4-11-2024, 12:39
Sabahın hava proqnozu
Bakıda və Abşeron yarımadasında noyabrın 5-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, günün ikinci yarısında bəzi yerlərdə qısamüddətli az yağış yağacağı ehtimalı var.
Arabir güclənən cənub-qərb küləyi gündüz güclü şimal-qərb küləyi ilə əvəz olunacaq. Havanın temperaturu gecə 6-9° isti, gündüz 11-14° isti olacaq. Atmosfer təzyiqi 755 mm civə sütunundan 769 mm civə sütununa yüksələcək. Nisbi rütubət gecə və gündüz 70-80% olacaq.
Azərbaycanın rayonlarında hava şəraiti əsasən yağmursuz keçəcək. Lakin gündüzdən bəzi yerlərdə arabir yağıntılı olacağı, dağlıq və dağətəyi rayonlarda qar yağacağı gözlənilir. Dolu düşəcəyi, şimşək çaxacağı ehtimalı var. Arabir duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 5-8° isti, gündüz 13-18° isti, dağlarda gecə 0-3° şaxta, yüksək dağlıq ərazilərdə 3-8° şaxta, gündüz 3° şaxtadan 2°-dək isti olacaq.
4-11-2024, 12:08
Bakıdakı separatçılar ailələri ilə danışdılar
Oktyabr ayında Beynəlxalq Qızıl Xaç Komitəsinin (BQXK) əməkdaşları Azərbaycan tərəfinin haqqında məlumat verdiyi erməni əsilli şəxslərə yenidən baş çəkiblər.
Bunu BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova deyib.
Saxlanılan şəxslərlə təkbətək görüşlər keçirilib və onların ailələri ilə əlaqəsi üçün şərait yaradılıb.
Mandatına uyğun olaraq BQXK, bu cür başçəkmələr zamanı saxlanılan şəxslərlə rəftarı və saxlanma şəraitini qiymətləndirir. BQXK həmçinin, şəxslərin ailələri ilə əlaqələrini bərpa etmək və ya davam etdirmək üçün şərait yaradır. BQXK-nın prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir.
4-11-2024, 11:42
Futbolçunu ildırım vurub öldürdü
Peruda futbol matçı zamanı meydançaya ildırım düşüb.
Müdafiəçi Xose Uqo De la Kruz Meza ildırım vurması nəticəsində ölüb.
Bildirilir ki, hər iki komandanın futbolçuları əlverişsiz hava şəraiti səbəbindən meydanı tərk edərkən ildırım çaxıb və oyunçuları vurub.
Qapıçı ciddi yanıqlar alsa da, sağ qalıb.
4-11-2024, 11:42
Futbolçunu ildırım vurub öldürdü
Peruda futbol matçı zamanı meydançaya ildırım düşüb.
Müdafiəçi Xose Uqo De la Kruz Meza ildırım vurması nəticəsində ölüb.
Bildirilir ki, hər iki komandanın futbolçuları əlverişsiz hava şəraiti səbəbindən meydanı tərk edərkən ildırım çaxıb və oyunçuları vurub.
Qapıçı ciddi yanıqlar alsa da, sağ qalıb.
4-11-2024, 11:42
Futbolçunu ildırım vurub öldürdü
Peruda futbol matçı zamanı meydançaya ildırım düşüb.
Müdafiəçi Xose Uqo De la Kruz Meza ildırım vurması nəticəsində ölüb.
Bildirilir ki, hər iki komandanın futbolçuları əlverişsiz hava şəraiti səbəbindən meydanı tərk edərkən ildırım çaxıb və oyunçuları vurub.
Qapıçı ciddi yanıqlar alsa da, sağ qalıb.
3-11-2024, 22:08
Qurban Qurbanovun oğlu nişanlandı
Qurban Qurbanovun oğlu Musa Qurbanlı nişanlanıb.
Ötən gün “Qarabağ”ın futbolçusunun nişan mərasimi keçirilib.
Futbolçu Əsmər adlı xanımla ailə həyatı qurmağa hazırlaşır.
Qeyd edək ki, Musa Qurbanlı 2002-ci ildə Bakıda anadan olub. O, 2017-ci ilin avqustunda “Qarabağ” ilə müqavilə imzalayıb.
3-11-2024, 21:49
Ermənilərin basdırdığı mina partladı: heyvanlar öldü
Goranboyda xırdabuynuzlu heyvanlar minaya düşüb.
Hadisə rayonun Tapqaraqoyunlu kəndi ərazisində, keçmiş təmas xəttində qeydə alınıb.
Kənd sakini 1968-ci il təvəllüdlü M. Cümşüdov özünə məxsus qoyunları əkin sahəsində otaran zaman heyvanlar minaya düşüb.
Hadisə nəticəsində qoyunlardan biri tələf olub, digəri isə yaralanıb, kənd sakini xəsarət almayıb.
Mina partlayışı ilə bağlı əraziyə aidiyyatı qurumların əməkdaşları cəlb olunub.
3-11-2024, 21:46
300-dən çox moldovalı səs vermək üçün Bakıya gəldi
Moldovada keçirilən prezident seçkilərinin ikinci turunda səs vermək üçün bu ölkənin 300-dən çox bətəndaşı Sankt-Peterburqdan Bakıya gəlib.
Onlar Moldovanın Azərbaycandakı səfirliyində səs veriblər.
Sankt-Peterburq şəhərində səsvermə məntəqəsi olmadığı üçün moldovalılar təyyarə ilə Bakıya gəliblər və səsvermə hüquqlarından istifadə ediblər.
3-11-2024, 21:27
Yağışa görə sürət həddi endirildi! - Sürücülərin nəzərinə
Bakıda müşahidə edilən yağışlı hava şəraiti ilə əlaqədar olaraq Zığ dairəsi-Hava Limanı yolunda bəzi zolaqlar üzrə sürət həddi 20 km/saat endirilib.
Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzindən (NİİM) məlumat verilib.
Bildirilib ki, bununla bağlı DİN-in Nəqliyyatı İntellektual İdarəetmə Mərkəzinin əməkdaşları tərəfindən məlumat-sürət tablolarında dəyişiklik edilib:
“Eyni zamanda tablolarda “sürüşkən yol” işarəsi qoyulub. Sürücülərdən müəyyən olunan sürət həddinə əməl etmələri xahiş edilir”.
3-11-2024, 21:09
Qazimiz beyin əməliyyatından sonra vəfat etdi
Vətən müharibəsi qazisi Rüfət Qurbanov Rusiyada vəfat edib.
Onun beyin əməliyyatından sonra dünyasını dəyişdiyi bildirilir.
30 yaşlı qazimiz bu gün Gəncədə dəfn olunub.
Qeyd edək ki, Qurbanov Rüfət Qabil oğlu “Kəlbəcərin azad olunmasına görə” medalı ilə təltif edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!