2-11-2025, 23:16
“Fənərbağça” “Beşiktaş”a qalib gəldi
Türkiyə Superliqasında XI turun mərkəzi görüşü keçirilib.
“Beşiktaş” doğma meydanda “Fənərbağça”nı qəbul edib. Görüş “sarı-lacivərdlilər”in 3:2 hesablı qələbəsi ilə yekunlaşıb.
Hazırda “Fənərbağça” 25 xalla 2-ci, “qara qartal” isə 17 xalla 6-cı yerdədir.
Turnir cədvəlinə 29 xalla “Qalatasaray” başçılıq edir.
2-11-2025, 22:48
“Ded Xasan”ın bacısı oğlu həbs edildi
Rusiyanın Yekaterinburq şəhərində kriminal aləmdə “qanuni oğru” kimi tanınan Georgi Akoev saxlanılıb.
Bu barədə RIA Novosti məlumat yayıb.
Məhkəmənin qərarına əsasən, Akoev iki ay müddətinə həbs edilib. O, cinayət iyerarxiyasında yüksək mövqe tutmaqda ittiham olunur.
Kriminal dairələrdə “Giya Sverdlovski” ləqəbi ilə tanınan Georgi Akoev Rusiya mətbuatında 2013-cü ildə qətlə yetirilmiş məşhur kriminal avtoritet “Ded Xasan”ın (Aslan Usoyan) bacısı oğlu kimi təqdim olunur.
Hadisə ilə bağlı istintaq davam edir.
2-11-2025, 21:26
Xəzər dənizində ZƏLZƏLƏ oldu
Xəzər dənizində zəlzələ qeydə alınıb.
Bu barədə Respublika Seysmoloji Xidmət Mərkəzi məlumat yayıb.
Məlumata görə, yerli vaxtla saat 18.46-da qeydə alınan zəlzələnin maqnitudası 3,2 olub.
Zəlzələnin ocağı 72 kilometr dərinlikdə yerləşib.
2-11-2025, 21:12
Türkiyə tarixi sənədə imza atdı - DETALLAR
Türkiyə və İraq su ehtiyatlarının idarə olunması sahəsində əməkdaşlıq haqqında tarixi saziş imzalayıb.
Sənəd Türkiyənin xarici işlər naziri Hakan Fidanın Bağdada səfəri çərçivəsində imzalanıb. O, səfər zamanı İraqın xarici işlər naziri Fuad Hüseynlə danışıqlar aparıb.
İraq XİN rəhbəri bildirib ki, iki ölkə arasında ticarət, iqtisadiyyat və enerji sahələrində olduğu kimi, su məsələsində də qarşılıqlı maraqlara əsaslanan möhkəm tarixi və coğrafi əlaqələr mövcuddur.
“Bu gün imzalanan sənəd İraq və Türkiyə münasibətləri tarixində mühüm dönüş nöqtəsidir. Su ehtiyatları sahəsində əməkdaşlıq barədə razılaşma münasibətlərimizin yeni mərhələsidir,” - deyə Fuad Hüseyn qeyd edib.
Türkiyənin xarici işlər naziri Hakan Fidan isə razılaşmanı “son dərəcə əhəmiyyətli və iki ölkə münasibətlərində ilk belə addım” adlandırıb:
“Uzun illərdir Türkiyə və İraq su ehtiyatlarının daha səmərəli istifadəsi yollarını axtarırdı. İki il yarım əvvəl Bağdada səfərim zamanı İraqın Baş naziri Məhəmməd Şiya əs-Sudani ilə iki mərhələli yanaşma barədə razılaşmışdıq. Birinci mərhələ su ehtiyatlarından optimal istifadə yollarının müəyyənləşdirilməsi, ikinci mərhələ isə İraqın su infrastrukturunun və suvarma sistemlərinin müasirləşdirilməsi idi. Bu istiqamətlərdə intensiv iş aparılıb.”
2-11-2025, 20:08
Salyanda Çin maşını külə döndü
Salyan rayonunda (Ələt-Astara avtomobil yolunun 33-cü kilometrliyi) “Haval” markalı minik avtomobilinin yanar hissələri yanıb.
Bu barədə Fövqəladə Hallar Nazirliyi məlumat yayıb.
Yol kənarındakı kommunikasiya xətləri yanğından mühafizə olunub. Yanğın yanğından mühafizə bölmələri tərəfindən söndürülüb.
2-11-2025, 19:53
Türkiyə Rusiya neftindən imtina edir
Türkiyənin ən böyük neft emalı zavodları Qərbin sanksiyalarından sonra Rusiyadan neft idxalını azaldıb.
Bu barədə “Reuters” agentliyinə iki mənbə və sahəyə yaxın bir neçə şəxs məlumat verib.
Məlumata görə, Rusiya neftinin əvəzinə İraq, Qazaxıstan və digər ölkələrdən dörd yeni partiya xam neft alınıb.
Yeni sifarişlər dekabr ayında çatdırılacaq. Gündəlik 77–129 min barel qeyri-rus mənşəli neft tədarükü ediləcək.
2-11-2025, 19:36
Beşmərtəbəli binada yanğın[/size]
Sumqayıt şəhərində yerləşən beşmərtəbəli yaşayış binasının 1-ci mərtəbəsinin pilləkən qəfəsində elektrik lövhəsində yanğın baş verib.
Bu barədə Fövqəladə Hallar Nazirliyindən məlumat verilib.
Bildirilib ki, yanğın nəticəsində 10 ədəd elektrik sayğacı, 10 ədəd qoruyucu açar və 3 m kabel yanıb.
Yanğın hadisəsi zamanı mənzillər yanğından mühafizə olunub. Hadisə yerinə dərhal yanğından mühafizə bölmələri cəlb olunub və yanğın vaxtında söndürülüb.
2-11-2025, 19:27
Rusiya sərhədi yaxınlığında 250 kiloqramlıq bomba tapıldı
Estoniyada Rusiya sərhədi yaxınlığında təsadüfən 250 kiloqramlıq aviabomba aşkar edilib.
Bu barədə “Postimees” qəzeti yazır.
Bildirilir ki, həyəcan mərkəzinə meşədə gəzən şəxsin böyük partlayıcı qurğu tapması barədə məlumat daxil olub.
Hadisə yerinə gələn bomba zərərsizləşdirilməsi mütəxəssisləri bunun aviabomba olduğunu müəyyən ediblər. Hesabatda sursatın hansı ölkədə və nə vaxt istehsal olunduğu qeyd olunmayıb. Bomba zərərsizləşdirilməsi üzrə mütəxəssislər onu məhv etmək niyyətindədirlər.
2-11-2025, 18:58
İran iki həftəyə nüvə silahı yarada bilər - İran rəsmisi
İran iki həftə ərzində nüvə silahı yarada bilər, amma ali dini lider Ayətullah Əli Xameneinin fətvası bunu qadağan edir.
Bunu Ayətullahın müşaviri Cavad Laricani deyib.
Onun sözlərinə görə, müdafiə və texnoloji imkanların inkişafı İranın strateji prioriteti olaraq qalır.
"Əgər müharibə başlasa, bu barbarlıqla olmayacaq, hər iki tərəfin sərhədləri var. Həzrətin fətvasının (nüvə silahının yaradılmasının qadağan edilməsi haqqında) bir çox əsası var və şiə qanununda uzun bir tarixə malikdir. Ölkə iki həftədən az müddətdə atom bombası əldə edə bilər, amma biz dinimizə sadiqik", - o əlavə edib.
2-11-2025, 18:44
Prokuror Luvrdakı oğurluqdan danışdı: Xırda cinayətkarların işidir
Paris Luvr muzeyində ötən ay 102 milyon dollar dəyərində tarixi zinət əşyalarının gündüz vaxtı cəsarətli şəkildə oğurlanması təşkil olunmuş cinayətkar şəbəkələr tərəfindən deyil, xırda cinayətkarlar tərəfindən həyata keçirilib.
Bu barədə bazar günü Paris prokuroru Lor Bekkua bildirib.
İki həftə əvvəl bazar günü səhəri iki nəfər yükqaldıran lift maşınını Luvrun qarşısında saxlayaraq, onunla ikinci mərtəbəyə qalxıb, pəncərəni sındırıb, ekspozisiya vitrinlərini drel ilə kəsib açıblar və yeddi dəqiqədən az davam edən əməliyyatdan sonra iki motosikletlə oradan qaçıblar.
Dörd şübhəlinin üçü artıq həbs olunub. Zinət əşyaları hələ tapılmayıb. Bununla belə prokuror bildirib ki, onların profilləri “Oceans Eleven” filminə bənzər peşəkar cinayətkarları deyil, Parisin kasıb şimal qəsəbələrindən olan xırda cinayətkarları xatırladır.
“Bu, hər gün rast gəlinən cinayətkarlıq deyil, amma bu hadisə təşkil olunmuş cinayətin ən yüksək səviyyəsi ilə əlaqələndirilmir”, - Paris prokuroru bildirib.
O əlavə edib ki, indiyədək həbs olunan dörd nəfərin profilləri mürəkkəb əməliyyatlar həyata keçirməyə qadir olan peşəkar cinayət şəbəkələrinə uyğun gəlmir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!