4-09-2025, 12:46
Hüseyn Həsənovun Rusiyadakı biznesi ləğv edildi
Bloger Hüseyn Həsənovun Rusiyadakı aktiv biznesi ləğv edilib.
Federal Vergi Xidməti onunla əlaqəli sonuncu Rusiya şirkəti olan Banda Foods MMC-nin ləğvini başa çatdırıb.
Məlumatda bildirilir ki, 2023-cü ildə yaradılan biznes tez bir zamanda maliyyə çətinliyi ilə üzləşib.
"Uğursuzluq tərəfdaşlarla münaqişələrə səbəb oldu. Məhsulların qablaşdırılması və çatdırılması ilə məşğul olan şirkətlər artıq göstərilmiş xidmətlərin haqqını almaq üçün məhkəməyə müraciət etmək məcburiyyətində qaldılar. Həsənov öhdəliklərini yerinə yetirməyib və Rusiyanı tərk edib", - deyə məlumatda qeyd olunub.
Bildirilib ki, kreditorların toplamağa çalışdıqları borcun məbləği təxminən 800 min rubl təşkil edir.
4-09-2025, 12:38
Sabah Bakıya yağış yağacaq
Azərbaycanda sentyabrın 5-də havanın yağışlı keçəcəyi gözlənilir.
Bu barədə Milli Hidrometeorologiya Xidmətindən məlumat verilib.
Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gündüz bəzi yerlərdə qısamüddətli az yağış yağacağı, şimşək çaxacağı ehtimalı var. Şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 20-24, gündüz 28-33 dərəcə isti olacaq. Atmosfer təzyiqi 759 mm civə sütunu, nisbi rütubət isə gecə 70-80 %, gündüz 40-45 % təşkil edəcək.
Azərbaycanın rayonlarında havanın əsasən yağmursuz keçəcəyi, lakin gündüzdən bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə yağışın qısamüddətli leysan xarakterli olacağı, dolu düşəcəyi, gecə və səhər bəzi yerlərdə duman olacağı ehtimalı var. Mülayim şərq küləyi əsəcək.
Havanın temperaturu gecə 18-23, gündüz 30-35, dağlarda gecə 12-17, gündüz 18-23 dərəcə isti olacaq
3-09-2025, 23:34
AZƏRBAYCAN
RESPUBLİKASININ
PREZİDENTİ CƏNAB İLHAM
ƏLİYEVƏ
CƏNAB PREZİDENT!
Sizə BÖYÜK LİDER deyə müraciət edirəm. Çünki Siz bu ada layiqsiniz.
Amerika Birləşmiş Ştatlarının prezidenti cənab Donalt Trampın Sizə bu cür müraciət etməsi heç də təsadüfi deyildir. Sizin ABŞ-a tarixi səfərinizi dünyanın bütün siyasi güc mərkəzləri diqqətlə izləyirdi. Bu, İlham Əliyev diplomatiyasının qələbəsidir. Bu səfərin 2025-ci il, “Konstitusiya və Suverenlik ili” elan etdiyiniz bir ildə baş verməsi heç də təsadüfi deyildir. Sizin dünyada baş verən siyasi hadisələrin konturlarını öncədən nəzərə alaraq dünyanın siyasi xəritəsində baş verən çatlarda Azərbaycan dövlətinin suverenliyini və təhlükəsizliyini bir daha bəyan etməyiniz xalqımızı qürurlandırdı. Siz dünənki ümidlərimizi bügünkü reallıqlara çevirmisiniz. Sizin yeni qurulan Kəlbəcər şəhərindən bu sözləri bəyan etməyiniz tarixi əhəmiyyətə malikdir. Sizin və Mehriban xanım Əliyevanın Kəlbəcər rayonuna tarixi səfəriniz zamanı Kəlbəcər şəhər sakinləri ilə səmimi görüşünüz və onlara yeni mənzillərin açarlarını təqdim etməyiniz məni bir Azərbaycan vətəndaşı, bir kəlbəcərli kimi çox qürurlandırdı və Sizə təşəkkürümü bildirməyi özümə mənəvi borc bildim.
CƏNAB İLHAM ƏLİYEV!
Siz dünyanın dahi siyasi xadimlərindən biri - xalqımızın ümümmilli lideri, türk dünyasının böyük oğlu Heydər Əliyevin arzularını reallaşdırdınız. Siz yekun sülh sazişinin paraflanmasını imzalamaqla dünyanın siyası güc mərkəzlərinin Cənubi Qafqazdakı təsir imkanlarını neytrallaşdırdınız. Bu siyası addım, Sizin dünyada sülhü dəstkləyən lider olduğunuzun tam təsdiqidir. Dünyanın ən nəhəng iqtisadi layihəsi olan, Qərb və Şərqi birləşdirən Zəngəzur Dəhlizinin reallığa çevrilməsi də İlham Əliyev zəkasının göstəricisidir və bu yol ƏLİYEV YOLUDUR!
Siz bu addımı atmaqla türkdilli xalqları bütövləşdirirsiniz. Bu, xalqlarımızın birliyinin, müdrikliyinin göstəricisidir. Bu münasibətlə Sizi bir daha təbrik edirəm və gələcək uğurlarımızın sevincini yaşamağı arzu edirəm. Uca Allah Sizi, ailənizi və xalqımızı qorusun!
Dərin hörmət və ehtiramla: İlqar Vəliyəddin oğlu Misirzadə.
Tarix: 27.08. 2025. Azərbaycan Respublikasının Prezidenti Yanında Dövlət İdarəçilik Akademiyasının - Siyası İdarəetmə fakultəsinin məzunu
3-09-2025, 23:10
Biləsuvarda 3 maşın toqquşdu - ölən var
Biləsuvar rayonunda ağır yol-nəqliyyat hadisəsi baş verib. Hadisə Köhnə Bakı–Astara magistralının rayon ərazisindən keçən hissəsində qeydə alınıb.
İlkin məlumata görə, iki minik və bir yük avtomobilinin toqquşması ilə nəticələnən qəzada bir nəfər həyatını itirib.
Qəza nəticəsində müxtəlif dərəcəli bədən xəsarətləri alan 3 nəfər Biləsuvar Rayon Mərkəzi Xəstəxanasına çatdırılıb. Yaralıların hamısının Cəlilabad rayon sakinləri olduğu bildirilir.
Hadisənin təfərrüatları araşdırılır.
3-09-2025, 22:27
Zelenski Fransaya getdi
Ukrayna prezidenti Volodimir Zelenski Fransaya gedib.
Bu barədə Ukrayna mətbuatı məlumat yayıb.
O, istəklilər koalisiyasına” daxil olan Avropa ölkələrinin liderləri ilə görüşcək.
Bundan əvvəl Almaniya kansleri Fridrix Merts "İstəklilər koalisiyası"nın iclasının sentyabrın 4-də keçiriləcəyini bildirmişdi. Görüş videokonfrans vasitəsilə keçiriləcək.
Mertsin sözlərinə görə, əsas müzakirə mövzusu Ukrayna üçün təhlükəsizlik təminatları və onun gələcək dəstəyi ilə bağlı məsələlər olacaq. Almaniya kansleri qeyd edib ki, Ukrayna üçün “ən mühüm təhlükəsizlik zəmanəti” onun ordusuna kifayət qədər dəstək verməkdir. “İstəklilər koalisiyası” Ukrayna Silahlı Qüvvələrinə yardımı davam etdirmək niyyətindədir.
3-09-2025, 21:22
Moskvaya gedən bir qrup azərbaycanlı deportasiya edildi
Moskvanın "Domodedovo" hava limanında bir qrup Azərbaycan vətəndaşı deportasiya olunur.
Azərbaycan vətəndaşları hava limanına eniş etdikdən sonra Rusiyaya buraxılmayıb və geri göndərilirlər.
Hadisənin məhz hansı səbəbdən baş verdiyi məlum deyil.
3-09-2025, 20:55
Hər şey tezliklə sona çatacaq - Tramp
ABŞ Prezidenti Donald Tramp “Truth Social” şəbəkəsində paylaşım edərək HƏMAS-a bütün 20 girovu dərhal geri qaytarmaq çağırışı edib.
O, paylaşımında bundan sonra hər şeyin sürətlə dəyişəcəyini və tezliklə sona çatacağını bildirib.
3-09-2025, 20:40
Azərbaycanlıları güllələyən şəxsi ömürlük cəza gözləyir
Ukraynanın Kiyev vilayətinin Fastiv şəhərində güllələnən azərbaycanlılarla bağlı hadisənin təfərrüatı və hadisəni törədənin kimliyi məlum olub.
Hadisəni törədən şəxs 1973-cü il təvəllüdlü, Ukrayna vətəndaşı, Fastiv şəhər sakini İvanenko Oleksandr Volodimiroviçdir.
O, 2022-ci ilin yazından 2023-cü ilin payızına qədər Ukrayna ordusunda döyüşüb.
Kiyev vilayət prokurorluğunun rəhbəri Dmitro Prokudin isə bildirib ki, hadisə avqustun 31-də baş verib və qətli törədən şəxslə küçədə qarpız satan şəxslər arasında insident yaşanıb.
O qeyd edib ki, qarpız satan şəxslər etnik azərbaycanlılardır və Ukrayna vətəndaşlarıdır:
"Bu, ata Fərman Rəhimov və oğlu İsmayıl olub. Onlara yaxınlaşan həmin şəxslə söhbəti zamanı aralarında münaqişə yaranıb. Yaxınlaşan şəxs keçmiş hərbçi olub. Mübahisə münaqişəyə çevrilərkən 52 yaşlı Fastiv sakini evinə gedərək tapança götürüb, geri qayıdaraq ata və oğulu güllələməyə başlayıb. Nəticədə İsmayıl Rəhimov dünyasını dəyişib. Yaralı ataya lazımi köməklik göstərilib. Xoşbəxtlikdən onun zədəsi ciddi deyildi və o qədər də ağır nəticələrə səbəb olmayıb. O, artıq xəstəxanadan çıxıb, indi oğlunun dəfni ilə məşğuldur".
Prokuror deyib ki, hadisə yerinə ilk olaraq təsadüfən həmin ərazidə olan polis əməkdaşı gəlib:
"Həmin an o, xidmətdə olmayıb, amma vətəndaşlıq borcunu yerinə yetirib. Polis əlisilahlı şəxsi dərhal saxlayıb. Sonra hadisə yerinə digər hüquq-mühafizə orqanlarının nümayəndələri gəlib, hücum edən şəxsi həbs ediblər".
Dmitro Prokudin həmin şəxsə qarşı Ukrayna Cinayət Məcəlləsinin üç maddəsi ilə ittiham irəli sürüldüyünü vurğulayıb:
"Bu maddələrin ən ağırı iki və ya daha çox şəxsi öldürməyə cəhddir. Məhkəmə onu təqsirli bildiyi halda, bu maddələr ilə onu ömürlük həbs cəzası gözləyir.
Bütün lazımi ekspertizalar təyin edilib. Hazırda ibtidai istintaqda bu cinayətin irqi və ya milli ədavət və ya düşmənçilik zəminində törədildiyi barədə heç bir hal və ya əsas müəyyən edilməyib".
3-09-2025, 20:19
Putin qərar verməlidir - TRAMP
ABŞ Prezidenti Donald Tramp Rusiya-Ukrayna sülh danışıqlarından danışıb.
Ağ Evdə Polşa Prezidentini qəbul edən Tramp Putin üçün heç bir bəyanatının olmadığını bildirib.
"O, mənim mövqeyimi bilir. Qərar verməlidir. Ya razı qalacağam, ya da yox", - Tramp vurğulayıb.
ABŞ Prezidenti Putinin qərarından razı qalmayacağı təqdirdə, bunun nəticələrinin olacağını da qeyd edib.
3-09-2025, 19:48
İlham Əliyevin Çinə səfəri başa çatdı
Azərbaycan Prezidenti İlham Əliyevin Çinə işgüzar səfəri sentyabrın 3-də başa çatıb.
Pekin Beynəlxalq Hava Limanında dövlət başçısının şərəfinə fəxri qarovul dəstəsi düzülmüşdü.
Prezident İlham Əliyevi və birinci xanım Mehriban Əliyevanı rəsmi şəxslər yola saldılar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!