2-03-2023, 22:13
Yunanıstanda baş vermiş qatar qəzasında ölənlərin sayı artıb
Yunanıstanın Larisa şəhəri yaxınlığında sərnişin qatarı ilə yük qatarının toqquşması nəticəsində ölənlərin sayı 46-ya çatıb, daha 57 nəfər isə yaralanıb. Bu barədə Yunanıstanın dövlət televiziyası məlumat yayıb. Bildirilib ki, yaralılardan 6 nəfərin vəziyyəti ağırdır. Məlumata görə, qəza zamanı baş vermiş yanğın səbəbindən oradan çıxarılan cəsədlər tanınmaz hala düşüb. Qeyd edək ki, qəzadan sonra paytaxt Afinada etirazlar başlayıb, nümayişçilərlə polis arasında qarşıdurma yaşanıb. Polis nümayişçilərə qarşı gözyaşardıcı qaz istifadə edib. Yunanıstan hökuməti ölkə tarixində ən dəhşətli qatar qəzasından sonra üçgünlük matəm elan edib.
2-03-2023, 18:39
Yunanıstanda baş vermiş qatar qəzasında ölənlərin sayı artıb
Yunanıstanın Larisa şəhəri yaxınlığında sərnişin qatarı ilə yük qatarının toqquşması nəticəsində ölənlərin sayı 46-ya çatıb, daha 57 nəfər isə yaralanıb. Bu barədə Yunanıstanın dövlət televiziyası məlumat yayıb. Bildirilib ki, yaralılardan 6 nəfərin vəziyyəti ağırdır. Məlumata görə, qəza zamanı baş vermiş yanğın səbəbindən oradan çıxarılan cəsədlər tanınmaz hala düşüb. Qeyd edək ki, qəzadan sonra paytaxt Afinada etirazlar başlayıb, nümayişçilərlə polis arasında qarşıdurma yaşanıb. Polis nümayişçilərə qarşı gözyaşardıcı qaz istifadə edib. Yunanıstan hökuməti ölkə tarixində ən dəhşətli qatar qəzasından sonra üçgünlük matəm elan edib.
2-03-2023, 18:37
Keçmiş futbolçunun oğlu “Barcelona” klubuna transfer oldu
Braziliya millisinin keçmiş futbolçusu Ronaldinyonun oğlu Joao Mendeş de Assis Moreyra “Barselona” klubuna transfer olunub. Bu barədə klubun rəsmi saytında məlumat yayılıb. 18 yaşlı hücumçunun İspaniya klubu ilə bir il yarımlıq müqavilə imzaladığı bildirilib. Mendeş U-19 komandasında çıxış edəcək. Xatırladaq ki, Ronaldinyonun özü 2003-2008-ci illərdə “Barselona”da oynayıb.
2-03-2023, 18:33
İranın Qafandakı yeni baş konsulu erməni müavinlə görüşüb
İranın Qafandakı yeni baş konsulu Abedin Varamin Ermənistan İstintaq Komitəsinin rəis müavini Arsen Ayvazyanla görüşüb. Bu barədə "Sputnik Armenia" məlumat yayıb. Diplomat Tehranın Ermənistan İstintaq Komitəsi ilə baş konsulluq vasitəsilə əməkdaşlığı genişləndirməyə hazır olduğunu bildirib. "O, söhbətində iki ölkə arasında münasibətlərin yüksək səviyyəsindən danışıb", - deyə məlumatda qeyd olunub. Xatırladaq ki, İran ötən il Qafanda baş konsulluq açıb.
2-03-2023, 18:29
İranda 900-ə yaxın şagird zəhərlənib
İranda 900-ə yaxın məktəbli qız zəhərlənib. Bunu İran parlamentinin Milli təhlükəsizlik və xarici siyasət komissiyasının üzvü Şəhriyar Heydəri deyib. Onun sözlərinə görə, indiyədək ölkənin müxtəlif əyalətlərində 900-ə yaxın şagird zəhərlənib: “Hesab edirəm ki, İslam Şurası Məclisinin sədri Milli təhlükəsizlik və xarici siyasət komissiyasına bu məsələnin kəşfiyyat orqanları, habelə Səhiyyə və Təhsil nazirliklərinin məsul şəxsləri ilə birlikdə araşdırılması ilə bağlı tapşırıq verilməlidir. Bu problemin mənbəyi qısa vaxtda müəyyən edilməlidir ki, insanların narahatlığına son qoyulsun”. Qeyd edək ki, son günlər İranda məktəbli qızların qəsdən zəhərləndirilməsi ilə bağlı müxtəlif iddialar dolaşmaqdadır.
2-03-2023, 18:26
G20 sammitində yekun bəyənnamə imzalanmadı
G20 ölkələrinin xarici işlər nazirlərinin Hindistanda keçirilən sammitində Ukraynadakı müharibə ilə bağlı mübahisələrə görə birgə yekun bəyannamə imzalanmayıb. Dövlətlərin əksəriyyəti Rusiyanın işğalçı müharibəsini bir daha qətiyyətlə pisləyib və qoşunların Ukrayna ərazisindən qeyd-şərtsiz çıxarılmasını tələb ediblər. Lakin Rusiya və Çinin xarici işlər nazirləri bu məqamla razılaşmayıb. Hindistanın xarici işlər naziri Subrahmanyam Caişankar iclasın sonunda jurnalistlərə bildirib ki, bəzi ölkələrin qütbləşmiş baxışları səbəbindən birgə yekun bəyannamə qəbul edilməyib.
2-03-2023, 18:22
Mina probleminə BMT çərçivəsində baxılmalıdır - Prezident
Azərbaycan böyükmiqyaslı mina problemi ilə üzləşib. Müharibənin başa çatmasından sonra - 2020-ci il noyabrın 10-dan indiyədək 300-ə yaxın vətəndaşımız mina partlaması səbəbindən həlak olub və ya yaralanıb. Bu barədə Azərbaycan Prezidenti İlham Əliyev BMT Baş Assambleyasının 77-ci sessiyasının prezidenti Tsaba Körösini qəbul edərkən bildirib. Dövlətimizin başçısı diqqətə çatdırıb ki, Azərbaycanın işğaldan azad olunmuş ərazilərdə genişmiqyaslı bərpa-quruculuq işləri həyata keçirilir. Ölkəmizin minatəmizləmə üzrə yeni Dayanıqlı İnkişaf Məqsədinin təsis edilməsi təşəbbüsü ilə çıxış etdiyini, BMT çərçivəsində də bununla bağlı müzakirələrin aparılmasının vacibliyini vurğulayan Prezident İlham Əliyev BMT-nin ali orqanlarında islahatların aparılması məsələsinə toxunub.
2-03-2023, 18:17
Ceyhun Bayramov Küveytin XİN başçısı ilə görüşüb
Martın 2-də xarici işlər naziri Ceyhun Bayramov Qoşulmama Hərəkatının (QH) COVİD-19-a qarşı mübarizə üzrə Təmas Qrupunun Zirvə Görüşü çərçivəsində Azərbaycanda səfərdə olan Küveyt dövlətinin xarici işlər naziri Şeyx Salem Abdullah Al-Caber Al-Sabah ilə görüşüb. Görüşdə Azərbaycan və Küveyt arasında müxtəlif sahələrdə ikitərəfli əməkdaşlıq gündəliyi, çoxtərəfli platformalarda qarşılıqlı fəaliyyət məsələləri müzakirə olunub. Ölkələr arasında yüksək səviyyəli siyasi dialoqun mövcud olduğunu qeyd edən nazir Ceyhun Bayramov, ölkələrimiz arasında müxtəlif sahələrdə əməkdaşlığın genişləndirilməsi perspektivlərindən danışıb. Nazir Ceyhun Bayramov BMT, QH, İƏT çərçivəsində ölkələr arasında qarşılıqlı dəstəyi məmnuniyyətlə qeyd edib. Görüş zamanı habelə “Azərbaycan Respublikası Hökuməti və Küveyt Dövləti Hökuməti arasında əməkdaşlıq üçün Birgə Komissiya” çərçivəsində fəaliyyət müzakirə olunub. Küveyt naziri Azərbaycanın Qoşulmama Hərəkatına müvəffəqiyyətli sədrliyinə görə minnətdarlıq ifadə edib. Əlaqələrin artan xətt üzrə inkişaf etdiyini qeyd edən nazir, iki ölkə arasında mütəmadi olaraq keçirilən görüşlərin əlaqələrin möhkəmlənməsinə xidmət etdiyini qeyd edib. Tərəflər həmçinin turizm, elm, təhsil, mədəniyyət və digər sahələrdə mümkün əməkdaşlıq perspektivlərini müzakirə ediblər. Görüşdə digər qarşılıqlı maraq doğuran məsələlər ətrafında fikir mübadiləsi aparılıb.
2-03-2023, 18:14
Ceyhun Bayramov Fələstinin XİN rəhbəri ilə görüşüb
Azərbaycan Respublikasının xarici işlər naziri Ceyhun Bayramov Qoşulmama Hərəkatının (QH) COVID-19-a qarşı mübarizə üzrə Təmas Qrupunun Zirvə Görüşü çərçivəsində ölkəmizdə səfərdə olan Fələstin Dövlətinin xarici işlər naziri Riyad Əl-Maliki ilə görüşüb. Bu barədə Azərbaycan XİN-dən bildirilib. Görüş zamanı, ikitərəfli və çoxtərəfli əməkdaşlıq gündəliyinin aktual məsələləri, o cümlədən bölgədə cari vəziyyət müzakirə mövzusu olub. Azərbaycan və Fələstin arasında diplomatik münasibətlərin qurulmasından ötən 30 il ərzində əlaqələrin müxtəlif sahələrdə inkişaf etdiyi məmnunluqla qeyd olunub. Bu xüsusda, Fələstinin Ramallah şəhərində Azərbaycan Respublikasının Təmsilçilik Ofisinin açılmasının mövcud münasibətlərin inkişafına daha böyük təkan verəcəyinə dair inam ifadə olunub. Beynəlxalq təşkilatlar, xüsusilə Birləşmiş Millətlər Təşkilatı, İslam Əməkdaşlıq Təşkilatı, habelə QH çərçivəsində göstərilən qarşılıqlı dəstəyin təqdirəlayiq olduğu, bu xüsusda əməkdaşlığın daha da gücləndirilməsinin vacibliyi qeyd olunub. Nazir Riyad Əl-Maliki Azərbaycan ilə Fələstin arasında qarşılıqlı hörmət, həmrəylik və dostluğa əsaslanan münasibətlərin inkişafında qarşılıqlı səfərlərin, habelə siyasi dialoqun əhəmiyyətini vurğulayıb. Nazir Riyad Əl-Maliki, Azərbaycanın QH-ya sədrliyinin Hərəkatın inkişafına mühüm töhfələr verdiyini, onun daha da gücləndirilməsinə xidmət etdiyini bildirib.
2-03-2023, 18:11
Paşinyan ailəsi ilə birlikdə Almaniyaya səfər edib
Ermənistanın baş naziri Nikol Paşinyanı daşıyan təyyarə Almaniyanın paytaxtı Berlinə eniş edib. Bu barədə "Sputnik Armenia" yazıb. Bildirilib ki, Paşinyanı həyat yoldaşı Anna Akopyanla yanaşı, ortancıl qızı da müşayiət edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!