bizim bölgədə gərginliyin yaradılmasına, Azərbaycan-Ermənistan arasında yeni bir xoşagəlməz hallara cəhd edər. Bu, əvvəl qeyd etdiyim kimi, razılaşdırılmış sülh prosesinin pozulması olardı. Həmçinin Paşinyanın özünün də taleyi şübhə altına düşə bilər".
6-12-2025, 15:22
Neftçalada balıq ətri, kulinariya şousu və su macərası - FOTO
4 dekabr 2025-ci ildə Neftçala şəhərinin Bayraq Meydanında keçirilən “Balıq və Aqrar Biznes Festivalı” böyük izdihamla baş tutub. Neftçala Rayon İcra Hakimiyyəti, Aqrar İnnovasiya Mərkəzi və Balıqçılıq və Akvakultura Mərkəzinin, “İODİCO” MMC-nin təşkil etdiyi tədbirə ölkənin müxtəlif bölgələrindən qonaqlar və dövlət rəsmiləri qatılıb.
Azərbaycan Respublikasının Prezidenti cənab İlham Əliyevin müvafiq sərəncamı ilə Balıqçılıq və Akvakultura Mərkəzinin yaradılması, balıqçılığa dövlət qayğısının artırılması haqqında festival iştirakçılarına məlumat verilib.
Açılışda RİH başçısı Mirhəsən Seyidov festivalın Neftçalanın turizm və iqtisadi potensialının tanıdılmasına verdiyi töhfəni vurğulayıb. O, Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyevanın Neftçala rayonuna səfəri zamanı yeni açılıb istifadəyə verilən “Azerbaijan Fish Farm” MMC-nin Yenikənd Nərə Damazlıq Təsərrüfatında yaradılan şərait haqqında məlumat verərək həmin təsərrüfatın əhalinin məşğulluqla təmin olunmasında, Neftçalada yetişdirilən balıq nümunələrinin yerli və xarici bazarlarda tanıtdırılmasındakı rolu haqqında danışıb. RİH başçısı Respublikada ilk balıqçılıq peşə təhsilinin də Neftçala Peşə Məktəbində tədris olunması barədə festival iştirakçılarına məlumat verib.Əlavə olaraq,festival iştiakçıları “Xıllı-Balıq” MMC-nin, “Oryad Balıq” MMC-nin və Neftçala Sənayə Məhəlləsində fəaliyyət göstərən “AzProduct” MMC və “Kəhf” MMC-nin fəaliyyəti haqqında geniş məlumatlandırılb. O, sonda festivalın keçirilməsinə dəstək verən Kənd Təsərrüfatı Nazirliyinə,onun tabeli qurumlarına,Gənclər və İdman Nazirliyinə, Mədəniyyət Nazirliyinə və digər dövlət qurumlarına rayon ictimaiyyəti adından təşəkkürünü bildirib.
Aqrar İnnovasiya Mərkəzinin direktoru Anar Cəfərov, Balıqçılıq və Akvakultura Mərkəzinin direktoru Ceyhun Əliyev və digər qonaqlar çıxış edərək festival iştirakçlılarına festivalın işlərində uğurlar arzu ediblər.
Ziyarətçilər gün ərzində balıq və aqrar məhsulların sərgisinə baxıb, balıqçılıq üzrə canlı təqdimatlara qatılıb, rəssamların əl işləri və yaradıcı guşələrlə tanış olublar. “Balığı Neftçalada yeyərlər” kulinariya zonasında müxtəlif mətbəx nümunələri təqdim edilib, ustad dərslərində sağlam qidalanma və balığın düzgün bişirilməsi barədə məlumat verilib.
Kür çayında qayıqla gəzinti, kanoe nümayişləri və balıq körpələrinin suya buraxılması festivalın ən yaddaqalan hissələrindən olub. Konsert proqramları, DJ çıxışları və uşaq əyləncə zonaları tədbirə bayram ab-havası yaradıb. Ümumilikdə, Xəzər dənizinin, Kür çayının və balıqçılıq təsərrüfatlarının balıq məhsulları və digər aqrar məhsullar satışa çıxarılıb.
Sonda Kənd Təsərrüfatı Nazirliyi və Neftçala Rayon İcra Hakimiyyəti tərəfindən festivalda fəal iştirak edən şirkətlərin nümayəndələrinə təşəkkürnamələr təqdim olunub.
Neftçalanın ilk “Balıq Festivalı” bölgənin balıqçılıq irsinin və turizm imkanlarının tanıdılması baxımından uğurlu və rəngarəng bir layihə kimi yadda qalıb.
6-12-2025, 14:57
İcra Hakimiyyəti küçə işıqlarının təmirinə yarım milyon xərcləyəcək
Biləsuvar Rayon İcra Hakimiyyəti küçə işıqlarının təmirinə yarım milyon xərcləyəcək.
İcra hakimiyyəti bununla bağlı "Euroservise” şirkəti ilə müqavilə bağlayıb.
Müqavilədə Biləsuvar şəhərinin küçələrinin işıqlandırma sisteminin cari təmiri işlərinin satınalınması nəzərdə tutulur.
Müqavilənin maliyyə dəyəri isə 510.632,24 manat müəyyənləşib.
Qeyd edilib ki, təmir işləri büdcə və büdcədənkənar vəsaiti hesabına həyata keçiriləcək.
6-12-2025, 14:55
Azərbaycanda saatlıq minumum əməkhaqqı təxirə salındı
Regional məsələlər komitəsinin son iclasında Əmək Məcəlləsinə təklif olunan bir sıra mühüm dəyişikliklər edilib. Uşağın doğulması ilə əlaqədar atalara 14 günlük ödənişli məzuniyyətin verilməsi, distant işin hüquqi rəsmiləşdirilməsi və tələbələrin istehsalat təcrübəsi dövründə əmək müqaviləsi ilə təmin olunması kimi yeniliklər qanun layihəsində yer alıb.
Bununla yanaşı, bir müddətdir gündəmdə olan saatlıq minimum əməkhaqqına keçid məsələsi isə layihəyə daxil edilməyib.
Qeyd edək ki, Azərbaycanda minimum əməkdaqqı aylıq nəzərdə tutulub və hazırda bu məbləğ 400 manatdır. Bir müddət əvvəl rəsmi qurumlar saatlıq minimum əməkdaqqı ilə bağlı təkliflər hazırlandığını bildirsə də, hazırda Əmək Məcəlləsinə edilən dəyişiklikdə bu məsələ nəzərdə tutulmayıb və saatlıq minimum əməkhaqqı barədə planlar təxirə salınıb.
Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov qeyd edib ki, saatlıq minumum əməkhaqqının tətbiqi hazırda hökumətdə müzakirə olunan məsələlərdən biridir. Onun sözlərinə görə, lakin bunun üçün mexanizmin hazırlanmasına və detallı qaydaların dəqiqləşdirilməsinə ehtiyac var.
“Saatlıq əməkhaqqı sisteminin bir sıra üstünlükləri mövcuddur. Bu model vətəndaşların “overtime”, yəni əsas iş saatlarından artıq işlədikləri müddətə görə əlavə ödəniş almalarını təmin edir. Eyni zamanda, bir neçə yerdə işləmək imkanlarını genişləndirir ki, bu da mühüm amillərdəndir”.
Deputat vurğulayıb ki, bununla yanaşı, əmək müqavilələrinin bağlanması, onların növləri, tətbiq mexanizmi, əməkhaqlarının ödənilməsi sistemi kimi məsələlər də aydın şəkildə müəyyənləşdirilməlidir:
“Ümumiyyətlə, əmək bazarında, xüsusilə də əməkhaqqı siyasəti ilə bağlı islahatlar əsaslandırma, hüquqi çərçivə və mexanizmlərin tam hazır olmasını tələb edir. Bu proseslər tamamlandıqdan sonra müvafiq islahatların icrası mümkün olacaq”.
V.Bayramov əlavə edib ki, saatlıq əməkhaqqı ilə bağlı müzakirələr davam edir və gözləntilər ondan ibarətdir ki, Azərbaycan da bir çox ölkələrdə olduğu kimi bu sistemə keçid reallaşdırılsın. Deputatın fikrincə, bunun tətbiqi yalnız mexanizmin tam hazır olması ilə mümkün olacaq.
6-12-2025, 14:41
Bakı ilə İrəvan mütəmadi təmasdadır - Hikmət Hacıyev
Ədalətli sülhə əsaslanaraq biz Cənubi Qafqazda yeni reallıqlar və yeni status-kvo yaradırıq.
Bunu Qətərdə keçirilən “Doha Forumu”nda çərçivəsində Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.
O bildirib ki, yaxın vaxtlarda imzalanan bir çox sülh razılaşmaları nəticəsiz qalıb, çünki razılaşmalar imzalandıqdan sonra, tərəflər özlərini komfort zonasında hiss edir.
"Azərbaycan və Ermənistan isə bu vəziyyətdən yayınmağa çalışır. Hər iki tərəf anlayır ki, sülh üzüyuxarı istiqamətdə bir prosesdir və buna görə də çox çalışmaq lazımdır”, - Hikmət Hacıyev bildirib.
O əlavə edib ki, rəsmi Bakı və İrəvan mütəmadi olaraq təmasdadır və iki ölkə arasında əldə olunan razılaşmaların icrasına çalışır.
6-12-2025, 12:59
Trampa verilən döş nişanı və mükafat Bakıda hazırlanıb - Müəllifdən AÇIQLAMA
ABŞ Prezidenti Donald Tramp Vaşinqtonda 2026 FIFA Dünya Kubokunun püşkatma mərasimi çərçivəsində 2025-ci il üzrə ilk dəfə təsis olunan FİFA Sülh Mükafatına layiq görülüb.
Mükafat Trampa FİFA prezidenti Canni İnfantino tərəfindən təqdim edilib və rəsmi videoçarxda digər münaqişələrlə yanaşı, Prezidentin Ermənistan–Azərbaycan istiqamətində sülh təşəbbüslərinə də xüsusi yer verilib.
Trampa təqdim edilən tunc heykəl Azərbaycanın Xalq rəssamları Səlhab Məmmədov və Əli İbadullayevin BMT-nin Cenevrədəki Millətlər Sarayının qarşısında ucaldılmış, sülh rəmzi sayılan “Düşüncələr və arzular” abidəsinin miniatür variantıdır.
Mükafatın həmmüəllifi Rəssamlıq Akademiyasının prorektoru, İttifaqı sədrinin birinci müavini, Xalq rəssamı Səlhab Məmmədov bildirib ki, onlar bir neçə ay əvvəl müsabiqədə qalib gəliblər:
“Bildirdilər ki, FİFA Sülh Mükafatı təsis etmək istəyirlər. Onlara başqa ölkələrdən də müxtəlif eskizlər göndərildi. Xalq rəssamı Əli İbadullayevlə birlikdə Cenevrədə, BMT-nin Millətlər Sarayının qarşısındakı parkda yerləşən “Düşüncələr və arzular” əsərimizin eskizini hazırlayıb onlara göndərdik. Ondan sonra xəbər gəldi ki, münsiflər heyəti bizim işimizi seçib və onun əsasında döş nişanı ilə medal hazırlanacaq. Mükafat hər il sülhə töhfə verən, slühlə idmanı birləşdirən müxtəlif dövlət başçılarına, beynəlxalq nüfuzu olan şəxslərə veriləcək” – deyə Xalq rəssamı vurğulayıb.
S. Məmmədov onu da qeyd edib ki, mükafat və döş nişanı Bakıda hazırlanıb:
“Mükafat və döş nişanı Bakıda hazırlanıb. Medal isə mükafatın eskizləri əsasında FİFA tərəfindən hazırlandı. Bu bizim mədəniyyətin, incəsənətin təntənəsidir. Cənab Prezidentimiz də sülhə hər zaman töhfə verib. Mükafat Trampa veriləndə cənab Prezidentin də görüntülərini orada gördük. Bu səbəbdən bizim də sülh mükafatının hazırlanmasında iştirakımız çox böyük şərəf oldu” – o sonda qeyd edib.
6-12-2025, 12:47
Sabah Bakıda yağış gözlənilir
Dekabrın 7-də gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə az çiskinli olacağı, axşam isə arabir yağış yağacağı gözlənilir.
Mülayim şimal-qərb küləyi axşam şimal-şərq küləyi ilə əvəz olunacaq.
Havanın temperaturu gecə 8-11, gündüz 12-14 dərəcə isti olacaq. Atmosfer təzyiqi 767 mm civə sütunu, nisbi rütubət 75-85% təşkil edəcək.
Azərbaycanın rayonlarında havanın əsasən yağmursuz keçəcəyi, lakin səhər qərb rayonlarından başlayaraq bəzi yerlərdə arabir yağıntılı olacağı gözlənilir. Ayrı-ayrı yerlərdə yağıntının leysan xarakterli olacağı, dağlıq ərazilərdə qar yağacağı ehtimalı var. Bəzi yerlərdə arabir duman olacaq. Mülayim qərb küləyi əsəcək.
Havanın temperaturu gecə 2-7, gündüz 10-14 dərəcə isti, dağlarda gecə 0-5 dərəcə şaxta, gündüz 4-7 dərəcə isti olacaq.
6-12-2025, 12:26
Hikmət Hacıyev Qətərin dövlət naziri ilə görüşüb
Qətərdə keçirilən “Doha Forumu” çərçivəsində Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Qətərin beynəlxalq əməkdaşlıq üzrə dövlət naziri Məryəm bint əli bin-Nasser əl Misnad ilə görüşüb.
Bu barədə Hikmət Hacıyev X hesabında bildirib.
“Görüş zamanı ölkələrimiz arasında qardaşlıq münasibətlərinin daha da möhkəmləndirilməsini müzakirə etdik və qarşılıqlı maraq doğuran sahələrdə əməkdaşlığımızın intensivləşdirilməsi barədə razılığa gəldik”,-deyə paylaşımda bildirilib.
6-12-2025, 12:20
Əsgərliyə yararsız olanlar məcburi müalicəyə göndəriləcək
Nazirlər Kabinetinin ötən həftə qəbul etdiyi qərarla hərbi xidmətə çağırışda bir sıra yeniliklər edilib.
Qeyd edək ki, yeniliklər “Hərbi-həkim ekspertizası haqqında Əsasnamə”yə dəyişiklikdə öz əksini tapıb. Sənəd Baş nazir Əli Əsədov tərəfindən imzalanıb və çağırışaqədər yaşda olan gənclərlə çağırışçıların tibbi müayinəsi prosesinə yeni tənzimləmələr gətirir.
Əvvəlki qaydada tibbi müayinə zamanı diaqnozun dəqiqləşdirilməsinə və ya müalicəyə ehtiyac yarandıqda gənclər yalnız əlavə ambulator və ya stasionar müayinələrə və ya lazım gəldikdə müalicəyə göndərilirdi.
Yeni dəyişiklik müalicə məsələsini daha konkret və məcburi hala gətirir.
Dəyişikliyə əsasən, tibbi müayinə nəticələri diaqnozun dəqiqləşdirilməsini tələb etdikdə həmin şəxslər əvvəlki kimi tibb müəssisələrinə əlavə müayinəyə göndəriləcək. Lakin gənc “hərbi xidmətə müvəqqəti yararsız” hesab olunarsa, artıq o, tibb müəssisələrində mütləq qaydada müalicəyə cəlb ediləcək.
Bu müalicənin maliyyə təminatı da dəqiqləşdirilib. Proses dövlət büdcəsinin vəsaiti hesabına, xidmətlər zərfində nəzərdə tutulduğu halda isə icbari tibbi sığorta çərçivəsində həyata keçiriləcək.
6-12-2025, 12:13
Naxçıvanda dəmir yollarının tikinti-bərpa işləri başladı
"Azərbaycan Dəmir Yolları" QSC Naxçıvan Muxtar Respublikasında dəmir yolları infrastrukturunun yenidən qurulması və modernləşdirilməsi üçün layihələndirmə işlərini başa çatdırıb və artıq Ordubad rayonunda, Ermənistanla sərhəddə tikinti işlərinə start verilib.
ADY-dən bildirilib ki, tikinti işləri 188 km-lik dəmiryol xəttini əhatə edir. Məqsəd müasir tələblərə cavab verən yeni dəmir yolu şəbəkəsinin qurulmasıdır.
Əsaslı təmir işləri başa çatdıqdan sonra dəmir yolunun illik yükötürmə qabiliyyəti 15 milyon ton təşkil edəcək.
2025-ci il avqustun 8-də Vaşinqtonda “Beynəlxalq Sülh və Rifah naminə Tramp Marşrutu”nun (TRIPP) açılmasına dair razılaşma çərçivəsində Zəngəzur dəhlizi boyunca dəmir yolu əlaqəsi bərpa olunacaq.
Orta dəhlizin mühüm tərkib hissəsi kimi Avropa və Asiya arasında yükdaşımalarda mühüm marşrut kimi qiymətləndirilən Zəngəzur dəhlizi Şimal-Cənub dəhlizinin də əsas halqalarından birini təşkil edəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!