Sakinlər yolsuzluqdan şikayətlənir .....                        Türkiyə ABŞ-yə yeni səfir təyin etdi .....                        Makron Ermənistanla əməkdaşlığı inkişaf etdirəcəklərini bildirdi .....                        Naxçıvanda “Gənclər Fondu” publik hüquqi şəxsi ləğv olundu .....                        Sahibə Qafarova Bəhreyn Kralləğənın sədri ilə görüşdü .....                        Sahibə Qafarova Tailand Milli Assambleyasının prezidentiylə danışıqlar apardı .....                        Türkiyə Böyük Millət Məclisinin sədri Bakıya gəldi .....                        Xalq yazıçısı vəfat etdi .....                        “Azərsilah” Müdafiə Sənayesi Holdinqi”nin nizamnaməsi təsdiqləndi .....                       
4-08-2023, 16:30
Minatəmizləmə Agentliyinin yubiley medalı təsis edildi


Minatəmizləmə Agentliyinin yubiley medalı təsis edildi

Minatəmizləmə Agentliyinin 25 illiyi ilə bağlı yubiley medalı təsis edilib.
Prezident İlham Əliyev “Azərbaycan Respublikası Minatəmizləmə Agentliyinin 25 illiyi (1998-2023)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Qanunda edilən dəyişikliyi təsdiq edib.
Qanuna əsasən, bu medalla minatəmizləmə fəaliyyətinin təşkili, təkmilləşdirilməsi, inkişafı və möhkəmləndirilməsi sahələrində xüsusi xidmətləri olan Azərbaycan Respublikasının vətəndaşları, əcnəbilər və vətəndaşlığı olmayan şəxslər təltif edilirlər.
Yubiley medalı döşün sol tərəfinə, digər orden və medallardan sonra taxılır.
“Azərbaycan Respublikası Minatəmizləmə Agentliyinin 25 illiyi (1998-2023)” yubiley medalı bürüncdən tökülmüş və qızıl suyuna çəkilmiş, dairəvi formalı, diametri 36 millimetr olan lövhədən ibarətdir.
4-08-2023, 16:22
XİN Başçısı gürcü həmkarı ilə telefon danışığı apardı


XİN Başçısı gürcü həmkarı ilə telefon danışığı apardı

Azərbaycan Respublikasının xarici işlər naziri Ceyhun Bayramov Gürcüstanın Raça dağlıq bölgəsində Şovi kurortunun yaxınlığında sel və torpaq sürüşməsi nəticəsində baş vermiş fəlakət ilə əlaqədar Gürcüstanın xarici işlər nazirinə zəng vurub.
XİN-dən verilən xəbərə görə, nazir bu ağır fəlakət zamanı həlak olanların ailələrinə və yaxınlarına, dost Gürcüstan hökuməti və xalqına dərin hüznlə başsağlığı verib, yaralananlara şəfa diləyib. Nazir itkin düşmüş şəxslərin tezliklə tapılacağına ümid bəslədiyini bildirib.
Nazir C.Bayramov Azərbaycanın hər zaman Gürcüstanın yanında olduğunu, xilasetmə tədbirləri və təbii fəlakətin fəsadlarının aradan qaldırılması istiqamətində hər bir yardım göstərməyə hazır olduğunu vurğulayıb.
Nazir İlya Darçiaşvili həmrəyliyə və göstərilən dəstəyə görə minnətdarlığını diqqətə çatdırıb.
4-08-2023, 15:51
Niger Fransa ilə hərbi sazişi pozdu


Niger Fransa ilə hərbi sazişi pozdu

Nigerdə hakimiyyəti ələ keçirən xunta Fransa ilə hərbi sazişdən çıxdığını və ölkənin Paris, Vaşinqton, Abuca və Lomedəki səfirlərinin səlahiyyətlərinin ləğv olunduğunu bildirib.
Avqustun 3-də qiyamçıları dəstəkləyən minlərlə fəal paytaxt Niameyin küçələrinə çıxaraq Fransa əleyhinə şüarlar səsləndirib. Nigerdə Fransanın France 24 telekanalının və RFI radiosunun yayımı da dayandırılıb.
Qiyamçılar konstitusiya qaydasının bərpa olunmasını tələb edən Qərbi Afrika Ölkələri İqtisadi Birliyinin (ECOWAS) hərbi müdaxiləsinə lazımi cavab verəcəkləri ilə hədələyib. Dünən axşam saatlarında Nigerı gələn qərbi afrikalı vasitəçilər xuntanın rəhbəri Abdurahman Çhiani ilə görüşmədən ölkəni tərk ediblər.
Nigerin vəzifədən kənarlaşdırılan prezidenti Məhəmməd Bazum isə hərbi çevrilişdən sonra verdiyi ilk bəyanatında “Vaqner” qruplaşmasının köməyi ilə mərkəzi Sahel regionunun tamamilə Rusiyanın təsir dairəsinə düşə biləcəyini deyib.
4-08-2023, 15:22
Zelenski Təhlükəsizlik Şurasının iclasını keçirdi


Zelenski Təhlükəsizlik Şurasının iclasını keçirdi

Avqustun 4-də Ukrayna Prezidenti Volodimir Zelenski Təhlükəsizlik Şurasının iclasını keçirib.
Bu barədə o, özünün "Telegram" kanalında paylaşım edib.
Zelenski bildirib ki, toplantıda xüsusi diqqət tələb edən bir çox məsələlər müzakirə olunub:
“Biz yüksək dəqiqlikli silahların istifadəsindən danışdıq. İndi detalları səsləndirməyin vaxtı deyil. Amma nəticələrdən razıyam”.
O qeyd edib ki, həmçinin “Taxıl sazişi”nin gələcək perspektivi müzakirə olunub: “Biz dünya qarşısında məsuliyyəti dərk edirik. Hərbi sənayenin inkişafı da diqqətimizdə oldu”.
İclasda nazirlər və generallar iştirak edib.
4-08-2023, 14:58
Yazıçı Varislə gənclərin görüşü keçirilib


Tanınmış yazıçı Varislə gənclərin görüşü keçirilib
Qarabağ müharibəsindən bəhs edən roman müzakirə edilib.
“Böyük Qayıdış” Gənclər Təşkilatının və Azərbaycan Nəşriyyatları Assosiasiyasının birgə təşkilatçılığı ilə “Libraff”da tanınmış yazıçı, Azərbaycan Ədəbiyyat Fondunun baş direktoru, Avrasiya Millətlər Assambleyasının həmsədri Varisin gənclərlə görüşü keçirilib. Görüş Heydər Əliyev Fondunun “Xocalıya ədalət!” kampaniyası çərçivəsində işıq üzü görən “Qırmızı ləçəklər” romanının müzakirəsi əsasında baş tutub. İki saat davam edən görüşdə iştirak edən gənclər bu dəyərli əsər haqqında müəllifin özündən məlumat alıb, fikir mübadiləsi aparıb və onları düşündürən suallara cavab tapıblar.
Azərbaycanın milli qəhrəmanı Əlif Hacıyevlə belarus gözəli Qalina Mankonun Belarusiyada başlayıb Xocalıda bitən müdhiş sevgi hekayəsindən bəhs edən, erməni vəhşiliklərini və Xocalı müdafiəçilərinin qəhrəmanlıqlarını tərənnüm eləyən bu roman oxucular tərəfindən çox sevilir. Məhz buna görə də əsərin ilk tirajı bitdikdən sonra təkrar nəşr edilərək kitabsevərlərin ixtiyarına verilib.
Görüşdə gənc ədiblər də iştirak ediblər, onlar yazıçıdan oxunaqlı yazı yazmağın sirlərini öyrəniblər. Tədbirdə, həmçinin təşkilatların gənc auditoriya ilə gördükləri işlərin önəmindən, kitab təbliğatına verdikləri dəyərdən bəhs edilib, onlara gələcək fəaliyyətlərində uğurlar, yazıçıya isə Azərbaycan həqiqətlərini yorulmadan dünyada təbliğ etməsi işində bol enerji və müvəffəqiyyətlər arzulanıb.
Sonda tədbirdə iştirak edən gənclərə müəllifin imzalı kitabları hədiyyə edilib və xatirə fotoları çəkilib.

Qeyd edək ki, “Böyük Qayıdış” Gənclər Təşkilatının və Azərbaycan Nəşriyyatları Assosiasiyasının birgə təşkilatçılığı ilə Qarabağ mövzusunda yazılmış əsərlərin müzakirəsi əsasında silsilə görüşlər həyata keçirilir. Bundan öncə “Dolu” romanının və “Bütün yollar Şuşaya aparır” əsərinin gənclərin iştirakı ilə müzakirəsi olub.
“Böyük Qayıdış” Gənclər Təşkilatının Mətbuat xidməti

4-08-2023, 14:48
Gürcüstanda matəm elan olundu


Gürcüstanda matəm elan olundu

Gürcüstanın Şovi kurortunda baş verən faciə ilə əlaqədar avqustun 7-si matəm günü elan edilib.
Bu barədə Baş nazir İrakli Qaribaşvili bildirib.
Qeyd edək ki, Şovidəki sürüşmə nəticəsində 7 nəfər ölüb. Torpaq altında qalan 30 nəfərin axtarışları davam edir.
İ.Qaribaşvili torpaq sürüşməsinin baş verdiyi Şovi kurortuna gedib. Uşaqlar da daxil olmaqla, 140 nəfər təxliyə edilib.
4-08-2023, 14:36
Azərbaycandan Gürcüstanda baş vermiş faciəylə bağlı paylaşım


Azərbaycandan Gürcüstanda baş vermiş faciəylə bağlı paylaşım

Azərbaycan Xarici İşlər Nazirliyi Gürcüstanın Şovi kurort zonasının yaxınlığında baş vermiş torpaq sürüşməsində həyatını itirənlərin yaxınlarına başsağlığı verib.
Bu barədə XİN-dən bildirilib.
“Ümid edirik ki, hələ də itkin düşən onlarla insan sağ-salamat tapılacaq. Biz Gürcüstan hökumətinin və xalqının yanındayıq”, - başsağlığında deyilir.
4-08-2023, 14:02
“Neftçi” – “Beşiktaş” oyununun hakimləri bəlli oldu


“Neftçi” – “Beşiktaş” oyununun hakimləri bəlli oldu

“Neftçi” – “Beşiktaş” oyununun hakimləri müəyyənləşib.
Konfrans Liqasının III təsnifat mərhələsinin ilk matçını isveçrəli hakimlər idarə edəcək.
Avqustun 10-da Bakıda baş tutacaq qarşılaşmada Lukas Fahndrix fit çalacaq. Ona Yonas Erni və Guillom Mayre kömək edəcək. Dördüncü hakim funksiyasını Lionel Çudi yerinə yetirəcək.
Qeyd edək ki, matç “Bakcell Arena”da keçiriləcək.

4-08-2023, 13:17
Ermənilərin 67%-dən çoxu Paşinyana etibar etmir


Ermənilərin 67%-dən çoxu Paşinyana etibar etmir

Ermənistan vətəndaşlarının 67%-dən çoxu ölkənin Baş naziri Nikol Paşinyana etibar etmir.
Bu, “GALLUP Beynəlxalq Assosiasiyası”nın keçirdiyi sorğunun nəticəsində məlum olub.
Təşkilatın Ermənistan nümayəndəliyinin direktoru Aram Navasardyan mətbuat konfransında deyib ki, Paşinyanın iyulun 25-i keçirdiyi mətbuat konfransını vətəndaşların 65%-i izləyib.
Respondentlərin 16,1%-i "Paşinyanın cavablarına etibar etmək olarmı" sualına müsbət cavab verib: “Belə ki, sorğu iştirakçılarının 14,5 faizi bu suala güman ki, etibar etdiklərini, 13,1 faizi etibar etmədiklərini, 54,4 faizi isə tamamilə etibar etmədiklərini bildiriblər. 1,8% isə cavab verməkdə çətinlik çəkib”.
Respondentlərin fikrincə, təhlükəsizlik məsələləri ölkədə ən ciddi problemdir.
4-08-2023, 13:05
Litva Belarusla sərhəddəki bir neçə keçid məntəqəsini bağlamağa hazırlaşır


Litva Belarusla sərhəddəki bir neçə keçid məntəqəsini bağlamağa hazırlaşır

Litva Belarusla sərhəddəki bir neçə keçid-buraxılış məntəqəsini bağlamağa hazırlaşır.
Bunu Litva seyminin (parlament) milli təhlükəsizlik və müdafiə komitəsinin sədri Laurinas Kasçyunas bildirib. Onun sözlərinə görə, bəzi məntəqələrin bağlanması zaman məsələsidir və bu, mütləq baş verəcək.
“Əgər vəziyyət pisləşərsə, onda sərhədin tam bağlanması barədə də qərar qəbul olunacaq”, - komitə sədri Litva milli televiziyası və radiosunun efirində belə deyib.
Avqustun 3-də Litva Prezidenti Gitanas Nauseda Belarusla sərhədin mühafizəsinin gücləndirildiyini və onu bağlamağa hazır olduqlarını bəyan edib. “Biz Belarusla sərhədi bağlamaq barədə düşünürük, lakin bunu Polşa və Latviya ilə razılaşdırmaq lazımdır", - deyə o bildirib.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Avqust 2023    »
BeÇaÇCaCŞB
 123456
78910111213
14151617181920
21222324252627
28293031 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!