27-10-2025, 14:07
Putin Tokayevlə danışıq apardı
Rusiya prezidenti Vladimir Putinlə Qazaxıstan prezidenti Kasım-Jomart Tokayev arasında telefon danışığı olub.
Danışığın əsas mövzusu Qazaxıstan Prezidentinin Rusiyaya diplomatik status baxımından ən yüksək dövlət səfərinə hazırlıq olub.
Kremlin mətbuat xidməti bəyan edib ki, Putin Tokayevi Respublika Günü münasibətilə təbrik edib
Gündəmdəki ikitərəfli cari məsələlər müzakirə edilib.
Tokayevin Rusiyaya səfəri 12 noyabr tarixinə planlaşdırılıb.
Qazaxıstan tərəfinin məlumatına görə, söhbət zamanı iki lider, digər məsələlərlə yanaşı, mövcud qlobal vəziyyəti, eləcə də Moskva ilə Astana arasında strateji tərəfdaşlıq və müttəfiqliyin inkişafını müzakirə ediblər.
27-10-2025, 13:59
Hakan Fidan müavinini Bakıya göndərdi
Türkiyə xarici işlər nazirinin müavini Berris Ekinci Azərbaycanda səfərdədir.
Bu barədə Türkiyənin Azərbaycandakı səfirliyindən bildirilib.
Nazir müavini Bakıda siyasi məsləhətləşmələrdə iştirak edəcək.
Berris Ekinci Türkiyə səfirliyində olub, Fəxri və Şəhidlər xiyabanlarını və Türk şəhidliyini ziyarət edib.
27-10-2025, 13:41
21 yaşlı qadın eyvandan yıxılaraq öldü
Abşeron rayonunun Şəfəq qəsəbəsində 21 yaşlı qadın eyvandan yıxılaraq ölüb.
2004-cü il təvəllüdlü qəsəbə sakini Əbilova Kəmalə Tariyel qızı yaşadığı çoxmərtəbəli binadakı mənzilinin eyvanından yıxılaraq həyatını itirib.
Hadisə yerinə hüquq-mühafizə orqanlarının əməkdaşları və təcili tibbi yardım briqadası cəlb olunub.
Faktla bağlı araşdırma aparılır.
27-10-2025, 13:04
Qohum evliliyini yayımlayan kanal CƏRİMƏLƏNDİ
Audiovizual Şura tərəfindən həyata keçirilən monitorinq nəticəsində "MTV" televiziya kanalının efirində 22 oktyabr 2025-ci il tarixdə saat 20.31-21.24 arası yayımlanan "Toya gəlmişik" proqramının yayımı zamanı "Uşaqların zərərli informasiyadan qorunması haqqında" Qanunun 9.3-cü maddəsinin tələbinin pozulması faktı aşkar olunmuşdur.
Bu barədə Audiovizual Şuradan məlumat verilib.
Belə ki, həmin proqramın yayımı zamanı bölgələrin birində keçirilmiş, qohumların (xalaqızı və xalaoğlunun) toy məclisi nümayiş etdirilmişdir. Azərbaycan Respublikası Ailə Məcəlləsinin 12.0.2-1-ci maddəsinə əsasən qardaşların və (və ya) bacıların ümumi bioloji baba və (və ya) nənəsi olan uşaqları arasında nikahın bağlanmasına yol verilmir. Bu isə "Uşaqların zərərli informasiyadan qorunması haqqında" Qanunun 4.2.4-cü maddəsinə əsasən ailə institutunu nüfuzdan salan informasiya olmaqla uşaqlar arasında dövriyyəsi qadağan edilən informasiyaya aiddir və yayımına məhdudiyyət qoyulur.
Bir neçə gün əvvəl digər yayımçı tərəfindən bu qəbildən pozuntu halı törədilmiş və Audiovizual Şuranın iclasında həmin yayımçıya xəbərdarlıq olunmuşdu. Həmin yayımçıya xəbərdarlıq olunanda bütün yayımçılardan diqqətli olmaları və bu istiqamətdə monitorinqlərin davam edəcəyi bildirilmişdi.
Təəssüflə qeyd olunmalıdır, həmin haldan bir neçə gün sonra "MTV" kanalında yuxarıda qeyd olunan pozuntu halı baş vermişdir. Məsələnin ciddiliyini nəzərə alaraq və yayımçıların bu məsələyə bir daha diqqətini cəlb etmək məqsədilə 24 oktyabr 2025-ci il tarixində "MTV" kanalının aid olduğu "MUZ TV Azərbaycan" MMC-nin səlahiyyətli nümayəndəsi Audiovizual Şuraya dəvət edilmiş, pozuntu faktına görə inzibati xəta haqqında protokol tərtib olunaraq müvafiq məhkəməyə göndərilmişdir. İnzibati Xətalar Məcəlləsinin 388-2.0.4-cü maddəsinə əsasən qeyd olunan pozuntuya görə hüquqi şəxslər üç min manatdan dörd min manatadək məbləğdə cərimə edilir.
Audiovizual Şura bir daha bütün yayımçıları qanunvericiliyin tələblərinə ciddi əməl etməyə, digər yayımçılara tətbiq olunmuş sanksiyaların səbəbi olmuş pozuntuların baş verməməsi üçün redaksiya nəzarətini gücləndirməyə çağırır.
27-10-2025, 12:43
Saleh Səmədovun rəis oğlu işdən çıxarıldı
İmişli Rayon Ağsaqqallar Şurasının sabiq sədri Saleh Səmədovun həbsindən sonra ailəsinə aid digər şəxslər də vəzifələrindən uzaqlaşdırılıb.
Onun ikinci oğlu Toğrul Səmədov Ədliyyə Nazirliyinin Penitensiar Xidmətində fəaliyyət göstərən 3 saylı məntəqə tipli cəzaçəkmə müəssisəsinin rəisi vəzifəsindən azad edilib. Ona bu addım ədliyyə orqanlarında xidmətində aşkar edilmiş nöqsanlarla əlaqədar atılıb.
Xatırladaq ki, Saleh Səmədov daha əvvəl 9 May Faşizm üzərində Qələbə Günü tədbirində sinəsində "Georgi lenti" ilə çıxış etdiyi üçün tənqid olunmuş və Azərbaycan Ağsaqqallar Şurasının üzvlüyündən xaric edilmişdi.
İmişli Rayon İcra Hakimiyyətində Yeni Bəhramtəpə İnzibati Ərazi Dairəsi üzrə nümayəndənin müavini işləyən Saleh Səmədovun oğlu Kamran Səmədov bir müddət əvvəl tutduğu vəzifədən azad edilib.
Saleh Səmədov özü isə beş ay öncə Dövlət Təhlükəsizliyi Xidməti tərəfindən mənimsəmə ittihamı ilə həbs olunub.
27-10-2025, 12:28
Sabah 27 dərəcə isti olacaq
Azərbaycanda oktyabrın 28-də havanın 27 dərəcə isti olacağı gözlənilir.
Bu barədə Milli Hidrometeorologiya Xidmətindən bildirilib.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim cənub-qərb küləyi gündüz arabir güclənəcək.
Havanın temperaturu gecə 14-17, gündüz 21-26 isti olacaq. Atmosfer təzyiqi 761 mm civə sütunundan 758 mm civə sütununa enəcək. Nisbi rütubət gecə 80-85 %, gündüz 60-65 % təşkil edəcək.
Azərbaycanın rayonlarında havanın əsasən yağmursuz keçəcəyi, bəzi yerlərdə arabir duman olacağı gözlənilir. Mülayim qərb küləyi əsəcək.
Havanın temperaturu gecə 10-15, gündüz 22-27, dağlarda gecə 4-9, gündüz 13-18 dərəcə isti olacaq.
27-10-2025, 12:12
Qardaşlıq, tərəfdaşlıq
və strateji
əməkdaşlığın
yeni mərhələsi
Astanada keçirilən Azərbaycan–Qazaxıstan Ali Dövlətlərarası Şuranın ikinci iclası iki qardaş ölkə arasında münasibətlərin daha da dərinləşdiyini və yeni strateji mərhələyə qədəm qoyduğunu təsdiqlədi. Prezident İlham Əliyevin mətbuata verdiyi bəyanat və çıxışı bir daha göstərdi ki, Azərbaycan və Qazaxıstan təkcə dost və tərəfdaş deyil, həm də ortaq dəyərlər, mənəvi köklər və gələcəyə yönəlmiş strateji baxışlarla birləşən iki dövlət kimi çıxış edirlər.
Prezident İlham Əliyev çıxışında Qazaxıstanın inkişaf yolunu yüksək qiymətləndirərək bildirdi ki, Prezident Kasım-Jomart Tokayevin müdrik rəhbərliyi ilə ölkədə aparılan islahatlar, müasir texnologiyaların və süni intellektin tətbiqi Qazaxıstanı modern və güclü dövlətə çevirib. Qazaxıstanın beynəlxalq nüfuzunun artdığını vurğulayan dövlət başçısı qeyd etdi ki, bu ölkə dünyanın etibarlı tərəfdaşlarından biri kimi öz müstəqil kursu ilə irəliləyir və Azərbaycana daim səmimi dost münasibəti nümayiş etdirib.
Azərbaycan Prezidenti diqqətə çatdırdı ki, Qazaxıstan işğal dövründə də, müharibədən sonrakı illərdə də Azərbaycanın suverenliyinə və ərazi bütövlüyünə dəstək göstərib. Prezident Əliyev sülh prosesinə toxunaraq, Vaşinqtonda əldə olunan sazişin regionda yeni sabitlik dövrü başlatdığını və bu prosesdə Qazaxıstanın ilk dəstək verən ölkələrdən biri olduğunu vurğuladı. Azərbaycan tərəfindən Ermənistana tranzit məhdudiyyətlərinin aradan qaldırılması, o cümlədən Qazaxıstandan Ermənistana taxıl daşınması faktı sülhün praktik müstəvidə təzahürü kimi qiymətləndirildi.
Dövlət başçısı xalqlarımızı birləşdirən çoxəsrlik qardaşlıq və mədəni yaxınlığın bu münasibətlərin bünövrəsini təşkil etdiyini qeyd etdi. Qarşılıqlı səfərlərin intensivliyi, hökumətlərarası komissiyaların fəaliyyəti və konkret nəticələr əldə edilməsi bu əlaqələrin səmərəsini göstərir. Prezident İlham Əliyev bildirdi ki, Azərbaycan və Qazaxıstan arasında əməkdaşlıq yalnız ikitərəfli münasibətləri deyil, həm də Avrasiya regionunun geosiyasi sabitliyini və iqtisadi inteqrasiyasını gücləndirir.
Prezidentin çıxışında regional layihələr xüsusi yer tutdu. O, Orta Dəhliz və Zəngəzur dəhlizi layihələrinin gələcək potensialını qeyd edərək bildirdi ki, Azərbaycan ərazisində bütün işlər gələn ilin ortalarında başa çatacaq və 2028-ci ilin sonuna qədər dəhlizin tam açılışı mümkündür. Bu layihələr Asiya ilə Avropanı birləşdirən nəqliyyat-logistika sisteminin genişlənməsinə xidmət edəcək.
İlham Əliyev həmçinin Qazaxıstanın Qarabağın bərpasında göstərdiyi dəstəyə xüsusi minnətdarlıq ifadə etdi. Füzulidə açılmış Kurmanqazı adına Uşaq Yaradıcılıq Mərkəzi iki ölkə arasında qardaşlığın canlı rəmzi kimi dəyərləndirdiyini bildirdi.
Energetika və investisiya sahələrində də əməkdaşlıq genişlənir. Xəzərin dibi ilə elektrik kabelinin tikintisi üzrə üçtərəfli sazişin həyata keçirilməsi, Birgə İnvestisiya Fondunun yaradılması və bir sıra konkret layihələrin reallaşması iki ölkə iqtisadi münasibətlərinə yeni dinamika qazandırır.
Prezident İlham Əliyev qeyd etdi ki, Azərbaycan və Qazaxıstan beynəlxalq təşkilatlar çərçivəsində bir-birilərini daim dəstəkləyirlər. Gələn il Bakıda keçiriləcək İslam Əməkdaşlıq Təşkilatının və Asiyada Qarşılıqlı Fəaliyyət və Etimad Tədbirləri Müşavirəsinin Sammitlərində Qazaxıstanın fəxri qonaq kimi iştirakı iki ölkə arasında sıx münasibətlərin növbəti göstəricisi olacaq.
Beləliklə, Astanadakı görüş bir daha sübut etdi ki, Azərbaycan və Qazaxıstan münasibətləri regionda sabitlik, inkişaf və əməkdaşlığın mühüm dayağıdır. Qardaşlıq və etimad üzərində qurulan bu tərəfdaşlıq yeni əsrdə Avrasiya məkanında birliyə, sülhə və rifaha xidmət edən strateji əməkdaşlıq nümunəsi kimi çıxış edir.
Zəminə Nurayeva,
Xırdalan şəhər 4 nömrəli tam orta məktəbin direktoru
26-10-2025, 18:16
Sudanda döyüşlər şiddətlənir - Ordu qərargahı ələ keçirildi
Sudanın Şimali Darfur bölgəsində mühasirədə olan əl-Fəşər şəhərində döyüşlər intensivləşib.
Bu barədə Aljazeera məlumat yayıb.
Sürətli Dəstək Qüvvələri (Rapid Support Forces - RSF) adlı yarımhərbi qrup hökumətə sadiq Sudan Silahlı Qüvvələrinin qərb bölgəsindəki son dayaq nöqtəsi sayılan hərbi bazanı ələ keçirdiyini bəyan edib.
RSF sözçüsü bazar günü verdiyi açıqlamada bildirib ki, “qüvvələrimiz əl-Fəşərdəki 6-cı Diviziyanı azad etməyi bacardı, bu strateji hərbi bazaya tam nəzarət qurmaqla ordunun və onun müttəfiqlərinin belini qırdı”.
O, bu hadisəni mühüm dönüş nöqtəsi adlandırıb: “Hərbi bazanı ələ keçirərək bütün sudanlıların azadlıq, sülh və ədalət arzularına uyğun olaraq dövlətin inşasına aparan yolda uğur qazanırıq”.
26-10-2025, 17:57
Sumqayıtda maşın divara çırpıldı - 6 yeniyetmə yaralandı
Sumqayıtın Hacı Zeynalabdin qəsəbəsində yol-nəqliyyat hadisəsi baş verib.
“Mercedes” markalı minik avtomobili idarəetmədən çıxaraq, divara çırpılıb.
Hadisə ilə bağlı Sumqayıt Tibb Mərkəzinin Uşaq Xəstəxanasına 6 nəfər (kişi) yeniyetmə hospitalizasiya olunub.
Qeyd olunub ki, müxtəlif xəsarətlər alan şəxslərə Təcili tibbi yardım şöbəsində zəruri tibbi xidmətlər göstərilib.
Onlardan 3 nəfərin vəziyyəti orta ağır, 3 nəfərin vəziyyəti isə sabitdir.
26-10-2025, 17:42
İran Suriya ilə münasibətləri bərpa etmək istəyir
İran Suriya ilə münasibətləri bərpa etməyə ümid edir və Moskva ilə Dəməşq arasındakı sıx əlaqələri nəzərə alaraq Rusiyadan kömək gözləyir.
Bu fikir İranın İRNA xəbər agentliyinin məlumatında yer alıb.
Qeyd olunub ki, Suriya İranla gərginliyi azaltmadan Yaxın Şərqdəki mürəkkəb vəziyyətdə əhəmiyyətli bir oyunçuya çevrilə bilməyəcəyini və ya qonşu güclərlə effektiv şəkildə qarşılıqlı əlaqədə ola bilməyəcəyini çox yaxşı başa düşür.
İran Suriya ilə münasibətlərin inkişafı üçün iki ssenari görür, ən çox ehtimal olunanı gərginliyin azaldılmasını və iki ölkə arasında dialoq və əməkdaşlıq üçün zəmin yaradılmasını nəzərdə tutan ssenari hesab olunur. İRNA vurğulayır ki, bu ssenari İranın və Suriyanın müvəqqəti hökumətinin maraqlarını nəzərə alaraq, Tehran və Moskva arasında məsləhətləşmələrin davam etdirilməsini tələb edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!