25-09-2022, 18:00
Tehran Londona nota verdi
İran Böyük Britaniyaya nota verib. Butov.az xəbər verir ki, Böyük Britaniyanın Tehrandakı səfiri Simon Şerkliff İran Xarici İşlər Nazirliyinə çağırılıb. Britaniyanın son günlər İranla bağlı sərgilədiyi sərt mövqeyə və ittihamlara görə Tehranın Londona nota ünvanladığı qeyd olunub.
25-09-2022, 17:56
Türkmənistan Avropaya yaxınlaşır
Türkmənistan Avropa İttifaqı (Aİ) ilə iqtisadiyyat, ekologiya, enerji, humanitar və mədəni sahələrdə əməkdaşlığı genişləndirmək niyyətindədir. Bu barədə ölkənin Xarici İşlər Nazirliyinin mətbuat xidməti məlumat yayıb. Avropa İttifaqına yaxınlaşmanın hansı istiqamətlərdə baş tutacağı tam olaraq açıqlanmayıb.
25-09-2022, 17:54
Qırğızıstan və Tacikistan razılaşdı - Sənəd imzalandı
Qırğızıstan və Tacikistanın Milli Təhlükəsizlik üzrə Dövlət Komitəsinin rəhbərləri sərhəddə yaranmış vəziyyətin nizamlanması ilə bağlı protokol imzalayıblar. Bu barədə Qırğızıstan Milli Təhlükəsizlik üzrə Dövlət Komitəsinin sədri Kamçıbek Taşiyev bildirib. Onun sözlərinə görə, danışıqlar Batken vilayətinin Qızıl-Bel keçid məntəqəsində baş tutub. Taşiyev protokolun bütün bəndlərinin yerinə yetiriləcəyinə ümid edir.
25-09-2022, 17:52
ABŞ-dan Tbilisiyə çağırış: Rusları ölkəyə buraxmayın!
"Gürcüstan sərhədini bağlasa və ən azı qısa müddətdə rusiyalı turistləri ölkəyə buraxmasa, bu çox müdrik qərar olardı". Bunu ABŞ Konqresinin üzvü Adam Kinzinger özünün "Twitter" səhifəsində yazıb.“Hərbçi yaşındakı kişilərin bu kiçik, lakin vacib müttəfiqə axını çox təhlükəlidir", - deyə amerikalı konqresmen qeyd edib. Xatırladaq ki, Rusiyada qismən səfərbərlik elan ediləndən sonra bu ölkədən Gürcüstan və digər qonşu dövlətlərə kütləvi axın müşahidə edilir.
25-09-2022, 17:48
İrandan İraqa hücum - Qərargahlar bombardman edildi
İran Silahlı Qüvvələrinin quru qoşunları İraqın şimal regionlarını artilleriya atəşinə tutub. Butov.az xəbər verir ki, İran İslam İnqilabı Keşikçiləri Korpusunun (Sepah) məlumatına görə, İraqın şimalında yerləşən terrorçu qruplaşmaların mövqeləri və qərargahları bombardman edilib. Artilleriya atəşinin nəticələri barədə hələlik məlumat verilmir. İranın rəsmi mediası bildirir ki, bu barədə Sepahın bəyanatla çıxış edəcəyi gözlənilir.
25-09-2022, 17:46
Enerji böhranı - Fransızlar odun dövrünə qayıdır
Fransada enerji böhranı odun satan şirkətlərin səhmlərini 700 faiz bahalaşdırıb. Butov.az xəbər verir ki, enerji qiymətlərinin qalxması ilə əlaqədar olaraq, əhalinin oduna təlabatı kəskin artıb. Məlumata görə, qış öncəsi qaz və işığın bahalaşması vətəndaşları alternativ yanacaqdan istifadəyə təhrik edir. Bundan əlavə, hökumətin yaşıl yanacağın təşviqi və son iki ildə neft, habelə kömür qazanlarının quraşdırılmasına qadağa qoyması oduna tələbi artıran digər səbəb olub.
25-09-2022, 17:44
Sabah çiskin olacaq, yağış yağacaq
Sabah Bakıda və Abşeron yarımadasında hava dəyişkən buludlu, əsasən yağmursuz olacaq. Lakin səhər yarımadanın bəzi yerlərində az çiskinli olacağı ehtimalı var. Mülayim şimal-qərb küləyi gündüz cənub-şərq küləyi ilə əvəz olunacaq. Milli Hidrometeorologiya Xidmətindən bildirilib ki, havanın temperaturu gecə 16-19° isti, gündüz 21-23° isti olacaq. Bakıda gecə 17-19° isti, gündüz 21-23° isti olacaq. Atmosfer təzyiqi 767 mm civə sütunu təşkil edəcək. Nisbi rütubət 65-75 % olacaq. Azərbaycanın rayonlarında əsasən yağmursuz olacaq. Lakin gündüz bəzi şərq rayonlarında az yağış yağacağı ehtimalı var. Gecə və səhər saatlarında duman gözlənilir. Mülayim şərq küləyi əsəcək. Havanın temperaturu gecə 15-18° isti, gündüz 25-30° isti, dağlarda gecə 4-7° isti, gündüz 8-13° isti olacaq.
25-09-2022, 17:41
İrandakı aksiyalarda ölənlərin sayı artıb
İranda aksiyalar zamanı daha 10 nəfər həlak olub. Bu barədə İrana məxsus teleqram kanalları məlumat yayıb. Bildirilib ki, polis əməkdaşları etirazçılara atəş açıb. Nəticədən onlardan bir neçəsi ölüb. Yaralılar barədə hələlik xəbər verilməyib. Ümumilikdə ölənlərin sayı 40-dan çoxdur. Qeyd edək ki, sentyabrın 16-da 22 yaşlı Məhsa Əmininin əxlaq polisi tərəfindən zorakılığa məruz qalması və bir neçə saatdan sonra xəstəxanada ölməsi İranda genişmiqyaslı etirazlara səbəb olub.
25-09-2022, 17:38
Azərbaycanlı döyüşçü erməni rəqibini məğlub edib
Azərbaycanlı idmançı Emil Novruzov növbəti döyüşünə çıxıb.Butov.az xəbər verir ki, həmyerlimiz rinqdə erməni idmançı Martin Cuaryanla üz-üzə gəlib. Rəqibindən üstün olan Emil Novruzov döyüşü qələbə ilə başa vurub. Qeyd edək ki, Cuaryan yarışlarda Rusiya bayrağı altında çıxış edir.
25-09-2022, 17:36
Çavuşoğludan PKK açıqlaması: ABŞ onları dəstəkləyir
"Təəssüf ki, Birləşmiş Ştatlar Suriyada hələ də PKK/PYD-yə dəstək verir”. Bunu Türkiyənin xarici işlər naziri Mövlud Çavuşoğlu deyib. Çavuşoğlu Türkiyənin ABŞ-la münasibətlərində problemlərin olduğunu vurğulayıb:“Bu terror qurumları son zamanlar hücumlarının sayını artırıb. Burada FETÖ, digər tərəfdən CAATSA sanksiyaları da bizi narahat edən məsələlərdir. Əslində bunlar bizim üçün milli təhlükəsizlik məsələləridir, müttəfiqimiz ABŞ-dan bu məsələdə həssaslıq gözləyirik, həssaslığımızı anlamalarını gözləyirik”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!