8-12-2021, 10:23
Göygöl rayonu (şəhər) Səməd Vurğun adına 3 saylı tam orta məktəbində növbəti biabırçılıq baş qaldırıb. Məktəbin bir sıra siniflərində süni şəkildə pərdə və digər inventar çatışmazlığı ortaya çıxıb. Valideyinlər övladlarının normal mühitdə təhsillərini davam etdirsinlər deyə, müxtəlif məbləğlərdə pultoplama aksiyası edərək məktəbdəki əyrintiləri və çatışmazlıqları aradan qaldırmağa çalışırlar.
"Demokratik.Az"-ın əldə etdiyi məlumatlara görə, hazırda Göygöl Rayon Təhsil Şöbəsinin müdir səlahiyyətlərini müvəqqəti icra edən Semur Əsgərov da məsələdən halidir. Lakin, Məmmədov mövcud problemin həlli istiqamətində heç bir addım atmır, əksinə, "yolavermə" və özfəaliyyətlə məşğul olur.
Sözügedən məktəbin 5-B sinif şagirdlərinin valideyinləri ilə aralarında olan SƏSYAZILAR da durumun acınacaqlı olduğunu, sinif otaqlarının pərdələlərinin, stolüstü örtüklərin nədənsə olmadığını aydın göstərir. Valideyinlər uşaqlarının günəş işığından narahat olduğunu da dilə gətirirlər.
Maraqlıdır - görəsən məktəbin pəncərələrinin pərdələri niyə yoxdur ki, sinif rəhbərləri və valideyinlər hər il bu ad altında 5-10 manatdan pul yığırlar, siniflər dəyişdikcə də hər sinif rəhbəri pərdəni söküb özü ilə aparır? Güldərən adlı sinif rəhbərinin timsalında isə, valideyinlərin biabırçı və tipik rüşvətə yol açan hərəkətlərinə məhz məktəb müəllimləri tərəfindən dəstək verilməsi, valideyinlərin sinfə inventar almalarına təşviq edilməsi bağışlanacaq hal deyil.
Əlavə məlumat üçün bildirək ki, cari tədris ilində sözügedən məktəbdəki özbaşınalıqlar barədə rayon TŞ-yə və polis şöbəsinə bir sıra müraciətlər daxil olub. Məktəbdə idarəolunmaz vəziyyət hökm sürür.
Sabaha məktəbdə valideyin iclası çağırılıb.
İnanırıq ki, təhsil nazirliyi tərəfindən biabırçılığa bir aydınlıq gətiriləcək.
Dediyimizi əks etdirən maraqlı SƏSYAZIları təqdim edirik!
Bütöv.az
7-12-2021, 10:46
Təhsil sistemindəki problemlər heç kimə sirr deyil.
Neçə illərdir ki, orta məktəblərimizdəki rüşvət hallarından yazılır.
Orta məktəblərdə jurnal pulu, süpürgə pulu, bayram günlərində yığılan pullar və s sözün həqiqi mənasında lətifəyə-anektoda dönüb.
Bu gün də valideynlər bayram günlərində şagirdlərdən yığılan pullardan şikayət edirlər. Kasıb valideynlər bu pulları çatdıra bilmir. Belə olan halda müəllimlər pul verməyən şagirdləri aşağılayır, təhqir edirlər. Bu isə şagirdlərdə psixoloji problemlər yaradır.
Bakıda, Səbayel rayonundakı 162 saylı orta məktəbin 14 yaşlı şagirdi Elenanın özünü məktəbin 3-cü mərtəbəsindən ataraq intihar etməsini yada salın.
Həmin faciəli hadisə zamanı Rayon icra hakimiyyətində təhsilə məsul olan müavin Xalidə Bayramovanın çıxardığı oyunları gözünüzün önünə gətirin. Nəticəsi nə oldu ? Heç nə.
Belə hallar Bakı məktəblərində yüzlərlədir.
Onu da qeyd edək ki, Təhsil Nazirliyi ilə bərabər Təhsil Nazirliyinin tabeçiliyində Bakı Şəhəri üzrə Təhsil İdarəsi ( BŞTİ ) var.
Təsəvvür edirsiniz, BŞTİ-nin tabeliyində 310 ümumtəhsil məktəbi, 3 xüsusu orta məktəb, 5 əyani-qiyabi axşam məktəbi olmaqla, cəmi 318 məktəb, 5 Uşaq –Gənclər İnkişaf Mərkəzi fəaliyyət göstərir.
Həmçinin İdarənin tabeliyində xidmət və əməliyyat mərkəzləri və Təlimə Dəstək Mərkəzi fəaliyyət göstərir.
Birincisi, axşam məktəbi harada fəaliyyət göstərir ?
Adı olub özü olmayan axşam məktəblərinə ayrılan dövlət vəsaiti kimlərin cibinə gedir ?
İkincisi, Təhsil Nazirliyi varsa, BŞTİ-nə nə ehtiyac var?
Təsəvvür edirsiniz, BŞTİ müdirinin 4 müavini var.
Heç nazirlərin 4 müavini olmur, cənablar.
Bu nə biabırçılıqdır? Bu adamlar dövlətin cibindən maaş alır ee ...
Üçüncüsü, adi bir qurumda 13 sektor ( müdiri ) nəyə lazımdır ?
Dördüncüsü, BŞTİ müdirinin müavinləri həm də universitetlərdə müəllim, kafedra müdiri kimi çalışırlar.
Bu necə ola bilər ki ?
Axı, bu adam bu boyda qurumun müavini kimi öz işində olmalıdır. Bu Allah qoymasa, BDU-da kafedra müdiri kimi maaş alır.
Axı, kafedra müdiri bütün günü kafedranın işləri ilə məşğul olmalıdır.
Bu adam haçan vaxt tapıb BŞTİ-yə gedir ?
BŞTİ-nin digər bir müdir müavini isə SOCAR-dan gəlib.
SOCAR hara, təhsil hara ?
Kadr məsələsi nə qədər biabırçı durumdadırsda, BŞTİ-nin bir Vəliyevası ( Məhəbbət ) gedir, o biri Vəliyevası ( Mehriban ) gəlib qurumda müdir olur.
Sadəcə, ayıbdır, vallah. Başqa bir adam tapa bilmirsiniz ?
Bəli, bir neçə il Məhəbbət Vəliyeva BŞTİ-nin müdiri oldu. Və onun fəaliyyəti “çadra-çarşab”la yekunlaşdı.
Bakıda xanım məktəb direktorlarının necə təyin olunması hamıya məlumdur. Gəlin, çox dərinə getməyək.
Məhəbbət Vəliyevanın dövründə məktəblərdə rüşvət çiçəklənirdi. Bu gün neçə məktəb direktoru həbsxanadadır ?
Məktəblərdə nə qədər ölü canlar var ?
Məktəblərdə psixoloq müəllimlərin maaşlarını kim alır ?
Yaxşı Vəliyeva ( Məhəbbət) getdi, yerinə Vəliyeva ( Mehriban) gəldi. Nə dəyişdi ?
Əlbəttə, heç nə.
Məhəbbət Vəliyeva şəhər təhsilində ən məhşur rüşvətxor kimi tanınırdı, nəticədə nazir müavini oldu.
Məhəbbət Vəliyeva BŞTİ-nin inspektorlarını məktəblərə direktor göndərirdi. Və bahalı zinət əşyalarını hədiyyə kimi alırdı.
Bu gün də BŞTİ-nin yeni müdiri Vəliyeva ( Mehriban) sələfi Vəliyevanın ( Məhəbbətin ) əməllərini davam etdirir.
Mircə Cəlil demişkən, haman göl, haman qurbağa.
P.S Xatırladaq ki, Məhəbbət Vəliyeva ilə Mehriban Vəliyeva doğma bacıdırlar.
(gundelik baki.com)
Bütöv.az olaraq məqalədə qaldırılan iddalarla bağlı qarşı tərəfin mövqeyini dərc etməyə hazırıq!
3-12-2021, 15:38
Azərbaycan Texniki Universitetinin rektoru Vilayət Vəliyev ali təhsil ocağında özünə unikal biznes imkanları yaradıb. İlk təsəvvürdə onun tələbələrdən semestr imtahanlarında rüşvət yığması ağıla gəlirsə, yanlışdır, rektor tamamilə fərqli addımlar atıb. Biz onlardan yalnız birini açıqlayacağıq, sonrakı məlumatlarımızda isə digər biznes sahələri haqda xəbər verəcəyik.
TİA.Az-ın əldə etdiyi informasiyaya görə, rektor V. Vəliyev universitetdə bərbərxana açıb. Bu xidmətin açılmasını belə izah edib ki, tələbələr və müəllimlər saçını kəsdirməyə, saqqalını təraş etdirməyə əziyyət çəkib uzağa getməsinlər. Ona görə də tələbələr və müəllimlər ATU – da yerləşən rektorun bərbərxanasına müraciət edə bilərlər. Nə qədər gülməli olsa da, V. Vəliyev biznesin inkişafını bunda görüb. Halbuki tələbələr və müəllim heyəti bir o qədər rektorun bərbərinə həvəs göstərmirlər, o da təbiidir, hər kəsin yaşadığı ərazidə saç ustası olur. Üstəlik, universitet təhsil almaq üçündür, təmizlənmək yox… Ancaq heç bir rektorun ağlına gəlməyən işi tutub Vəliyev. Kimisi rüşvət alır, kimisi obyekt tikdirir, o isə bərbərxana açdırıb. Məlumata görə, bu da son deyil, Vəliyev universitetdə təsəvvür edilməyən digər xidmət sahələri də qurub. Sadəcə, maraq üçün hələlik açıqlamırıq və yaxın günlərdə məlumat verəcəyik.
Bütöv.az
2-12-2021, 10:38
3-cü ixtisas qrupu üzrə keçirilən sınaq imtahanlarında iştirak üçün bəzi abituriyentlər əlavə ödəniş etməlidirlər. Çünki, coğrafiya fənnindən əlavə imtahana görə də ayrıca ödəniş tələb olunur. İmtahanlarda iştirak üçün tələb olunan ödənişlərin yüksək olması abituriyentlərin haqlı narazılığna səbəb olub. Ekspertlər deyirlər ki, sınaq imtahanlarının əlçatan olmaması abituriyentləri çətin duruma salır.
BAKU.WS xəbər verir ki, 3-cu ixtisas qrupuna hazırlaşan abituriyentlər sınaq imtahanlarında coğrafiya fənnindən əlavə imtahan üçün daha 15 manat ödəməlidirlər. Sınaq imtahanlarında iştirakın 40 manata başa gəldiyini nəzərə alsaq ümumilikdə ödənilən məbləğ 55 manata çatacaq.
Dövlət imtahan mərkəzinin mətbuat katibi Xanlar Xanlarzadə "Xəzər Xəbər"ə deyib ki, imtahanda iştirak etmək üçün tələb olunan ödənişin məbləği mərkəz tərəfindən keçirilən müxtəlif təyinatlı imtahanlar, onların təşkili, keçirilməsi, görülən digər hazırlıq işləri, təqdim olunan xidmətlər ətraflı şəkildə araşdırıldıqdan sonra müəyyən edilir. Mətbuat katibi qeyd etdi ki, Dövlət İmtahan Mərkəzi Nizamnaməyə uyğun olaraq əsasən imtahanların təşkili və keçirilməsindən əldə olunan vəsait hesabına fəaliyyət göstərir.
Təhsil eksperti Kamran Əsədov deyir ki, qəbul imtahanlarından fərqli olaraq sınaq imtahanları az xərc tələb edir. Onun sözlərinə görə sınaq imtahanları üçün tələb edilən məbləğ çoxdur. Təhsil eksperti bildirir ki, sınaq imtahanlarının bəzi abituriyentlər üçün əlçatan olmaması qəbul imtahanlarındaki nəticələrə də təsir edir.
Abituriyentlər də sınaq imtahanları üçün tələb olunan qiymətlərdən narazıdılar.
Qəbul imtahanlarına gəldikdə isə dövlət imtahan mərkəzindən bildirildi ki, burada qiymətlər tarif şurası tərəfindən müəyyənləşir. Hazırda bununla bağlı dəyişiklik yoxdur. Qeyd edək ki, III ixtisas qrupunda DT və ya TC altqrupu üzrə sınaq imtahanında iştirak etmək istəyənlər dekabrın 19-da Azərbaycan dili, tarix və ədəbiyyat fənləri üzrə imtahan verdikdən sonra dekabrın 26-da əlavə olaraq coğrafiya fənnindən imtahan verəcəklər.
Bütöv.az
26-11-2021, 11:25
Sumqayıt Tibb Kollecinin direktoru Rəfael Eyvazov Azərbaycan Həmkarlar Konfederasiyasının sədri, deputat Səttar Mehbalıyevin qohumudur.
TİA.Az xəbər verir ki, o, qohumunun səlahiyyətlərindən istifadə edərək kollecdə öz qanunlarını hökm etdirir. Bu da təbii olaraq narazılıq yaradır.
Kollecdə təhsil alanlar R.Eyvazovun idarəçiliyindən və qeyri-rəsmi tələblərindən, rüşvət yığımından şikayətlənirlər.
Deyilənə görə, kollec direktoru bunun sayəsində biznesmenə çevrilib. O, restoranlar sahibi kimi tanınır.
Xəbərlərə görə, R.Eyvazov kollecdə “ölü canlar” da saxlayır. Bu da onun imkanlarının genişləndirir.
Məlumata görə, kollecin nəzdindəki kurslara adını yazdırıb gələ bilməyən tibb işçiləri direktora aylıq verirlər.
Bir müddət əvvəl yoxlamalar zamanı direktor şiddətli töhmət alsa da, yenə əməllərini davam etdirir. Ona görə çevrəsində danışır ki, məni ziyana saldınız.
Tələbələrin dərslərə gəlməməsi, dərslərin keçilməməsi də, təhsil ocağındakı aktual problemlərdəndir. Hətta tələbələrin dərslərə gəlməməsi Rəfael Eyvazova sərf edir. Çünki hansısa tələbə dərsə gəlmirsə, mütləq kollecin direktorunu “görür”. Axı hansısa tələbənin ona “hörmət” etməsi daha yaxşıdır, nəinki hər gün dərsə gəlməsi. Həmçinin tələbələr imtahan zamanı da incidilir. Yəni oxuyan, oxumayan heç bir fərq etmir. Heç bir tələbəyə qiymət yazılmır. Qiymət yalnız “razılaşma yolu ilə” yazılır ki, bu da təbii olaraq, tələbələrin etirazı ilə nəticələnir. Lakin bu duruma nə direktor, nə müavinləri, nə də müəllimlər əhəmiyyət vermir. Qeyd edək ki, Sumqayıt Tibb Kollecində bu kimi qanunsuzluqlar kifayət qədərdir. Yəni iş sadalananlarla bitmir. Qeyd edək ki, məlumatlara görə, direktorun qanunsuz əməllərinə etiraz edən müəllimlər də “incidilir”. Həmçinin dərslər müəllimlərə hər dərs ilinin başlanğıcında başqa şərtlərlə verilir. Kimlər pul vermirsə, işdən çıxarılmaqla hədələnir, yaxud da dərs yükləri azaldılır. Kimlər ki, direktoru “görür”, o zaman dərs yükləri artıq yazılır.
Qeyd edək ki, Eyvazov 1956-cı ildə Masallı rayonunun Mahmudavar kəndində anadan olub.
Bütöv.az
24-11-2021, 12:21
"Növbəti il üçün buraxılış və qəbul imtahanlarının tarixlərini özündə ehtiva edən cədvəl artıq hazırdır".
Bütöv.az xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə jurnalistlərə açıqlamasında deyib.
o, bildirib ki, gələn il üçün magistratura səviyyəsinə sənəd qəbuluna yanvar ayından başlanılması nəzərdə tutulur:
"Lakin cədvəl təsdiqlənmədiyindən hələlik dəqiq tarix deyə bilmirəm. Qaydalara əsasən, magistraturaya qəbul adətən bir mərhələdə həyata keçirilir. Ötən il isə namizədlərə iki cəhd imkanı verdik. Əgər sərt karantin tədbirləri olmasa çalışacağıq ki, bu il də belə bir imkan yaradaq".
22-11-2021, 18:56
Nazirlər Kabinetinin “Doktoranturalar yaradılan Azərbaycan Respublikasının ali təhsil müəssisələrinin, elmi müəssisə və təşkilatların Siyahısı”nın təsdiq edilməsi haqqında” 2010-cu il 14 dekabr tarixli 235 nömrəli və “Baza maliyyələşdirilməsinin subyektləri olan elmi müəssisə və təşkilatların Siyahısı”nın təsdiq edilməsi haqqında” 2017-ci il 21 dekabr tarixli 584 nömrəli qərarlarında dəyişiklik edilib.
Axar.az xəbər verir ki, bu barədə Baş nazir Əli Əsədov qərar imzalayıb.
Qərara əsasən “Doktoranturalar yaradılan Azərbaycan Respublikasının ali təhsil müəssisələrinin, elmi müəssisə və təşkilatların Siyahısı”a İqtisadi Elmi Tədqiqat İnstitutu da əlavə olunub.
Bütöv.az
11-11-2021, 17:18
Azərbaycan Dillər Universitetində (ADU) Alman Akademik Mübadilə Xidməti (DAAD) ofisinin açılışı olub.
Universitetin İctimaiyyətlə əlaqələr şöbəsindən Axar.az-a verilən məlumata görə, açılış mərasimindən əvvəl ADU-nun rektoru, akademik Kamal Abdulla ilə Almaniyanın Azərbaycandakı fövqəladə və səlahiyyətli səfiri Volfqanq Maniq arasında görüş keçirilib.
Rektor Kamal Abdulla Alman Akademik Mübadilə Xidmətinin rəhbərlik etdiyi ali təhsil ocağında fəaliyyətə başlamasını əlamətdar hadisə kimi qiymətləndirib. Qeyd olunub ki, DAAD ofisinin açılması iki ölkə arasında təhsil sahəsində, tələbə mübadiləsi istiqamətində əməkdaşlığa ciddi töhfə verəcək: “Azərbaycan Dillər Universitetini Almaniya ilə müsbət əlaqələr birləşdirir. Bizim müştərək və faydalı proqramlarımız olub. Gələcəkdə də bu əməkdaşlığı davam etdirməkdə maraqlıyıq”.
Görüşdə Azərbaycandakı multikultural mühit, ölkənin dostluğa və sülhsevər siyasətə əsaslanan beynəlxalq əlaqələri haqqında fikir mübadiləsi aparılıb. Rektor Kamal Abdulla səfiri ADU-da fəaliyyət göstərən “Səfir klubu”nda tələbələrə mühazirə oxumağa dəvət edib.
Volfqanq Maniq ADU-da olmaqdan məmnun olduğunu deyib və DAAD ofisinin universitetdə fəaliyyətə başlaması münasibəti ilə rektora təşəkkürünü bildirib:
“Bu proqram vasitəsi ilə tələbə mübadiləsi xalqlar arasında dostluq bağlarını möhkəmləndirmək üçün fəaliyyət göstərir. Proqramın əsas məqsədlərindən biri ötən əsrdən etibarən dünya üzrə olan digər universitetlər və Almaniya universitetləri arasında əməkdaşlığı yaratmaqdır. Elmə mübadilə lazımdır və bu mübadiləni təşkil edənlərdən biri də DAAD-dır. Almaniyanın Azərbaycana elm sahəsində böyük marağı var. Pandemiya ilə bağlı məhdudiyyətlər aradan qalxandan sonra iki ölkənin universitetləri arasında müxtəlif istiqamətli əlaqələr bərpa olunacaq”.
Akademik Kamal Abdulla səfirə Almaniyada çap olunan “Unutmağa kimsə yox” romanını hədiyyə edib.
Sonra DAAD Bürosunun açılışı və kitabxanasına baxış keçirilib. Metodist Mara-Lisa Gezer DAAD-ın dünya üzrə gördüyü ümumi iş haqqında və 2018-2021-ci illər ərzində Azərbaycanda, eyni zamanda Azərbaycan Dillər Universitetində işinə dair təqdimatla çıxış edib. Mara-Lisa Gezer deyib ki, o, ADU-da 2018-ci ilin sentyabrından fəaliyyət göstərir və Azərbaycanda məktəb və universitet müəllimləri üçün alman dili (DaF) sahəsində çoxsaylı təlim kursları keçirib.
2021-ci ilin sentyabr ayında “DAAD Go East” yay məktəbi 13 alman tələbəyə DAAD təqaüdü ilə iki həftəlik Azərbaycana gəlmək, ölkənin mədəniyyəti və dili tanış olmaq imkanı verib.
Butov.az
5-11-2021, 06:25
Binəqədi rayonu, R.Əliyev adına 3№-li Tam Orta Məktəbin İbtidai sinif müəllimi AZADOVA LƏMAN xanımı doğum günü nünasibətilə şagirdi ÜMİD SƏLİMLİ bütün sinif yoldaşları adından ürəkdən təbrik edir. Ona cansağlığı və uğurlar arzulayır!
Ay, əziz müəllimim,
De məndən razısanmı?
Al qırmızı qələmlə
Mənə “5” yazarsanmı?
Mən bu qırmızı “5”-i
Bilirsiz neyləyəcəm?
Sizin ad gününüzə
Hədiyyə eyləyəcəm!
Görürəm, yanınızda
Çiçəklər qucaq-qucaq.
Amma bu “5”- dən gözəl
Hədiyyə olmayacaq!
(M.R.)
3-11-2021, 11:14
Son günlər ölkə məktəblərində müəllim və şagirdlər arasında COVID-19 yoluxma halları xeyli artıb. Pedaqoji heyətin 90 faizinin vaksinasiyadan keçdiyi, təhsil müəssisələrində sanitar-gigiyena qaydalarına tam riayət olunduğu deyilsə də, yoluxanların sayı demək olar ki, hər gün artır.
Hətta müəllim və şagirdlər arasında ölüm halları belə baş verib.
Bu vəziyyətdə məktəblərin bağlanması və yenidən distant təhsilə keçid mümkündürmü?
Bakupost.az -ın xəbərinə görə, məsələyə münasibət bildirən Aspirant və Magistrlər Cəmiyyətinin sədri, fizika-riyaziyyat elmləri üzrə fəlsəfə doktoru İlqar Orucov deyib ki, məktəblər təkrar bağlandığı təqdirdə şagirdlərin təhsili dərindən mənimsəməsinə ciddi problemlər yaranacaq:
“Ənənəvi təhsili əvəz edəcək təhsil forması yoxdur. Pandemiya səbəbindən məcburiyyət qarşısında qalıb 2 ilə yaxın bir müddətdə, təhsilsizlik boşluğunu doldurmaq üçün fərqli formatlarda təhsilin davam etdirilməsi ilə bağlı qərarlar qəbul edildi. Hazırda isə məktəblərin yalnız lokal olaraq qapanması ilə bağlı qərarlar qəbul olunur. Hesab edirəm ki, bu doğru qərardır”.
İ. Orucovun sözlərinə görə, bu gün bir sıra məktəblərdə yoluxma halları müşahidə olunur:
“Payız mövsümünə xas xəstəliklər də artıb. Mövsümi qrip səbəbindən immun sistemi zəifləyən insan koronavirusa da tez yoluxur. Bədəni zəif olduğu üçün xəstəliyi bir qədər də ağır keçirir. Koronavirusa yoluxma sayındakı statistika hər kəsi, xüsusilə də valideynləri narahat edir. COVİD-ə yoluxan şagirdlərin sayı artdıqca bəzi valideynlər ehtiyat edib övladlarını məktəbə qoymur. Ancaq unutmaq lazım deyil ki, pandemiyanın nə vaxt bitəcəyi məlum deyil. Bu səbəbdən də biz pandemiya şəraitində yaşamağa alışmalıyıq. Başqa çarəmiz yoxdur”.
İ. Orucov bildirib ki, əgər qarşıdakı dövr ərzində məktəblərdə yoluxma halları kəskin şəkildə artarsa, o zaman məktəblərin qapadılması haqda qərar verilər:
“Hesab edirəm ki, mövcud vəziyyətə uyğun olaraq ayır-ayrı siniflərlə bağlı qərarlar qəbul edilməlidir. Bir sinifdə yoluxma aşkarlandıqda o sinif bağlanmalıdır. Pandemiya nə vaxtadək davam edəcəksə, biz də ona uyğun yaşamalıyıq. Buna məcburuq. Övladlarımıza yaxşı təhsil vermək istəyiriksə, məktəblərin bağlanmasını istəmiriksə hamılıqla ilk növbədə həmrəylik nümayiş etdirməliyik. Valideynlər, müəllimlər və məktəb rəhbərləri sanitar gigiyena qaydalarına əməl etməlidirlər. Qoyulan qaydalara əməl olunduğu halda biz vəziyyəti idarəolunan həddə saxlaya bilərik. Məsələyə qeyri ciddi, başdansovdu yanaşılsa və nəticədə yoluxma və ölüm sayı pik həddə çatsa, gələcəkdə daha sərt qərarların qəbulu qaçılmaz olacaq”.
Milli Məclisin Təhsil komitəsinin üzvü, professor Aqiyə Naxçıvanlı isə hesab edir ki, heç vaxt distant təhsil əyani tədrisi, müəllimlə şagirdin canlı ünsiyyətini əvəz edə bilməz. Bu səbəbdən də hansısa məktəbdə yoluxma aşkarlansa, konkret olaraq həmin təhsil müəssisəsi qapadılmalıdır. Bütün məktəbləri bağlamaq olmaz:
“Amma virus müəllim və şagirdlər arasında sürətlə yayılarsa, bu haqda düşünməli olacağıq. Ancaq hazırkı vəziyyətdə məktəblərin bağlanması düzgün qərar olmaz. Hər halda gündəlik yoluxma dinamikası izlənməli və təhlil olunmalıdır. Elə məktəb var ki, orada COVID-ə yoluxma halı aşkarlanmayıb. Belə məktəbləri bağlamağa ehtiyac yoxdur”.
A. Naxçıvanlının fikrincə, həm məktəb rəhbərliyi, həm də valideynlər çox diqqətli olmalıdırlar:
“Valideynlər qripə yoluxan övladlarını məktəbə gətirməməlidirlər. Əgər uşaq xəstədirsə onu evdə saxlamaq lazımdır. Qripə yoluxan uşağı məktəbə gətirəndə sinfin yarısı qripə yoluxur. COVİD-ın bəzi əlamətləri adi qriplə oxşardır. Boğaz ağrısı, hərarət, öskürək. Bu səbəbdən də ayırd etmək olmur ki, bu adi qripdir ya COVİD. Məktəb rəhbərləri, eləcə də müəllimlər hazırkı məqamda çox diqqətli olmalıdırlar. Adi qripə yoluxan uşaqları məktəbə buraxmamalıdırlar”.
Millət vəkili Naqif Həmzəyev vurğulayıb ki, orta məktəblərin distant təhsilə keçirilməsi problemin həlli yolu deyil:
“Məktəblər bağlandığı təqdirdə distant təhsilin tətbiqinə başlanılacaq. Distant təhsil isə şagirdlərin bilik səviyyəsinin aşağı düşməsinə, onların dərsə, təhsilə marağının azalmasına səbəb olacaq. Məktəblərin qapadılması həmçinin şagirdlərin psixologiyasına da mənfi təsir göstərəcək. Sadalanan səbəblərə əsaslanaraq, məktəblərin qapadılmasını məqbul saymıram”.
Millət vəkilinin sözlərinə görə, yoluxma sayını artırmamaq üçün vətəndaş olaraq qoyulan qaydalara əməl etməliyik:
“İlk növbədə çalışılmalıdır ki, bütün təhsil işçiləri vaksinasiya olunsun. Müəllimlər həm özlərinin həm şagirdlərin saglamlığı naminə üçüncü doza vaksini də vurdurmalıdırlar. Eyni zamanda məktəblərdə sanitar gigiyena qaydalarına tam əməl olunmalıdır. Qaydalara riayət olunsa yoluxma artmaz və qapanmalara da ehtiyac qalmaz”.
Bütöv.az
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!