Maliyyə Bazarlarına Nəzarət Palatası (MBNP) əməkdaşlarının tibbi sığortalanması üzrə açıq tender keçirir.

Butov.az Ölkə.Az-a istinadən xəbər verir.

Tenderdə iştirak etmək üçün iddiaçılar ərizə, iddiaçının hüquqi statusunu əks etdirən sənədlərin notariat qaydada təsdiq edilmiş surəti, iştirak haqqının ödənilməsi haqqında bank arayışı, tender təklifinin 1%-i məbləğində bank təminatı, iddiaçıya sığorta fəaliyyətini həyata keçirmək hüququ verən lisenziyanın və tibbi sığorta fəaliyyətinin həyata keçirilməsinə icazənin surəti, son bir ildəki maliyyə vəziyyəti haqqında bank arayışı, 2015-ci il üzrə auditor rəyi ilə təsdiq edilmiş maliyyə hesabatı, vaxtı keçmiş öhdəliklərin olmaması barədə vergi orqanlarından arayış təqdim etməlidir.

İddiaçıdan tibbi sığorta sahəsində ən açı 3 il təcrübəsinin olmasını və bu sahədə korporativ müştərilərə göstərilən xidmətlər haqqında məlumatları əks etdirən sənəd, ən azı 2 korporativ müştəri tərəfindən verilən tövsiyə məktubu tələb olunur. Tenderdə iştirak haqqı 300 manatdır.

Xidmətin göstərilməsinə 2017-ci il yanvarın 20-dən başlanacaq və bir il davam edəcək.

Tender proseduru 2017-ci il yanvarın 16-da saat 11:00-da MBNP-nin inzibati binasında keçiriləcək. İddiaçı tender təklifinin bank təminatının 2017-ci il 13 yanvar saat 17:00-a qədər, digər tələb olunan sənədləri ən geci 2017-ci il 5 yanvar saat 17:00-a qədər Palatanın Bülbül prospekti,27 ünvanda yerləşən inzibati binasına təqdim etməlidir.