28-09-2022, 16:45
Səfərbərliyə etiraz edən qadın 6 yaşlı qızını öldürdü
Rusiyanın Perm vilayətində dəhşətli hadisə baş verib. Butov.az xəbər verir ki, ərinin səfərbərliyə çağırılmasına etiraz edən qadın 6 yaşlı qızını bıçaqlayaraq öldürüb. O, daha sonra intihara cəhd edib. Perm vilayəti üzrə regional İstintaq Komitəsindən bildirilib ki, qadın əri ilə mübahisə edib, 10 il əvvəl kəşfiyyatda xidmət etmiş həyat yoldaşının müharibəyə getməsinə qarşı çıxıb. Lakin istəyinə nail ola bilməyən qadın əsəbdən azyaşlı övladını qətlə yetirib. O, ardınca özünə xəsarət yetirsə də, həkimlərin səyi nəticəsində həyatını xilas etmək mümkün olub. Faktla bağlı cinayət işi açılıb, araşdırma aparılır.
28-09-2022, 16:40
Türkiyə ordusu 13 terrorçunu məhv etdi
Türkiyə ordusu Suriyanın şimalında PKK terror təşkilatının bu ölkədəki qanadının 13 silahlısını zərərsizləşdirib. Bu barədə Türkiyəni Milli Müdafiə Nazirliyi məlumat yayıb. Məlumata görə, PKK/YPG yaraqlıları “Fərat Qalxanı”, “Barış pınarı” və “Zeytun budağı” antiterror əməliyyatlarının aparıldığı ərazilərdə təxribat və hücumlar təşkil etməyə çalışarkən zərərsizləşdiriliblər.
28-09-2022, 16:38
Daşaltı necə azad olunub? - Tehran Mənsimov açıqladı
Daşaltı kəndinin azad olunması tapşırığına rəhbər polkovnik Tehran Mənsimov təyin olunmuşdu. Bu barədə İctimai TV-də yayımlanan “Bizim torpaq” sənədli filmində bildirilib. Vətən müharibəsində Naxçıvan Əlahiddə Ümumqoşun Ordusunun Xüsusi Təyinatlı Dəstəsini zabiti olan Tehran Mənsimov sözügedən sənədli filmdə Daşaltı əməliyyatından danışıb:“Xüsusi təyinatların itkisiz irəliləməsi üçün Daşaltıya hücum etməli, düşmənin Şuşadan, Xankəndidən, Laçın yolu istiqamətindən gələ biləcək qüvvəsini üzərimə çəkməliydim. Bundan başqa, XTQ-yə şərait yaratmalı idim ki, yolu tutduqdan sonra, təyin olunmuş həddə Şuşanın ətrafına yerləşsinlər. Nəticədə onlar arxadan, mən isə Daşaltıdan Şuşaya daxil olmalı idim. Dolu əvəzinə, güllə yağırdı. Düşmən bütün artilleriya vasitələrindən istifadə edirdi. Təsəvvür edin, hava hücumundan müdafiə vasitəsiylə insana atəş açırdılar, adam rəsmən tikə-parça olurdu. Daşaltının üstündəki bütün qayalarda güllə izi var. Mən Azərbaycan oğullarının nəyə qadir olduğunu, nə edə biləcəklərini gördüm”. Qeyd edək ki, noyabrın 4-də Şuşa-Laçın yolu xüsusi təyinatlı bölmələr tərəfindən azad olunub.
28-09-2022, 16:35
Gürcüstana 80 minə yaxın Rusiya vətəndaşı gəlib
Sentyabrın 17-dən 26-dək Gürcüstana səfər etmiş Rusiya vətəndaşlarının sayı 78 742 nəfər olub. Bu barədə Gürcüstanın Daxili İşlər Nazirliyindən məlumat verilib. Bildirilib ki, Gürcüstana gələn rusiyalıların maksimum sayı bazar ertəsi günü qeydə alınıb. Həmin gün 11 143 nəfər ölkəyə daxil olub. Bundan əlavə, 62 120 Rusiya vətəndaşı Gürcüstanı tərk edib, bu da gələnlərin 78,9%-ni təşkil edir. Qeyd edək ki, Rusiyada qismən səfərbərlik elan ediləndən sonra ölkədən kütləvi köç başlayıb.
28-09-2022, 16:32
Hikmət Hacıyev Armen Qriqoryanla görüşdü
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev ABŞ-da Birləşmiş Ştatlar Prezidenti Cozef Baydenin Milli Təhlükəsizlik məsələləri üzrə müşaviri Ceyk Sallivan və Ermənistanın Təhlükəsizlik Şurasının (TŞ) katibi Armen Qriqoryanla görüşüb. Bu barədə ABŞ Prezidentinin Milli Təhlükəsizlik məsələləri üzrə müşaviri Ceyk Sallivan bildirib. “Bu gün birbaşa və konstruktiv danışıqlar üçün Hikmət Hacıyev və Armen Qriqoryanla müzakirələr apardıq. Biz növbəti şiddətin qarşısının alınmasının, vaxta bağlı və diqqət mərkəzində olan danışıqların aparılmasının vacibliyini müzakirə etdik. Biz sabit və dayanıqlı sülhə dəstək olaraq irəliyə doğru konkret addımlar da müəyyənləşdirdik”, - deyə Ceyk Sallivan qeyd edib.
28-09-2022, 16:29
ABŞ 250 milyon dollarlıq silah satdı
ABŞ Dövlət Departamenti Küveytə silah satışına razılıq verib. Bu barədə Pentaqonun Müdafiə Təhlükəsizliyi Əməkdaşlıq Agentliyi məlumat yayıb. Bildirilir ki, satışa M1A2K tankı üçün döyüş və təlim sursatları, müvafiq avadanlıqlar daxildir. Müqavilənin dəyəri 250 milyon dollardır. Razılaşma icra edilməzdən əvvəl Konqres tərəfindən təsdiq edilməlidir.
28-09-2022, 16:26
İsrail Ukraynada keçirilən "referendumları" tanımayacaq
İsrail Ukraynanın suverenliyi və ərazi bütövlüyünə sadiq olmağa davam edir. Bu barədə İsrail Xarici İşlər Nazirliyi məlumat yayıb. Nazirlik İsrailin Rusiyanın işğalı altında olan bölgələrdə keçirilən saxta "referendumlar"ı tanımayacağını bildirib. Bəyanatda İsrailin Ukraynanın suverenliyi və ərazi bütövlüyünə sadiq olduğu qeyd edilib.
28-09-2022, 16:23
Şair Sabir Yusifoğlu vəfat etdi
Tanınmış şair Sabir Yusifoğlu dünyasını dəyişib. Bu barədə onun yaxınları məlumat verib. Azərbaycan Yazıçılar Birliyinin üzvü olan şair, həmçinin Prezident təqaüdçüsü idi. Qeyd edək ki, Sabir Yusifoğlunun oğlu Emin Piri də şairdir. Allah rəhmət eləsin
28-09-2022, 16:21
Rusiya hələ də Ukrayna ilə danışıqlara hazırdır - Peskov
Rusiya hələ də Ukrayna ilə danışıqlara hazırdır. Bunu Kremlin sözçüsü Dmitri Peskov bildirib. Onun sözlərinə görə, Rusiya prezidenti türkiyəli həmkarı ilə söhbətində Ukrayna ilə danışıqlar aparmağa hazır olduğunu bəyan edib: "Lakin vəziyyətin dəyişməsi danışıqların şərtlərini də dəyişir". Peskov, həmçinin qeyd edib ki, prezident Vladimir Putin Ukraynanın danışıqlar prosesini tərk etdiyini və buna görə də xüsusi hərbi əməliyyatın davam etdiyini diqqətə çatdırıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!